تيانشان تورى   ›   جاڭالىقتار   ›   شينجياڭ حابارلارى

قوعام ورنىقتىلىعى مەن باياندى تىنىشتىق ءۇشىن قۋاتتى كۇش توپتادى

− شينجياڭنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتكەندىگىنە جالپى شولۋ

شينجياڭ گازەتىنىڭ تىلشىلەرى ءپاريزات ابدۇل، جاڭ جىلي، جاڭ تيڭ، شيا چيڭ

  جاسىل جەلەك جامىلعان جازدان جەمىس ماۋەلەگەن كۇزگە دەيىن، ونان اق قار جامىلعان قىسقا دەيىن، 8 ايعا تاياۋ، 200 كۇننەن استام ۋاقىتتا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، ورتالىقتىڭ 6 - جەتەكشىلىك ەتۋ گرۋپپاسىنىڭ، ورتالىقتىڭ 6 - ارالاپ قۋزاۋ - جەتەكشىلىك ەتۋ گرۋپپاسىنىڭ زەر سالا جەتەكشىلىك ەتۋىندە، شينجياڭ ۇيعۇر اۆتونوميالى رايونىنداعى ءار دارەجەلى پارتيا ۇيىمدارى 2 توپقا ءبولىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن تىڭعىلىقتى ورىستەتتى، قالىڭ پارتيا مۇشەلەرى، كادرلار اۋەلگى ماقساتتى، بورىشتى جۇرەكتەرىنە بەرىك ۇيالاتىپ، نازاريا ۇيرەنۋدە ناتيجە بولۋ، يدەيالىق ساياسي جاقتان سىننان ءوتۋ، ءىس تىندىرىپ، ناتيجە جاراتۋدا باتىلدىقپەن جاۋاپكەرشىلىك ارقالاۋ، حالىق ءۇشىن قىزمەت ەتىپ، قيىن ماسەلەلەردى شەشۋ، تۋراشىل، پاك بولۋدىڭ ونەگەسى بولۋ ناقتى نىساناسىن جۇزەگە اسىرۋ امالياتى بارىسىندا كۇشتى ساياسي جاۋاپكەرشىلىكپەن جانە حالىق ءۇشىن ىستەيتىن تەرەڭ ىنتا - ىقىلاسپەن رازى بولارلىق جاۋاپ تاپسىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن تاسقىنداعان كۇش - قۋات توپتادى.

بۇل ءبىر رەتكى جان دۇنيەگە توتە جەتكەن يدەيالىق سىننان ءوتۋ بولدى −

  2019 - جىلى 6 - ايدان بەرى بۇكىل رايونىمىزداعى ءبىر ميلليون 612 مىڭ پارتيا مۇشەسى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ىشكەرىلەي ورىستەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي ۇيرەنىپ، دايەكتىلەندىرىپ، تەرەڭ ۇيرەنىپ، ەگجەي - تەگجەيلى ءتۇسىنىپ، قاعيداسىن زەرتتەپ، تالداۋ جاساپ، تانىمدى، سەنىمدى، ارەكەتتى بىرلىككە كەلتىرۋ قابىلەتتەرىن جوعارىلاتتى.

بۇل ءبىر رەتكى پىشاقتىڭ ءدۇزىن ىشكە قاراتقان ءوز - وزىنە توڭكەرىس جاساۋ بولدى −

  قازىرگە دەيىن 2 توپتاعى نەگىزگى تاقىرىپتىق تاربيە ورىندارى ءتىزىپ شىققان 13 مىڭ 900 ارناۋلى رەتتەۋ - جونگە سالۋعا ساياتىن ناقتى ماسەلەنىڭ 13 مىڭ 300ى ورىندالىپ، ورىندالۋ مولشەرى %95.68كە جەتىپ، رەفورما، دامۋ، ورنىقتىلىق قىزمەتتەرىن ىلگەرىلەتتى.

بۇل ءبىر رەتكى ءىس تىندىرىپ، ناتيجە جاراتۋداعى جۇرەكتى مەيىرگە بولەۋ، كۇش توپتاۋ بولدى −

  ۇتىمدى دانەكەر مەن مەحانيزم، قالىڭ پارتيا مۇشەلەرىنىڭ، كادرلاردىڭ ءىس تىندىرۋداعى قىزۋ ىنتاسى مەن العا ىلگەرىلەۋ رۋحىن شىن مانىندە پارتيانىڭ قامىن ويلاۋدىڭ، وتان ءۇشىن ۇلەس قوسۋدىڭ، حالىقتى باقىتقا كەنەلتۋدىڭ قۋاتتى قوزعاۋشى كۇشىنە اينالدىردى.

شىنايى ۇيرەنىپ، شىنايى سەنىپ، نازاريامەن اۋەلگى ماقساتتى نارلەندىردى

  سەنىم نەگىزىن بەكەمدەپ، ءتۇبىردى ىزدەپ، نەگىزدى تابۋ بارىسىندا اۋەلگى ماقساتتى پىسىقتاپ، اۋەلگى ماقساتتى سەزىنىپ، اۋەلگى ماقساتتى امالياتتا ايگىلەدى.

  رۋحاني كالتسيدى تولىقتاپ، ۇيرەنۋ، وي جۇگىرتۋ، امالياتتا ايگىلەۋ، ءتۇسىنۋ بارىسىندا بورىش ارقالاپ، قاجىرلىلىقپەن العا ىلگەرىلەپ، ءورىس اشا العا تالپىندى.

  2019 - جىلى 5 - ايدىڭ 31 - كۇنى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى قىزمەتى ماجىلىسىندە باس شۋجي شي جينپيڭ بىلاي دەپ اتاپ كورسەتتى: ”بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، سونداي - اق پارتيامىزدىڭ بۇكىل ەلدە بيلىك جۇرگىزگەندىگىنىڭ 70 - جىلى، وسى كەزدە بۇل رەتكى نەگىزگى تاقىرىپتىق تاربيەنى ورىستەتۋ، ءدال ۋاعىندا بولدى“.

  باس شۋجيدىڭ ىقىلاستى ءتالىمى، شىنايى ءۇمىتى رايونىمىزداعى قالىڭ پارتيا مۇشەلەرىنە، كادرلارعا ۇلى كۇرەس جۇرگىزۋدە، ۇلى ينجەنەريانى اتقارۋدا، ۇلى ىستەردى ىلگەرىلەتۋدە، ۇلى ارماندى جۇزەگە اسىرۋدا، ءسوز جوق، سانالى ۇيرەنۋ، جوعارى ءونىمدى ۇيرەنۋ، ۇزدىكسىز ۇيرەنۋ قابىلەتىن كۇشەيتىپ، ۇيرەنۋ ارقىلى جەتىلىمدى كۇشەيتۋ، ساپانى جوعارىلاتۋ، بورىشتى اتقارۋ كەرەك ەكەندىگىن ىشكەرىلەي ءتۇسىندىردى.

  پامير ۇستىرتىنەن تارىم وزەنىنىڭ جاعالاۋىنا دەيىن، تۇرپان ويپاتىنان ىلە وزەنى اڭعارىنا دەيىن، ورگان - ورىنداردان الەۋمەتتىك اۋماقتارعا، اۋىل - قىستاقتارعا دەيىن، مەكتەپتەردەن، اسكەري لاگەردەن زاۆود، كەن، كاسىپورىندارعا دەيىن تيانشاننىڭ وڭتۇستىگى مەن سولتۇستىگىندە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدىڭ تەرەڭدەۋىن، كوڭىلگە ۇيالاۋىن، ناقتىلانۋىن ىلگەرىلەتۋدىڭ قىزۋ ورلەۋى كوتەرىلدى.

  اۆتونوميالى رايوندىق پارتكومنىڭ تۇراقتى مۇشەلەرى مەن ولكە دارەجەلى باسشى كادرلار باستاماشىلدىقپەن 7 كۇندىك توپتىق ۇيرەنۋ وتكىزىپ، الدىمەن ۇيرەندى، تەرەڭ ساتىدا ۇيرەندى. ءتۇپ نۇسقانى وقۋعا، اۋەلگى ءماتىندى ۇيرەنۋگە، قاعيداسىن يگەرۋگە تاباندى بولىپ، توپتىق ۇيرەنۋ مەن جەكە ۇيرەنۋدى ءوزارا ۇشتاستىرۋعا، نازاريالىق ۇيرەنۋ مەن امالياتتىق قيمىلدى ءوزارا ۇشتاستىرۋعا، ارناۋلى تاقىرىپتىق ءتۇسىندىرۋ مەن پىكىر اۋىستىرۋدى، تالقىلاۋدى ءوزارا ۇشتاستىرۋعا تاباندى بولىپ، ۇزدىك تيپتىك تاربيە مەن ساقتاندىرۋ تاربيەسىن ورىستەتىپ، توڭكەرىستىك ءداستۇرلى تاربيە مەن جاعداي ساياسات تاربيەسىن قابىلداپ، وزدەرىنىڭ قىزمەت ءىس جۇزىندىگىمەن بايلانىستىرىپ، پىكىر اۋىستىرىپ، زەرتتەۋ - تالقى ورىستەتىپ، اسەرلەرىن بايانداپ، تۇسىنىكتەرىن اڭگىمەلەپ، تانىمدارىن جوعارىلاتتى.

  بۇكىل رايونىمىزداعى اۋدان، باسقارما دارەجەلىدەن جوعارى ورىندار مەن نەگىزدەلىپ اتقاراتىن ورىنداردىڭ باسشىلىق القالارى تۇگەلدەي 7 كۇننەن كەم بولماعان توپتىق ۇيرەنۋ جۇرگىزدى. وسى نەگىزدە، پارتكومنىڭ (پارتيا باسشىلىق گرۋپپاسى) نازاريالىق ۇيرەنۋ وزەكتى گرۋپپالارى ءار ايدا، از دەگەندە، ءبىر رەت توپتىق پىكىر اۋىستىرۋ، زەرتتەۋ - تالقى وتكىزىپ، باس شۋجي شي جينپيڭنىڭ ەڭ جاڭا ماڭىزدى سوزدەرىن، ماڭىزدى ماقالالارىن ءجىتتي ىلەسىپ ۇيرەندى. اۆتونوميالى رايوندىق پارتكوم كەڭسەسى ”نازاريالىق وزەكتى گرۋپپاسىنىڭ شوعىرلى ۇيرەنۋى +گرۋپپالارعا ءبولىنىپ تالقىلاپ ۇيرەنۋ + جەكەنىڭ دەربەس ۇيرەنۋى+جينالىستا پىكىر اۋىستىرىپ ۇيرەنۋ“ ءتاسىلىن قولدانىپ، ۇيرەنۋدىڭ ناقتى ونىمدىلىگىن كۇشەيتتى؛ اۆتونوميالى رايوندىق پارتكومنىڭ ۇيىمداستىرۋ ءبولىمى بولىمدەگى، ورگانداعى پارتيا مۇشەلەرىن 12 ۇيرەنۋ گرۋپپاسىنا ءبولىپ، بەلگىلەنگەن كىتاپتاردى تۇتاستاي وقىدى، زەرتتەي وقىدى...

  2 - توپتاعى ورىندار باسشىلىق القاسىنىڭ توپتىق ۇيرەنۋى مەن ياچەيكا شۋجيلەرىنىڭ كۋرسى ۋاقىتىن قاباتتاستىرماي ورنالاستىرۋ، ءبىر القانىڭ توپتىق ۇيرەنۋىن كەزەڭگە ءبولىپ ورنالاستىرۋ، رايون، ايماق، اۋدان، اۋىل، قىستاق كوللەكتيۆ ۇيرەنۋىن كىرىستىرىپ ورنالاستىرۋ جۇرگىزىپ، نەگىزگى تاقىرىپتىق تاربيە مەن كۇندەلىكتى قىزمەتتىڭ ەكەۋىن دە قالدىرماۋدى، ەكەۋىن دە جەبەۋدى جۇزەگە اسىردى.

  رايونىمىز ءاربىر پارتيا مۇشەسىنە، ءسوزسىز، ۇيرەنۋگە ءتيىستى ماتەريال سەپتەپ، 3 اق تىستى كىتاپتى تاراتتى، سونىمەن بىرگە، مەملەكەتتە ءبىر تۇتاس قولدانىلاتىن ءتىل - جازۋدى وقۋ، جازۋ قابىلەتى تومەن از ۇلت پارتيا مۇشەلەرىنە از ۇلت تىلىندەگى ۇيرەنۋ ماتەريالىن سەپتەپ، اۋىل - قىستاق، الەۋمەتتىك اۋماق سياقتى نەگىزگى ساتىلارداعى پارتيا مۇشەلەرىن بىلۋگە ءتيىستى بىلىمدەردىڭ 3 ”جان قالتا كىتابىن“ سەپتەدى.

  نەگىزگى ساتىداعى پارتيا مۇشەلەرىنىڭ ۇيرەنۋ تاربيەسىن جاقسى ۇستاۋ جاعىندا پارتيا ياچەيكاسىن بىرلىك ەتۋگە تاباندى بولىپ، ”ەكىنى ۇيرەنۋ، بىردە تولىمدى بولۋ“ ۇيرەنۋ تاربيەسىن ۇدايىلاندىرۋدى، تۇزىمدەندىرۋدى ىشكەرىلەي ىلگەرىلەتۋمەن ۇشتاستىرىپ، ”ءۇش جيىن، ءبىر ساباق“، نەگىزگى تاقىرىپتىق پارتيا كۇنى سياقتىلاردى تايانىش ەتىپ، اپتاسىنا، از دەگەندە، جارىم كۇندىك پارتيا مۇشەلەرىنىڭ توپتىق ۇيرەنۋىن ۇيىمداستىردى. اۆتونوميالى رايوندىق پارتكومنىڭ ۇگىت ءبولىمى ”جاڭ فۋچيڭنەن، حۋاڭ ۋىنشيۋدەن نەنى ۇيرەنۋ، جاڭ فۋچيڭنەن، حۋاڭ ۋىنشيۋدەن ۇيرەنىپ نە ىستەۋدى“ توڭىرەكتەي وتىرىپ ياچەيكانىڭ نەگىزگى تاقىرىپتىق پارتيا كۇنى قيمىلىن ورىستەتتى؛ اۆتونوميالى رايوندىق پارتكوم ساياسي - زاڭ كوميتەتى بۇكىل رايونداعى ساياسي - زاڭ شەبىندەگى تاڭداۋلى قاھارمان ۇلگىلەردىك العاباسار ىزگى ىستەرىن «ۇلگىنىڭ كۇشى» اتتى كىتاپ ەتىپ قۇراستىرىپ باسىپ، ساياسي - زاڭ كادرلارىنىڭ ۇيرەنۋىنە تاراتىپ بەردى...

  ءار دارەجەلى پارتيا ۇيىمدارى ءىس جۇزىندىكتى شىعار ءتۇيىن ەتۋگە تاباندى بولىپ، دارەجەگە، تۇرگە ءبولىپ جەتەكشىلىك ەتۋدى كۇشەيتتى. التاي ايماعى 100 ”دومبىرا شاعىن اترەتىن“، 525 ”ۇيرەنۋگە كومەكتەسۋشىلەر“ قوسىنىن قۇرىپ، ۇيرەنۋ تاربيەسىن ”ەڭ الىستاعى ءبىر وتباسىنا دەيىن“ جەتكىزۋدى ىلگەرىلەتتى. سانجى حۇيزۋ اۆتونوميالى وبلىسى ءجۇرىس - تۇرىسى قولايسىز پارتيا مۇشەلەرىنىڭ ۇيىنە بارىپ ۇيرەنۋ جەتكىزىپ، جىلجىمالى پارتيا مۇشەلەرىنە كىرگەن جەرىندەگى پارتيا ۇيىمىن نەگىز، شىققان جەرىندەگى پارتيا ۇيىمىن قوسىمشا ەتىپ، ۇيرەنۋ جەتكىزۋ، ۇيرەنۋ ماتەريالىن جولداپ بەرۋدى ورىستەتتى. شينجياڭ مەديتسينا داشۋەسى ناقتى تۇراقتاندىرىلعان كۇندىك ۇيرەنۋ جوسپارى كەستەسىن ءتىزىپ، ياچەيكا شۋجيلەرى باستاماشىلدىقپەن ۇيرەنۋ، مامان، پروفەسسورلار ۇيرەنۋگە جەتەكشىلىك ەتۋ، ءپان تىرەكتىلەرى ۇيرەنۋ لەكسياسىن سويلەۋ، وقىتۋشى - وقۋشىلار جۇپ قۇراپ ۇيرەنۋگە ءوزارا كومەكتەسۋ سياقتى تاسىلدەردى قولدانىپ، ستۋدەنت پارتيا مۇشەلەرىنىڭ ۇيرەنۋ تاربيەسىن تەرەڭدەتتى.

  قالىڭ پارتيا مۇشەلەرىنىڭ سەنىمى ۇيرەنگەن سايىن نىعايىپ، ۇيرەنگەن سايىن كۇش - قۋاتى ارتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن اناعۇرلىم سانالى تۇردە بوي تۇزەپ ادام بولۋدىڭ، ءىس تىندىرىپ ناتيجە شىعارۋدىڭ يدەيالىق ماياگىنا، رۋحاني تىرەگىنە، عىلمي جەتەكشىلىگىنە جانە كۇش قاينارىنا اينالدىرىپ، ”ءتورت تانىم“دى ۇزدىكسىز كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىندادى.

شىنداپ كىرىسىپ، قيىن تۇيىندەردەن قامال الدى، رەتتەۋ - تۇزەتۋ حالىق سەنىمىنە يە بولدى

  بۇقارانى ۋايىمداتقان ىستەردى، بۇقارانى مازالاعان ىستەردى شىنايى شەشىپ، پىكىردى اشىق تىڭداپ، شىنايى كىرىسىپ، قيىن تۇيىندەردەن قامال الا تۇزەتىپ، ”ماسەلە ءتىزىمى“نىڭ ”قىزمەت وتەۋ ءتىزىمى“نە اينالۋىن ىلگەرىلەتتى.

ىشكەرىلەي تەكسەرۋدە ناقتى شارانى كوزدەدى −

  باس شۋجي شي جينپيڭ بىلاي دەپ اتاپ كورسەتتى: ”ءار دارەجەلى باسشىلىق القا مۇشەلەرى، اسىرەسە، نەگىزگى جاۋاپتى جولداستار باستاماشىلدىقپەن ۇيرەنىپ، زەرتتەپ، تەكسەرىپ، تۇزەتىپ، ’شەشۋشى ازشىلىق‘ ۇلگى كورسەتۋ ارقىلى ’باسىم كوپشىلىك‘تى باستاۋ كەرەك“. قوعام ورنىقتىلىعىن قورعاۋ، جوعارى ساپالى دامۋدى ىلگەرىلەتۋ، ءۇش ءىرى قامال الۋ شايقاسىن ويداعىداي جۇرگىزۋ، ۇلتتار ىنتىماعىن بەكەمدەۋ، دامىتۋ سياقتى 12 جاقتاعى تەكسەرۋ - زەرتتەۋ ءتۇيىنىن ارقاۋ ەتكەن رايونىمىزداعى ءار دارەجەلى پارتيالى باسشى كادرلار ءوز قىزمەتىن تياناق ەتىپ، تەكسەرۋ - زەرتتەۋ تاقىرىبىن شىعارىپ، ناقتى جوبا جاساپ، ماسەلەگە باعىتتاي وتىرىپ نەگىزگى ساتىعا ءتۇسىپ، ءبىرىنشى شەپكە بارىپ، قيىنشىلىعى زور، قايشىلىعى كوپ جەرلەرگە بارىپ، نەگىزى ءالسىز، دامۋى باياۋ جەرلەرگە بارىپ، وزدەرى ارالاسۋ بارىسىندا ولقىلىقتاردى سەزىنىپ، ناقتى كىرىسۋ بارىسىندا ولقىلىقتاردى باعامداپ، ”شەگە قاعۋ“ رۋحىمەن ولقىلىقتاردى ءدال تاپتى...

  ءار رەتكى تەكسەرۋ - زەرتتەۋدىڭ ارقاسىندا، بۇقارانى اسىقتىرعان، قيناعان، ۋايىمداتقان، كوكسەگەن ماسەلەلەرىن شەشىپ، ورنىقتىلىققا، دامۋعا ىقپال كورسەتكەن تالاي - تالاي قيىن تاقىرىپتاردى شەشۋدىڭ شاراسىن تاپتى. قالا - قالاشىقتارداعى قيىنشىلىعى بار بۇقارانىڭ جۇمىستانۋىن، قايتالاي جۇمىستانۋىن جۇزەگە اسىرۋ تاقىرىبىنا مەڭزەس، تارباعاتاي ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ىشكەرىلەي تەكسەرۋ - زەرتتەۋ جۇرگىزىپ، تالداۋ جاساپ، ”ءبىر وتباسى بايقالسا، ءبىر وتباسىن تۇراقتاندىرۋ، ءبىر وتباسىن سۇيەمەلدەۋ، ءبىر وتباسىن ورنىقتىرۋ“ ءادىسىن قولدانىپ، كوپ ارنا، كوپ تاسىلدەرمەن كومەكتەسىپ، 1680 ادامنىڭ تىڭنان جۇمىستانۋىن ىلگەرىلەتتى. شايار اۋداندىق جاراتىلىستىق بايلىق مەكەمەسى بۇقارانىڭ كوڭىل ءبولىپ وتىرعان جىلجىمايتىن مال - مۇلىكتى تىزىمگە الدىرۋدا ”كۋالىك ءبىتىرۋ قيىن بولۋ“ تاقىرىبىنا مەڭزەس، ”ءبىر ءنومىر، ءبىر تەرەزە، ءبىر رەتتە اداقتاۋ“ ءادىسىن جالپىلاستىرىپ، ”تەك ءبىر ەسىكتەن كىرۋ، ەڭ كوپ بولعاندا ءبىر رەت بارۋ“دى جۇزەگە اسىردى.

پىشاق ءدۇزىن ىشكە قاراتىپ، ولقىلىقتاردى تولىقتادى −

  جۇمىس ۇستىنە بارىپ احۋال ۇعىسۋ، اڭگىمە ءماجىلىسىن اشۋ، پىكىر ساندىعىن ورناتۋ، پىكىر الۋ كەستەسىن تاراتۋ، جەلىدە ىقپالداسۋ، ارىز - شاعىم قابىلداۋ... رايونىمىزداعى ءار دارەجەلى پارتيالى باسشى كادرلار ”ەكى ۋاكىل، ءبىر مۇشە“، نەگىزگى ساتىداعى پارتيا مۇشەلەرى، بۇقارا، ساقا كادرلار، مامان، وقىمىستى سياقتىلاردىڭ پىكىر - ۇسىنىسىن كەڭ كولەمدە تىڭداپ، ”ءبىرىنشى قول ماتەريال“دى جيناۋ، يگەرۋ ارقىلى ورىن تەپكەن ماسەلەلەردى سالالادى.

  ”نەگىزگى تاقىرىپتىق تاربيەدە قاداعالانعان ماسەلەلەردى ءتۇيىندى كورنەكتىلەندىرىپ، ءبىر رەت سالىستىرعاندا، ءبىر رەت ەسكەرتىپ، تۇزەتىپ، بەينە ايناعا قاراعانداي وزىندەگى پارىق پەن جەتەرسىزدىكتى شىنايى كورسەتتى“. ءار دارەجەلى پارتيا ۇيىمدارى باسشى كادرلار باستاماشىلدىقپەن قاداعالاۋ، جوعارى مەن تومەن بىرگە ارەكەتتەنىپ، ءوزارا قاداعالاۋ، ۇسىنىس بەرۋ ارناسىن اشىق ۇستاپ، جالپى بەتتىك قاداعالاۋ سياقتى تاسىلدەر ارقىلى ماسەلەنى ءدال تاۋىپ، ناقتى تاۋىپ، رەتتەۋ - تۇزەتۋدى تياناقتاندىرۋعا دالمە - ءدال نىسانا ازىرلەدى.

دەرەۋ ارەكەتتەنىپ، دەرەۋ تۇزەتىپ، حالىقتى ۋايىمنان ارىلتتى −

  ”تۇزەتۋ“ دەگەن ءبىر اۋىز ءسوز نەگىزگى تاقىرىپتىق تاربيەنىڭ باس - اياعىنا ساباقتاستى.

  رايونىمىز 1 - توپتاعى ورىندارعا 10 ارالاپ جەتەكشىلىك ەتۋ گرۋپپاسىن جىبەردى. 16 ارالاپ جەتەكشىلىك ەتۋ گرۋپپاسىن ۇيىمداستىرىپ، ايماق، وبلىس، قالالاردا تۇراقتاپ تۇرىپ، اۋدان، اۋىلدارعا بارىپ، ايماق، وبلىس، قالالارعا، جوعارى مەكتەپتەرگە ارالاپ جەتەكشىلىك ەتۋ جۇرگىزىپ، نەگىزگى تاقىرىپتىق تاربيەنىڭ ساپا وتكەلىن قاتاڭ ويداعىداي يگەرىپ، رەتتەۋ - تۇزەتۋدى تياناقتاندىرۋدى ويداعىداي يگەرۋگە قۋزاۋ سالىپ، جەتەكشىلىك ەتتى. 1 - توپتا نەگىزگى تاقىرىپتىق تاربيە بويىنشا رەتتەۋ - تۇزەتۋدى تياناقتاندىرۋعا قۋزاۋ سالىپ - جەتەكشلىك ەتەتىن 5 گرۋپپا قۇرىپ، ۇيرەنۋدىڭ، دايەكتىلەندىرۋدىڭ تەرەڭدەۋىن، ناقتىلانۋىن ءۇرتىس ىلگەرىلەتىپ، ارناۋلى رەتتەۋ - وڭاۋ جەتىستىكتەرىنىڭ بەكەمدەلۋىن، تەرەڭدەتىلۋىن ىلگەرىلەتتى.

  نەگىزگى تاقىرىپتىق تاربيە ورىستەتىلگەننەن بەرى، رايونىمىزداعى ءار دارەجەلى پارتيا ۇيىمدارى ماسەلەنى باعدار ەتۋدى كورنەكتىلەندىرىپ، ءبىر جاعىنان ۇيرەنىپ، ءبىر جاعىنان تۇزەتۋگە تاباندى بولىپ، تۇزەتۋگە بولاتىندارىن تاباندا تۇزەتتى، قازىرشە شەشۋگە كەلمەيتىندەرىن قاداعالاپ تۇزەتىپ، شەكتى ۋاقىتتا تۇزەتىپ، رەتتەۋ - تۇزەتۋدى ءۇرتىس ىلگەرىلەتتى.

  − ارناۋلى رەتتەپ - وڭاپ، ىشكەرىلەي رەتتەپ - تۇزەتتى. رايونىمىزداعى ءار دارەجەلى پارتكومدار (پارتيا باسشىلىق گرۋپپالارى) ورتالىق ورنالاستىرعان 8 جاقتاعى ارناۋلى رەتتەۋ - وڭاۋدى قاز - قالپىندا ويداعىداي يگەرۋ نەگىزىندە، اۆتونوميالى رايوندىق پارتكومنىڭ ورنالاستىرۋىنا ساي، شينجياڭنىڭ ءىس جۇزىندىگىنە ۇشتاستىرىپ، تاعى 2 تۇردەگى ارناۋلى رەتتەۋ - وڭاۋ جۇرگىزىپ، ارناۋلى قىزمەت القاسىن قۇرىپ، ارناۋلى جوبا جاساپ، نىسان بويىنشا ىلگەرىلەتۋدى اتقارىپ، ەسەپ داپتەرى ۇلگىسىندە باسقارىپ، رەتتەۋ - وڭاۋدىڭ تۇبەگەيلى جۇرگىزىلۋىنە، تۇزەتۋدىڭ تىڭعىلىقتى ىستەلۋىنە شىنايى كەپىلدىك ەتتى.

  اۆتونوميالى رايوندىق ءتارتىپ تەكسەرۋ، باقىلاۋ - تەكسەرۋ كوميتەتى حالىق تۇرمىسى سالاسىنا ساياتىن، بۇقارانىڭ اڭىسى كۇشتى كورنەكتى ماسەلەلەردى باستاماشىلدىقپەن كۇش سالا رەتتەپ - وڭاپ، حالىق تۇرمىسى سالاسىنداعى 10 ءتۇيىندى جونگە سالۋ مازمۇنىن ايقىنداپ، 23 مىندەت ءتىزىمىن شىعارىپ، رەتتەۋ - تۇزەتۋدىڭ تياناقتى بولۋىن مىقتى قاداعالاپ بوساڭسىمادى. اۆتونوميالى رايوندىق پارتكومنىڭ وقۋ - اعارتۋ قىزمەت كوميتەتى ماسەلەنى باعدار ەتۋدەن جازباي، ”جەتەرسىزدىكتەردى تەرەڭ تەكسەرىپ تابۋ، مۇقيات تۇردە تاباندا ارەكەتتەنۋ، تاباندا تۇزەتۋ“ ارناۋلى تاقىرىپتىق ءماجىلىسىن اشىپ، رەتتەۋ - تۇزەتۋدىڭ تياناقتانۋىن، ەگجەي - تەگجەيلى بولۋىن ىلگەرىلەتتى.

  اۆتونوميالى رايوندىق جاراتىلىستىق بايلىق مەڭگەرمەسى پارتيا باسشىلىق گرۋپپاسى جەر الۋ تولەمى، جىلجىمايتىن مال - مۇلىكتى تىزىمگە الدىرۋ قىزمەت وتەۋىندە ”كۋالىك ءبىتىرۋ باياۋ بولۋ“، ”كوپ سابىلۋ“، ”كەشەۋىلدەتۋ“ سياقتى ماسەلەلەردى شەشۋگە كۇش سالدى. ءۇرىمجى قالالىق جىلجىمايتىن مال - مۇلىكتى تىزىمگە الدىرۋ ورتالىعى ۋنيۆەرسال قابىلداۋ تەرەزەسىن 17دەن 29عا كوبەيتتى، كاسىپتىك جۇمىستى ءبىر جاقتى ەتۋ ۋاقىتىن 30 مينۋتتان 10 مينۋتقا جەتپەيتىن ۋاقىتقا قىسقارتتى.

  اۆتونوميالى رايوندىق حالىق ىستەرى مەڭگەرمەسى قۇتقارۋ - كومەكتەسۋ وبيەكتىن تۇراقتاندىرۋ دالمە - ءدال بولماۋ ماسەلەسىن ارقاۋ ەتىپ، حالىق ىستەرىنىڭ ۇلكەن ساندى مالىمەت رولىن تولىق ساۋلەلەندىرىپ، قاتىستى تاراۋلارمەن ينفورماتسيانى بىرگە ءبولىسۋ كەلىسىمىن جاساسىپ، شارتقا ەندىگارى ۇيلەسپەيتىن ەڭ تومەنگى تۇرمىسى قامتاماسىز ەتىلەتىن وبيەكتىلەردى تىزىمنەن شىعارۋدى يكەمدى رەتتەدى.

  اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى اۋىل - قىستاقتارداعى ارحيۆ تۇرعىزىلىپ، كارتچكالاندىرىلعان كەدەي وتباسىلارىنا بەيقۇت ءۇي سالۋ ينجەنەرياسى قۇرىلىسىن كۇش سالا ىلگەرىلەتىپ، بەيقۇت ءۇيدىڭ سالىنۋ، سالىنىپ ءبىتۋ سالىسترماسى تەڭ %100كە جەتكىزىپ، شينجياڭداعى كەدەي جان سانىنىڭ قاتەرلى ۇيلەردە تۇرۋ تاريحىن اياقتاتتى.

  بۇراتالا موڭعۇل اۆتونوميالى وبلىستىق پارتكوم ناقتى شارا، قاتاڭ شارا الىپ شىعىپ، نەگىزگى ساتى كادرلارىنىڭ جۇگىن جەڭىلدەتتى، وبلىستىڭ، اۋداننىڭ حۇجات تاراتۋى، ءماجىلىس اشۋى سايكەس مەزگىلدەگىدەن جەكە - جەكە %56.62، %64.45 ازايدى.

  تۇرپان قالاسى گاۋچاڭ رايونى لاۋچىڭ جولى ءمالىسى گۋاڭچاڭ الەۋمەتتىك اۋماعىنىڭ پارتيا ياچەيكاسى 150 كولىك توقتاتۋ ورنىن جاڭادان ارتتىردى، 2 تۇرعىندار اۋماعىنىڭ جەر بەتى، جەر استى سۋ قۇبىرى تورىن جوندەدى... تۇرعىندار اۋماعىنا كولىك توقتاتۋ، قۇبىر تورىن جوندەۋ، قورشاعان ورتانى رەتتەۋ - وڭاۋ، قوجالىق باسقارۋ، قوراجاي كۋالىگىن ءبىتىرۋ سىندى ”5 قيىن“ ماسەلەنى ۇيلەسىمدى شەشتى.

  ءبىر - بىردەن قاداعالاپ تۇزەتتى، تۇزەتۋدى تۇگەلدەي تىڭعىلىقتى ىستەدى، رايونىمىزداعى ءار دارەجەلى پارتيا ۇيىمدارى، ناقتى، شىنايى رەتتەۋ - تۇزەتۋ كولەمدى ارەكەتى، ميكرو ارەكەتى ارقىلى بۇقارانىڭ القاۋىنا بولەنىپ، ءار جاقتىڭ جاقسى باعاسىن الدى.

  − ”3+3+1“ ناقتى ءىسىن تىڭعىلىقتى ويداعىداي ىستەدى.

  باس شۋجي شي جينپيڭ بىلاي دەپ باسا دارىپتەدى: وسى رەتكى نەگىزگى تاقىرىپتىق تاربيەنى ورىستەتۋ قالىڭ پارتيا مۇشەلەرىن، كادرلاردى پارتيانىڭ تۇپكى باس ماقساتىن سانالى تۇردە امالياتتا ايگىلەپ، بۇقارانىڭ ەڭ كوڭىل بولگەن، ەڭ رەال مۇددە ماسەلەسىن كۇش سالا شەشۋگە ۇزدىكسىز تاربيەلەۋ، جەتەكتەۋ ءۇشىن بولىپ تابىلادى. اۆتونوميالى رايوندىق پارتكوم شينجياڭنىڭ قوعام ورنىقتىلىعى مەن باياندى تىنىشتىعىنىڭ ساياسي نەگىزىن بەكەمدەۋدى كوزدە ۇستاپ، نەگىزگى تاقىرىپتىق تاربيە كەزىندە ”3+3+1“ حالىق ءۇشىن ناقتى ءىس ىستەۋدى ويداعىداي اتقارۋعا كۇش سالىپ، ءار ۇلت بۇقاراسىنا نەگىزگى تاقىرىپتىق تاربيە الا كەلگەن جاڭا بەينەنى، جاڭا وزگەرىستى شىنايى سەزىندىرۋ جونىندە اشىق ۋادە بەردى. ءار دارەجەلى پارتيا ۇيىمدارى قوعامدىق كەلەلى جاعدايدىڭ ءۇرتىس ورنىقتىلىعىن باتىل، مىزعىماي قورعاپ، نيەتتەس، جۇرەكتەس، بىلەكتەس بولا وتىرىپ التى ءتۇرلى جۇرت تىلەگىن ۇيىستىرۋ، حالىقتى مەيىرگە بولەۋ ناقتى ءىسىن ويداعىداي اتقاردى.

  − تۋبەركۋلەز ناۋقاستارىن ەمدەپ ساۋىقتىرۋ ماسەلەسىن كۇش سالا شەشتى. تۋبەركۋلەز ناۋقاستارىنىڭ امبولاتوريادا دياگنوز اقىسىنىڭ %100ىن، اۋرۋحانادا جاتىپ ەمدەلۋىنىڭ %90ىن ەسەپتەن كوتەرۋ ساياساتىن اتقارىپ، تۋبەركۋلەز ناۋقاستارىن شوعىرلى تۇردە اۋاشالاپ ەمدەۋ مەن ۇيىندە ەمدەۋ، ساقتانۋ - ەمدەۋ ساياساتىن تياناقتاندىردى. قاشقار ايماعى 15 جاستان اسقانداردىڭ وكپە تۋبەركۋلەزى اۋرۋىن جاپپاي تەكسەرۋ، جاپپاي ەمدەۋ قىزمەتىن ورىستەتىپ، بىرەۋى بايقالسا بىرەۋىن ەمدەپ ساۋىقتىرۋعا شىنايى كەپىلدىك ەتتى. حوتان قالالىق وكپە تۋبەركۋلەز اۋرۋىن اۋاشالاپ ەمدەۋ تۇيىنىندە ءميناۋار روزىتوحتى بىلاي دەدى: ”بۇرىن بۇل اۋرۋدى تۇماۋ ەكەن دەپ ءجۇرىپپىن، بۇل ارادا ەمدەيتىن شيپاگەرلەر بار، تاماقتارى ءنارلى، قازىر دەنساۋلىعىم بارعان سايىن جاقسارىپ، نە ىستەسەم دە كۇش - قايراتىم تاسقىنداپ تۇراتىن بولدى“.

  − كەدەي حالىقتىڭ اۋىز سۋ حاۋىپسىزدىگى، تۇرعىن ءۇي حاۋىپسىزدىگى ماسەلەلەرى ولقىلىقتارىن كۇش سالا تولىقتىرىپ، قالعان اۋىر كەدەي حالىقتىڭ كەدەيلىكتەن ارىلۋى ماسەلەسىن كۇشتى شوعىرلاندىرا شەشتى.

  قازىرگە دەيىن 346 مىڭ ادامنىڭ اۋىز سۋ حاۋىپسىزدىگى ماسەلەسىن شەشىپ، ارحيۆ تۇرعىزىلىپ، كارتچكالاندىرىلعان حالىقتى قونىس جاڭالاپ، كەدەيلەردى سۇيەمەلدەۋ بويىنشا كوشىرۋ اياقتالىپ، بەيقۇت ۇيلەر تۇگەلدەي سالىنىپ بولدى. اۆتونوميالى رايوندىق كەدەيلەردى سۇيەمەلدەۋ كەڭسەسى 20 جەتەكشىلىك گرۋپپاسىن ۇيىمداستىرىپ اۆتونوميالى رايوندىق كەدەيلەردى سۇيەمەلدەۋ، وركەندەتۋ باسشىلىق گرۋپپاسىنا مۇشە ورىندارعا ورنالاستىرىپ، كەدەيلىكتەن ارىلتۋدان قامال الۋدىڭ قۇدىرەتتى كۇشىن قالىپتاستىرۋدى ىلگەرىلەتتى. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى كاسىپ سالاسى بويىنشا، جۇمىستاندىرۋ بويىنشا كەدەيلەردى سۇيەمەلدەۋدى بار كۇشپەن ىلگەرىلەتىپ، ورتالىق كاسىپورىندارىنىڭ كەدەي وڭىرلەردىڭ (شينجياڭ) كاسىپ سالاسىنا قارجى قوسۋ قورىن سايكەستى ۇيىمداستىرىپ جانە ويداعىداي پايدالانىپ، وڭتۇستىك شينجياڭ ءۇشىن 7500دەن استام جاڭا جۇمىس ورنىن ازىرلەدى.

  − اۋىل - قىستاقتاعى ارتىق ەڭبەككۇشتەردى باسقا سالاعا ويىستىرىپ جۇمىستاندىرۋدى كۇش سالا يگەردى. قالا - قالاشىققا، كاسىپورىندارعا، كاسىپ سالاسىنا ءبىر توبىن ويىستىرىپ جۇمىستاندىرۋ، شينجياڭ ىشىندە ءوڭىر اتتاتىپ ءبىر توبىن ويىستىرىپ جۇمىستاندىرۋ، ىشكى وڭىرلەردەگى شينجياڭعا كومەك بەرگەن ولكە، قالالارداعى كاسىپورىندارعا ءبىر توبىن ويىستىرىپ جۇمىستاندىرۋ ارقىلى باسقا سالاعا ويىستىرىپ جۇمىستاندىرۋ قىزمەتىن جان - جاقتىلى، كوپ ارنالى تۇردە ىلگەرىلەتىپ، 2 ميلليون 868 مىڭ ادام - رەتتەن باسقا سالاعا ويىستىرىپ جۇمىستاندىرۋدى ىلگەرىلەتىپ، تۇتاس جىلدىق نىسانانى اسىرىپ ورىندادى. قاراقاش اۋدانى قاراقاش قالاشىعى چورىقلا قىستاعىنىڭ ديقانى رايحانگۇل مامەتنياز بىلاي دەدى: ”اۋدان ۇيىمداستىرعان باسقا سالاعا ويىستىرىپ جۇمىستاندىرۋ بويىنشا شەبەرلىككە باۋلىنۋ ارقىلى مەن اۋدانداعى بالاباقشامەن توقتامعا قول قويىستىم، وسى جۇمىستى قاتتى ۇناتامىن“.

  − قيىنشىلىعى بار قاۋىمعا قول ۇشىن بەرۋ قىزمەتىن ويداعىداي ىستەپ، وتباسى سايىن، ادام سايىن جۇمىستانۋ، ەمدەلۋ، وقۋ، كەدەيلىكتەن ارىلۋ جانە ەڭبەككۇش جەتكىلىكسىزدىگى، اۋىز سۋ، ەلەكتردەن پايدالانۋ، اۋىل شارۋاشىلىعى ءوندىرىسى سياقتى قيىنشىلىقتار مەن ماسەلەلەردى ويداعىداي شەشۋگە كومەكتەستى. بۇكىل رايونداعى ءار دارەجەلى پارتيا مۇشەلەرى مەن كادرلار 2 ميلليون 930 مىڭنان استام - رەت وتباسىلارىنا قونىپ، بۇقارانىڭ قيىنشىلىقتارى مەن تىلەكتەرىن شەشىپ، ءبىر ميلليون 480 مىڭنان استام ناقتى ءىس، جاقسى ءىس ىستەدى.

  − ۇلتتار ىنتىماعى قىزمەتىن تىڭعىلىقتى تۇردە ويداعىداي ىستەدى. ۇلتتار ىنتىماعىنداعى العاباسار، ۇلگىلى اۋماق قۇرۋدى ىلگەرىلەتىپ، 2 ميلليون 750 مىڭنان استام - رەت ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ورىستەتتى. قاشقار قالاسى 40 شاعىن اۋماقتا ”جاقسى كورشى“ ۇلتتار ىنتىماعى الەۋمەتتىك اۋماق قىزمەت وتەۋى نىسانىن ورىستەتتى، وسى قالانىڭ دۇڭحۋ الەۋمەتتىك اۋماعى پارتيا باس ياچەيكاسىنىڭ شۋجيى ميىرنيسا مامەترەيىم بىلاي دەپ تانىستىردى: ”الەۋمەتتىك اۋماق اسپاز ونەرى جارىسى، قىزىقتى سپورت جينالىسى، تۋعان كۇن باس قوسۋى سياقتىلاردى ۇيىمداستىرۋ ارقىلى ءار ۇلت تۇرعىندارىنىڭ ارالاسۋىن، ىشتەسۋىن، توعىسۋىن جەبەدى“.

  − ساياحات كاسىبى سالاسىن زور كۇشپەن دامىتتى. جاڭا دامۋ ۇستانىمىن مۇقيات دايەكتىلەندىرىپ، نەگىزدىك قۇرىلعى قۇرىلىسىن كۇشەيتىپ، ساياحاتتىق قىزمەت وتەۋ ساپاسىن جوعارىلاتتى، بۇكىل رايوننىڭ ساياحاتشى قابىلداۋى تاريحي سيپاتتى 200 ميلليون ادام - رەتتەن اسىپ، 345 ميلليارد 265 ميلليون يۋان ساياحات كىرىسى جۇزەگە اسىرىلىپ، جەكە - جەكە سايكەس مەزگىلدەگىدەن %41.65، %40.38 ارتتى.

  ”شينجياڭ جاقسى جەر“ ساياحات ماركاسى بارعان سايىن شارىقتاپ، بارعان سايىن جۇرت جۇرەگىنە ۇيالادى. شينجياڭ داشۋەسى مەن جۇڭشان داشۋەسى شينجياڭنىڭ تاريحي مادەنيەتى مەن ساياحاتىن باياندى دامىتۋ اۆتونوميالى رايوندىق ءتۇيىندى تاجىريبەحاناسىن بىرگە قۇرىپ، شينجياڭ ساياحاتىنىڭ دامۋىنا مەدەت بەردى. ىلە قازاق اۆتونوميالى وبلىسى ساياحاتتىڭ قاۋىرت كەزىندەگى جاتىن ورىن قيىندىعى، ساياحاتتىڭ سايابىر كەزىندە ساياحاتشىلاردىڭ از بولۋى ماسەلەلەرىنە مەڭزەس، رەتتەۋ - تۇزەتۋ جوباسىن جاساپ، تۇتاس ماۋسىمدىق ساياحاتتىڭ دامۋىن ىلگەرىلەتتى.

  ”نەگىزگى تاقىرىپتىق تاربيە پارتيا مۇشەلەرى مەن كادرلاردى بىزگە اناعۇرلىم جاقىنداتا ءتۇستى، بۇرىنعىدان دا كوبىرەك حابارلاساتىن بولدى، كوپتەگەن كوزىمىزبەن كورىپ، قولىمىزبەن ۇستاي الاتىن جاقسى ىستەردى ىستەدى، كادرلار تاربيە قابىلدادى، بۇقارا جاقسىلىققا كەنەلدى، مۇنداي تاربيەنى كوبىرەك ۇيىمداستىرۋ ءتيىس...“ بۇقارانىڭ قاراپايىم سوزدەرى اۋەلگى ماقساتتىڭ تاستاي بەرىكتىگىن، بورىش ارقالاعانىمىزدى، حالىقتىڭ ۇنىنە جاۋاپ قايتارۋ كەرەكتىگىن دالەلدەدى.

قاعيدا، ءتارتىپ ورناتىپ، تابىستاردى بەكەمدەدى، تەرەڭدەتتى

  ءتۇزىم مەملەكەتتىڭ تاعانى، قوعامنىڭ قاعيداسى، جونگە سالۋدىڭ نەگىزى.

  باس شۋجي شي جينپيڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ تاقىرىپتىق تاربيەنى قورىتىندىلاۋ جينالىسىندا بىلاي دەپ اتاپ كورسەتتى: ”اۋەلگى ماقساتتى ۇمىتپاۋدا، بورىشتى ەستە بەرىك ساقتاۋدا، ءسوز جوق، پارتيانىڭ ىشكى ءتۇزىمىن كەمەلدەندىرىپ جانە دامىتىپ، باياندى مەحانيزم قالىپتاستىرۋ كەرەك“.

  نەگىزگى تاقىرىپتىق تاربيە ورىستەتىلگەننەن بەرى، رايونىمىز ”دەرەۋ تۇزەتۋ“مەن ”ۇزاق ورناتۋ“دى ۇشتاستىرۋعا دەن قويىپ، رەتتەۋ - تۇزەتۋ ونىمدىلىگىن بەكەمدەۋگە قۇلشىنا كۇش سالىپ، قاعيدا، ءتارتىپ ورناتۋ قىزمەتىن ناقتاپ ىستەدى. نەگىزگى تاقىرىپتىق تاربيەدەگى جاقسى تاجىريبە، جاقسى ادىستەردى ءتۇزىم فورماسىمەن ويداعىداي قولدانىپ، ويداعىداي تاباندى بولىپ، اۋەلگى ماقساتتى ۇمىتپاۋ، بورىشتى ەستە بەرىك ساقتاۋدىڭ باياندى مەحانيزمىن ورناتۋعا تاماشا نەگىز قالادى.

  سانجى وبلىسى نەگىزگى تاقىرىپتىق تاربيەنىڭ جالپى تۇلعالىق تالابىن مىقتى يگەرىپ، فورماشىلدىقتى، تورەشىلدىكتى تيۋدى ارقاۋ ەتىپ، ”بۇقارانىڭ توڭىرەگىندە قىزمەت وتەۋ“ ءتۇزىلىس مەحانيزمىن قاراستىرىپ، ”ءمالى تاپسىرىس شىعارۋ، تاراۋ تاپسىرىس قابىلداۋ“، ”قىستاق تۇرعىندارىنىڭ شارۋا ايتۋ كۇنى“ سياقتى باياندى مەحانيزمدى جالپىلاستىرىپ، فورماشىلدىقتى، تورەشىلدىكتى جونگە سالۋعا تاماشا رەتسەپ جازدى.

  قۇمىل قالاسى ”ءبىر ماسەلەنى شەشۋ، ءبىر ساڭلاۋدى بىتەۋ، ءبىر ءتۇزىمدى اقاۋسىزداندىرۋ“عا تاباندى بولىپ، ”نەگىزگى ساتىنىڭ اۋىرتپالىعىن جەڭىلدەتۋ جىلىنا قاتىستى التى ءتۇرلى قىزمەت مەحانيزمى“، ”قۇمىل قالاسىنىڭ بۇقارانىڭ قيىنشىلىعىنا ساياتىن بەس باسقىشتى تۇيىق اينالىمدى قىزمەت ءادىسى“ سياقتى تۇزىمدەردى شىعارىپ، رەتتەۋ - تۇزەتۋ ناتيجەلەرىنىڭ دەر كەزىندە تۇزىمدىك تابىسقا اينالۋىنا شىنايى كەپىلدىك ەتىپ، ماسەلەلەردىڭ كەرى تەبۋىنەن باتىل ساقتاندى جانە ونى تەجەدى.

  اۆتونوميالى رايوندىق پارتكومنىڭ ساياسات زەرتتەۋ كەڭسەسى (اۆتونوميالى رايوندىق پارتكوم رەفورما كەڭسەسى) نەگىزگى ساتىنىڭ اۋىرتپالىعىن جەڭىلدەتۋدى كوزدە ۇستاپ، ”ەڭ كوپ بولعاندا ءبىر رەت بارۋ“، ”نەگىزگى ساتىدا ءبىر عانا كەستە بولۋ“دى، قوعامدىق ۇيىمداردىڭ اۋىل - قىستاقتى جونگە سالۋعا قاتىناسۋىن، ءمالى باسقارماسىن، اۋىلدى باسقارۋ ءتۇزىلىسىنىڭ 4 ءتۇرلى ءتۇيىندى رەفورما نىسانىن يگەرىپ، مۇقيات تەكسەرۋ - زەرتتەۋ ورىستەتىپ، سىناق ءتۇيىنى قىزمەتىن بەلسەنە ىلگەرىلەتىپ، جەر - جەردى قىزمەتتەردى تياناقتاندىرۋدى مىقتى يگەرۋگە قۋزادى.

  تارباعاتاي ايماعى باسشى كادرلاردىڭ ”ناقتىلاندىرىپ تەكسەرۋ جۇيەسىن“ ورناتىپ، كادرلارعا يكەمدى باسقارۋ اتقاردى؛ جالاقىنى ارتتىرۋ مەحانيزمىن اقاۋسىزداندىرىپ، كەمەلدەندىرىپ، قىستاق كوللەكتيۆىنىڭ ەكونوميكالىق ونىمدىلىگىن دامىتۋ، زورايتۋعا قاتىستى سيلىق قورىن تاعايىنداپ، قىستاق كادرلارىنىڭ ءىس تىندىرىپ، ناتيجە شىعارۋ ىنتاسىن قاۋلاتتى.

  تاجىريبەلەردى، ادىستەردى قورىتىندىلاپ، ءتۇزىمدى اقاۋسىزداندىرىپ، كەمەلدەندىرىپ، رايونىمىزداعى جەر - جەر، ورىندار ءتۇزىمنىڭ جۇيەگە ءتۇسىرۋ جانە باستاماشىلدىق ەتۋ رولىن تولىق ساۋلەلەندىرىپ، ءتۇزىم ابزالدىلىعىن جونگە سالۋ ونىمدىلىگىنە اينالدىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ كۇيىنىڭ ۇدايىلانۋىن ىلگەرىلەتىپ، باياندى بولۋىنا شىنايى كەپىلدىك ەتتى.

  باس شۋجي شي جينپيڭ بىلاي دەپ اتاپ كورسەتتى: ”بۇكىل پارتيا وسى رەتكى نەگىزگى تاقىرىپتىق تاربيەنى جاڭا باستاما ەتىپ، پارتيانىڭ وزىنە توڭكەرىس جاساۋىن ۇزدىكسىز تەرەڭدەتىپ، بۇكىل پارتيانىڭ اۋەلگى ماقساتتى ۇمىتپاۋىن، بورىشتى ەستە بەرىك ساقتاۋىن ۇزدىكسىز ىلگەرىلەتۋ كەرەك“. رايونىمىزداعى قالىڭ پارتيالى كادرلار ءبىر نيەتپەن جۇمىلىپ، ۇزدىكسىز كۇش سالىپ، اۋەلگى ماقساتتى ۇمىتپاۋ، بورىشتى ەستە بەرىك ساقتاۋدى پارتيا قۇرىلىسىن كۇشەيتۋدەگى ماڭگىلىك ساباق جانە بارلىق پارتيا مۇشەلەرىنىڭ، كادرلارىنىڭ ومىرلىك ساباعى ەتىپ، نەگىزگى تاقىرىپتىق تاربيەنىڭ تابىستارىن بۇكىل رايونىمىزداعى جوعارى مەن تومەننىڭ ءىس تىندىرىپ، ناتيجە شىعارۋداعى قۇدىرەتتى قوزعاۋشى كۇشى مەن ناقتى ارەكەتىنە اينالدىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋ ءۇشىن، ءسوزسىز، قۇلشىنا كۇرەس جاسايدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى