مەنىڭ اتى - ءجونىم مامەت ابدۇللا وسىمان، ءۇيىم لوپ اۋدانىندا، قازىر حوتانداعى ءبىر سەرىكتەستىكتىڭ ورىنباسار باس ديرەكتورىمىن، سونىمەن بىرگە 2 سەلبەستىك كووپەراتيۆىنىڭ جاۋاپتىسىمىن. قازىر ءار كۇنىم توتەنشە قاربالاس وتۋدە، ءبىراق وتە كوڭىلدىمىن، ويتكەنى ءوزىمنىڭ كۇرەسۋىم ارقىلى باقىتتى تۇرمىسقا قول جەتكىزە الاتىندىعىمدى ءتۇسىندىم.
بۇرىن ەرەكشە اشىق - جارقىن، كەلىستى جىگىت ەدىم. 2011 - جىلى، ىشكى وڭىردەگى ءبىر ورتا تەحنيكۋم مەكتەبىنە قابىلدانىپ، اۋىل شارۋاشىلىق ماشينالارىن قولدانۋدى جانە كۇتىمدەۋدى ۇيرەندىم. ول كەزدە قۋانىشىمدا شەك بولمادى، ويتكەنى ىشكى وڭىرلەرگە بارىپ وقۋ دەگەنىڭىز ادامدى قۋاندىرارلىق ءىس ەدى، ونىڭ ۇستىنە جانىم سۇيەتىن كاسىپتى وقىدىم.
ءبىر جىلى جازدىق دەمالىسقا تاراپ ۇيگە قايتتىم، اعايىم مەنى ىزدەپ كەلىپ، ماعان: ”سەن مۇسىلماننىڭ بالاسىسىڭ، سەن مەكتەپكە بارعاننان گورى مەشىتكە بارىپ ناماز وقۋىڭ كەرەك، سەنىڭ ءان ايتىپ، ءبي بيلەۋىڭە بولمايدى، كوڭىل اشۋ ورىندارىنا بارۋىڭا ءتىپتى دە بولمايدى، ’جات دىندەگىلەر‘مەن ارالاسۋىڭا بولمايدى، ’جيھاد‘ جاساۋىڭ كەرەك، سوندا عانا ولسەڭ جانناتقا كىرە الاسىڭ، ايتپەگەندە توزاققا تۇسەسىڭ“، - دەدى. اعايىمنىڭ سوزدەرى قۇلاق تۇبىمدە جاڭعىرىپ تۇراتىن بولدى.
مەكتەپكە قايتىپ بارعاننان كەيىن، ماڭايىمنان ءان ايتىپ، ءبي بيلەگەن ۇيعۇر ساباقتاستاردى كورسەم، ولاردى ”ساتقىن“، ”ۇلتتىڭ ازعىنى“ دەپ ياناتتادىم، ولارعا ءدىني ۇشقارى يدەيانى ءسىڭىردىم. وقۋ تاۋىسقاننان كەيىن ەلەكتروندىق بۇيىمدار ساتاتىن سەرىكتەستىكتە قىزمەت ىستەدىم، ۇنەمى قىزمەتتەستەرىمە ءدىني ۇشقارى يدەيانى ءناسيحاتتادىم. ءۇي اشەكەيلەۋمەن شۇعىلداناتىن اعام مەن دوستارىما ”جات دىندەگىلەر“مەن ساۋدا جاساماڭدار، ولارمەن سويلەسپەڭدەر دەدىم. اكە - شەشەم مەنىڭ ءسوز - ارەكەتىمدى بايقاعاننان كەيىن ىشتەي قاتتى ابىرجىپ، مەنى لوپ اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىنا بارىپ ۇيرەنۋگە ءناسيحاتتادى.
باۋلۋ ورتالىعىندا، مۇعالىم ماعان: سەن ءالى جاسسىڭ، قاتەلىك وتكىزۋ قورقىنىشتى ەمەس، ماڭىزدىسى قاتەلىكتى تۇزەتە بىلۋدە، بولاشاقتى كورە ءبىلۋ كەرەك، - دەدى. زاڭ بىلىمدەرىن ۇيرەنۋ ارقىلى مەنىڭ وي - سانام سەرگي باستادى. مۇعالىمنىڭ كومەكتەسۋىندە، مەنىڭ ۇيرەنۋ ناتيجەم كۇننەن - كۇنگە جاقسارىپ، ءوزىمدى قارا تۇنەك قاپاستان شىققانداي سەزىندىم. ءدىني ۇشقارى يدەيانىڭ زيانى مەن ءدىني ۇشقارى ەلەمەنتتەردىڭ سۇرقيالىعىن ءتۇسىندىم، ءوزىمنىڭ وتكەندەگى ارەكەتتەرىمنىڭ زاڭعا قايشى بولعاندىعىن تانىدىم.
مۇعالىمنىڭ كومەكتەسۋىندە، مەملەكەتتە ءبىر تۇتاس قولدانىلاتىن ءتىل - جازۋ قابىلەتىم كورنەكتى جوعارىلادى. اۋەسىم بويىنشا، تاعى تاربيەلەۋ - باۋلۋ ورتالىعىنىڭ ەلەكتروندىق جابدىقتاردى جوندەۋ كاسىبى مەن كاسىپورىن باسقارۋ ساباقتارىنا قاتىناستىم. مۇعالىمىمنىڭ شىن ىقىلاسىمەن تاربيەلەۋىندە جانە ءوزىمنىڭ قۇلشىنىسىمنىڭ ارقاسىندا، ەلەكتروندىق جابدىقتاردى جانە ءۇي ەلەكتر جابدىقتارىن جوندەۋ تەحنيكاسىن جۇيەلى يگەرىپ الدىم.
وقۋ تاۋىسقاننان كەيىن، ءبىر سەرىكتەستىكتە ەلەكتروندىق جابدىقتاردى جوندەۋ جانە ساتۋ قىزمەتىنە جاۋاپتى بولدىم. قوجايىن ماعان مەملەكەتتە ءبىر تۇتاس قولدانىلاتىن تىلگە بارعان سايىن جاتىلىپ كەلەسىڭ، ونىڭ ۇستىنە كومپيۋتەر بىلىمدەرىن يگەرىپ الدىڭ، زاڭنان ساۋاتىڭ بار دەپ، ماعان سەرىكتەستىكتىڭ ورىنباسار باس ديرەكتورلىق مىندەتىن جۇكتەدى، سونىمەن بىرگە، قارا ساڭىراۋقۇلاق ەگىنشىلىگى سەلبەستىك كووپەراتيۆى مەن سويىس ۇيرەك باعىمشىلىعى سەلبەستىك كووپەراتيۆىن باسقارۋعا جاۋاپتاندىردى.
قازىر سەلبەستىك كووپەراتيۆىمىز وندىرگەن قارا ساڭىراۋقۇلاق ماڭايىمىزداعى ءارقايسى ساۋدا ەرەن بازارلارى مەن تاعامجايلارعا ساتىلۋدا، سەرىكتەستىكتىڭ باس ديرەكتورى مەنى قىزمەتكە بەلسەندى دەپ ماقتايدى، ۇيرەنگەن بىلىمدەرىمە سۇيەنىپ، سەرىكتەستىكتىڭ دامۋى بارىسىندا جولىققان كەيبىر ماسەلەلەردى شەشتىم، مەنىڭ قىزمەت قابىلەتىم مەن قارىم - قاتىناس جاساۋ قابىلەتىمدى كوپشىلىك مويىندايدى.
قازىر قايىرىلا قاراپ ويلانسام، ءدىني ۇشقارى يدەيا دەگەن مەرەز مەنىڭ كوزىمدى كولەگەيلەپ، باعدارىمنان اداستىرىپتى، ۇكىمەت ماعان شۇعىلالى جول نۇسقاعان ەكەن. قازىر مەن ايىنا 5000 − 6000 يۋان كىرىس تابامىن، ەڭبەكاقىمنىڭ كوبىن اكە - شەشەمە بەرەمىن. اكەم ماعان ۇيرەنىپ العا باسقاندا عانا بولاشاعىڭ بولادى دەيدى، سوندىقتان مەن ۇيرەنۋدى ۇزبەي جالعاستىرىپ، ءوزىمنىڭ قوس قولىما سۇيەنىپ اقشا تابامىن، مەن بۇدان كەيىنگى تۇرمىسىمنىڭ كۇننەن - كۇنگە جاقساراتىندىعىنا سەنەمىن.
(ءتىلشى جىڭ جو رەتتەگەن)
