1-ايدىڭ 6-كۇنى، ايشان ساۋىر وتباسىندا قىستاق تۇرعىندارى ايشان ساۋىرمەن بىرگە (وڭنان ەكىنشى) ءتۇشپارا ءتۇيدى.
1-ايدىڭ 6-كۇنى، ءۇرىمجى قالاسى ميدۇڭ رايوندىق قۇرىلىس مەكەمەسىنىڭ ياڭماۋگۇڭ قالاشىعى ليۋزىمياۋ قىستاعىندا تۇراتىن قىزمەت اترەتى قىستاق تۇرعىنى ايشان ساۋىردىڭ وتباسىندا كوكتەم مەرەكەسىن قارسى الۋ قيمىلىن وتكىزدى، قىستاق تۇرعىندارى قاتىناستى.
جۋىق جىلداردان بەرى، ءۇرىمجى قالاسى ”ۇلتتار ىنتىماعى ۇلكەن اۋلاسىن (شاعىن رايونى)“ قۇرۋدى، ”ۇلتتار ىنتىماعى وتباسىن“ قۇرۋ سياقتى قىزمەتتەر ارقىلى ۇلتتاردىڭ ارالاسۋىن، ىشتەسۋىن، توعىسۋىن جەبەدى.
2019-جىلى 7-ايدا، قىزمەت اترەتى جانە قىستاق ەكى كوميتەتى قىستاق دارەجەلى ۇلتتار ىنتىماعى ۇلكەن اۋلاسىن قۇرىپ، قىستاق تۇرعىنى ايشان قىزمەت اترەتىنە كەلىپ، ىرىقتىلىپقەن ءوز اۋلاسىن ۇلتتار ىنتىماعى ۇلكەن اۋلاسى ەتىپ قۇرۋدى ءوتىنىش ەتتى.
ءتىلشى ايشاننىڭ اۋلاسىنداعى ”ۇلتتار ىنتىماعى ۇلكەن اۋلاسى“ تاقتاسىن، اۋلادا كوكونىس ەگەتىن جەر، كەپتەر قورا، تاۋىق قورا جانە ۇلكەن توناردى كوردى.
اۋلانىڭ ورتاسىندا بۇقارالىق ساحنا، قابىرعادا ”ۇلتتار ىنتىماعىنىڭ بەرەكەلى شاڭىراعى“ ۇگىت سۋرەتى، ۇگىت تاقتاسى بار.
58 جاستاعى قىستاق تۇرعىنى يە سۇييىڭ تىلشىگە: ”ايشانمەن تانىسقانىما 30 جىل بولايىن دەدى، ادەتتە ايشان نان جابادى، لاعمان جاساعاندا بارىپ كومەكتەسەمىن، مەن فىنتاڭ، ساڭزى جاساعاندا ايشاندا كەلىپ ءدام تاتادى“،-دەدى.
ايشان وتباسىندا، ەرتەمەن كەلگەن 20 نەشە قىستاق تۇرعىنى بوس وتىرمادى، ايەلدەر جاعى كۇرىش جۋىپ كوكتات تۋراپ، ءتۇشپارا ءتۇيدى، ەرلەر جاعى تونارعا وت جاعىپ، قازان استى، بالالار اسىر سالىپ ويناپ ءجۇر.
ليۋزىمياۋ قىستاعىندا 300 دەن استام قىستاق تۇرعىنى حانزۋ، حۇيزۋ، ۇيعۇر، از ۇلتتار %70 ىن يەلەيدى.
76 جاستاعى ايشان وتباسى قىستاقتىڭ كونە تۇرعىنى، ول ەكى ۇلىمەن بىرگە تۇرمىس كەشىرەدى، قوراجايلىق جەرى 1000 شارشى مەتردەن اسادى، اۋلاسى 800 شارشى مەتر.
ۇلتتار ىنتىماعى ۇلكەن اۋلاسىن قۇرۋ ءوتىنىشى جونىندە ايشان بىلاي دەدى: ”مەنىڭ وتباسىم ەجەلدەن دۋماندى، نان پىسىرعاندا، ءجۇزىم پىسقاندا، كەپتەر ۇشىرعاندا كوپشىلىك جينالادى“...
كەلىنى: ”كوپشىلىك كەلمەسە بىردەمە كەم سياقتى سەزىلەدى“،-دەدى.
قىستاق پارتيا ياچەيكاسىنىڭ ءبىرىنشى شۋجيى، قىزمەت اترەتىنىڭ باستىعى حى چىڭشيڭ بىلاي دەدى: ”ميدۇڭ رايوندىق قۇرىلىس مەكەمەسىنىڭ كومەگىندە، قىزمەت اترەتى ەكى ايدا ۇلتتار ىنتىماعى اۋلاسىن قۇرۋدى ورىندادى“.
كوپشىلىك اۋلادا ءان ايتىپ، ءبي بيلەدى، ءتۇشپارا پىستى، پالاۋدا پىستى. ايشان كەلىنىنە ءبىر شىنىعا سالىپ، 90 جاستاعى جالعىز باستى قارت ما گۇيفاڭ وتباسىنا اپارتتى.
ما گۇيفاڭ بىلاي دەدى: ”ناۋقاستانعانىما 7 جىل بولدى، ايشان ءدامدى تاعام جاساعاندا ۇنەمى وسىندا اكەلەدى“.
وسىنداي ”ۇلتتار ىنتىماعى ۇلكەن اۋلاسى (شاعىن رايون)“ تۇتاس قالادا قازىرگە دەيىن 3004 ى بار، تۇتاس قالاداعى ۇلكەن اۋلانىڭ (شاعىن رايون) جالپى سانىنىڭ %80 تەن استامىن يەلەيدى.
