تيانشان تورى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

تومەنگى مەكىت قىستاعى: شەبەرلىك ۇيرەنىپ، ءوزىن كەمەلدەندىرە تۇسۋگە كىرىستى، قىسقى ارەدىك قىسقى قاربالاستىققا وزگەردى

ءتىلشى جاڭ جىلي اقسۋ تىلشىلەر پۋنكتىنەن ليۋ حۇڭۋىن

  ”مەن ساباق كەستەسىنە قاراسام، ۇيرەنەتىن مازمۇندارىمىزدىڭ بارلىعى قىزمەت بارىسىندا يگەرۋگە ءتيىستى بىلىمدەر مەن شەبەرلىكتەر ەكەن، ءۇيىمىزدىڭ ماڭىنان مۇنداي باۋلۋعا قاتىناسۋ شىنىندا وتە جاقسى بولدى“، - دەدى 1 - ايدىڭ 9 - كۇنى ءۇشتۇرپان اۋدانى العا قالاشىعى تومەنگى مەكىت قىستاعى قىستاق گرۋپپاسى كادرلارىنىڭ قابىلەتىن جوعارىلاتۋ باۋلۋ كۋرسىندا وسى قىستاقتىڭ 4 - قىستاق تۇرعىندارى شاعىن گرۋپپاسىنىڭ باستىعى امانگۇل توحتى قۋانىشپەن.

  امانگۇلدىڭ قولىنداعى بۇل ساباق كەستەسىندە ءار كۇنگى باۋلۋدىڭ مازمۇندارى ەگجەي - تەگجەيلى ورنالاستىرىلعان. ول بۇرىن قىستاقتا ايەلدەر بىرلەستىگىندە قىزمەت ىستەگەن، 2019 - جىلى 4 - ايدا قىستاق تۇرعىندارى شاعىن گرۋپپاسىنىڭ باستىعى بولعاننان كەيىن، شاعىن گرۋپپاداعى 74 وتباسىنداعى 300دەن استام قىستاق تۇرعىننىڭ كىرىستەرىن ارتتىرىپ، بايۋدىڭ ۇلگىسى بولۋ ءۇشىن ول، ءسوزسىز، ءوزىن ۇزدىكسىز كەمەلدەندىرە ءتۇسىپ، بۇقاراعا قىزمەت ەتۋدىڭ جالپىلىق ورەسىن ءوسىرۋى كەرەك ەكەنىن سەزىنەدى.

  ساباق كەستەسى مەن جاڭا تاراتىلعان ەستەلىك داپتەرىن الىپ امانگۇل ۇيىنە قايتقان سوڭ كۇيەۋى اقنياز تايىرقۇلعا ”قازىر مەن كەدەيلىكتەن ارىلتۋدان قامال الۋدىڭ ساياساتىن ۇگىتتەۋ، حالىق ىستەرى ساياساتىن ءتۇسىندىرۋ، قوعامدىق قامتاماسىز ەتۋ بىلىمدەرى سياقتى ساباقتاردى ۇيرەنىپ جاتىرمىن، سەن ساڭىراقۇلاق ەگۋ تەحنيكاسىن ۇيرەن، ەكەۋىمىز باسەكەلەسىپ كورەلىك، قايسىسىمىز جاقسى ۇيرەنەدى ەكەنبىز“، - دەدى.

  ”جارايدى! ايتەۋ، قىستا ەگىس جۇمىستارى از، مەن ءار كۇنى ۇيىمىزدەگى 4 سيىرعا جەم - ءشوپ بەرىپ بولعاننان سوڭ، قىستاقتاعى قارا ساڭىراۋقۇلاق كاسىبىن جەتىلدىرۋ باقشاسىنا بارىپ ساباق تىڭدايمىن“. اقنياز بىلاي دەدى:” بيىل كىرىستى ارتتىراتىن شەبەرلىكتەن بىرەۋىن ارتىق ۇيرەنسەم، وتباسىمىزدىڭ كىرىسى بىلتىرعىدان جوعارى بولاتىنى داۋسىز“.

  بۇرىندارى، كەيبىر قىستاق تۇرعىندارى ءار كۇنى قولى بوستىقتان قىدىرىپ جۇرەتىن بولسا، ال بۇل كۇندەرى بىلەك سىبانا جۇمىس ىستەيتىن بولدى. ءتىلشى تومەنگى مەكىت قىستاعىنىڭ كوشەلەرىنەن بوس جۇرگەن ەشكىمدى كەزدەستىرگەن جوق. قىستاقتىڭ كىرە بەرىسىندەگى جۇمستانۋ بازارىنىڭ بۇرىشىنداعى ءبىر ۇلكەن ساباقحانانىڭ الدىنا كەلگەندە، ءىش جاقتان كوتەرىلگەن كۇلكى ءۇنىن ەستىدى. ءتىلشى ەسىك قاعىپ ىشكە كىرگەندە، ءبىر توپ جاستاردىڭ ۇستەلدى اينالا جينالىپ الىپ داستارقان دايارلاۋعا ماشىقتانىپ جاتقانىن كوردى، ءاسىلى، بۇل اسحانادا (قوناقجاي) قىزمەت وتەۋ بويىنشا كاسىپتىك شەبەرلىككە باۋلۋ كۋرسى ەكەن.

  ءۇشتۇرپان اۋدانى كاسىپتىك - تەحنيكالىق مەكتەبىنىڭ مۇعالىمى لۇڭ شيۋحۋا، ءبىر جاعىنان، سۇيەك - ساياق تالەڭكەسى، دامدەندىرگىش تالەڭكەسى، ساقپى قوندىرعىسى، اراق رۋمكاسى، سۋسىن ستاكانى سياقتى ىدىس - اياقتاردى قويۋدان ۇلگى كورسەتسە، ەندى ءبىر جاعىنان، تاربيەلەنۋشىلەرگە سۇراۋ قويادى. قارا دوسكاعا اس ۇستەلىندەگى ستاكانعا جانە تاباققا اسەمدەپ قويىلاتىن شىت گۇلدەردىڭ تۇرلەرى ءارى اسحانا مەن قوناق بولمەسىنە قىزمەت وتەۋدە قولدانىلاتىن ادەپ - يبا سوزدەرى جازىلعان.

  ساباق كەستەسىندە ”جايما تاباقتان پايدالانۋ ادىستەرى“، ”اس ورامالدان گۇل بۇكتەۋ“ سياقتى ساباقتار بار ەكەن، قىستاق تۇرعىنى اينۇرام ياسىن تىلشىگە بۇل رەتكى باۋلۋدان تابىسىنىڭ كوپ ەكەندىگىن، ءبىر كاسىپتەنۋ قابىلەتىن يگەرىپ قالماستان، ءۇيىن دە تازا دا رەتتى ۇستايتىندىعىن ايتتى.

  باۋلۋ كۋرسىندا تاعى دا 3 ەر تاربيەلەنۋشى بار ەكەن، ولار قىستاقتا جاڭادان قۇرىلعان حالىقتىق تۇسەلحانا ەكولوگيالىق باقشاسىندا قىزمەت ىستەيدى ەكەن. قىستاق تۇرعىنى تۇرعىن قۇربان تىلشىگە: ”مەن ەكولوگيا باقشاسىندا رەمونت جۇمىسشىسىمىن، ءبىر ايدا 3000 يۋان تابا الامىن. اسحانادا قىزمەت وتەۋ شەبەرلىگىن يگەرگەننەن كەيىن، ساياحاتتىڭ قاۋىرت مەزگىلىندە قوسىمشا جۇمىس ىستەيمىن، قانشالىق كوپ جۇمىس ىستەسەڭ، اقشانى سولعۇرلىم كوپ تاباسىڭ“ دەدى.

  ەلەكترمەن دانەكەرلەۋ كۋرسى، قولونەر بۇيىمدارىن جاساۋ كۋرسى... تومەنگى مەكىت قىستاعىندا ءاربىر جاس تۇگەلدەي ءوزىنىڭ ساباق ۇيرەنۋ اياق الىسىنا ىلەسە، از - ازدان ءبىلىم مەن شەبەرلىك توپتاپ، نىق قاداممەن كەدەيلىكتەن ارىلىپ، بايۋدىڭ سارا جولىنا تۇسۋدە.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى