تيانشان تورى   ›   ۇيرەنۋ   ›   شولۋ

قۇدىرەتتى ساياسي پارتيا وزىنە توڭكەرىس جاساۋ بارىسىندا شىڭدالىپ شىققان

− باس شۋجي شي جينپيڭنىڭ نەگىزگى تاقىرىپتىق تاربيەنى قورىتىندىلاۋ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ تۋرالى

حالىق گازەتىنىڭ شولۋشىسى

  نەعۇرلىم ۇزاق ۋاقىت بيلىك جۇرگىزگەن سايىن، ماركستىك ساياسي پارتيانىڭ وزىنە ءتان قاسيەتىن سولعۇرلىم جوعالتۋعا بولمايدى، پارتيانىڭ اۋەلگى ماقساتىن، بورىشىن سولعۇرلىم ۇمىتۋعا بولمايدى، وزىنە توڭكەرىس جاساۋ رۋحىنان سولعۇرلىم ايرىلىپ قالۋعا بولمايدى.

  ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىندا، باس شۋجي شي جينپيڭ جاڭا داۋىردەگى پارتيا قۇرىلىسىن كوزدە ۇستاپ، ”اۋەلگى ماقساتتى ۇمىتپاۋدا، بورىشتى ەستە بەرىك ساقتاۋدا، ءسوز جوق، ماسەلەگە دۇرىس قاراۋ باتىلدىعى مەن پىشاق ءدۇزىن ىشكە قاراتۋداي سانالىلىق ارقىلى پارتيانىڭ وزىنە توڭكەرىس جاساۋىن ۇزدىكسىز ىلگەرىلەتۋ كەرەك“ دەگەن تالاپتى ايقىن العا قويىپ، بۇكىل پارتياداعى جولداستاردى اۋەلگى ماقسات پەن بورىشقا قايشى كەلەتىن ءتۇرلى ماسەلەنى وزىنە تۇبەگەيلى توڭكەرىس جاساۋ رۋحىمەن شەشۋدى، جاڭا داۋىردەگى پارتيانىڭ تاريحي بورىشىن جۇزەگە اسىرۋ ءۇشىن اناعۇرلىم سانالى تۇردە قاجىماي - تالماي كۇرەس جۇرگىزۋدى ونان ارى ەسكەرتتى جانە قۋزاۋ سالدى.

  قۇدىرەتتى ساياسي پارتيا وزىنە توڭكەرىس جاساۋ بارىسىندا شىڭدالىپ شىققان. وزىنە توڭكەرىس جاساۋعا باتىل بولۋ، پارتيانى قاتاڭ باسقارۋ، قاتاڭ جونگە سالۋ − پارتيامىزدىڭ ەڭ ايقىن قاسيەتى. پارتيا تاريحىنا قايىرىلا قاراساق، پارتيامىزدىڭ قاشاندا قوعامدىق توڭكەرىستى ىلگەرىلەتۋمەن بىرگە، وزىنە توڭكەرىس جاساۋدى باتىلدىقپەن ىلگەرىلەتىپ، باستان - اياق اقيقاتتان جازباي، قاتەلىكتى تۇزەتىپ، ماسەلەگە دۇرىس قاراۋعا، كەمشىلىكتى جەڭۋگە باتىل بولىپ، سۇيەكتى قىرىپ ۋىتتى ايداۋعا، ءىرىڭدى ارشىپ ەتتى جەتىلدىرۋگە باتىل بولعاندىعىن كورۋگە بولادى. پارتيامىز باستان - اياق وسىلاي ىستەۋگە تاباندى بولعاندىقتان دا، قيىن - قىستاۋ قاتەرلى ساتتەردە جول تاۋىپ، اعاتتىقتان كەيىن بىلىقپالىقتى وڭاپ، ماڭگى قۇلامايتىن، جەڭىلمەيتىن ماركستىك ساياسي پارتياعا اينالا الدى. تاريح مىنانى تەرەڭ اڭعارتتى: جۇڭگو كوممۋنيستىك پارتياسىنىڭ ۇلىلىعى قاتەلىك وتكىزبەۋىندە ەمەس، قايتا سىرقاتىن جاسىرىپ، ايىبىن بۇركەمەلەمەي، باتىلدىقپەن ماسەلەگە بەتپە - بەت كەلىپ، باتىلدىقپەن وزىنە توڭكەرىس جاساپ، ەرەكشە كۇشتى ءوزىن قالپىنا كەلتىرۋ قابىلەتىنە يە بولۋىندا.

  پارتيانىڭ 18 - قۇرىلتايىنان بەرى پارتيانى جاپپاي قاتاڭ جونگە سالۋ ونىمدىلىگىنىڭ كورنەكتى بولعاندىعىنا بۇكىل ەل حالقى جوعارى باعا بەردى. وسى رەت بۇكىل پارتيادا ورىستەتىلگەن نەگىزگى تاقىرىپتىق تاربيە مەجەلى نىساناعا جەتتى، كەلەلى جەتىستىككە قول جەتكىزدى. الايدا، مىنالاردى دا كورە ءبىلۋىمىز كەرەك: پارتيانىڭ وزىنە توڭكەرىس جاساۋىندا مىندەت اۋىر، جول الىس، استە توقتاۋ، دامىلداۋ ويىندا بولۋعا بولمايدى.

  كەزەكتە از سانداعى پارتيا مۇشەلەرىنىڭ، كادرلاردىڭ وزىنە توڭكەرىس جاساۋ رۋحى سولعىندادى، قازىرگى كۇيىن قاناعات تۇتتى، ەپتەپ - سەپتەپ كۇن وتكىزدى؛ كەيبىرەۋلەرىنىڭ ماسەلەنى قاداعالاۋ قابىلەتى تومەندەدى، ءوز باسىنىڭ عانا قامىن جەدى، سىرقاتىن جاسىرىپ، ايىبىن بۇركەمەلەدى؛ كەيبىرەۋلەرىنىڭ سىن ايتۋ قابىلەتى السىرەدى، ءوز باسىن عانا قورعادى، قۇلاقسىز كەرەڭ، ءتىلسىز ساقاۋ بولىپ الدى؛ كەيبىرەۋلەر اسپا - توكتىككە سالىنىپ، شىرىكتەسىپ، ءتارتىپتى كوزگە ىلمەدى، ءتىپتى قاسارىسىپ تارتىپكە قايشىلىق جاسادى، پارتيانىڭ تارتىبىنە جانە ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساۋ ماسەلەسى تالاي رەت تيداۋ سالىنسا دا تيىلمادى. بۇرىنعىلار:”جەر - جاھاندا ادال نيەتىن ساقتاۋدان قيىن نارسە جوق، ەڭ وڭايى ءناپسىنىڭ، دامەنىڭ سوڭىنان كەتۋ“ دەگەن بولاتىن. ”كوڭىلدە بوتەن وي“ تۋىلا قالسا، وزىنە توڭكەرىس جاساۋ ەرىك - جىگەرى السىرەيدى، اۋەلگى ماقساتقا قايشى كەلىپ، بورىشتى ۇمىتادى، ءتارتىپتىڭ تومەنگى شەگىن بۇزادى، ءتىپتى زاڭعا قايشى قىلمىس وتكىزەدى. جاڭا داۋىردە پارتيانىڭ وزىنە توڭكەرىس جاساۋىن ىشكەرىلەي ىلگەرىلەتىپ، اۋەلگى ماقسات پەن بورىشقا قايشى كەلەتىن ءتۇرلى ماسەلەنى شىنايى شەشىپ، پارتيانىڭ العاباسارلىعىن السىرەتەتىن، پارتيانىڭ كىرشىكسىزدىگىنە كىر كەلتىرەتىن بارلىق فاكتوردى باتىل الاستاعاندا عانا، پارتيانى باستان - اياق ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، باتىلدىقپەن وزىنە توڭكەرىس جاسايتىن، ءتۇرلى حاۋىپ - قاتەرلەردىڭ سىناعىنان سۇرىنبەي وتەتىن، جالىندى ماركستىك ساياسي پارتيا ەتىپ قۇرىپ شىعۋعا بولادى.

  اۋەلگى ماقساتتى ايتۋ وڭاي، باستان - اياق اينىماۋ قيىن. بۇكىل پارتياداعى جولداستار باس شۋجي شي جينپيڭنىڭ العا قويعان ايقىن تالابى بويىنشا، ءسوز جوق، وسكەلەڭ توڭكەرىستىك مۇرات پەن قاۋلاعان توڭكەرىستىك كۇرەس ەركىن باستان - اياق ساقتاپ، سىن جانە ءوز - وزىنە سىن ايتۋ سىندى وسى وتكىر قارۋدان ويداعىداي پايدالانىپ، ستيلدى دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى تىنباي ويداعىداي يگەرىپ، ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن جاڭالاۋ، ءوزىن جوعارىلاتۋ قابىلەتىن ۇزدىكسىز كۇشەيتىپ، پارتيانىڭ ىرگەسىن شايقالتۋى، پارتيا ىستەرىنە كەسە - كولدەنەڭ بولۋى مۇمكىن قۇبىلىس اتاۋلىمەن باتىل كۇرەس جۇرگىزىپ، پارتيانىڭ تۇلعاسىنا جۇققان بارلىق لات نارسەلەردى تازارتىپ، پارتيامىزدى اناعۇرلىم پارمەندى، تەبىندى ەتىپ قۇرىپ شىعۋ كەرەك.

  باتىلدىقپەن ماسەلەگە بەتپە - بەت كەلۋ، جۇرەكتىلىكپەن قاتەلىكتى تۇزەتۋ پارتيامىزدىڭ ايقىن ەرەكشەلىگى جانە باسىمدىعى. جاڭا ساپاردا باستان - اياق اۋەلگى ماقساتتى، بورىشتى ەستە بەرىك ساقتاپ، وزىنە توڭكەرىس جاساۋدى ۇزدىكسىز ىلگەرىلەتەتىن بولساق، ءبىز ءسوز جوق، ۇزدىكسىز تۇردە پارتيانىڭ يدەياسىن كىرشىكسىزدەندىرىپ، پارتيانىڭ ۇيىمىن كىرشىكسىزدەندىرىپ، پارتيانىڭ ستيلىن كىرشىكسىزدەندىرىپ، پارتيانىڭ تۇلعاسىن كىرشىكسىزدەندىرىپ، پارتيانىڭ حالىققا باسشىلىق ەتىپ ۇلى قوعامدىق توڭكەرىستى ىلگەرىلەتۋ بارىسىندا جاڭا دا اناعۇرلىم زور كەرەمەتتەردى جاراتا الامىز.

(شينحۋا اگەنتتىگىنىڭ 1 - ايدىڭ 11 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.