− اۆتونوميالى رايوننىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋىنەن جەلىلەس جالپى شولۋ
شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ يۇنمەي
اۋەلگى ماقساتتى ۇمىتپاعاندا عانا ءىستىڭ ناتيجەسى بولادى.
”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، رايونىمىزداعى ءار دارەجەلى پارتيا ۇيىمدارى نازاردى نەگىزگى تاقىرىپقا، نەگىزگى جەلىگە شوعىرلاندىرىپ، ”شەشۋشى ازشىلىق“تى مىقتى ۇستاپ، جاۋاپكەرشىلىكتى ساتى سايىن ناقتىلاندىرىپ، ۇيرەنۋ سالتى قۇرىلىسىن، ستيل قۇرىلىسىن مىقتاپ يگەرىپ، جالعان ناتيجەدەن كۇش سالا ساقتانىپ، ناقتى ونىمدىلىككە تالپىندى. قالىڭ پارتيا مۇشەلەرى مەن كادرلار نەگىزگى تاقىرىپتىق تاربيەنىڭ شىڭداۋىندا قاسيەتتى جەتىلدىرىپ، ادالدىقتى بەكەمدەپ جانە جەتىلدىرىپ، ونان ارى قايراتتانىپ، جاۋاپكەرشىلىك ارقالاۋعا باتىل، ىسكەرلىك كورسەتۋگە شەبەر بولىپ، ءىس جۇزىندىك ارەكەتتەرى ارقىلى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ بارىسىندا ەسە قوسىپ، ەڭبەك ءسىڭىردى.
ۇيرەنۋ سالتى اناعۇرلىم ناقتى بولىپ، مۇرات - سەنىمدى بارىنەن جوعارى قويدى
نەگىزگى تاقىرىپتىق تاربيە ورىستەتىلگەننەن بەرى، رايونىمىزداعى ءار دارەجەلى پارتيا ۇيىمدارى جانە قالىڭ پارتيا مۇشەلەرى مەن كادرلار ءتۇپ نۇسقانى مۇقيات وقىپ، اۋەلگى ءماتىندى ۇيرەنىپ، قاعيداسىن ءتۇسىنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدىڭ، دايەكتىلەندىرۋدىڭ ناقتىلانۋىن، تەرەڭدەۋىن، كوڭىلگە ۇيالاۋىن ىلگەرىلەتۋدىڭ تىڭ ورلەۋىن ۇزدىكسىز كوتەرىپ، يدەيالىق جان جۇيەسى تەرەڭ اسەرگە بولەنىپ، ءبىر رەتكى قاتاڭ پارتيالىلىق شىڭدالۋدى جانە ساياسي سىندى باستان كەشىردى.
كەيبىر باسشى كادرلار تەبىرەنە، ۇيرەنگەن سايىن وزدەرىنىڭ نازاريالىق جاقتاعى كەمىستىگىن، تانىمداعى تايازدىعىن سەزىنگەندەرىن، ۇيرەنگەن سايىن كوڭىل كوكىرەگى جارقىراپ، يدەياداعى تۇمان سەيىلىپ، ۇدايى ۇيرەنۋ، تەرەڭدەي ۇيرەنۋ، ءومىر بويى ۇيرەنۋ بەكىمدەرىنىڭ اناعۇرلىم نىعايعاندىعىن ايتتى.
”بۇرىن ۇيرەنۋ ءۇشىن ۇيرەنىپ، وقىتۋ ءۇشىن وقىتاتىنبىز، وسى جولى ورنىعىپ وتىرىپ، كوڭىل قويىپ، ۇڭىلە ۇيرەندىك.“ قالىڭ پارتيا مۇشەلەرى مەن كادرلار جاپپاي ءبىر مەزگىل كوڭىل قويىپ ۇيرەنۋ، ۇڭىلىپ ءتۇسىنۋ ارقىلى نازاريا جاقتاداعى ءجۇردى - باردى بىلىمدەردىڭ جۇيە بولىپ قالىپتاسقاندىعىن، ايقىن ەمەس تانىمداردىڭ جولى اشىلىپ، قىزمەت بارىسىنداعى كوپتەگەن ولقىلىقتاردىڭ، قيىن ماسەلەلەردىڭ نازاريالىق جاقتان توركىنى مەن ءادىس - امالى تابىلعانىن سەزىندى.
اۆتونوميالى رايوندىق پارتكوم كەڭسەسى پارتيا قۇرىلعاندىعىنىڭ 98 جىلدىعى، جاڭا جۇڭگو قۇرىلعاندىعىنىڭ 70 جىلدىعى جانە شينجياڭنىڭ بەيبىت جولمەن ازات بولعاندىعىنىڭ 70 جىلدىعى جەلىلەس قۇتتىقتاۋ قيمىلدارىن ورىستەتتى، جاڭ فۋچيڭ جولداستىڭ وزات ىزگى ىستەرىنەن بايانداما جاساۋ ءماجىلىسىن وتكىزدى؛ اۆتونوميالى رايوندىق پارتكوم ۇيىمداستىرۋ ءبولىمى پارتيالى كادرلاردى پارتيا تاريحىن، جاڭا جۇڭگو تاريحىن ۇيرەنۋگە، 3 اق تىستى كىتاپتى توڭىرەكتەي وتىرىپ زەرتتەۋ - تالقى وتكىزۋگە ۇيىمداستىردى؛ اقسۋ ايماعى، حوتان ايماعى جەكە - جەكە كوكيار جاسىلداندىرۋ ينجەنەرياسى ەسكەرتكىش سارايى، تىڭ يگەرىپ، شەكارانى قورعاۋ ەسكەرتكىش سارايى سياقتى تاربيە بايلىقتارىن تايانىش ەتىپ، جاڭا داۋىردەگى وتانشىلدىق تاربيەنى ىشكەرىلەي ورىستەتتى؛ قاشقار داشۋەسى باس شۋجي شي جينپيڭنىڭ مەكتەپتىڭ يدەيالىق ساياسي نازاريا ساباعى وقىتۋشىلارىمەن اڭگىمە ءماجىلىس وتكىزگەن كەزدە سويلەگەن ماڭىزدى ءسوزىنىڭ رۋحىن نەشە قايتالاپ ۇيرەنىپ، ”توراڭعى رۋحىمەن ادام تاربيەلەۋگە، شينجياڭدى گۇلدەندىرۋگە، شەكارانى بەكەمدەۋگە قىزمەت ەتۋگە“ تاباندى بولدى؛ شيننىڭيۋان توبى ”شيننىڭيۋان توبىندا تولىمدى پارتيا مۇشەسىنە ءتورت سۇراۋ“ ۇيرەنۋ، زەرتتەۋ - تالقى ورىستەتتى. جۇڭتاي توبى، شينتوۋ توبى پارتيالى كادرلارمەن جۇمىسشى - قىزمەتكەرلەردىڭ ”نازاريا + كاسىپتىك جۇمىس“ بويىنشا ەكى جاقتان جوعارىلاۋ ينجەنەرياسىن اتقارىپ، ۇيرەنۋ جەتىستىكتەرىن كاسىپورىننىڭ جوعارى ساپالى دامۋىن ىلگەرىلەتۋدە ايگىلەدى...
جۇيەلى ۇيرەنۋ، ىلەسىپ ۇيرەنۋ، ىشكەرىلەي ۇيرەنۋ ارقىلى قالىڭ پارتيا مۇشەلەرى مەن كادرلار پارتيانىڭ ساياسي قۇرىلىسىن بۇلجىماستان ماڭداي الدى ورىنعا قويىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنا دەگەن تۇسىنىكتى تەرەڭدەتىپ، ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، سۇيىسپەنشىلىك جاقتان شىنايى مويىنداۋدى كۇشەيتىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىنىڭ، پارتيانىڭ جاڭا داۋىردەگى شينجياڭدى جونگە سالۋ جالپى جوباسىنىڭ شينجياڭ قىزمەتىن جاقسى ىستەۋدىڭ ارەكەت باعدارناماسى مەن ءتۇبىرلى بويسۇنۋ ولشەمى ەكەندىگىن اناعۇرلىم تەرەڭ ءتۇسىنىپ، اۋەلگى ماقساتتى، بورىشتى كوڭىلگە كەستەلەپ، ”ءتورت تانىم“دى بەرىك ورناتۋدىڭ، ”ءتورت سەنىم“دى بەكەمدەۋدىڭ، ”ەكىنى قورعاۋ“دى ورىنداۋدىڭ ساياسي سانالىلىعىن، يدەيالىق سانالىلىعىن، ارەكەت سانالىلىعىن كورنەكتى كۇشەيتتى.
ستيلى اناعۇرلىم بەكەم بولىپ، ستيلى پاك، سالتى دۇرىس ومىرشەڭدىك كۇش تاسقىندادى
نەگىزگى تاقىرىپتىق تاربيە بارىسىندا، رايونىمىز فورماشىلدىق، تورەشىلدىك جانە ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساۋ ماسەلەلەرىن ۇزدىكسىز رەتتەپ - جونگە سالىپ، بۇقارانىڭ ماڭايىندا تۋىلعان بۇرىس سالت جانە شىرىكتەسۋ ماسەلەلەرىن قاتاڭ تەكسەرىپ ءبىر جاقتى ەتىپ، حالىق ءۇشىن ناقتى ىستەۋدىڭ پاك ستيلىن اسقاقتاتتى.
نەگىزگى تاقىرىپتىق تاربيەنى ورىستەتۋدى ”نەگىزگى ساتىنىڭ اۋىرتپالىن جەڭىلدەتۋ جىلى“نىڭ تالاپتارىن تياناقتاندىرۋمەن ۇشتاستىردى. اۆتونوميالى رايون جوعارىدان تومەنگە دەيىن ءتۇزىلىس - مەحانيزمدە جاڭالىق اشىپ، قاتاڭ شارالاردى جولعا قويىپ، زور كۇشپەن حۇجاتتاردى ىقشامداپ، جيىنداردى قىسقارتىپ، قوس قابات باعالاۋ سياقتىلاردى اداقتاپ، نەگىزگى ساتىنىڭ اۋىرتپالىعىن جەڭىلدەتتى. ءار دارەجەلى پارتيا ۇيىمدارى جالعان ناتيجەدەن كۇش سالا ساقتانىپ، ناقتى ونىمدىلىككە تالپىنىپ، ماماندار لەكسياسىن، نازاريالىق جەتەكشىلىكتى وزدىگىنەن ۇيرەنۋدىڭ جانە زەرتتەۋ - تالقىنىڭ ورنىنا قويمادى، كىتاپ وقۋ ەستەلىگىن جازۋ، اسەرىن جازۋ سياقتىلار جونىندە قاتاڭ تالاپ قويمادى، ”ۇستىرت“، ”شالاعاي“ تەكسەرۋ - زەرتتەۋ جۇرگىزبەدى...
اراسان اۋدانى انگىلىك قالاشىعىنىڭ ورىنباسار باستىعى جاڭ يانحۇڭ بىلاي دەدى: ”قازىر مالىمەت كەستەسى ازايدى، جيىن ازايدى، تەكسەرۋ ازايدى، نەگىزگى ساتىداعى كادرلاردىڭ اۋىرتپالىعى كورنەكتى جەڭىلدەپ، تياناقتاندىرۋدى يگەرەتىن، ناقتى ىستەر ىستەيتىن ۋاقىت كورنەكتى مولايىپ، ءبىز ءتىپتى دە كوپ ۋاقىتىمىزدى وتباسىلارىن ارالاپ جاعداي ۇعىسۋعا جۇمسايتىن، ءتىپتى دە كوپ جىگەر - قايراتىمىزدى بۇقارانىڭ ءىس جۇزىندىك قيىنشىلىعىن شەشۋىنە كومەكتەسۋگە جۇمسايتىن بولدىق“.
نەگىزگى تاقىرىپتىق تاربيە بارىسىندا، رايونىمىزداعى ءار دارەجەلى پارتيا ۇيىمدارى بۇقارا ءجىتى قاداعالاپ وتىرعان قيىن، تالماۋ، كەسە - كولدەنەڭ ماسەلەلەردى شەشۋدى قىزمەت بەتالىسى ەتىپ، ستيلگە شىنايى بۇرىلىس جاساپ، شىن جۇرەگىمەن، ادال نيەتىمەن بۇقارانىڭ قيىن ماسەلەلەرىن شەشتى، بۇقارانى ناقتى يگىلىككە كەنەلدىردى. جۇرتشىلىق قۋانىشتى تۇردە بىلاي دەدى: ”كادرلار ستيلى بارعان سايىن جاقساردى، قيىنشىلىق بولسا كادرلار ۇيگە بارىپ كومەكتەسەدى، نەگىزگى تاقىرىپتىق تاربيەنىڭ جۇرگىزىلگەنى وتە جاقسى بولدى“.
ءۇرىمجى قالالىق ۇكىمەتتىك قىزمەت وتەۋ، باسقارۋ مەكەمەسى نازاردى بۇقارا اڭىس ەتكەن كورنەكتى ماسەلەلەرگە شوعىرلاندىرىپ، تەرەزەلىك قىزمەت وتەۋ ونىمدىلىگىن، ستيل قۇرىلىسىن دالمە - ءدال باعالاپ، جەلىدە، جەلىدەن سىرت ۇكىمەتتىك قىزمەت وتەۋدىڭ ”جاقسى، ناشار باعاسىن“ كورسەتتى، جۇمىس بىتىرگەن بۇقارا، كاسىپورىندار قىزمەت وتەۋ ونىمدىلىگىن باعالادى. ”ءتارتىبى قاراپايىم، جۇمىس بىتىرۋ قولايلى، قىزمەت وتەۋ پوزيتسياسى دا بارعان سايىن جاقساردى“، - دەدى شينجياڭ دۇڭجيادادي كەن كاسىبى تەحنيكاسىنان كەڭەس بەرۋ شەكتى سەرىكتەستىگىنىڭ قىزمەتكەرى ليۋ كىۋي قۋانا.
پاك، كىرشىكسىز بولۋدان ۇلگى كورسەتۋدە، ءسوز جوق، ۇقىقتى ءادىل ىستەتۋگە تاباندى بولۋ كەرەك. اۆتونوميالى رايونداعى ءار دارەجەلى پارتيا ۇيىمدارى جاۋاپكەرشىلىكتى تياناقتاندىرۋدى كۇشەيتىپ، بۇقارانىڭ اينالاسىنداعى شىرىكتەسۋ جانە ستيل ماسەلەسىندەگى تالماۋ تۇستاردى شىنايى تۇردە ءبىر - بىرلەپ ەمدەپ جازۋ، قيىن تۇيىندەردى ءبىر - بىرلەپ شەشۋ كەرەك.
1 - ايدىڭ 2 - كۇنى اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى 2019 - جىلدىڭ 12 - ايىندا تۇتاس رايونىمىزدىڭ ورتالىقتىڭ 8 ءتۇرلى بەلگىلەمەسىنىڭ رۋحىنا قايشى كەلۋ ماسەلەسىن جيناقتاۋ جاعدايىن جاريالادى. ساندى مالىمەتتە كورسەتىلۋىنشە، سول ايدا جالپى 182 ماسەلە تەكسەرىلىپ ءبىر جاقتى ەتىلگەن، 188 ادام ءبىر جاقتى ەتىلگەن، 167 ادامعا پارتيا ءتارتىبى، اكىمشىلىك جازاسى بەرىلگەن.
اۆتونوميالى رايوندىق ءتارتىپ تەكسەرۋ كوميتەتى باقىلاۋ - تەكسەرۋ كوميتەتى پارتيا ستيلىن، ۇكىمەت ستيلىن باقىلاۋ كەڭسەسىنىڭ ورىنباسار مەڭگەرۋشىسى قۇربانجان يۇسۇپ بىلاي دەدى: ”ءبىز نەگىزگى تاقىرىپتىق تاربيەنى كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەسىن ارناۋلى جونگە سالۋدى، سونداي - اق حالىق تۇرمىسى سالاسىن ارنالى رەتتەۋ - وڭاۋدى ءبىر تۇتاس جوسپارلاۋدى تەرەڭدەتۋمەن ۇشتاستىرىپ، باقىلاۋدى، ءتارتىپ اتقارۋدى، جاۋاپقا تارتۋدى كۇشەيتىپ، بۇقاراعا دۇرىس سالتتىڭ، شىرىكتەسۋگە قارسى تۇرۋدىڭ ماڭايلارىندا، پارتيا قامقورلىعىنىڭ جاندارىندا ەكەندىگىن شىنايى سەزىندىرىپ، ناقتى رەتتەۋ - تۇزەتۋ ونىمدىلىگىمەن حالىق سەنىمىنە يە بولىپ، ءىس جۇزىندىك ارەكەتپەن ءتارتىپ تەكسەرۋ، باقىلاۋ - تەكسەرۋ كادرلارىنىڭ اۋەلگى ماقساتى مەن بورىشىن امالياتتا ايگىلەيمىز“.
ستيل قۇرىلىسى ماڭگى جالعاسادى. قالىڭ پارتيا مۇشەلەرى مەن كادرلار مىنانى ءبىلدىردى: حالىق ءۇشىن ناقتى، كىرشىكسىز بولۋ ساياسي قاسيەتىن ماڭگى ساقتاپ، كىرشىكسىز ادام بولىپ، جۇمىستى پاك ىستەپ، ۇقىقتى ءادىل ىستەتۋگە، ۇقىقتى زاڭ بويىنشا ىستەتۋگە، ۇقىقتى حالىق ءۇشىن ىستەتۋگە، ۇقىقتى پاك ىستەتۋگە تاباندى بولىپ، ستيلى پاك، سالتى دۇرىس ساياسي ەكولوگيانى قالىپتاستىرامىز.
جاۋاپكەرشىلىك ارقالاۋى اناعۇرلىم كۇشەيدى، ءىس تىندىرىپ، ناتيجە شىعارۋ تەبىنى جەتكىلىكتى بولدى
نەگىزگى تاقىرىپتىق تاربيە ارقىلى اۆتونوميالى رايونىمىزداعى ءارقايسى تاراۋلاردىڭ، ورىنداردىڭ، ورگانداردىڭ پارتيا مۇشەلەرى مەن كادرلار تۇسىنىگىن تەرەڭدەتىپ، جاۋاپكەرشىلىك تانىمىن اناعۇرلىم كۇشەيتتى؛ ايماقتارداعى، وبلىستارداعى، قالالارداعى پارتيا مۇشەلەرى مەن كادرلار ۇيرەنە ءجۇرىپ ويلانىپ، ۇيرەنە ءجۇرىپ ۇعىنىپ، پارىقتى تابۋعا، تياناقتاندىرۋدى يگەرۋگە نەگىز قالادى؛ ءارقايسى كاسىپورىنداردىڭ، ورىنداردىڭ پارتيا مۇشەلەرى مەن كادرلارى ارناۋلى تاقىرىپتىق زەتتەۋ - تالقىلاۋ ورىستەتىپ، وزىندە ورىن تەپكەن ماسەلەنى، جەتەرسىزدىكتى قۇلشىنا تەكسەرىپ تاپتى؛ ءارقايسى جوعارى مەكتەپتەردىڭ پارتيا مۇشەلەرى مەن كادرلارى نەگىزگى تاقىرىپتىق تاربيە ورىستەتۋدى ونەگە كورسەتىپ، ادام تاربيەلەۋ قىزمەتىمەن ۇشتاستىرىپ، پارتيا ءۇشىن ادام تاربيەلەۋ، مەملەكەت ءۇشىن دارىندى جەتىلدىرۋ قىزمەت جاۋاپكەرشىلىگى مەن مىندەتىن اناعۇرلىم امالياتتا ايگىلەدى.
اۆتونوميالى رايوندىق حالىق قۇرىلتايى تۇراقتى كوميتەتى ورگانى جاڭا داۋىردەگى شينجياڭ حالىق قۇرىلتايى قىزمەتىنىڭ ورنىن، مىندەتىن، ءادىسىن ايقىنداپ، زاڭ ەرەجە شىعارۋ، باقىلاۋ، ۋاكىلدەر قىزمەتىن ويداعىداي ىستەپ، باس نىسانانى جۇزەگە اسىرۋعا زاڭمەن جونگە سالۋ جاعىنان قامتاماسىزدىق ازىرلەدى؛ اۆتونوميالى رايوندىق پارتكوم ۇيىمداستىرۋ ءبولىمى وقۋ - اعارتۋ دارىندىلارىنىڭ ”ۇجىمدىق ۇلگى“ دەگى شينجياڭعا كومەكتەسۋىن تىڭعىلىقتى ىلگەرىلەتىپ، باس نىسانانى جۇزەگە اسىرۋعا دارىندىلار كۇشىن توپتادى؛ اۆتونوميالى رايوندىق حالىق پروكۋراتۋراسى ”حالىقتىق كاسىپورىندارعا قىزمەت وتەۋ 10 تارماعىن“ جاساپ، ەكونوميكانىڭ جوعارى ساپالى دامۋىنا كۇش ۇستەدى؛ شينجياڭ داشۋەسى مەن جۇڭشان داشۋەسى ”شينجياڭنىڭ تاريحي مادەنيەتىن جانە ساياحاتتى باياندى دامىتۋدىڭ اۆتونوميالى رايوندىق ءتۇيىندى تاجىريبەحاناسىن“ بىرگە قۇرىپ، شينجياڭنىڭ ساياحات كاسىبىنىڭ دامۋىنا كۇش ۇستەدى...
كەزەكتە شينجياڭنىڭ قوعامدىق كەلەلى جاعدايى ءۇرتىس ورنىقتى بولدى، ءۇرتىس 3 جىل زورلىقتى كۇش، لاڭكەستىك دەلوسى تۋىلمادى، ءتۇرلى دەلولار ءۇرتىس ازايدى، ءار ۇلتتتىڭ حاۋىپسزدىك سەزىمى كورنەكتى كۇشەيدى، قوعام ورنىقتىلىعى مەن باياندى تىنشتىق سەنىمى كورنەكتى كۇشەيدى.
تۇرپان قالاسى ساياحات كاسىبىنىڭ شارق ۇرا دامۋ اۋقىمىنا مەڭزەس، نەگىزگى تاقىرىپتىق تاربيە بارىسىندا ساياحات نەگىزدىك قۇرىلعىسى ءالسىز بولۋ ماسەلەسىن كۇش سالا شەشۋمەن بىرگە، تاعى ساياحات كاسىپورىندارىنىڭ دامۋ قاجەتىمەن تىعىز بايلانىستىرىپ، ساياحات ەكونوميكاسى ارناۋلى كەزەكشىلىك گرۋپپاسىن قۇرىپ، ىرىقتىلىقپەن قىزمەت وتەپ، شەكتى ۋاقىتتا شەشۋ مەحانيزمىن شىعارىپ، كاسىپورىنداردىڭ دامۋىنا تاماشا تيجارات - ساۋدا ورتاسىن جاراتىپ، دامۋ كومەسكى كۇشى بار قىرۋار ساياحات كاسىپورنىن تۇرپانعا ىرگە تەبۋگە باۋرادى.
”ۇكىمەتتىڭ ءبىزدى قولداۋ تەبىنى وتە زور بولدى، ءبىزدىڭ ەلەكتر، سۋ، ادام ىستەتۋ جانە كۋالىك ءبىتىرۋ سياقتى ءىس جۇزىندىك ماسەلەلەرىمىزدى سايكەستىرىپ شەشىپ قالماستان، تاعى ىرىقتىلىقپەن ۇيىمىزگە كەلىپ قىزمەت وتەپ، ءبىزدىڭ دامۋداعى قيىن ماسەلەلەرىمىزدى شەشتى، بۇل ءبىزدىڭ بولاشاق دامۋعا نىق سەنىم ورناتۋىمىزعا مۇمكىندىك جاسادى“، - دەدى 2019 - جىلى تۇرپان قالاسىنا ىرگە تەپكەن ”يار باۋ - باقشا“ حالىقتىق تۇسەلحاسىنىڭ جاۋاپتىسى لي يۇنحۇي.
اۋەلگى ماقساتقا جەتۋ وڭاي بولعانىمەن، ونى باستان - اياق ساقتاۋ قيىن. قالىڭ پارتيا مۇشەلەرى مەن كادرلار مىنانى ءبىلدىردى: تاباندى، باتىل تۇردە شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ تاباندى سەنۋشىلەرى، ادال امالياتتا ايگىلەۋشىلەرى بولىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“دى ومىرلىك تاقىرىپ ەتىپ، ۇيرەنۋ، وي جۇگىرتۋ، امالياتتا ايگىلەۋ، ءتۇسىنۋدىڭ ءىس جۇزىندىك جەتىستىكتەرى ارقىلى ءوز قىزمەتىمىزدى جەبەپ، قيىنشىلىق الدىندا باس يمەي، سىن - سايىس الدىندا تايساقتاماي، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ جولىندا قاجىماي - تالماي كۇرەس جۇرگىزەمىز.
