تيانشان تورى   ›   جاڭالىقتار   ›   شينجياڭ حابارلارى

بايىنعولين موڭعۇل اۆتونوميالى وبلىسىنىڭ تۇڭعىش قىسقا ارالىققا قاتىنايتىن اۋە جولى چارقىلىق - چەرچەن لەنياسى اشىلدى

1-ايدىڭ 10-كۇنى، چارقىلىق - چەرچەن سوڭعى كەزەكتى ۇشاق قىزمەتكەرلەرى سونداي-اق قاتىستى قىزمەتكەرلەر تۇڭعىش كەزەكتى ۇشاقتىڭ ءساتتى ۇشقانىن قۇتتىقتادى.

  1-ايدىڭ 10-كۇنى شينجياڭ كۇنلۇن اۆياتسيا شەكتى سەرىكتەستىگى چارقىلىق اۋەجايىندا چارقىلىق - چەرچەن قىسقا ارالىققا قاتىنايتىن اۋە لەنياسىنىڭ تۇڭعىش ۇشۋ سالتىن وتكىزدى.

  سول كۇنى ساعات 14تەن 20 مينۋت وتكەندە، شاعىن تۇرپاتتى ۇشاقتىڭ چارقىلىق اۋەجايىنا ورنىقتى قوندى، بۇل چارقىلىق - چەرچەن قىسقا ارالىققا قاتىنايتىن تۇڭعىش اۋە لەنياسىنىڭ قاتىناعانىنان دەرەك بەرەدى.

  جولاۋشى يان ميڭشيڭ بىلاي دەدى: ”تەز ءارى ورنىقتى ەكەن، ۇشۋ ۋاقىتى 50 مينۋت شاماسىندا، وتە جاقسى سەزىندىم. بۇدان كەيىن ءبىزدىڭ سىرتقا شىعۋىمىز قولايلى ءارى جاڭا قارقىنعا يە بولدى“.

  ۇعىسۋعا قاراعاندا، بۇل اۋە لەنياسىنىڭ اشىلۋى بايىنعولين موڭعۇل اۆتونوميالى وبلىسى حالىقتىق باسقارۋىنداعى اۆياتسيا سەرىكتەستىگىنىڭ وبلىس ىشىندە اينالمالى ۇشۋ جانە بايىنعولين موڭعۇل اۆتونوميالى وبلىسىنىڭ توڭىرەگىندەگى رايوندارعا تۇتاساتىن بوستىقتى تولىقتادى، بۇل بايىنعولين موڭعۇل اۆتونوميالى وبلىسىنىڭ نەگىزگى، تارماق لەنيالاردىڭ ۇشۋ تورابىن ءونىمدى قولداۋ جانە تولىقتىرۋ بولىپ، اۆتونوميالى وبلىسىنىڭ جالپىلىق قاتىناس-تاسىمال جۇيەسىن كەمەلدەندىرۋ، كەڭىستىك ەكونوميكاسىنىڭ دامۋىن جەدەلدەتۋ، بۇقارانىڭ تۇرمىسىن جاقسارتۋ قاتارلى جاقتاردا توتەنشە ماڭىزدى مانگە يە.

  شينجياڭ كۇنلۇن اۆياتسيا سەرىكتەستىگىنىڭ باس جوراسى جاڭ چياڭ مىنانى ءبىلدىردى: بۇدان كەيىن ىركەس-تىركەس چاقىلىقتان كورلاعا قاتىنايتىن، چەرچەننەن كورلاعا قاتىنايتىن، كورلادان اقسۋعا، حوتان، تارباعاتايعا قاتىنايتىن قاتارلى قىسقا ارالىقتى اۋە لەنيالارىن اشىپ، ماڭايداعى رايوندارمەن تۇتاستىرىپ، بايىنعولين موڭعۇل اۆتونوميالى وبلىسىنىڭ كەڭىستىك ەكونوميكاسىنىڭ دامۋىنا دەم بەرۋ جاقتاردا ۇلەس قوسامىز.

  قازىر بۇل لەنيا (كەزەكشى ۇشاق ءنومىرى X6931、X6932) ءار كۇنى ەكى كەزەك، شيەچىڭ تورى، اۋە ساياحات تورابىApp، شينجياڭ كۇنلۇن اۆياتسيا سەرىكتەستىگىنىڭ ءۇنحات الەۋمەتتىك ءنومىرى قاتارلىلاردان تەكسەرىپ ۇشاق بەلەتىنە تاپسىرىس بەرۋگە بولادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.