تيانشان تورى   ›   جاڭالىقتار   ›   ەل ءىشى حابارى

پارتيامىزدىڭ قاۋلاعان ومىرشەڭدىك كۇشى مەن قۋاتتى جاۋىنگەرلىك كۇشىن ماڭگى ساقتاۋىنا شىنايى كەپىلدىك ەتەيىك

− باس شۋجي شي جينپيڭنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىنداعى ماڭىزدى ءسوزى قايراتتى تاسقىنداتىپ، كۇرەس جىگەرىن قاۋلاتتى

شينحۋا اگەنتتىگىنىڭ ءتىلشىسى

  باس شۋجي شي جينپيڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىندا سويلەگەن ماڭىزدى سوزىندە بۇكىل پارتيانىڭ اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى ۇزدىكسىز ىلگەرىلەتۋ جونىندە جان - جاقتى ورنالاستىرۋ جاساپ، 6 جاقتان ايقىن تالاپ قويدى. سوڭعى كۇندەرى، قالىڭ پارتيا مۇشەلەرى مەن كادرلار مۇقيات ۇيرەنىپ، وي جۇگىرتىپ، نازاردى قايتكەندە اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى پارتيا قۇرىلىسىن كۇشەيتۋدىڭ ماڭگىلىك تاقىرىبى جانە وزدەرىنىڭ ومىرلىك تاقىرىبى ەتىپ، ءىس جۇزىندىك ارەكەت ارقىلى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتىپ، پارتيامىزدىڭ قاۋلاعان ومىرشەڭدىك كۇشى مەن قۋاتتى جاۋىنگەرلىك كۇشىن ماڭگى ساقتاۋىنا شىنايى كەپىلدىك ەتۋگە بولادى دەگەنگە شوعىرلاندىردى.

قاي - قاشان دا اۋەلگى ماقساتقا بەرىك بولىپ، بورىشتى ارقالايمىز

  وتكەندەگى توڭكەرىستىك بايىرعى رايون قازىر اقىل - پاراسات باقشا رايونى بولدى. شاندۇڭ ولكەسى لين - ي قالاسى لانشان رايونىنداعى حالىقارالىق قۇرلىق پورت اقىل - پاراسات زات اينالىمى باقشاسىنىڭ 1 - مەرزىمدىك قۇرىلىسى جۋىقتا عانا سالىنىپ ىسكە قوسىلعاننان كەيىن، وسى زامان زات اينالىمىنا جەدەل قادام تاستادى.

  ”باس شۋجي شي جينپيڭ ايتقانداي، پارتيامىزدىڭ 100 جىلعا جۋىق ۋاقىتتان بەرى ىستەگەن بارلىق قۇلشىنىسى، جۇرگىزگەن بارلىق كۇرەسى، بەرگەن بارلىق بوداۋى تۇگەلدەي حالىقتىڭ باقىتى جانە ۇلتتىڭ گۇلدەنۋى ءۇشىن بولدى. بايىرعى رايونداعى حالىقتىڭ تاماشا تۇرمىس كەشىرىپ، جاپپاي دوڭگەلەك داۋلەتتى قوعام ورناتۋدىڭ الدىڭعى لەگىندە جۇرۋىنە مۇمكىندىك جاساۋ − ءبىزدىڭ ساياسي جاۋاپكەرشىلىگىمىز“، - دەدى لانشان رايوندىق پارتكومىنىڭ شۋجيى ۋاڭ جۇنشى، - ”ءبىز پارتيانىڭ وزگەشە تاريحىنان اۋەلگى ماقساتتى قاراستىرۋىمىز، بورىش ارقالاۋعا ىنتالاندىرۋىمىز، جوعارى ساپالى دامۋ جولىندا نىق قاداممەن العا تارتۋىمىز كەرەك“.

  بيىك كران قاز - قاتار ءتىزىلىپ، اۆتوكولىكتەر قايشالىسادى. حىبەيدىڭ شيۇڭان جاڭا رايونىنداعى قۇرىلىس ورنىندا قاقاعان قىستا دۋماندى قۇرىلىس جۇرگىزىلىپ، وتاننىڭ جەر - جەرىنەن كەلگەن قۇرىلىسشىلار ۇستەمە جۇمىس ىستەپ، قايسارلىقپەن كۇرەس جۇرگىزۋدە.

  حىبەي شيۇڭان جاڭا رايونى ۇگىت ورتالىعىنىڭ ورىنباسار مەڭگەرۋشىسى گو شياۋكى بىلاي دەدى: ”2019 - جىلى شيۇڭان جاڭا رايونىنىڭ 67 ءتۇيىندى ينجەنەرياسى جاپپاي قۇرىلىس باستادى. قازىر ءتۇرلى قىزمەت جوبا جاساۋدان كەڭ كولەمدە اشۋعا، قۇرىلىس جۇرگىزۋگە ويىستى. وسى ساتتە باس شۋجي شي جينپيڭنىڭ ماڭىزدى ءسوزىن تىڭداپ اۋەلگى ماقساتتا بەرىك بولۋ، بورىشتى وتەۋ كەرەكتىگىن اناعۇرلىم سەزىندىك“.

  شي - ان قاتىناس داشۋەسى پارتكومىنىڭ شۋجيى جاڭ مايزىڭنىڭ قاراۋىنشا، ماركسيزمنىڭ جۇڭگوشالانعان ەڭ جاڭا جەتىستىگىمەن يدەيانى بىرلىككە كەلتىرۋ، ەرىك - جىگەردى بىرلىككە كەلتىرۋ، ارەكەتتى بىرلىككە كەلتىرۋ پارتيا ءۇشىن دارىندى تاربيەلەپ، مەملەكەت ءۇشىن دارىندى باۋلىپ وتىرعان جوعارى مەكتەپ جونىنەن اسا ماڭىزدى. ”ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋدى، جەتە ءتۇسىنۋدى، شىنايى تياناقتاندىرۋدى باستى ساياسي مىندەت ەتىپ، نازاريامەن قارۋلانۋدى ۇزدىكسىز كۇشەيتىپ، مۇرات - سەنىمدى بەكەمدەپ، باتىسقا كوشۋ رۋحىن جالعاستىرىپ، ’وتانشىلدىق، كوللەكتيۆيزمدىك، قاھارماندىق، ۇمىتكەرلىك‘ارقىلى احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن تاربيەلەۋىمىز كەرەك“.

باتىلدىقپەن وزىنە توڭكەرىس جاساپ، كۇرەسكەرلىك رۋحتى ساۋلەلەندىرەمىز

  باس شۋجي شي جينپيڭ بىلاي دەپ باسا دارىپتەدى: اۋەلگى ماقساتتى ۇمىتپاۋدا، بورىشتى ەستە بەرىك ساقتاۋدا، ءسوز جوق، ماسەلەگە دۇرىس قارايتىن باتىلدىق جانە پىشاق ءدۇزىن ىشكە قاراتاتىن سانالىلىق ارقىلى پارتيانىڭ وزىنە توڭكەرىس جاساۋىن ۇزدىكسىز ىلگەرىلەتۋ كەرەك.

  ”قازىر كەيبىر ورىنداردىڭ دەموكراتيالىق تۇرمىس جيىنىندا ءوزىن بورشالاۋدى ءۇستىرت ىستەيدى، ءوزارا سىن ايتقاندا بىلمەگەن كىسىمسىپ وتىرا بەرەدى، ءوزىن تازارتۋ، ءوزىن كەمەلدەندىرۋ، ءوزىن جاڭالاۋ، ءوز دەڭگەيىن جوعارىلاتۋ ماقساتىنا جەتكەن جوق“. حۋنان ولكەسى جۋجوۋ قالالىق پارتكومىنىڭ تۇراقتى مۇشەسى، قالالىق ءتارتىپ تەكسەرۋ كوميتەتىنىڭ شۋجيى، قالالىق باقىلاۋ - تەكسەرۋ كوميتەتىنىڭ مەڭگەرۋشىسى دىڭ ۋيمين بىلاي دەدى: مۇنان بىلاي ءتارتىپ تەكسەرۋ، باقىلاۋ - تەكسەرۋ ورگانى پارتيا ۇيىمىنىڭ دەموكراتيالىق تۇرمىس جيىنىندا باقىلاۋدى كۇشەيتىپ، جيىننان بۇرىن قاتاڭ تەكسەرىپ بەكىتىپ، جيىن بارىسىندا شىنداپ كىرىسىپ، قيىن ماسەلەلەردى شەشىپ، جيىننان كەيىن رەتتەپ - وزگەرتۋدى قاداعالاپ، دەموكراتيالىق تۇرمىس جيىنىنىڭ ساپاسى مەن ءونىمىن ۇزدىكسىز جوعارىلاتىپ، پارتيانى اناعۇرلىم پارمەندى، تەبىندى ەتىپ قۇرۋ كەرەك.

  اۋەلگى ماقساتتى ۇمىتپاۋدا، بورىشتى ەستە بەرىك ساقتاۋدا، ءسوز جوق، كۇرەسكەرلىك رۋحتى ساۋلەلەندىرىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتۋ كەرەك.

  بۇل جونىندە، ورتالىق ساياسي - زاڭ كوميتەتى جان - جاقتى وڭاۋ، قۋزاۋشىلىق ەتۋ مەكەمەسىنىڭ باستىعى، مەملەكەتتىك قارا - سۇرقيا كۇشتەردى الاستاۋ كەڭسەسىنىڭ حاتشىلىق سايكەستىرۋ گرۋپپاسىنىڭ باستىعى چىن شياۋجۇن تەرەڭ اسەرگە يە: ”2020 - جىلى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى 3 - جىلعا قادام تاستايدى، بۇل تەرەڭ قازىپ تۇبىرىنەن وڭاۋ شەشۋشى شايقاسىندا شەشۋشى جەڭىسكە جەتەتىن جىل بولىپ قانا قويماي، باياندى وڭاۋ باستاماسىنىڭ باستالار جىلى، سونداي - اق كۇرەس جۇرگىزۋ ونىمدىلىگىن جاپپاي سىننان وتكىزەتىن جىل. ءبىز، ءسوز جوق، باس شۋجي شي جينپيڭنىڭ ماڭىزدى ءسوزىن، تالابىن باتىل دايەكتىلەندىرىپ، تياناقتاندىرىپ، رۋحتى ۇزبەي سەرپىلتىپ، قيىندىقتاردان ۇزدىكسىز قامال الىپ، بەكىمدى وزگەرتپەۋگە، جاۋاپكەرشىلىكتى وزگەرتپەۋگە، سەرپىندى وزگەرتپەۋگە تاباندى بولىپ، قارا - سۇرقيا كۇشتەرمەن سوڭىنا دەيىن باتىل كۇرەسىپ، اناعۇرلىم ۇزدىك شايقاس ناتيجەلەرىمەن نەگىزگى تاقىرىپتىق تاربيەنىڭ تابىستارىن بەكەمدەپ، پارتيا مەن حالىققا رازى بولارلىق جاۋاپ بەرۋىمىز كەرەك“.

  ۇلتتىڭ گۇلدەنۋىنە تاياعان سايىن، ءىس ءساتتى بولا بەرمەيدى، حاۋىپ - قاتەرگە تولا تۇسەدى، اۋەلى، سۇراپىل تولقىندارعا جولىعامىز.

  گۋاڭدۇڭ ولكەلىك ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى ما حۋا بىلاي دەدى:”جۇڭگو مەن امەريكانىڭ ەكونوميكا، ساۋدا قاجالىسىنا مەڭزەس، گۋاڭدۇڭ تولىق الدىن الا تۇجىرىم جانە دايىندىق جاساپ، داعدارىسقا ىرىقتىلىقپەن توتەپ بەرۋ ارقىلى ءوزىن تيپىن جاڭالاپ، دارەجەسىن جوعارىلاتۋدى جەدەلدەتۋگە جەبەپ، نازاردى ساياساتتىق جۇيەگە جاڭالىق ەنگىزۋ، كوپ نەگىزدى بازار اشۋ، سىرتقى ساۋدانىڭ جاڭا قوزعاۋشى قۋاتىن جەتىلدىرۋ، ساۋدانىڭ قولايلىلانۋىن جوعارىلاتۋ سياقتى جاقتارعا شوعىرلاندىرىپ، دالمە - ءدال كۇش شىعارىپ، سىرتقى ساۋدانىڭ جوعارى ساپالى، ورنىقتى دامۋىن جاپپاي ىلگەرىلەتتى“.

  ”2020 - جىل سىرتقى ورتانىڭ ءتيىمسىز فاكتورلارىنىڭ كوبەيۋى، ەل ءىشى ەكونوميكاسىنىڭ باسەڭدەۋ قىسىمىنىڭ ارتۋى سىندى كۇردەلى جاعدايعا ساي، ءبىز ءىس جۇزىندىك ارەكەت ارقىلى اۋەلگى ماقسات پەن بورىشتى ۇزدىكسىز امالياتتا ايگىلەپ، نەگىزگى تاقىرىپتىق تاربيەنىڭ جەتىستىكتەرىن شاعىن، ۇساق كاسىپورىنداردى جوعارى ساپالى فينانستىق قىزمەت وتەۋمەن قامداۋعا ويىستىرۋدى ىلگەرىلەتىپ، قىزمەت وتەۋى ءونىمدى، حاۋىپ - قاتەرى مەڭگەرىلگەن، ساۋداسى باياندى ۇساق، شاعىن فينانستى دامىتۋدىڭ جاڭا ۇلگىسىن قالىپتاستىرامىز“، - دەدى اۋىل شارۋاشىلىق بانكەسى جالپىعا ءتيىمدى فينانس ىستەرى ءبولىمىنىڭ ورىنباسار باس ديرەكتورى حۋاڭ جيانچين.

ءتۇزىم ابزالدىلىعىن ساۋلەلەندىرىپ، شىنايى ىستەپ جاۋاپكەرشىلىك ارقالاۋ ارقىلى اناعۇرلىم زور جەڭىستەرگە قول جەتكىزەمىز

  ءتۇزىم ابزالدىلىعى − ءبىر ساياسي پارتيانىڭ، ءبىر مەملەكەتتىڭ ەڭ ۇلكەن ابزالدىلىعى. باس شۋجي شي جينپيڭ اۋەلگى ماقساتتى ۇمىتپاۋدا، بورىشتى ەستە بەرىك ساقتاۋدا، ءسوز جوق، پارتيانىڭ ىشكى ءتۇزىمىن كەمەلدەندىرىپ جانە دامىتىپ، باياندى مەحانيزم قالىپتاستىرۋ كەرەك دەپ باسا دارىپتەدى.

  انحۇي ولكەلىك ەكونوميكا جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسىنىڭ شۋجيى، مەڭگەرمە باستىعى نيۋ نۋتاۋ مىنالاردى ءبىلدىردى: نەگىزگى تاقىرىپتىق تاربيە ورىستەتىلۋ بارىسىندا ەكونوميكا جانە ينفورماتسيالاندىرۋ مەڭگەرمەسى پارتيا قۇرىلىسى، كادرلار ءىسى سياقتىلار بويىنشا 41 ەرەجە ورناتىپ جانە وعان وزگەرىس ەنگىزىپ، ءتۇزىمنىڭ اتقارىلۋىن مىقتاپ يگەرىپ، پارتيا مۇشەلەرى مەن كادرلاردىڭ رۋحاني كۇيىن سەرپىلتتى. الداعى جەردە مەڭگەرمە باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، پارتيا ورتالىق كوميتەتىنىڭ تالاپتارىن تياناقتاندىرۋدى، امالياتتىق قاجەتتى قاناعاتتاندىرۋدى، نەگىزگى ساتىنىڭ ارمان - تىلەگىنە ۇيلەسۋدى بىرلىككە كەلتىرىپ، ءتۇزىمدى كەمەلدەندىرۋ ارقىلى بارلىق پارتيا مۇشەلەرىنىڭ باستان - اياق اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا قۇرىلىسى ارقىلى ىستەردىڭ قاۋىرت دامۋىن ىلگەرىلەتەدى.

  اۋەلگى ماقساتتى ۇمىتپاۋدا، بورىشتى ەستە بەرىك ساقتاۋدا باسشىلىق ورگاندار مەن باسشى كادرلار، ءسوز جوق، ۇلگى بولۋ، الدا ءجۇرۋ كەرەك.

  قىستاق، گرۋپپا جولدارىن وزگەرتۋ، قونىستانۋ ورتاسىنىڭ دارەجەسىن جوعارىلاتۋ، كاسىپ سالاسى بويىنشا سۇيەمەلدەۋ، ساياساتتى ۇگىتتەۋ... كەدەيلىكتەن ارىلتۋدان قامال الۋ شايقاس مايدانىندا اتويلاۋ يۇننان ولكەسى جاۋتۇڭ قالاسى جىنشيۇڭ اۋداندىق ەنەرگيا مەكەمەسىنىڭ پوجي قالاشىعى لاۋباۋجاي قىستاعىنا تۇرۋعا جىبەرىلگەن قىستاقتا تۇرىپ كەدەيلەردى سۇيەمەلدەۋ قىزمەت اترەتىنىڭ باستىعى، ءبىرىنشى شۋجيى چىڭ جۇڭچىڭ جونىنەن تەك قانا ۋاقىتپەن جارىسىپ، ەسىل ساتتەردى زايا جىبەرمەۋ ساپارى سانالادى.

  ”قىستاق بيىل كەدەيلىكتەن ارىلادى، باستاماشى رەتىندە مەن باس شۋجي شي جينپيڭنىڭ تالابىن قاي - قاشان دا ەسىمنەن شىعارماي، الدىعا اتويلاپ شىعىپ، الدىمەن ىستەپ، اۋىلداستاردى كەدەيلىككە قارسى اتتانۋ شەشۋشى شايقاسىندا جەڭىسكە جەتۋگە باستايمىن“، - دەدى چىڭ جۇڭچىڭ نىق سەنىممەن.

  بىرنەشە مينۋتتا ءبىر رەت اۋىر تۇرپاتتى جۇك اۆتوموبيلى ءوندىرىس جەلىسىنەن شىعادى − سىرتتا قاقاعان اياز بولسادا، جيلين چاڭچۇن ازات ماركالى 1 - اۆتوكولىك جاساۋ شەكتى سەرىكتەستىگىنىڭ ءوندىرىس سەحى قاربالاس وندىرىسپەن اينالىسۋدا.

  ”مەملەكەت مەنشىگىندەگى ءىرى كاسىپورىن شىعىس سولتۇستىكتى كوركەيتۋدىڭ ماڭىزدى قوزعاۋشى كۇشى، مەملەكەت مەنشىگىندەگى كاسىپورىننىڭ پارتيالى باسشى كادرى رەتىندە ءبىز باس شۋجي شي جينپيڭ العا قويعان تالاپتار بويىنشا باتىلدىقپەن الدا جۇرۋگە، شىنايى ىستەپ جاۋاپكەرشىلىك ارقالاۋعا، كاسىپورىننىڭ جوعارى ساپالى دامۋىن ىسكە اسىرىپ، مەملەكەت مەنشىگىندەگى كاسىپورىندى زورايتىپ، قۋاتتاندىرىپ، ساپالىلاندىرىپ، شىنايى ىستەۋ بارىسىندا ’ءتورت تانىم‘دى كۇشەيتىپ، ’ءتورت سەنىم‘دى بەكەمدەپ، ’ەكىنى قورعاۋ‘دى ورىنداپ، شىعىس سولتۇستىكتىڭ كوركەيۋىنە اناعۇرلىم زور ۇلەسىمىزدى قوسۋعا جاۋاپكەرشىلىگىمىز بار“، - دەدى ازات ماركالى 1 - اۆتوكولىك جاساۋ شەكتى سەرىكتەستىگى پارتكومىنىڭ شۋجيى، باس جوراسى حۋ حانجيە نىق سەنىممەن.

(تىلشىلەر جوۋ ۋي، ۋاڭ چي، ليۋ يجان، لي يانشيا، ياڭ ۋىن، ساۋ گوچاڭ، گاۋ بو، لي حاۋ، تان چاڭ، دىڭ رۇيشۋان، ديڭ لى، جاڭ زىيۇن، زى چياڭ، دۋان شۇي)

(شينحۋا اگەنتتىگىنىڭ 1 - ايدىڭ 11 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.