تيانشان تورى   ›   جاڭالىقتار   ›   شينجياڭ حابارلارى

ەكپىندەي ىلگەرىلەۋدەمىز، ارمانعا قاراي تاعى دا اتتانايىق

− اۆتونوميالى رايوندىق ەكى ماجىلىستەن قيىقتار

شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي

  1 - ايداعى شينجياڭ، ىنتىماقتىڭ، جاراسىمدىلىقتىڭ، قايراتتانا العا ۇمتىلۋدىڭ دۋماندى كۇيى ىشىندە، اۆتونوميالى رايوندىق 13 - كەزەكتى حالىق قۇرىلتايىنىڭ 3 - ءماجىلىسى، اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ءماجىلىسى سالتاناتپەن وتكىزىلدى. قىسقى كۇن شۇعىلاسىندا ادامداردىڭ جۇزىنەن كۇلكى ەسىپ، جۇرەكتەرىندە جىلى اعىس اقتى.

  بيىل جاپپاي دوڭگەلەك داۋلەتتى قوعام ورناتىلاتىن جانە ”13 - بەسجىلدىق“ جوبا تابىسپەن اياقتالاتىن جىل. جاڭا بەتالىس - ورىن، جاڭا بورىش بيىلعى اۆتونوميالى رايوندىق 2 ماجىلىسكە جۇرت نازارىن ەرەكشە اۋدارتتى.

  بۇل دەموكراتيانى ساۋلەلەندىرگەن، مەملەكەت ءىسىن بىرگە اقىلداسقان جينالىس؛ بۇل ورتاق تانىمدى ۇيىستىرعان، ىنتىماقتى نىعايتقان جينالىس؛ جىگەردى تاسقىنداتقان، قايراتتانا ءىس تىندىرعان جينالىس بولدى. رەفورما مەن دامۋدى اقتارىلا اڭگىمەلەپ، حالىق تۇرمىسىن، حالىق جاعدايىن تىلگە الىپ، قوعامنىڭ ءجىتى قاداعالاپ وتىرعان ماسەلەلەرىنە جاۋاپ بەردى... ”ەكى ءماجىلىس ۋاقىتىندا“ رايونىمىز ۋاكىلدەرى، مۇشەلەرى حالىق اۋانى مەن ءۇمىتىن الا كەلىپ، كوكىرەك تولى سەنىم جانە قىزۋ ىنتامەن ءبىر جەردە باس قوستى.

  ءۇش ءىرى قامال الۋ شايقاسىن ويداعىداي جۇرگىزۋدەن ەكونوميكانىڭ جوعارى ساپالى دامۋىن ىلگەرىلەتۋگە، ساياحات ارقىلى شينجياڭدى گۇلدەندىرۋ ستراتەگياسىن جاپپاي اتقارۋدان جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتۋگە، ءتۇيىندى سالالارداعى رەفورمالاردى تەرەڭدەتۋدەن قوعامدىق ىستەردىڭ دامۋىن جەدەلدەتۋگە دەيىن... سوزدەرىندە ۋاكىلدەر، مۇشەلەر تەرەڭ سۇيىسپەنشىلىكپەن نازار اۋداردى. ولار ۇسىنىس قويىپ، تاماشا كەڭەستەر بەرىپ، اقىل - پاراساتتارىن ارناپ، ناقتى ءادىس - امالدار كورسەتىپ، قىستا ارمانعا قۇلاش سەرمەۋ جولىنداعى كوكتەم جىرىن اۋەلەتتى.

  دامۋ جوباسى جاسالدى، العا باسۋ دابىلى قاعىلدى. ارمان اسپانىندا جۇرت العا باسۋدى ويلاپ، بار تىرشىلىك جالىن اتتى. جۇڭحۋا ۇلتىنىڭ ۇلى گۇلدەنۋىنىڭ ”قوس 100 جىلدىعىنىڭ“ تاريحي توعىسۋ تۇيىنىندە بولاشاققا جەتۋ ءۇشىن تەك كۇرەس قاجەت.

  جەلكەن كوتەرىلىپ، قاناتتار جايىلدى. تابىستاردى ماڭداي تەرىمىزبەن سۋارىپ، ىسكەرلىكپەن نىق قادام تاستاپ، ۇلى ءداۋىردىڭ تاپسىرماسىن ورىنداپ، كوركەم بولاشاقتى بىرگە اشايىق!

1 - ايدىڭ 6 - كۇنى، اۆتونوميالى رايوندىق 13 - كەزەكتى حالىق قۇرىلتايىنىڭ 3 - ءماجىلىسى شينجياڭ حالىق سارايىندا اشىلدى. سۋرەتتە: ۋاكىلدەر ۇكىمەت قىزمەتىنەن باياندامانى تىڭداۋدا.

1 - ايدىڭ 6 - كۇنى، اۆتونوميالى رايوندىق 13 - كەزەكتى حالىق قۇرىلتايىنىڭ 3 - ءماجىلىسى شينجياڭ حالىق سارايىندا اشىلدى. سۋرەتتە: ”حالىق ۇلگىسى“ مەملەكەت داڭق اتاعىنىڭ يەگەرى، ۋاكىل بۇرماحان مولودو ءماجىلىس الاڭىنا كىرىپ كەلەدى.

1 - ايدىڭ 7 - كۇنى، ۇكىمەت قىزمەتىنەن باياندامانى گرۋپپالارعا ءبولىنىپ قاراۋدىڭ ارەدىگىندە، ۋاكىل جۇماتاي اۋباكىر (سولدان 3 - ) مال شارۋاشىلىق وڭىرلەرىندە ۇنەمى كەزدەسەتىن اۋرۋلارعا دياگنوز قويۋ جانە ەمدەۋ جونىندە ۋاكىلدەر جاتقان جەردەگى ەمحانانىڭ شيپاگەرلەرىنەن اقىل سۇراۋدا.

1 - ايدىڭ 7 - كۇنى، ۋاكىل رۋقيا ءماتسايدى (سولدان 3 - ) گرۋپپالار ءماجىلىسىنىڭ ارەدىگىندە، باسقا ۋاكىلدەرمەن ”ۇلتتار ىنتىماعىنىڭ بەرەكەلى شاڭىراعى“ قيمىلىن ىشكەرىلەي ورىستەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ قاتارلىلار جونىندە پىكىر اۋىستىرۋدا.

1 - ايدىڭ 7 - كۇنى، ۋاكىل ۋاڭ گۇيجىن (وڭنان 1 -) تىلشىلىكتى قابىلداعاندا، ەرىكتى قىزمەت وتەۋدىڭ وتە داڭقتى ءىس ەكەندىگىن، ءوزىنىڭ ونى بۇرىنعىداي جالعاستىرا بەرەتىندىگىن ءبىلدىردى.

1 - ايدىڭ 9 - كۇنى، اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ءماجىلىسىنىڭ جابىلۋ جيىنىنا قاتىناسقان مۇشەلەر ءماجىلىس الاڭىنان شىعىپ كەلەدى.

1 - ايدىڭ 6 - كۇنى، ساياسي كەڭەس مۇشەسى ايگۇل احمەتنياز (ورتادا) گرۋپپالار تالقىسىندا وقىتۋشىلاردى باۋلۋ سەرپىنىن اناعۇرلىم كۇشەيتىپ، نەگىزگى ساتىنىڭ وقۋ - اعارتۋ، وقىتۋ ساپاسىن ءوسىرۋ جونىندە ۇسىنىس قويدى.

1- ايدىڭ 7 - كۇنى، ساياسي كەڭەس مۇشەسى جين شان گرۋپپالار تالقىسىندا، ادۆوكات دارىندىلارىن باۋلۋدى كۇشەيتىپ، جاس ادۆوكاتتاردىڭ قىزمەت وتەۋ دەڭگەيىن جوعارىلاتۋ جونىندە ۇسىنىس بەردى.

1- ايدىڭ 6 - كۇنى، ساياسي كەڭەس مۇشەسى شيە ليلي (وڭنان 2 - ) گرۋپپالار تالقىسىنىڭ ارەدىگىندە مۇشەلەرمەن ۇكىمەت قىزمەتىنەن باياندامانى قىزۋ تالقىلاۋدا.

1 - ايدىڭ 6 - كۇنى، ساياسي كەڭەس مۇشەسى تان چىڭجۇن (وڭنان 1 - ) قونىس اۋدارعان ەگىنشى − مالشىلار قايتكەندە بايلىققا سۇيەنە وتىرىپ ساياحات كاسىبىن دامىتۋىنا، كىرىستى ارتتىرۋىنا بولادى جونىندە ۇسىنىس قويدى.

بۇل بەتتەگى سۋرەتتەردى شينجياڭ گازەتىنىڭ جالپىلىق اقپارات قۇرالدارى تىلشىلەرى لۋ مين - ي، سۇي جىجيان، شيە لۇڭ، زوۋ ي تۇسىرگەن

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.