تيانشان تورى   ›   جاڭالىقتار   ›   سپورت الەمى

التاي قالاسى اققايىڭ ورمانى . قىسقى وليمپيادا قار-مۇز ماۋسىمى باستالدى

  1-ايدىڭ 12-كۇنى، شينجياڭ التاي ايماعى التاي قالاسى اققايىڭ ورمانى. قىسقى وليمپيادا قار-مۇز ماۋسىمى باستالدى. قار مولشەرى 12 مىڭ تەكشەمەتر كەلەتىن قار ويما تۋىندىلارى، قارلى دالا اۆتوكولىگى، شانا، اققايىڭ ورمانى، باقشانىڭ جاراتىلىستىق كورىنىسى...سول كۇنى، التاي قالاسى اققايىڭ ورمانى كورىنىس رايونى ىشىندە، وسىنداي تاماشا قىسقى ساياحات نىسانى قالا تۇرعىندارىمەن، ساياحاتشىلارمەن جۇزدەستى.

  التايدىڭ وزگەشە قار-مۇز مادەنيەتى جانە بايلىق قاينارى ابزالدىعىنان سۇيەنىپ، اققايىڭ. وليمپيادا قار-مۇز مەرەكەسى، ”قار قالاسى التاي“ ەرەكشەلىگىنە يە قار-مۇز باۋراعىشتىعىن تولىق ايگىلەدى. سول كۇنى التاي قالاسى اققايىڭ باقشاسىندا قالا تۇرعىندارى مەن ساياحاتشىلاردىڭ اياعى ۇزىلمەدى، تۇتاس باقشا ساياحاتشىلاردى قابىلدادى. 9 جاستاعى ليۋ يۇڭشين وتباسىنداعىلارمەن كەلىپ باقشادا وينادى. ول: ”مەن قىس ماۋسىمىن وتە جاقسى كورەمىن، بۇل جەردە شاناعا وتىرۋدى ۇناتامىن، وتە كوڭىلدى وينادىم“،-دەدى.

  اققايىڭ. وليمپيادا قار-مۇز ماۋسىمى باستىسى قار ويما تاماشالاۋ رايونى، قارمەن ويناۋ رايونى، ورمان توعاي قار باقشا رايونىنا بولىنەدى. قار ويما تاماشالاۋ رايونى باقشانىڭ قاقپاسىنان 2-ءنومىرلى اعاش ۇيگە دەيىن، 28 قار ويما تۋىندىسى بار، قار مولشەرى 12 مىڭ تەكشەمەتر، كوكتەم مەرەكەسىن قارسى الۋ، ولىمپادا، سپورت، كارتون قاتارلى مازمۇنداردى باستى تاقىرىپ ەتكەن، ەڭ ۇلكەن قار ويما تۋىندىسىنا 4500 تەكشە مەتر قار جۇمسالعان، قىران وزەنى جولىنىڭ بويىندا بولىپ، ادامزاتتىڭ شاڭعى تەبۋدى باستالعان جەردىڭ كەلبەتىن ايگىلەپ، ساياحاتشىلارعا كوركەمونەر سالتاناتىن سيلادى.

  قارمەن ويناۋ رايونى 1-ءنومىرلى اعاش ۇيدەن 2-ءنومىرلى اعاش ءۇيدىڭ ارالىعىنداعى قىران وزەنى جولىنىڭ بويىنا ورنالاستىرىلعان، يەلەگەن جەر اۋماعى 20 مىڭ شارشى مەتر، جۇمسالعان قار مولشەرى 10 تەكشەمەتر. رايوندا قارلى دالا اۆتوكولىگى، مۇز ءۇستى اۆتوكولىگى، قارلى دالا ۆەلوسيپەد، قار ۇستىندەگى دوپ، مۇز ءۇستى باۋليڭ دوبى، شانا، نۇر سىندى ويىن تۇرلەرى بار، وسى رايون قار ءۇستى ويىندارى مەن مۇز ويما تۋىندىلارىن كەمەلدى ۇشتاستىرىپ، تاماشالاۋ مەن ءوزارا ىقپالداستىقتى ءبىر تۇلعالاندىردى.

  ”جۋىق جىلداردان بەرى، التاي قالاسى اۆتونوميالى رايوندىق پارتكومنىڭ ‹رەفورما جاساپ ەسىك اشۋ+3+3+1› جالپى تۇلعالىق ورنالاستىرۋىن جاپپاي دايەكتىلەندىرىپ، التاي قالاسىنىڭ قار-مۇز ساياحاتىنىڭ جاڭا كاسىپ كۇيىن ۇزدىكسىز بايىتىپ، قار-مۇز بايلىعىن ساياحات ونىمىنە اينالدىرۋعا كۇش سالىپ، التاي قالاسىنىڭ قار-مۇز ساياحات كاسىبىنىڭ جەدەل دامۋىن ىلگەرىلەتتى. اققايىڭ. وليمپيادا قار-مۇز ماۋسىمى تۇڭعىش رەت قار-مۇز ويما فورماسى مەن ساياحاتشىلار جانە قالا تۇرعىندارىنىڭ ءوزارا ىقپالداستىعىمەن كەمەلدى ۇشتاسىپ، ‹مۇزدى ءوڭىر باقشاسىن قۇردى›“،-دەدى التاي قالالىق التىن تاۋ ساياحات شەكتى سەرىكتەستىگىنىڭ ورىنباسار ديرەكتورى، اققايىڭ ساياحات شەكتى سەرىكتەستىگىنىڭ ديرەكتورى ليۋ لانيڭ.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.