ي شاۋليننىڭ سۋرەتى. شينحۋا اگەنتتىگى تاراتقان
شينحۋا اگەنتتىگىنىڭ 12 - ايدىڭ 18 - كۇنى ناننيڭنەن بەرگەن حابارى (ءتىلشى حۋاڭ چيڭگاڭ). الداپ اكەتىلگەن قىز بالانى قۇتقارۋ ءۇشىن، ول ىرىقتىلىقپەن مىندەت اتقارۋدى ءوتىنىش ەتىپ، مىڭداعان لي جولدى الىسسىنباي، ولكە اتتاپ قۇتقارۋعا باردى؛ اقىلىن بىلمەگەن بۇزاقىنىڭ الدىندا، ول حاۋىپ - قاتەردى ەلەڭ قۇرلى كورمەي، كەۋدە كەرە العا شىعىپ، ساقشى رۋحىنىڭ ءمانىن ومىرىمەن ۇعىندىردى؛ 21 جىل ءوتتى، ونىڭ ”ماعان قاراماڭدار، مىنا ايەلدى حاۋىپسىز جەرگە جەتكىزىڭدەر“ دەگەن ءسوزى سول جەردە اۋىزدان تۇسپەي ماداقتالۋدا، مىنە ول ي شاۋلين قۇربان ەدى.
ي شاۋلين، 1953 - جىلى گۋاڭشيدىڭ تيان - ى اۋدانىندا دۇنيەگە كەلگەن. 1972 - جىلى جۇڭگو حالىق ازاتتىق ارمياسىنا قاتىناسقان، 1982 - جىلى 12 - ايدا قوعام حاۋىپسىزدىگى قىزمەتىنە قاتىناسىپ، گۋاڭشي جۋاڭزۋ اۆتونوميالى رايونى تيان - ى اۋداندىق قوعام حاۋىپسىزدىگى مەكەمەسى شياڭياڭ ساقشى بولىمشەسىنىڭ ورىنباسار باستىعى، ەسىرتكى الىپساتارلارىن قۋعىنداۋ اترەتىنىڭ ورىنباسار اترەت باستىعى، قىلمىستىق ىستەر بارلاۋ ۇلكەن اترەتىنىڭ ورىنباسار اترەت باستىعى سياقتى مىندەتتەردى وتەگەن، جەكە ءبىر رەت 3 - دارەجەلى ەڭبەك سىڭىرگەن، اۋداندىق پارتكوم، اۋداندىق ۇكىمەت جاعىنان 2 رەت سيلانعان، جوعارى دارەجەلى قوعام حاۋىپسىزدىگى ورگانى جاعىنان 5 رەت سيلانعان.
1991 - جىلى تيان - ى اۋدانىنداعى قىلمىس كۇماندىسى چىن xx باسقىنشىلىق جاساپ ادام ءولتىرىپ، قاشىپ كەتەدى. ي شاۋلين قىلمىستىق ىستەر بارلاۋ ۇلكەن اترەتىنە قىزمەتكە بارعاننان كەيىن، قۋعىنداۋدى باستان - اياق توقتاتپادى. 1998 - جىلى 8 - ايدا چىن xxتىڭ جاسىرىنعان جەرىن بىلگەننەن كەيىن، ي شاۋلين تۇتقىنداۋ گرۋپپاسىن باستاپ، 40 كيلومەتر تاۋ جولىن جاياۋ باسىپ، تەرەڭ تاۋ قويناۋىنا بارىپ، جاسىرىنعان چىن xxتى ۇستاپ اكەلەدى.
1996 - جىلى 12 - ايدىڭ 31 - كۇنى تۇستەن كەيىن ي شاۋلين شەكارا سىرتىنداعى 2 ەسىرتكى الىپساتارى گۋاڭشيدىڭ پيڭشياڭىنا جاسىرىن كىرىپ گەروين ساۋدالاماقشى دەگەن مالىمەتتى تاپسىرىپ الادى، ول قىزمەتتەستەرىمەن بىرگە تۇندەلەتىپ پيڭشياڭعا جەتىپ، پويەز ستانسياسىندا 2 كۇن، 2 ءتۇن توسقاۋىلدايدى. شەتەلدىك 2 ەسىرتكى الىپساتارى جەتىپ كەلگەن ساتتە، ي شاۋلين ورايدى ءمۇلت جىبەرمەي، ءبىرىنشى بولىپ اتىلىپ العا شىعادى دا، قىزمەتتەستەرىمەن بىرگە ەسىرتكى الىپساتارلارىن تۇتقىنداپ، 165 گرام گەرويندى قولعا تۇسىرەدى. ەسىرتكى الىپساتارلارىن قۋعىنداۋ اترەتىندە تۇرعان كەزىندە، ي شاۋلين ەسىرتكىگە قاتىستى 18 دەلونى اشۋعا ۇيىمداستىردى جانە قاتىناستى، ەسىرتكى الىپساتارلارىنان 10 ادامدى تۇتقىنداپ، 800 گرامنان ارتىق گەرويندى قولعا ءتۇسىردى.
1998 - جىلى تيان - ى اۋداندىق قوعام حاۋىپسىزدىگى مەكەمەسى سول جەردەگى 16 جاسار قىز ياڭ xx تىڭ گۋاڭدۇڭ ولكەسى شين - ي قالاسىنىڭ شالعاي تاۋلى قىستاعىنا الداپ ساتىپ جىبەرىلگەندىگى جونىندەگى دەلو مالىمەتىن تاپسىرىپ الادى، ي شاۋلين شين - ي قالاسى سىحى قالاشىعىنا بارىپ قۇتقارۋ ارەكەتىنە قاتىناسۋدى ىرىقتىلىقپەن ءوتىنىش ەتەدى. 9 - ايدىڭ 8 - كۇنى تاڭ سارىدە، قۇتقارۋ اترەتى مەن جەرگىلىكتى ورىننىڭ ساقشى بولىمشەسىنىڭ 3 حالىق ساقشىسى قىلمىس كۇماندىسى حى xx تىڭ ۇيىنە جاياۋلاتىپ بارادى، ي شاۋلين الدىعا شىعىپ ناسيحاتتاعانىمەن، ءبىراق حى xx وجارلىققا باسىپ، ءناسيحات ءسوزدى ەلەپ - ەسكەرمەيدى.
يدەيالىق قىزمەتتەن ءونىم بولماعاندىقتان كۇشپەن قۇتقارۋعا تۋرا كەلەدى. ي شاۋلين حى xxتى جىبەرمەي ۇستاپ تۇرادى، دەسەدە الاساپىراندىقتا جانتالاسىپ بوساپ العان حى xx ءبىر تەمىر تاياقتى الا سالىپ، ي شاۋلين مەن قىزمەتتەستەرىنە تاپ بەرەدى. اتىلىپ الدا جۇرگەن ي شاۋليننىڭ باسىنا، باقىتقا قارسى، تەمىر تاياق ءتيىپ، قانعا بويالىپ جىعىلىپ تۇسەدى. ي شاۋلين: ”ماعان قاراماڭدار، مىنا ايەلدى حاۋىپسىز جەرگە جەتكىزىڭدەر“، - دەيدى. جاراقاتى وتە اۋىر بولعاندىقتان، ي شاۋلين شيپاحاناعا اپارا جاتقان جولدا، باقىتقا قارسى، قۇربان بولادى، سول كەزدە 45 جاستا عانا ەدى.
حاۋىپ - قاتەر الدىندا تيتتەي دە يمەنبەگەن ي شاۋلين ءوزىنىڭ ىستىق قانىمەن داڭقتى ساقشى رۋحىن ۇعىندىرىپ، پارتياعا ادال بولۋ، وتانعا ادال بولۋ، حالىققا ادال بولۋ، زاڭعا ادال بولۋ اسقاق سەرتىن امالياتتا ايگىلەدى. قىلمىستىق ىستەردى بارلاۋ ۇلكەن اترەتىنىڭ ورىنباسار ۇلكەن اترەت باستىعى بولىپ تۇرعان كەزىندە، ول 30 نەشە رەتكى الدامشىلىقپەن ادام ساۋدالاۋ قىلمىسىنا سوققى بەرۋ ارەكەتىنە قولباسشىلىق ەتىپ جانە قاتىناسىپ، الداپ ساتىلعان 42 ايەلدى قۇتقارادى. 1998 - جىلى ي شاۋلينعا توڭكەرىستىك قۇربان اتاعى تولىقتاپ بەرىلدى؛ 1999 - جىلى قوعام حاۋىپسىزدىگى مينيسترلىگى جاعىنان مەملەكەتتىك قوعام حاۋىپسىزدىگى جۇيەسىندەگى 2 - دارەجەلى قاھارمان ۇلگى اتاعى تولىقتاپ بەرىلدى.
”لاۋ ي اتاق - ابىرويدى، پايدانى كوزدەمەيدى، قايدا قيىنشىلىق، قاتەر بولسا، سول جەردەن تابىلادى، دەلو بىتىرۋگە بار ىقىلاسىمەن كىرىسەتىندىگىنە كوپشىلىك ءتانتى بولۋشى ەدى“. زەينەتكە شىققان ساقا حالىق ساقشىسى حۋاڭ شىميڭ ەسكە الىپ بىلاي دەدى: مەيلى ەسىرتكى الىپساتارلارىن قۋعىنداۋدا بولسىن، الدە الدامشىلىقپەن ادام ساۋدالاۋ قىلمىسىنا سوققى بەرۋدە بولسىن، ي شاۋلين قىزمەتتەستەرىنە ۇلگى بولدى.
ي شاۋلين قۇربان بولعاننان كەيىن، 2 قىزى اكەلەرىنىڭ قىزمەت مىندەتىن جالعاستىرۋدى مۇرات تۇتىپ، ساقشىلىق جولعا ءتۇستى. ”بۇرىن اكەمنىڭ ءار رەتكى ارەكەتتە نەلىكتەن اتىلىپ ەڭ الدىدا جۇرەتىندىگىن تۇسىنبەيتىنمىن. حالىق ساقشىسى بولعاننان كەيىن، اقىرى ءتۇسىندىم، قوعام حاۋىپسىزدىگى كاسىبىن تاڭداعانىڭ جاۋاپكەرشىلىكتى جانە ەڭبەك ەتۋدى تاڭداعانىڭدى، جاي ادامدارعا قاراعاندا اناعۇرلىم كوپ جاۋاپكەرشىلىك پەن بورىشتى ارقالاۋ كەرەكتىگىڭدى تۇسىندىرەدى، اكەم ماڭگى ءبىزدىڭ ۇلگىمىز“، - دەيدى ي شاۋليننىڭ قىزى ي شيايۇن.
