− جۇڭگو حالىق ساياسيءماسليحات كەڭەسى شينجياڭ ۇيعۇر اۆتونوميالى رايوندىق 12 - كەزەكتى كوميتەتىنىڭ 3 - ماجىلىسىندە 2020 - جىلى 1 - ايدىڭ 5 - كۇنى جاسالدى
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن
1 - ايدىڭ 5 - كۇنى نۇرلان ءابىلماجىن اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ماجىلىسىندە ساياسي كەڭەس تۇراقتى كوميتەتىنىڭ قىزمەتىنەن بايانداما جاساۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن
مۇشەلەر:
مەن ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسايمىن، قاراپ شىعۋلارىڭىزدى سۇرايمىن.
ءبىرىنشى، 2019 - جىلعى قىزمەتتەرگە شولۋ
2019 - جىل − جاڭا جۇڭگو قۇرىلعاندىعىنىڭ 70 جىلدىعى، حالىق ساياسي كەڭەسى قۇرىلعاندىعىنىڭ 70 جىلدىعى، شينجياڭ بەيبىت ازات بولعاندىعىنىڭ 70 جىلدىعى، پارتيامىز بەن مەملەكەتىمىز تاريحىندا ەرەكشە ماڭىزدى مانگە يە ءبىر جىل. پارتيا ورتالىق كوميتەتى باستامالىق، بەلەستىك ءمان الاتىن 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسىن جانە ورتالىقتىڭ ساياسي كەڭەس قىزمەتى ءماجىلىسىن اشىپ، «جۇڭگو كوممۋنيستىك پارتياسى ورتالىق كوميتەتىنىڭ جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندەگى ءبىرقانشا كەلەلى ماسەلەلەر تۋرالى قارار»دى جانە «جۇڭگو كوممۋنيستىك پارتياسى ورتالىق كوميتەتىنىڭ جاڭا داۋىردە حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى پىكىرىن» جاساپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ جاڭا ساپارىن باستاپ، جاڭا داۋىردەگى حالىق ساياسي كەڭەس ىستەرى دامۋىنىڭ تىڭ ءورىسىن اشتى.
ءبىر جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك ساياسي كەڭەستىڭ قۋاتتى جەتەكشىلىگىندە، تۇتاس رايونىمىزداعى ءار دارەجەلى ساياسي كەڭەستەر شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، ىنتىماق جانە دەموكراتيا سىندى ەكى نەگىزگى تاقىرىپقا تاباندى بولىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، اۆتونوميالى رايوندىق پارتكومنىڭ باسشىلىعىندا ”1+3+3+رەفورما جاساۋ، ەسىك اشۋ“ قىزمەت ورنالاستىرۋىن مىقتاپ ارقاۋ ەتىپ، نازاريامەن قارۋلانۋدى كۇشەيتىپ، پارتيا قۇرىلىسىنىڭ جەتەكشىلىگىن كورنەكتىلەندىرىپ، ساپاسىن وسىرۋگە، ونىمدىلىگىن ارتتىرۋعا باسا ءمان بەرىپ، جۇيەنىڭ بىرلەسە قيمىلداۋىن كۇشەيتىپ، ارناۋلى كەڭەستىك قۇرىلىمنىڭ رولىن تولىق ساۋلەلەندىرىپ، ۇكىمەت ىسىنە سىندارلى اقىل - كەڭەس بەرۋ جانە ورتاق تانىم ۇيىستىرۋ جاعىندا قوس باعىتتا كۇش جۇمساپ، بۇكىل رايوننىڭ ورنىقتىلىق، دامۋ، رەفورما ىستەرىن ىلگەرىلەتۋ ءۇشىن ماڭىزدى ۇلەس قوستى.
(1) جاسامپاز نازاريامەن قارۋلاندىرۋدى كۇشەيتىپ، ورتاق يدەيالىق - ساياسي نەگىزدى بەكەمدەدىك.
ءبىز ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن تىڭعىلىقتى ورىستەتتىك. نازاردى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ سىندى وسى ءتۇبىرلى مىندەتكە شوعىرلاندىرىپ، ”اۋەلگى ماقساتتان اينىماۋ، بورىش ارقالاۋ، پارىقتاردى تابۋ، تياناقتاندىرۋدى يگەرۋ“ باس تالابىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ۇيرەنۋدى، دايەكتىلەندىرۋدى باستان - اياق ساباقتاستىرىپ، ۇيرەنۋ - تاربيەنى، تەكسەرۋ - زەرتتەۋدى، ماسەلەلەردى قاداعالاۋدى، رەتتەۋ - تۇزەتۋدى تياناقتاندىرۋدى جالپى بارىسقا سىڭىردىك، بۇكىل رايونداعى ءار دارەجەلى ساياسي كەڭەس القا مۇشەلەرى مەن كادرلار 1171 رەت پارتيا ساباعىن ءوتتى، 1413 رەت وتانشىلدىق تاربيە، توڭكەرىستىك ءداستۇر تاربيەسىن، وزات تيپتەر تاربيەسىن جانە ساقتىق تاربيەسىن ورىستەتتى، 1670 رەت تەكسەرۋ - زەرتتەۋ جۇرگىزدى، ءتۇرلى ماسەلەلەردەن 3116سىن قاداعالادى، رەتتەپ - تۇزەتتى، نازاريا ۇيرەنۋدە تابىس بولۋ، يدەيا - ساياسيدا شىڭدالۋدان ءوتۋ، ءىس تىندىرۋدا، ناتيجە شىعارۋدا باتىلدىقپەن جاۋاپكەرشىلىك ارقالاۋ، حالىق ءۇشىن قىزمەت ىستەپ قيىن ماسەلەلەردى شەشۋ، پاكتىكتە، كىرشىكسىزدىكتە ونەگە بولۋ نىساناسىنا جەتىپ، نەگىزگى تاقىرىپتىق تاربيە مەن مىندەت اتقارۋ قىزمەتى ءبىرىن - ءبىرى جەبەگەن، بىرگە جوعارىلاعان ونىمدىلىككە قول جەتكىزدى.
ءبىز پارتيانىڭ ساياسي كەڭەس قىزمەتىنە جاپپاي باسشىلىعىنا بۇلجىماي تاباندى بولدىق. ايقىن تۋ ۇستاي وتىرىپ ساياسيدى دارىپتەپ، باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، ساياسي كەڭەسكە قاتىناسقان ءارقايسى پارتيا - توپتارمەن، ۇيىمدارمەن، ءار ۇلت، ءار سالا قايراتكەرلەرىن پارتيانىڭ باسشىلىعىنا مىزعىماي تاباندى بولۋعا، جۇڭگوشا سوتسياليستىك ساياسيدى دامىتۋ جولىنان باتىل اۋىتقىماۋعا جەتەكتەدىك. ءار دارەجەلى ساياسي كەڭەس پارتيا باسشىلىق گرۋپپالارىنىڭ باعداردى يگەرۋ، كەلەلى جاعدايدى مەڭگەرۋ، تياناقتاندىرۋعا كەپىلدىك ەتۋدەگى باسشىلىق رولىن تولىق ساۋلەلەندىرىپ، پارتيانىڭ ساياسي كەڭەس ۇيىمدارىنا باسشىلىق ەتۋ ءتۇزىم بەلگىلەمەلەرىن تياناقتاندىرىپ، دارەجەلەس پارتكومداردىڭ باسشىلىعىن سانالىلىقپەن قابىلداپ، كەلەلى ماسەلەلەر جونىندە نۇسقاۋ سۇراۋ، مالىمەت بەرۋ ءتۇزىمىن قاتاڭ اتقارىپ، اۆتونوميالى رايوندىق پارتكومنان ەلەۋلى ىستەر جايىندا، ماڭىزدى ۇكىمەت ىستەرىن كەڭەسۋ ناتيجەلەرى جايىندا 75 رەت نۇسقاۋ سۇرادىق، مالىمەت بەردىك، پارتيا باسشىلىق گرۋپپاسىنىڭ ءماجىلىسىن 62 رەت اشىپ، اۆتونوميالى رايوندىق پارتكومنىڭ قىزمەت ورنالاستىرۋلارىن دەر كەزىندە جەتكىزدىك، دايەكتىلەندىردىك. اۆتونوميالى رايوندىق پارتكومنىڭ وزەكتى قىزمەتى قاي دەڭگەيدە ىلگەرىلەتىلسە، ساياسي كەڭەس قىزمەتىن دە سول دەڭگەيدە سايكەستى ىلگەرىلەتىپ، اقىل - پاراسات پەن كۇش - قۋاتتى سول اراعا شوعىرلاندىردىق. اۆتونوميالى رايوندىق ساياسي كەڭەستىڭ پارتيا باسشىلىق ءتۇزىلىسىن كەمەلدەندىرىپ، 8 ارناۋلى كوميتەتتە بولىمشە پارتيا باسشىلىق گرۋپپاسىن قۇرىپ، ساياسي كەڭەستىڭ پارتيا باسشىلىق گرۋپپاسى مۇشەلەرىنىڭ، ورگان پارتيا باسشىلىق گرۋپپاسى مۇشەلەرىنىڭ پارتيا ياچەيكاسىمەن بايلانىس ورناتۋ قىزمەت ءتۇزىمىن تياناقتاندىرىپ، پارتيالى مۇشەلەردىڭ ۇيىمدىق قاتىناسىن قوس قاباتتىق باسقارۋ، پارتيا سىرتىنداعى مۇشەلەرمەن بايلانىس ورناتۋ سياقتى تۇزىمدەردى كەمەلدەندىرىپ، ساياسي كەڭەس پارتيا باسشىلىق گرۋپپاسى، ورگان پارتيا باسشىلىق گرۋپپاسى، ارناۋلى كوميتەتتەردەگى بولىمشە پارتيا باسشىلىق گرۋپپاسى، ورگان پارتكومى، ورگان پارتيا ياچەيكاسى سىندى ”5 دارەجە بىرلەسە قيمىلدايتىن“ پارتيا قۇرىلىسى قىزمەتىنىڭ جاڭا ارناسىن قالىپتاستىرىپ، ۇيىمدىق جۇيە، تۇزىمدىك مەحانيزم جاعىنان پارتيا باسشىلىعىنىڭ ساياسي كەڭەستە دايەكتىلەنۋىنە، تياناقتانۋىنا شىنايى كەپىلدىك ەتتىك.
ءبىز يدەيالىق - ساياسي جاقتان جەتەكشىلىك ەتۋدى، كەڭ كولەمدە ورتاق تانىم ۇيىستىرۋدى كورنەكتى ورىنعا قويدىق. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، كوزدەن كەشىرۋ، تەكسەرۋ، تەكسەرۋ - زەرتتەۋ، كەڭەسۋ، مىندەت وتەۋ قيمىلدارى بارىسىندا ورتاق تانىم ۇيىستىرىپ، ىقپال كۇشىنە، اسەر كۇشىنە، باۋراۋ قۋاتىنا باي جەلىلەس قيمىلدارمەن ءور ايباتپەن جۇڭگو حيكايالارىن، شينجياڭ حيكايالارىن ويداعىداي بايانداپ، بارلىق بەلسەندى فاكتورلاردى قۇلشىنا اتتانىسقا كەلتىرىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇڭگوشا سوتسياليزمگە تاباندى بولۋدى جانە ونى دامىتۋدى وزەك ەتكەن ورتاق يدەيالىق - ساياسي نەگىزدى بەكەمدەدىك. يدەيالىق - ساياسي جاقتان جەتەكشىلىك ەتۋدى كۇشەيتۋدى ۇنەمىلىك يدەيالىق - ساياسي قىزمەتپەن ۇشتاستىرۋعا تاباندى بولىپ، پارىقتاردى ساقتاپ، ورتاقتىققا ۇمتىلىپ، پارىقتاردى قويا تۇرىپ، ورتاق تۇيىنگە جۇمىلىپ، ءارقايسى پارتيا - توپتاردىڭ، ۇيىمداردىڭ جانە ءار ۇلت، ءار سالا قايراتكەرلەرىنىڭ يدەيادا قاتار العا باسۋدى جۇزەگە اسىرۋىن ىلگەرىلەتتىك. دەموكراتيالىق پارتيا - توپتارمەن، ساۋدا - ونەركاسىپشىلەر بىرلەستىگىمەن قويۋ بايلانىس جاساۋ مەحانيزمىن ورناتىپ، پارتيا - توپتاردىڭ، ۇيىمداردىڭ جانە ساۋدا - ونەركاسىپشىلەر بىرلەستىگىنىڭ رولىن اناعۇرلىم ويداعىداي ساۋلەلەندىرۋى ءۇشىن تۇعىر ورناتىپ، شارت - جاعداي ازىرلەدىك. ءبىر جىلدان بەرى، ءارقايسى پارتيا - توپتار، ۇيىمدار سەلبەستىكتىڭ اۋەلگى ماقساتىن ۇمىتپاي، بەلسەنە، ىرىقتى تۇردە مىندەت اتقارىپ، 25 ءماجىلىس جارىس ءسوزىن، 104 ۇسىنىس جوبا تاپسىرىپ، ۇكىمەت ىستەرىن كەڭەسۋ رولىن تولىق ساۋلەلەندىردى. پارتيا سىرتىنداعى زيالىلارمەن، جالپىلىق مەنشىككە جاتپايتىن شارۋاشىلىقتاعى قايراتكەرلەرمەن، جاڭا قوعامدىق جىكتەگى قايراتكەرلەرمەن پىكىرلەسۋدى، بايلانىس ورناتۋدى كۇشەيتىپ، پىكىر - تالاپتارىن دەر كەزىندە اڭىس ەتتىك. چياۋمين باۋىرلاستاردىڭ جاعدايىن تەكسەرۋ جانە بىرلەسكەن دوستىق قيمىلدارىن ىشكەرىلەي ورىستەتىپ، شەتەلدەگى شينجياڭدىق چياۋمين باۋىرلاستاردىڭ ۋاكىلدەرىن ساياسي كەڭەستىڭ جالپى ماجىلىسىنە سىرتتاي قاتىناسۋعا شاقىرىپ، كورىكتى شينجياڭ قۇرۋدىڭ، وتان ارمانىن بىرگە جۇزەگە اسىرۋدىڭ وڭ ەنەرگياسىن كەڭىنەن توپتادىق.
(2) وزەكپەن تىعىز بايلانىستىرىپ ۇكىمەت ىسىنە اقىل - كەڭەس بەرىپ، شينجياڭ قىزمەتىنىڭ باس نىساناسىنا سانالىلىقپەن قىزمەت وتەدىك.
ءبىز قوعامنىڭ جاراسىمدىلىعى مەن ورنىقتىلىعىن قورعاۋعا زەيىن - زەردەنى، كۇش - قۋاتتى شوعىرلاندىردىق. قاشاندا قوعام ورنىقتىلىعىن قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك ەتىپ، ساقتىق دابىلىن ۇزبەي قاعۋعا، ءارقاشان قىراعى بولۋعا تاباندى بولىپ، اۆتونوميالى رايوندىق پارتكومنىڭ قىزمەت ورنالاستىرۋلارىن باتىل تياناقتاندىرىپ، قوعام ورنىقتىلىعىن قورعاۋ قىزمەتتەرىن باتىل، ويداعىداي ىستەدىك. ارناۋلى تاقىرىپتاعى ۇكىمەت ىستەرىن كەڭەسۋ سيپاتتى تۇراقتى كوميتەت ءماجىلىسىن اشىپ، «باس نىسانانى مىقتاپ يگەرىپ، شينجياڭنىڭ كەلەلى جاعدايىنىڭ ۇزدىكسىز جاقسارۋىنا دەم بەرۋ تۋرالى قاۋلى»نى شىعارىپ، بۇكىل رايون قوعامىنداعى ءار سالانى ”ءۇش ءتۇرلى كۇش“پەن، ”ەكىبەتكەيلەر“مەن باتىل كۇرەس جۇرگىزۋگە باستادىق. ”نازاردى باس نىساناعا شوعىرلاندىرۋدى، قوعامنىڭ جاراسىمدىلىعىن، ورنىقتىلىعىن ىلگەرىلەتۋ“دى كەڭەستىك تاقىرىپ ەتىپ، مەملەكەتتە ءبىر تۇتاس قولدانىلاتىن ءتىل - جازۋدىڭ جالپىلاسۋىن جاپپاي ىلگەرىلەتۋ، ۇلتتار ىنتىماعى قىزمەتىن ىشكەرىلەي ورىستەتۋ سياقتىلار جونىندە تەكسەرۋ - زەرتتەۋ جۇرگىزدىك، ۇكىمەت ىستەرىن كەڭەستىك، ورتاعا قويعان ۇسىنىس جوبالاردى اۆتونوميالى رايوندىق پارتكوم مەن ۇكىمەت تولىق قابىل الدى. اۆتونوميالى رايونىمىزدىڭ مىندەتتى وقۋ - اعارتۋ ساتىسىنداعى ”بەستى شىنايى مويىنداۋ“ تاربيەسىن كۇشەيتۋدى ارقاۋ ەتە وتىرىپ ۇكىمەت ىسىنە اقىل - كەڭەس بەرىپ، وتانشىلدىق تاربيەنى وقۋ - وقىتۋ امالياتىنا سىڭىردىك. اۆتونوميالى رايونىمىزدىڭ زاڭمەن جونگە سالۋ قۇرىلىسىنا ۇزدىكسىز كوڭىل ءبولىپ، ينفورماتسيا نەگىزدىك قۇرىلعىلارىنىڭ حاۋىپسىزدىگىن قورعاۋ ەرەجەسى سياقتى زاڭ ەرەجە، تۇزىمدەردىڭ جاسالۋىنا ۇسىنىس بەرىپ، شينجياڭدى زاڭ بويىنشا جونگە سالۋ امالياتىن تەرەڭدەتۋگە دەم بەردىك.
ءبىز جوعارى ساپالى دامۋدى ىلگەرىلەتۋگە اقىل - كەڭەس بەردىك. جاڭا دامۋ ۇستانىمىن مۇقيات دايەكتىلەندىرىپ، تياناقتاندىرىپ، جوعارى ساپالى دامۋ تالابى بويىنشا ساياسي كەڭەس مۇشەلەرىن، كاسىپورىن ۋاكىلدەرىن”ءبىر بەلدەۋ، ءبىر جول“ جاڭالىق اشۋ سەلبەستىگىن تەرەڭدەتۋ، ساۋدا - شارۋاشىلىق ورتاسىن ساپالىلاندىرۋ، حالىقتىق شارۋاشىلىقتىڭ دامۋىن جەبەۋ سياقتىلارىمەن تىعىز بايلانىستىرا وتىرىپ بىرلەسكەن تەكسەرۋ - زەرتتەۋ جۇرگىزۋگە ۇيىمداستىرىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتۋ، جۇڭگو - ەۆروپا كەزەكشى پويەزدارىنىڭ ”تاۋار جيناقتاۋ، توپتاپ جونەلتۋ“ كاسىبىن ورىستەتۋى، شينجياڭنىڭ شەكارا وتكەلى ەكونوميكاسىنىڭ دامۋىنا دەم بەرۋ سياقتىلار جونىندە اقىل - كەڭەس بەرىپ، كۇش شىعاردىق. اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسى، ەرەكشە، باسىم كاسىپ سالالارىن ۇلعايتۋ، اۋىل شارۋاشىلىعىندا جوعارى ونىمدىلىكپەن سۋ ۇنەمدەپ سۋارۋ سياقتىلار جونىندە ۇكىمەت ءىسىن كەڭەسىپ، اقىل - كەڭەس بەرىپ، اۋىل - قىستاقتى گۇلدەندىرۋ ستراتەگياسىنىڭ اتقارىلۋىنا دەم بەردىك. ءۇرىمجى نان مادەنيەتى كاسىپ باقشاسىنىڭ دامۋىن جەبەۋدى كوزدەپ، ءار ۇلت، ءار سالا مۇشەلەرىن ارناۋلى تاقىرىپتا تەكسەرۋ - زەرتتەۋگە ۇيىمداستىردىق، ورتاعا قويعان پىكىر - ۇسىنىستى ءۇرىمجى قالاسى بەلسەنە قابىل الدى. شينجياڭنىڭ جىلقى شارۋاشىلىعىنىڭ دامۋىن ۇزدىكسىز ىلگەرىلەتىپ، مۇشەلەردى ىشكەرىلەي تەكسەرۋ - زەرتتەۋگە، ۇكىمەت ءىسىن كەڭەسۋگە ۇيىمداستىردىق، ورتاعا قويعان ات بايگەسىن، ات ويىندارى قيمىلدارىن دامىتۋ، جىلقى شارۋاشىلىعىندا سىرتقا ەسىك اشۋدى تەزدەتۋ سياقتى شارا - ۇسىنىستار «شينجياڭنىڭ وسى زامانعى جىلقى شارۋاشىلىعىن دامىتۋ جوباسى»نا تولىعىمەن قابىلداندى. وڭىرلىك ەكونوميكانىڭ سايكەستى دامۋىنا دەم بەرىپ، باتىس وڭىردەگى قۇرلىق - تەڭىز جاڭا وتكەل قۇرىلىسى جونىندە سىچۋان سياقتى 12 ولكە، رايوننىڭ ساياسي كەڭەسىمەن بىرلەسە قيمىلداۋ مەحانيزمىن ورناتتىق. ”ءبىر بەلدەۋ، ءبىر جول“ قۇرىلىسىن ارقاۋ ەتىپ، نيڭشيا سياقتى باتىس سولتۇستىكتەگى 5 ولكە، رايوننىڭ ساياسي كەڭەسىمەن مەملەكەت ساياساتىنىڭ قولداۋىنا بىرگە قول جەتكىزۋ جونىندە ورتاق تانىمعا كەلدىك.
ءبىز پارتيانىڭ ۇلت، ءدىن ساياساتىن باتىل دايەكتىلەندىردىك. باس شۋجي شي جينپيڭنىڭ ۇلت، ءدىن قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، ءتۇسىنىپ، «شينجياڭعا قاتىستى ءبىرقانشا تاريحي ماسەلە» سياقتى اق تىستى كىتاپتاردى ىشكەرىلەي ۇيرەنىپ، ۇگىتتەپ، ۇلتتار ىنتىماعى، العاباسارلىعى ۇگىت - تاربيەسىن ۇزدىكسىز تەرەڭدەتىپ، ءار ۇلت، ءار سالا كادر - بۇقاراسىن ارالاسۋ، ىشتەسۋ، توعىسۋ بارىسىندا ”ءۇشتىڭ ءبىر - بىرىنەن ايرىلا الماۋى“ يدەياسىن بەرىك ورناتۋعا، ”بەستى شىنايى مويىنداۋ“دى نىعايتۋعا جەتەكتەدىك. ”شينجياڭ الەمدىك مادەنيەت مۇرا جەرلەرىن قورعاۋ جانە ودان پايدالانۋ“ سىندى كەڭەستىك تاقىرىپپەن ايلىق كەڭەسۋ ورىستەتىپ، مادەني ەسكەرتكىشتەردىڭ ايعاق بولۋىن، تاريحتى سويلەتۋدى، كاسىپ سالاسىنىڭ حالىق ءۇشىن قىزمەت وتەۋىن ىلگەرىلەتىپ، مادەنيەتتى شىنايى مويىنداۋ ارقىلى جۇڭحۋا ۇلتى ورتاق تۇلعا تانىمىن بەرىك ورناتتىق. مادەنيەت مۇرالار ارقىلى شينجياڭنىڭ ەلىمىز تەرريتورياسىنىڭ ايرىلماس ءبىر بولىگى، شينجياڭداعى ءار ۇلت جۇڭحۋا ۇلتى شاڭىراعىنىڭ تامىرلاس وتباسى مۇشەسى ەكەندىگىن دالەلدەدىك. ۇلتتار ىنتىماعى قىزمەتىنىڭ ورىستەتىلۋ جاعدايى جونىندە ىشكەرىلەي تەكسەرۋ - زەرتتەۋ جۇرگىزدىك، ورتاعا قويعان ۇلتتار ىنتىماعى، العاباسارلىعى ۇگىت دانەكەرلەرىنە جاڭالىق ەنگىزۋ جانە ونى كەمەلدەندىرۋ سياقتى ۇسىنىستاردى اۆتونوميالى رايوندىق پارتكوم، ۇكىمەت بەلسەنە قابىل الدى. ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، ءدىن سالاسىنداعى مۇشەلەردىڭ رولىن ساۋلەلەندىرىپ، پارتيانىڭ ءدىن قىزمەتى نەگىزگى باعىتىن باستاماشىلدىقپەن تياناقتاندىرىپ، ءدىن سالاسىنداعى ءتۇيىندى ماسەلەلەر توڭىرەگىندە تەكسەرىپ زەرتتەۋ، كوزدەن كەشىرۋ ورىستەتىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەدىك.
(3) حالىق ءۇشىن مىندەت اتقارۋ ۇستانىمىن امالياتتا ايگىلەپ، حالىق ساياسي كەڭەسى حالىق ءۇشىن قىزمەت ىستەيتىن اۋەلگى ماقسات پەن بورىشتى ايگىلەدىك.
كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋمەن تىعىز بايلانىستىرا وتىرىپ ۇكىمەت ىستەرىن كەڭەستىك. باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن باتىل دايەكتىلەندىرىپ، تياناقتاندىرىپ، ”نازاردى باس نىساناعا شوعىرلاندىرۋ، حالىقتىق كاسىپورىنداردىڭ رولىن ساۋلەلەندىرۋ، اۋىر كەدەي اۋدان، قالالاردىڭ كەدەيلىكتەن دالمە - ءدال ارىلۋىنا دەم بەرۋ“دى ارقاۋ ەتىپ، ارناۋلى تاقىرىپتا ۇكىمەت ىستەرىن كەڭەسۋ سيپاتتى تۇراقتى كوميتەت ءماجىلىسىن اشىپ، شوعىرلى تۇردە ۇكىمەت ىستەرىن كەڭەسىپ، وڭتۇستىك شينجياڭ اۋىل - قىستاقتارىنداعى ارتىق ەڭبەككۇشتەردى باسقا سالاعا ويىستىرۋدى جەدەلدەتۋ، حالىقتىق شارۋاشىلىقتى دامىتۋ، الۋەتتەندىرۋدە بەلسەندى رول اتقاردىق. ”شەكارا قورعاۋشىلار مەحانيزمىن كەمەلدەندىرىپ جانە بەكەمدەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ“ كەڭەستىك تاقىرىبىمەن ايلىق كەڭەسۋ اڭگىمە ءماجىلىسىن اشىپ، شەكارانى كۇزەتۋ، شەكارانى بەكەمدەۋ ساياساتتارىن كەمەلدەندىرۋ، شەكارا قورعاۋشىلاردىڭ قابىلەت - ساپاسىن جوعارىلاتۋ سياقتى شارا - ۇسىنىستاردى ورتاعا قويدىق. باسشى كادرلاردىڭ كەدەي اۋداندارمەن، كەدەي قىستاقتارمەن بايلانىس ورناتۋى جانە كەدەي بۇقارانىڭ حال - جاعدايىن ۇعىسۋ ءتۇزىمىن جاپپاي تياناقتاندىردىق، بۇكىل رايونداعى ساياسي كەڭەس جۇيەسى وڭتۇستىك شينجياڭداعى 22 اۋىر كەدەي اۋدانمەن، تۇتاس رايونداعى 446 كەدەي قىستاقپەن، 8900دەن استام كەدەي بۇقارا وتباسىمەن بايلانىس ورناتتى. اۆتونوميالى رايوندىق ساياسي كەڭەس ورگانىنىڭ مارالباسى، ءپايزاۋات اۋداندارىنىڭ 15 قىستاعىن كەدەيلىكتەن دالمە - ءدال ارىلتۋ قىزمەتىن بار كۇشپەن ىلگەرىلەتىپ، كەدەيلىك تىزىمىنەن شىعارىلعان 5 كەدەي قىستاق نەگىزىندە، 2019 - جىلى جانە 8 كەدەي قىستاق كەدەيلىك تىزىمىنەن شىعارىلدى. ورتالىقتىڭ كەدەيلىكتەن ارىلتۋدان قامال الۋ بويىنشا ارناۋلى شارلاۋىنىڭ رەتتەۋ - تۇزەتۋىنە قاتىستى ءتۇرلى ورنالاستىرۋلارى مەن تالاپتارىن مۇقيات تياناقتاندىرىپ، قوعامنىڭ ءار سالاسىنداعى كۇشتەردى كەدەيلىكتەن ارىلتۋدان قامال الۋدىڭ نەگىزگى شايقاس مايدانىنا ارالاسۋعا شوعىرلاندىرىپ، ءار سالا مۇشەلەرىن كەدەيلىكتەن ارىلتۋدان قامال الۋ بويىنشا عىلىم - تەحنيكا ارەكەتىن، سالاماتتىق بويىنشا كەدەيلەردى سۇيەمەلدەپ، تۋبەركۋلەز اۋرۋىنان ساقتانۋ جانە ونى ەمدەۋ ارناۋلى ارەكەتىن ورىستەتۋگە ۇيىمداستىرىپ، ”1000 كاسىپورىن 1000 قىستاققا كومەكتەسۋ“ كەدەيلەردى دالمە - ءدال سۇيەمەلدەۋ، ”حالىقتىق كاسىپورىنداردىڭ وڭتۇستىك شينجياڭعا ساپارى“ سياقتى قيمىلداردى ىشكەرىلەي ىلگەرىلەتىپ، كاسىپ سالاسى بويىنشا كومەكتەسۋ - سۇيەمەلدەۋ قارجىسىنان ءبىر ميلليارد 954 ميلليون يۋان اجىراتتىق، بۇدان 275 مىڭ 200 كەدەي بۇقارا يگىلىكتەندى.
ءبىز حالىق تۇرمىسىن جاقسارتۋدى جانە ەكولوگيالىق ورتانى قورعاۋدى ارقاۋ ەتىپ ۇزدىكسىز كۇش شىعاردىق. حالىقتى وزەك ەتكەن دامۋ يدەياسىن بەرىك ورناتىپ، ”وڭتۇستىك شينجياڭ اۋىل - قىستاقتارىنداعى ’دارەتحانا توڭكەرىسىن‘“ جەدەل ىلگەرىلەتۋ جونىندە ايلىق كەڭەسۋ اڭگىمە ءماجىلىسىن اشىپ، اۋىل - قىستاق دارەتحانالارىن جاڭالاۋ قىزمەتىن ءبىر تۇتاس جوسپارلاۋدى كۇشەيتۋ، اينالىم، باسقارۋ، كۇتىمدەۋ مەحانيزمىن كەمەلدەندىرۋ، اۋىل - قىستاقتىڭ دەنساۋلىق ساقتاۋ، سالاماتتىق تاربيە - ۇگىتىن كۇشەيتۋ، تەحنيكالىق ولشەم جۇيەسىن ورناتۋ سياقتى ۇسىنىستار قالىپتاستىردىق، بۇعان اۆتونوميالى رايوندىق پارتكوم، ۇكىمەت باسشىلارى جەكە - جەكە بەكىتۋ جازدى. اۆتونوميالى رايوننىڭ حالىققا ءتيىمدى ساياسات - شارالارىنىڭ تياناقتانۋ جاعدايىمەن تىعىز بايلانىستىرا وتىرىپ كوزدەن كەشىرۋ، باقىلاۋ ورىستەتىپ، وقۋ - اعارتۋ بايلىقتارىن بىرىكتىرۋ، قوعامدىق قامتاماسىزداندىرۋ جۇيەسىن كەمەلدەندىرۋ، ەمدەۋ - دەنساۋلىق ساقتاۋ دارىندىلارىنىڭ ازايۋى سياقتى ماسەلەلەر جونىندە ىشكەرىلەي تەكسەرۋ - زەرتتەۋ جۇرگىزىپ، كوزدەن كەشىرىپ، رەفورما، دامۋ جەتىستىكتەرىنىڭ ءار ۇلت بۇقاراسىنا يگىلىك جەتكىزۋىنە دەم بەردىك. يۇننان، چيڭحاي، گۋاڭشي سياقتى جەرلەردىڭ ساياسي كەڭەستەرىمەن از ۇلت وڭىرلەرىندەگى ءوندىرىس - تۇرمىس شارت - جاعدايىن جاقسارتۋ جونىندە سايكەسىپ تەكسەرۋ - زەرتتەۋ جۇرگىزىپ، جەرگىلىكتى ساياسي كەڭەستەر اراسىنداعى بايلانىستى، ىقپالداستىقتى كۇشەيتتىك. ”تۇنىق سۋ، جاسىل تاۋ − قىمباتتى بايلىق، قارلى دالا، مۇزدى القاپ تا − قىمباتتى بايلىق“ دەيتىن ۇستانىمدى سانالى تۇردە امالياتتا ايگىلەپ، شينجياڭنىڭ سالاماتتىق كۇتىمدەۋ كاسىپ سالاسىنىڭ دامۋىن ارقاۋ ەتىپ ۇكىمەت ىستەرىن كەڭەسىپ، اقىلداسىپ، جۇڭگو گومينداڭ توڭكەرىستىك كوميتەتى ورتالىق كوميتەتىمەن بىرلەسىپ سانجىدا 2019 - جىلعى جۇڭگو سالاماتتىق كۇتىمدەۋ كاسىپ سالاسىن (شينجياڭ) دامىتۋ جينالىسىن وتكىزىپ، سول مايداندا 12 ميلليارد يۋاننان اساتىن كاسىپ سالاسىنا قارجى قوسۋ نىسانىنا قول قويىلدى. لاستانۋدان ساقتانۋ جانە ونى تىزگىندەۋ، جاسىل ەنەرگيانى جالپىلاستىرىپ پايدالانۋ، جايلىم ەكولوگياسىن قورعاۋ سياقتىلارمەن تىعىز بايلانستىرىپ تەكسەرۋ - زەرتتەۋ جۇرگىزىپ، ۇكىمەت ءىسىن كەڭەسىپ، پارتكومنىڭ شەشىم جاساۋىن ماڭىزدى پايدالانۋ ماتەريالىمەن قامدادىق. اۆتونوميالى رايوننىڭ وزەن - كول باستىعى ءتۇزىمى قىزمەت مىندەتىن جاپپاي تياناقتاندىرىپ، وزەندى شارلاپ تەكسەرۋ - زەرتتەۋ جۇرگىزۋدى ۇنەمىلىك ورىستەتىپ، وزەندەردى باسقارۋ، قورعاۋ قىزمەتىن ويداعىداي ىستەۋگە دەم بەردىك.
ءبىز ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتى سياقتى بۇقارالىق قىزمەتتى تىڭعىلىقتى، ويداعىداي ىستەدىك. اۆتونوميالى رايوندىق پارتكومنىڭ ءبىر تۇتاس ورنالاستىرۋى بويىنشا، اۆتونوميالى رايوندىق ساياسي كەڭەس ورگانى 6 كەزەك، 28 توپتا ”ۇلتتار ىنتىماعىنىڭ بەرەكەلى شاڭىراعى“ جانە 200 رەتتەن استام ۇلتتار ىنتىماعىنىڭ بىرلەسكەن دوستىق قيمىلىن وتكىزىپ، بۇقارا ءۇشىن 1500دەن استام جاقسى ءىس، ناقتى ءىس ىستەدى. بۇكىل رايونداعى 15 مىڭنان استام ساياسي كەڭەس مۇشەلەرى مەن ورگان كادرلارى 13 مىڭنان استام بۇقارامەن جۇپ قۇراپ، تۋىس بولىپ، 3 ميلليون 90 مىڭ ادام (رەت) بۇقارانىڭ وتباسىلارىنا بارىپ، ۇلتتار ىنتىماعىنىڭ بىرلەسكەن دوستىق قيمىلىنان 40 مىڭ مايدان - رەت وتكىزىپ، 55 مىڭنان استام ناقتى ءىس، جاقسى ءىس ىستەپ، 1541 نىسان اتقارىپ، 330 ميلليون يۋاننان استام نىسان قارجىلارىن سايكەستىرىپ شەشتى. حالىق ساياسي كەڭەسى گازەتى رايونىمىز ساياسي كەڭەس جۇيەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ جانە ”تۋىسشىلاۋ اپتالىعى“ قيمىلىن ورىستەتۋ جاعدايىن بۇكىل ەل كولەمىندە جاپپاي تانىستىردى. باسشى كادرلار ءدىن ورىندارىمەن جانە ءدىني قايراتكەرلەرمەن بايلانىس جاساۋ، ”ءۇشتى ەنگىزۋ، ەكىمەن بايلانىس جاساۋ، بىرمەن دوستاسۋ“ سياقتى تۇزىمدەردى مۇقيات تياناقتاندىرىپ، بۇقارانىڭ ۇنىنە ىقىلاسپەن قۇلاق اسىپ، قوعام جاعدايىن، حالىق رايىن شىنايى اڭىس ەتىپ، حالىق قالاۋىنا كەڭ كولەمدە قول جەتكىزدىك جانە ۇيىستىردىق.
(4) رەفورما جاساۋعا، جاڭالىق اشۋعا باسا ءمان بەرىپ، ساياسي كەڭەس قىزمەتىنىڭ ساپاسىنىڭ جوعارىلاپ، ونىمدىلىگىنىڭ ارتۋىن ىلگەرىلەتتىك.
ءبىز اۆتونوميالى رايوندىق ساياسي كەڭەستىڭ ”3 ۇلكەن ماركاسىن“ بايىتتىق، كەمەلدەندىردىك. ”شينجياڭ ساياسي كەڭەس. مەيىرىم ساباق مىنبەرى“ ۇيرەنۋ تۇعىرىن كەڭەيتىپ، ”ۇلگىگە قاتار تۇزەۋ ۇيرەنۋ باقشاسى، اۋەلگى ماقساتتى ۇمىتپاۋ ايلىق كەڭەسى، مۇشەلەردىڭ مىندەت وتەپ، بورىش ارقالاۋى، دەن قويا ۇيرەنۋ، جاتىلۋ باقشاسى“ سىندى 4 ۇلكەن ايدار اشىپ، مۇشەلەردىڭ 80 رەتتەن استام لەكسياسىن وتكىزىپ، ورتاق يدەيالىق ساياسي نەگىزدى بەكەمدەدىك؛ ”شينجياڭ ساياسي كەڭەس . تيانشاندا ايقىن پوزيتسيا ءبىلدىرۋ“ ۇگىت الدىڭعى شەبىن قۇرىپ، ”توراپتا بوگدە ءۇن بولماۋ، وڭ ەنەرگيا تاراتۋ، گازەت جاڭا مانمەن باتىل جاۋاپكەرشىلىك ارقالاۋ، جۋرنال ەرەكشە سالتقا باستاۋ، سارايعا سارا تۋىندى ساقتاۋ، كورمەگە قۇندى سۋرەت قويۋ“ سىندى بەس ۇلكەن بازانى بەرىك ساقتاپ، مۇشەلەر مەن كادرلاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جىرلايتىن سارا تۋىندى، تارتىمدى شىعارمالار جاراتۋعا ۇيىمداستىرىپ، ساياسي كەڭەستىڭ جاقسى ءۇنىن تاراتىپ، كۇرەستىڭ وڭ ەنەرگياسىن توپتادىق؛ ”شينجياڭ ساياسي كەڭەس. كەشەندى شارا تۇعىرى“ ورنىقتىلىقتى قورعاۋ ءبىرىنشى شەبىن قۇرىپ، ”ۇعىسۋ، تيىمدىلىك جاساۋ، توعىستىرۋدىڭ سىعاي قوسىنىن جاساقتاۋ، ءبىرىنشى شۋجي كەدەيلىكتەن ارىلتۋدى مىقتى ۇستاۋ، شىنايى سۇيىسپەنشىلىكپەن تورتتە بىرگە بولىپ تۋىس بولۋ، قوس ءتىل بويىنشا وقۋ - اعارتۋعا كومەكتەسىپ حالىقتىڭ قالاۋىنان شىعۋ“ سىندى ءتورت ۇلكەن ينجەنەريانى ىلگەرىلەتىپ، نەگىزگى ساتىنىڭ نەگىزىن اناعۇرلىم نىعايتتىق.
ءبىز ۇسىنىس جوبا جانە جازبا ماتەريالدار قىزمەتىن ۇزدىكسىز كۇشەيتتىك. اۆتونوميالى رايوننىڭ ۇسىنىس جوبا قىزمەتى ەرەجەسىن تياناقتاندىرىپ، ۇسىنىس جوبالاردى ”ءتورتتى تەكسەرىپ“ ەستەلىككە الۋ كەڭەس ءتۇزىمىن قاتايتىپ، ۇسىنىس جوبالاردىڭ ساپاسىن جوعارىلاتۋعا ۇزدىكسىز كۇش سالدىق، تۇتاس جىلدا 758 ۇسىنىس جوبانى تەكسەرىپ، 540 ۇسىنىس جوبانى ەستەلىككە الدىق، ءبىر جاقتى ەتىپ جاۋاپ قايتارۋ سالىستىرماسى ％100كە جەتتى، A تۇردەگى، B تۇردەگى ۇسىنىس جوبالار الدىڭعى جىلداعىدان 4.7 پايىز ارتتى، جەمىس ورمانى كاسىبى ونىمدەرى بازارىن اشۋدى جەدەلدەتۋ قاتارلى 5 ءتۇرلى ءتۇيىندى ۇسىنىس جوبانىڭ بارلىعى ءبىر جاقتى ەتىلىپ جاۋاپ قايتارىلىپ، پارتكومنىڭ، ۇكىمەتتىڭ شەشىم جاساۋىنا قىزمەت ەتۋدە، قىزمەتتى ىلگەرىلەتۋدە ماڭىزدى رولىن ساۋلەلەندىردى. «حالىق ساياسي كەڭەسىنىڭ 70 جىلدىعى ەستەلىكتەرى»نە جولدانعان ماقالالاردىڭ سانى، ساپاسى، وعان تاڭدالىپ ەنگىزىلۋ مولشەرى بۇكىل ەلدەگى ولكە، رايون، قالالاردىڭ ساياسي كەڭەستەرىنىڭ الدىڭعى قاتارىنان ورىن الدى. «شينجياڭ ساياسي كەڭەس ەستەلىكتەرىن» باسپادان شىعارىپ تاراتىپ، ”شينجياڭ ساياسي كەڭەس حاتكەرلىك، اسەمونەر تۋىندىلارى كورمەسىن“ جانە جازبا ماتەريالدار ارناۋلى قىزمەتكەرلەرىنىڭ اڭگىمە ءماجىلىسىن وتكىزىپ، تاجىك، سىبە، قىرعىز ۇلتتارىنىڭ ءبىر ميلليون 700 مىڭنان استام ارىپتىك ءجۇز جىلدىق ناقتى دەرەكتى تاريحي ماتەريالدارىن جيناۋ قىزمەتىن ورىنداپ، «كەدەيلىكتەن ارىلتۋدان قامال الۋ ەستەلىكتەرىن» جانە «شەتەلدەگى چياۋمين باۋىرلاستار مەن وتانعا ورالعان چياۋميندەردىڭ تۋىس - تۋعاندارىنىڭ وتاننىڭ قۇرىلىسىنا ات سالىسۋ ەستەلىكتەرىن» جيناپ قۇراستىرۋ قىزمەتىن نىق قاداممەن ىلگەرىلەتتىك.
ءبىز مىندەت اتقارۋ قىزمەتىندە جاڭالىق اشۋدى بەلسەنە ىلگەرىلەتتىك. ءماجىلىس ۇيىمداستىرۋ ءتاسىلىن جاقسارتىپ، جاڭالاپ، ايلىق كەڭەس اڭگىمە ءماجىلىسىنىڭ بەينەەكران جالعانىمىنا، شالعايدان كەڭەسۋگە جاڭالىق ەنگىزىپ، تۇڭعىش رەت تۇراقتى كوميتەت ماجىلىسىندە تۇراقتى كوميتەتتىڭ قىزمەت بايانداماسى، ۇسىنىس جوبا قىزمەتىنىڭ جاعدايى جونىندەگى بايانداما سياقتىلارعا تۇسىنىك جاساپ، مۇشەلەردىڭ تۇراقتى كوميتەت ماجىلىسىنە سىرتتاي قاتىناسۋى، ماڭىزدى كەڭەس قيمىلدارىنا قاتىناسۋى سياقتى تۇزىمدەردى اقاۋسىزداندىرىپ، قالا، اۋىل تۇرعىندارى ۋاكىلدەرى، وقىتۋشى - وقۋشىلار ۋاكىلدەرى، شەكارا قورعاۋشىلار ۋاكىلدەرى سياقتىلاردى ساياسي كەڭەستىڭ ماڭىزدى ماجىلىستەرىنە سىرتتاي قاتىناسۋعا ۇسىنىس ەتتىك. تەكسەرۋ - زەرتتەۋ قىزمەتىن جاقسارتىپ، تەكسەرۋ - زەرتتەۋ تاقىرىبىن تاڭداۋ مەحانيزمىن كەمەلدەندىرىپ، تەكسەرۋ - زەرتتەۋ تاقىرىبى مەن كەڭەس جوسپارىنىڭ ءبىر تۇتاستىعىنا، تەكسەرۋ - زەرتتەۋ، كوزدەن كەشىرۋ مەن ۇكىمەت ءىسىن اقىلداسىپ، كەڭەس بەرۋدى ۇشتاستىرۋعا تاباندى بولىپ، تەكسەرۋ - زەرتتەۋ ارقىلى كەڭەس بەرۋ ساپاسىنىڭ جوعارىلاۋىن جەبەدىك، كەڭەس ارقىلى تەكسەرۋ - زەرتتەۋ جەتىستىكتەرىنىڭ كادەگە جاراۋىن جەبەدىك. ءبىر جىلدان بەرى، اۆتونوميالى رايوندىق پارتكوم بەكىتكەن جىلدىق كەڭەسۋ جوسپارىن تياناقتاندىرۋدى ارقاۋ ەتىپ، اۆتونوميالى رايوندىق ساياسي كەڭەس 30دان استام رەت ۇكىمەت ىسىنە كەڭەس بەرۋ جانە 120دان استام رەت تەكسەرۋ - زەرتتەۋ، كوزدەن كەشىرۋ قيمىلىن ۇيىمداستىرىپ، ورىستەتىپ، ۇكىمەت ءىسىن اقىلداسىپ، كەڭەسىپ، ۇسىنىس بەرۋدىڭ ناقتى ونىمدىلىگىن اناعۇرلىم ارتتىردى. قوعام جاعدايى، حالىق اۋانى ارناسىن ىركىلىسسىزدەندىرىپ، «شينجياڭ ساياسي كەڭەس» جۋرنالىنا جاڭالىق ەنگىزىپ شىعارىپ، «شينجياڭ ساياسي كەڭەس مۇشەلەرى ۇسىنىستارى»نىڭ 76 - سانىن، «ساياسي كەڭەس ماڭىزدى جاعدايى»نىڭ 45 - سانىن قۇراستىرىپ تاراتىپ، بۇكىل رايونداعى ءار ۇلت، ءار سالا مۇشەلەرىنىڭ مىندەت وتەۋىنىڭ تابىستارىن دەر كەزىندە بەينەلەدى.
(5) قاتاڭ، شىنايى بولۋعا تاباندى بولىپ، ءوز قۇرىلىسىن شىن مانىندە كۇشەيتتىك.
ءبىز مىندەت اتقارۋ قىزمەتى ءتۇزىمىن كۇش سالا كەمەلدەندىردىك. «جۇڭگو كوممۋنيستىك پارتياسى ورتالىق كوميتەتىنىڭ جاڭا داۋىردە حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى پىكىرى» مەن اۆتونوميالى رايوندىق پارتكومنىڭ اتقارۋ پىكىرىن مۇقيات تياناقتاندىرىپ، پارتيا باسشىلىق گرۋپپاسىنىڭ قىزمەت تۇيىندەرى مەن جىلدىق كەڭەسۋ جوسپارىن ارقاۋ ەتىپ، مىندەت وتەۋ قىزمەتى ءتۇزىمىن اقاۋسىزداندىرۋدى نەگىزگى ۇمتىلىس بەتالىسى ەتىپ، پارتيانىڭ ساياسي كەڭەسكە باسشىلىق ەتۋ ءتۇزىمى، ارناۋلى كەڭەسۋ قۇرىلىمى ءتۇزىمى، ارناۋلى كوميتەتتەردىڭ قىزمەت ءتۇزىمى قاتارلىلارعا تاباندى بولىپ جانە كەمەلدەندىرىپ، جالپى ءماجىلىس قىزمەت ەرەجەسى، تۇراقتى كوميتەت قىزمەت ەرەجەسى، مۇشەلەر ۇيرەنۋىنىڭ ۋاقىتشا ءادىسى سياقتى 23 ءتۇرلى تۇزىمگە وزگەرىس ەنگىزىپ، ساياسي كەڭەس قىزمەتىنىڭ تۇزىمدەنۋىن، جۇيەلىلەنۋىن، تارتىپتەنۋىن پارمەندى تۇردە ىلگەرىلەتتىك.
ءبىز مۇشەلەردىڭ تۇلعالىق رولىن جانە ارناۋلى كوميتەتتەردىڭ نەگىزدىك رولىن كۇش سالا ساۋلەلەندىردىك. باس شۋجي شي جينپيڭنىڭ ”ساياسي كەڭەستى ءتۇسىنۋ، كەڭەسە ءبىلۋ، ۇكىمەت ءىسىن اقىلداسۋعا شەبەر بولۋ، تارتىپكە بويسۇنۋ، قاعيدانى دارىپتەۋ، ءمورال - قۇلىققا ءمان بەرۋ“ سىندى نۇسقاۋ تالابىن باتىل تياناقتاندىرىپ، ساياسي كەڭەس مۇشەلەرىنىڭ مىندەت وتەۋىن باسقارۋ ءادىسىن مۇقيات تياناقتاندىرىپ، مۇشەلەردىڭ مىندەت وتەۋ ارحيۆى، تۇراقتى مۇشەلەردىڭ مىندەت وتەۋ مالىمەتىن تاپسىرۋ ءتۇزىمىن جولعا قويىپ، مۇشەلەردىڭ مىندەت وتەۋ جاعدايىن ساناققا الدىق جانە حابارلاندىرىپ وتىردىق، 118 تۇراقتى مۇشەنىڭ بارلىعى مىندەت وتەۋ مالىمەتىن ۋاعىندا تاپسىردى، پارتيا باسشىلىق گرۋپپاسىنىڭ مۇشەلەرى پارتيالى تۇراقتى مۇشەلەردىڭ مىندەت وتەپ، ۇسىنىس قويۋ جاعدايىن جەكە - جەكە باعالاپ، مۇشەلەردىڭ ”جىلدىق تاپسىرما“نى جاقسى ورىنداۋىن ىلگەرىلەتتىك. تۇراقتى كوميتەت ءماجىلىسىنىڭ ارناۋلى كوميتەتتەردىڭ قىزمەت مالىمەتىن تىڭداۋ، ساياسي كەڭەستىڭ ورىنباسار ءتوراعالارى ارناۋلى كوميتەتتەرمەن بايلانىس جاساۋ قىزمەت مەحانيزمىنە تاباندى بولىپ، ارناۋلى كوميتەتتەردىڭ جۇڭگو كوممۋنيستىك پارتياسى بولىمشە پارتيا باسشىلىق گرۋپپاسى قۇرىلىسىن كۇشەيتىپ، ارناۋلى كوميتەتتەردىڭ قىزمەت ونىمدىلىگىن اناعۇرلىم ارتتىردىق. مۇشەلەردى باۋلۋ سەرپىنىن كۇشەيتىپ، اۆتونوميالى رايوندىق ساياسي كەڭەس مۇشەلەرىن باۋلۋدىڭ جاپپاي قامتۋىن جۇزەگە اسىردىق.
ءبىز ساياسي كەڭەستىڭ پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ قىزمەتىن كۇش سالا ىلگەرىلەتتىك. باس شۋجي شي جينپيڭنىڭ پارتيانى جاپپاي قاتاڭ جونگە سالۋ جونىندەگى ماڭىزدى بايىمداۋىن مۇقيات ۇيرەنىپ، دايەكتىلەندىرىپ، پارتيانىڭ ءتارتىبىن، اسىرەسە، ساياسي ءتارتىبىن قاتايتىپ، ورتالىقتىڭ 8 ءتۇرلى بەلگىلەمەسىن، سونداي - اق ونى اتقارۋدىڭ ەگجەي - تەگجەيلى ەرەجەسىنىڭ رۋحىن جانە اۆتونوميالى رايوندىق پارتكومنىڭ اتقارۋ ءادىسىن قاتاڭ اتقارىپ، باقىلاۋدى، ءتارتىپ اتقارۋدى، جاۋاپقا تارتۋدى كۇشەيتىپ، شىندىققا جۇگىنۋ، ناقتى ءىس ىستەۋ ستيلىن، حالىق ءۇشىن مىندەت وتەۋ ستيلىن بارىنشا ساۋلەلەندىرىپ، فورماشىلدىققا، تورەشىلدىككە توقتاۋسىز قارسى تۇرىپ، پارتيانى جاپپاي قاتاڭ باسقارۋدىڭ ۇزدىكسىز تەرەڭدەي دامۋىن ىلگەرىلەتتىك. اۆتونوميالى رايوندىق ساياسي كەڭەس ۋستاۆ بويىنشا 8 مۇشەنىڭ مىندەتىنەن بوساۋ ءوتىنىشىن قابىلدادى، 12 مۇشەنىڭ تولىمدىلىعىن كۇشىنەن قالدىردى، بۇكىل رايونداعى ءار دارەجەلى ساياسي كەڭەستەر 551 مۇشەنىڭ مىندەتىنەن بوساۋ ءوتىنىشىن قابىلداپ، 287 مۇشەنىڭ تولىمدىلىعىن كۇشىنەن قالدىردى.
ءبىز ساياسي كەڭەس جۇيەسىنىڭ ۇيلەستىرۋ، سايكەستىرۋ جانە بايلانىس ورناتۋ، جەتەكشىلىك ەتۋ قىزمەتىن كۇش سالا جاقسى ىستەدىك. مەملەكەتتىك ساياسي كەڭەستىڭ بىرلەسكەن تەكسەرۋ - زەرتتەۋ، ۇسىنىس جوبالاردىڭ ءبىر جاقتىلى ەتىلۋىن قۋزاۋ، كەڭەس اڭگىمە ءماجىلىسى سياقتى قيمىلداردى ورىستەتۋىنە سەلبەسىپ، مەملەكەتتىك ساياسي كەڭەستىڭ قاتىستى ماجىلىستەرى مەن قيمىلدارىنا بەلسەنە قاتىناسىپ، شينجياڭدى ۇگىتتەپ، تانىستىرىپ، وبرازدى ايگىلەدىك؛ مەملەكەتتىك ساياسي كەڭەسكە سايكەسىپ، شينجياڭدا تۇراتىن مەملەكەتتىك ساياسي كەڭەس مۇشەلەرىن الىس ارالىقتان باۋلۋ، بەينەجازبا توپتاماسى، نازاريالىق زەرتتەۋ - تالقى ماجىلىسىنە ماقالا قابىلداۋ سياقتى قىزمەتتەردى ورىندادىق، كوپتەگەن ماقالا مەملەكەتتىك ساياسي كەڭەستىڭ ماجىلىسىندەگى سوزگە تاڭدالدى؛ شينجياڭدا تۇراتىن مەملەكەتتىك ساياسي كەڭەس مۇشەلەرىنىڭ رولىن ساۋلەلەندىرىپ، مەملەكەتتىك ”ەكى ءماجىلىس“ ارقىلى 100 ۇسىنىس جوبا تاپسىرىپ، ماجىلىستە 122 رەت ءسوز سويلەدىك، العا قويعان جۇڭگو - ەۆورپا كەزەكشى پويەزىن جيناۋ - جونەلتۋ ورتالىعى قۇرىلىسى، ءۇرىمجى ەركىن ساۋدا سىناق رايونىن قۇرۋ سياقتى ۇسىنىستارىمىز مەملەكەتتىك دامۋ جانە رەفورما كوميتەتىنىڭ بارىنشا نازار اۋدارۋىنا يە بولدى. ايماقتىق، وبلىستىق، قالالىق، اۋداندىق، قالالىق، رايوندىق، بيڭتۋانعا قاراستى اۋدان دارەجەلى قالالىق ساياسي كەڭەستەرمەن بايلانىستى، ولارعا جەتەكشىلىك ىستەۋدى كۇشەيتىپ، تالاي رەت بۇكىل رايوننىڭ ساياسي كەڭەس جۇيەسىنىڭ تەلەۆيزور - تەلەفون ءماجىلىسىن اشتىق، نەگىزگى ساتى ساياسي كەڭەستەرىنە بارىپ تەكسەرۋ - زەرتتەۋ جۇرگىزىپ، ۇگىت - لەكسيا جاساپ، جەتەكشىلىك ىستەپ، نەگىزگى ساتىداعى ساياسي كەڭەس مۇشەلەرى مەن ساياسي كەڭەس كادرلارىنا امانداسىپ، بۇكىل رايونداعى ءار دارەجەلى ساياسي كەڭەستەردىڭ قىزمەتتە جوعارى مەن تومەن بىرلەسىپ قيمىلداپ، تۇلعالىق بىرىككەن كۇش قالىپتاستىرۋىن ىلگەرىلەتتىك.
مۇشەلەر، وتكەن ءبىر جىلدا قول جەتكىزگەن ناتيجەلەر شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، مەملەكەتتىك ساياسي كەڭەستىڭ پارمەندى جەتەكشىلىك ەتۋىنىڭ ناتيجەسى، اۆتونوميالى رايوندىق پارتكومنىڭ باسشىلىق ەتۋىنىڭ، قولداپ - قۋاتتاۋىنىڭ ناتيجەسى، اۆتونوميالى رايوندىق حالىق قۇرىلتايىنىڭ، ۇكىمەتتىڭ، ءوندىرىس - قۇرىلىس بيڭتۋانىنىڭ جانە باقىلاۋ - تەكسەرۋ كوميتەتىنىڭ، حالىق سوتى مەكەمەسىنىڭ، حالىق پروكۋراتۋراسىنىڭ زور كۇشپەن قولداۋىنىڭ ناتيجەسى، ورتالىقتىڭ شينجياڭداعى ورىندارىنىڭ، شينجياڭدا تۇراتىن حالىق ازاتتىق ارمياسىنىڭ، قارۋلى ساقشى بولىمدەرىنىڭ، قوعام حاۋىپسىزدىگى كادر - ساقشىلارىنىڭ، سونداي - اق شينجياڭعا كومەكتەسكەن كادرلاردىڭ بەلسەنە ات سالىسۋىنىڭ ناتيجەسى، ءار ۇلت، ءار سالا مۇشەلەرىنىڭ، دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ، حالىقتىق ۇيىمداردىڭ، پارتيادا، توپتا جوق قايراتكەرلەردىڭ جانە قوعامنىڭ ءار سالاسىنداعى قايراتكەرلەردىڭ ىنتىماقتاسا كۇرەس جۇرگىزۋىنىڭ ناتيجەسى. وسى ورايدا مەن اۆتونوميالى رايوندىق ساياسي كەڭەس تۇراقتى كوميتەتى اتىنان كوپشىلىككە شىن جۇرەكتەن العىس ايتامىن!
مۇشەلەر، ءبىز ساياسي كەڭەس قىزمەتىندە ءالى دە ءىشىنارا ءالسىز بۋىندار مەن ولقىلىقتاردىڭ دا ءومىر ءسۇرىپ وتىرعاندىعىن ايقىن كورىپ وتىرمىز. بۇلار، باستىسى، مىنالار: ارناۋلى كەڭەسۋ قۇرىلىمىنىڭ رولىن ساۋلەلەندىرۋ ءتۇزىمى مەحانيزمىن اناعۇرلىم كەمەلدەندىرۋگە تۋرا كەلەدى، قوس باعىتتا كۇش سالۋ قىزمەتىنىڭ ساپاسىن اناعۇرلىم جوعارىلاتۋعا تۋرا كەلەدى، مۇشەلەردىڭ تۇلعالىق رولىن اناعۇرلىم كۇشەيتۋگە تۋرا كەلەدى، نەگىزگى ساتى ساياسي كەڭەستەرىمەن بايلانىس جاساۋ، وعان جەتەكشىلىك ەتۋ سەرپىنىن اناعۇرلىم كۇشەيتۋگە تۋرا كەلەدى، ت.ب. وسىلاردىڭ بارلىعى ءبىزدىڭ بارىنشا ءمان بەرىپ، شىن مانىندە شەشۋىمىزدى قاجەت ەتەدى.
ەكىنشى، 2020 - جىلعى باستى قىزمەتتەر
2020 - جىل جاپپاي دوڭگەلەك داۋلەتتى قوعام ورناتاتىن جانە ”13 - بەسجىلدىق“ جوبانى تابىسپەن اياقتاتاتىن جىل، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزەتىن، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ شەشۋشى جەڭىسىنە قول جەتكىزەتىن جىل. بۇكىل رايونداعى ءار دارەجەلى ساياسي كەڭەس ۇيىمدارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ساياسي كەڭەس قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جۇڭگوشا سوتسياليزمگە تاباندى بولۋدى جانە ونى دامىتۋدى ورتاق يدەيالىق - ساياسي نەگىزدى بەكەمدەۋدىڭ نەگىزگى ارقاۋى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جۇزەگە اسىرۋعا، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا قىزمەت وتەۋدى قىزمەتتىڭ نەگىزگى جەلىسى، يدەيالىق - ساياسي جەتەكشىلىكتى كۇشەيتۋدى، ورتاق تانىمدى كەڭ كولەمدە ۇيىستىرۋدى وزەكتى بۋىن ەتىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە قاتىناسۋ، ۇكىمەت ءىسىن كەڭەسۋ دەڭگەيىن جوعارىلاتىپ، ورتاق تانىمدى اناعۇرلىم ويداعىداي ۇيىستىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە حالىق ساياسي كەڭەس قىزمەتىنە قويعان تالاپتارىن تياناقتاندىرۋ، بۇكىل رايونداعى ءار ۇلت حالقىنىڭ اقىل - پاراساتى مەن كۇش - قۋاتىن ۇيىستىرۋ سىندى ساياسي جاۋاپكەرشىلىكتى شىنايى ۇستىنە الۋ، ىنتىماقتى، جاراسىمدى، گۇلدەنىپ - كوركەيگەن، وركەنيەتتى، العا باسقان، تىنىش ءومىر، شات - شادىمان تىرشىلىك كەشەتىن جۇڭگوشا سوتسياليستىك شينجياڭ قۇرۋعا ۇلەس قوسۋ كەرەك.
(1) يدەيالىق نازاريامەن قارۋلانۋدى كۇشەيتىپ، باستان - اياق دۇرىس ساياسي بەتالىسپەن العا تارتۋعا شىنايى كەپىلدىك ەتۋ. تاباندىلىقپەن شي جينپيڭنىڭ جاڭا ءداۋىر جۇڭگوشا سوتسياليزم يدەياسى ارقىلى وي - سانانى قارۋلاندىرۋ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ اڭگىمە ءماجىلىسى ءتۇزىمىن تياناقتاندىرىپ، پارتيا باسشىلىق گرۋپپاسىنىڭ نازاريا ۇيرەنۋ وزەكتى گرۋپپاسىنىڭ جەتەكشىلىگىندەگى ۇيرەنۋ ءتۇزىمى جۇيەسىن اقاۋسىزداندىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنىڭ تابىستارىن تەرەڭدەتىپ، ساياسي كەڭەستى پارتيانىڭ جاسامپاز نازارياسى ارقىلى ءار ۇلت، ءار سالانىڭ ۋاكىل قايراتكەرلەرىن ىنتىماقتاستىراتىن، تاربيەلەيتىن، جەتەكتەيتىن ماڭىزدى تۇعىرعا قۇلشىنا اينالدىرۋ كەرەك. ۇدايىلانعان ۇيرەنۋ مەحانيزمىن ورناتىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن ۇزدىكسىز ىشكەرىلەي ۇيرەنىپ، ۇيرەنۋ، دايەكتىلەندىرۋ قىزمەتىنىڭ ۇزدىكسىز تەرەڭدەۋىن، ناقتىلانۋىن، جۇرەككە ۇيالاۋىن ىلگەرىلەتۋ كەرەك. كەلەلى ارناۋلى قىزمەت جونىندەگى مۇشەلەردىڭ ۇگىت - لەكسيا جاساۋ ۇيىرمەسى قىزمەت مەحانيزمىن ورناتىپ، ”شينجياڭ ساياسي كەڭەس. مەيىرىم ساباق مىنبەرى“ سياقتى مۇشەلەر ساباقحاناسىنان ويداعىداي پايدالانىپ، ساياسي كەڭەسكە قاتىناسۋشى پارتيا توپتاردىڭ، ۇيىمداردىڭ جانە ءار ۇلت، ءار سالا قايراتكەرلەرىنىڭ ساياسي دەڭگەيدى جوعارىلاتۋىنا جەتەكشىلىك ەتىپ، جۇڭگو كوممۋنيستىك پارتياسى مەن جۇڭگوشا سوتسياليزمگە دەگەن ساياسي شىنايى مويىنداۋىن، يدەيالىق شىنايى مويىنداۋىن، نازاريالىق شىنايى مويىنداۋىن، سەزىمدىك شىنايى مويىنداۋىن ۇزدىكسىز كۇشەيتۋ كەرەك. ساياسي كەڭەس جۇيەسىندە پارتيا قۇرىلىسىن كۇشەيتىپ، پارتيانىڭ ساياسي قۇرىلىسىن ءبىر تۇتاس باسشىلىققا الا وتىرىپ، ساياسي كەڭەستىڭ پارتيا قۇرىلىستارىن جاپپاي ىلگەرىلەتىپ، پارتيا قۇرىلىسىن جەتەكشىلىككە الا وتىرىپ، ساياسي كەڭەستىڭ ورگان قۇرىلىسىن ىلگەرىلەتىپ، پارتيا باسشىلىعىنىڭ ساياسي كەڭەستە ناقتاپ تياناقتانۋىنا شىنايى كەپىلدىك ەتۋ كەرەك.
(2) قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، شينجياڭدى ورنىقتىرۋ، شينجياڭدى تىنىشتاندىرۋدىڭ وڭ ەنەرگياسىن كەڭ كولەمدە توپتاۋ. بۇكىل رايونداعى ءار دارەجەلى ساياسي كەڭەستەر قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا زەيىن - زەردە، كۇش - قۋاتتى ۇيىستىرۋدىڭ ساياسي جاۋاپكەرشىلىگىن بۇلتارماستان ۇستىنە الىپ، ءار ۇلت، ءار سالا مۇشەلەرىن شينجياڭنىڭ بولشەكتەۋگە قارسى تۇرۋ كۇرەسىنىڭ ۇزاق ۋاقىتتىلىعىن، كۇردەلىلىگىن، قيان - كەسكىلىگىن ايقىن تانۋعا جەتەكتەپ، باستان - اياق نازاردى باس نىساناعا شوعىرلاندىرىپ، باس نىساناعا قىزمەت وتەپ، باس نىسانانى تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارىمەن، تالابىمەن تىعىز بايلانىستىرىپ، ”ءۇش قاتاڭ شايقاس“تى، ”ءبىر حالىقتىق سوعىس“تى، ”ءۇش بىرلەسكەن ارەكەت“تى ويداعىداي جۇرگىزۋگە بەلسەنە قاتىناسىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋ كەشەندى شارالارىن باتىل تياناقتاندىرىپ، بۇلجىماستان لاڭكەستىككە قارسى تۇرىپ، ورنىقتىلىقتى قورعاۋدىڭ ءبىرىنشى شەبىندە، ۇلتتار ىنتىماعىن قورعاۋ مەن ءدىن جاراسىمدىلىعىن جەبەۋدىڭ ءبىرىنشى شەبىندە، زەيىن - زەردە، كۇش - قۋاتتى شوعىرلاندىرۋدىڭ ءبىرىنشى شەبىندە تۇرىپ، زەيىن - زەردە، كۇش - قۋاتتى شوعىرلاندىرۋدىڭ، شەشىم جاساۋعا اقىل - كەڭەس بەرۋدىڭ، كەڭەستىك دەموكراتيانىڭ، جەرگىلىكتى ورىنداردى جونگە سالۋدىڭ ناقتىلى امالياتى مەن مىندەت وتەۋ ونىمدىلىگىنە بەلسەنە ارالاسىپ، جاڭا داۋىردەگى شينجياڭ ساياسي كەڭەسىنىڭ جاۋاپكەرشىلىك ارقالاۋى مەن ءىس تىندىرۋىن ايگىلەۋ كەرەك. ”نازاردى باس نىساناعا شوعىرلاندىرىپ، مادەنيەتتى شىنايى مويىنداۋ ارقىلى جۇڭحۋا ۇلتى ورتاق تۇلعا تانىمىن نىعايتۋ“ جانە ”نازاردى باس نىساناعا شوعىرلاندىرىپ، زاڭمەن جونگە سالىناتىن شينجياڭ قۇرىلىسىن كۇشەيتىپ، قوعامدىق جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋ دەڭگەيىن جوعارىلاتۋ“مەن تىعىز بايلانىستىرىپ، ارناۋلى تاقىرىپتا ۇكىمەت ءىسىن كەڭەسۋ سيپاتتى تۇراقتى كوميتەت ءماجىلىسىن ايىرىم - ايىرىم اشىپ، باياندى تىنىشتىقتىڭ نەگىزىن بەكەمدەۋگە دەم بەرۋ كەرەك. ”ءوزارا بايقاۋ، ءوزارا تەكسەرۋ مەحانيزمىن ورناتىپ، اقاۋسىزداندىرىپ، اۆتونوميالى رايوننىڭ مەملەكەتتىك ۇلتتار ىنتىماعى، العاباسارلىعىنداعى ۇلگىلى رايون قۇرۋ قىزمەتىنە دەم بەرۋ“دى ارقاۋ ەتىپ ارناۋلى تاقىرىپتا كەڭەسىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلى سياقتى بۇقارالىق قىزمەتتەردى تىڭعىلىقتى ورىستەتىپ، ءار ۇلت كادرلارى مەن بۇقاراسىن كوپ ساتىدا، كوپ تاسىلمەن، كوپ فورمامەن قيمىلداپ، ءوزارا ىقپالداسىپ، جۇڭحۋا ۇلتى ورتاق تۇلعا تانىمىن نىعايتىپ، بۇلجىماستان ۇلتتار ىنتىماعىنىڭ جەبەۋشىسى، جاقتاۋشىسى، قورعاۋشىسى بولۋعا جەتەكتەۋ كەرەك. پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، ءىسلام ءدىنىنىڭ جۇڭگوشالانۋىن ىلگەرىلەتۋ، زاڭسىز ءدىني قيمىلداردى زاڭ بويىنشا جونگە سالۋ سياقتىلاردى ارقاۋ ەتىپ سىندارلى كەڭەس بەرىپ، ۇسىنىستار قويىپ، ءار ۇلت، ءار سالا بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا جەتەكتەپ، ءدىني ۇشقارى يدەيانىڭ سىنالاپ كىرۋ ءورىسىن ەڭ جوعارى شەكتە تارايتىپ، ”ءۇش ءتۇرلى كۇش“تى ەڭ جوعارى شەكتە وقشاۋ قالدىرىپ، ولارعا سوققى بەرىپ، جۇرت تىلەگىنە ەڭ جوعارى شەكتە قول جەتكىزۋ جانە ونى ۇيىستىرۋ كەرەك. شەتەلدەردەگى چياۋمين باۋىرلاستارمەن ىنتىماقتى، بىرلەسكەن دوستىقتى كۇشەيتىپ، شينجياڭدىق چياۋمين باۋىرلاستار مەن شەتەلدە وقيتىن وقۋشىلاردىڭ ۋاكىلدەرىن ساياسي كەڭەستىڭ ماڭىزدى كەڭەسۋ قيمىلدارىنا قاتىناسۋعا ۇسىنىس ەتۋ ءتۇزىمىن كەمەلدەندىرىپ، ءار جاقتاعى كۇشتەردى جاپپاي ىنتىماقتاستىرۋ كەرەك.
(3) وزەكتى تىعىز ارقاۋ ەتىپ، مىندەت وتەپ، جاۋاپكەرشىلىكتى ادا ەتىپ، ەكونوميكانىڭ، قوعامنىڭ دامۋىنا بەلسەنە قىزمەت وتەۋ. نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ورنىقتىلىق، دامۋ، حالىق تۇرمىسى وسى ۇشەۋىن ءبىر تۇلعا ەتۋگە تاباندى بولىپ، كەدەيلىكتەن دالمە - ءدال ارىلتۋ، لاستانۋدان ساقتانۋ جانە ونى وڭاۋ، ەلەۋلى حاۋىپ - قاتەرلەردەن ساقتانۋ جانە جويۋداعى ءتۇيىندى ماسەلەلەردى، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىنداعى، اۋىل - قىستاقتى گۇلدەندىرۋ ستراتەگياسىنداعى، ساياحات كاسىبىن دامىتۋداعى جانە رەفورمانى تەرەڭدەتىپ، ەسىكتى ايقارا اشۋداعى شەشۋشى ماسەلەلەردى ارقاۋ ەتىپ، ىشكەرىلەي كەڭەسىپ، ناقتى باقىلاۋ جۇرگىزىپ، جاپپاي دوڭگەلەك داۋلەتتى قوعام ورناتۋعا دەم بەرۋ كەرەك. ءتۇيىندى كەڭەسۋ، ۇكىمەت ءىسىن اقىلداسىپ، كەڭەس بەرۋ قيمىلدارىن مىقتى يگەرىپ، ”ساۋدا - شارۋاشىلىق ورتاسىن ساپالىلاندىرىپ، ەكونوميكانىڭ جوعارى ساپالى دامۋىن ىلگەرىلەتۋ“دى، ”ءۇي، الەۋمەتتىك اۋماق، قۇرىلىم ’ۇشەۋى ءبىر تۇلعالانعان‘ قارتتاردى كۇتۋ قىزمەت وتەۋ جۇيەسىن قۇرۋ“دى، ”ءۇرىمجىنىڭ قالا تۇرمىستىق قوقىر - قوقسىقتارىن تۇرگە ايىرۋ قۇرىلىسىن ءتارتىپتى تۇردە ىلگەرىلەتۋ“دى كەڭەس تاقىرىبى ەتكەن ايلىق كەڭەس اڭگىمە ءماجىلىسىن جاقسى اشىپ، قاتىستى قىزمەتتەردى كۇشەيتۋگە جانە جاقسارتۋعا دەم بەرۋ كەرەك. ”ەكىدەن تارىقتىرماۋ، ۇشتە قامتاماسىز ەتۋ“دەگى كورنەكتى ماسەلەلەرمەن تىعىز بايلانىستىرىپ، نازاردى ”توعىز جاقتا كۇشتى توپتاپ قامال الۋ“عا شوعىرلاندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە دەم بەرۋ كەرەك. حالىق تۇرمىسىن قامتاماسىز ەتۋ مەن جاقسارتۋدى ىرىقتى تۇردە مىندەت وتەۋدىڭ ماڭىزدى كۇش سالۋ ءتۇيىنى ەتىپ، جۇمىستانۋ، وقۋ - اعارتۋ، ەمدەۋ قاتارلى بۇقارا ەڭ كوڭىل بولگەن، ەڭ تىكە، شەشۋگە ەڭ ءزارۋ ماسەلەلەردى يگەرىپ، قوعام جاعدايىن، حالىق رايىن شىنايى بەينەلەپ، بەلسەندى تۇردە ۇسىنىس قويىپ، كەڭەس بەرىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. باقىلاۋدىڭ كەڭەس بارىسىنداعى ارتىقشىلىعىن ساۋلەلەندىرىپ، ۇكىمەت قۇرىلىمىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ، كەدەيلىكتەن ارىلتۋدان قامال الۋ، كاسىپتىك وقۋ - اعارتۋ، عىلىم - تەحنيكادا جاڭالىق اشۋ سياقتى سالالاردا كەڭەسۋ فورماسىندا باقىلاۋ ورىستەتىپ، پارتكومنىڭ، ۇكىمەتتىڭ قاتىستى شەشىمدەرى مەن ورنالاستىرۋلارىنىڭ تياناقتانىپ ءونىم بەرۋىنە اناعۇرلىم دەم بەرۋ كەرەك.
ءۇشىنشى، حالىق ساياسي كەڭەسىنىڭ مەملەكەتتى جونگە سالۋ جۇيەسىندەگى ماڭىزدى رولىن ساۋلەلەندىرۋ
بۇكىل رايونداعى ءار دارەجەلى ساياسي كەڭەستەر، ساياسي كەڭەسكە قاتىناسۋشى ورىندار جانە ءار ۇلت، ءار سالاداعى مۇشەلەر بورىش پەن مىندەتتى تۇراقتاندىرىپ، بىرلىكساپتىڭ ۇيىمداستىرۋ يقۋاتىن كۇشەيتۋ ارقىلى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرۋدىڭ، تياناقتاندىرۋدىڭ جويقىن كۇشىن توپتاپ، حالىق ساياسي كەڭەسى ءتۇزىمىنىڭ اناعۇرلىم تولىسۋىن، اناعۇرلىم تۇلعالانۋىن ىلگەرىلەتۋ ارقىلى جۇڭگوشا سوتسياليزم ءتۇزىمىنىڭ ابزالدىلىعى مەن وزىقتىعىن ايگىلەپ، ارناۋلى كەڭەسۋ قۇرىلىمىنىڭ مەملەكەتتى جونگە سالۋ جۇيەسىندەگى ماڭىزدى رولىن ساۋلەلەندىرۋ ارقىلى سوتسياليستىك كەڭەستىك دەموكراتيانىڭ وزگەشە ابزالدىلىعىن ايگىلەپ، شينجياڭ قىزمەتىنىڭ باس نىساناسىن جۇزەگە اسىرۋعا جۇرت تىلەگىن ۇيىستىرۋ، دەم بەرۋ، بىرىككەن كۇش قوسۋ كەرەك.
ءبىز ارناۋلى كەڭەسۋ قۇرىلىمى سىندى وسى سيپاتتىق ورنىن ءدال يگەرۋىمىز كەرەك. ارناۋلى كەڭەسۋ قۇرىلىمى حالىق ساياسي كەڭەسىنىڭ سيپاتتىق ورنى مەن قىزمەتتىك ورنىن جالپى بەتتىك ۇستىنە العان، تاريحي داستۇرگە مۇراگەرلىك ەتەدى ءارى ءداۋىر ەرەكشەلىگىن ايگىلەيدى، جاڭا داۋىردەگى حالىق ساياسي كەڭەسىنىڭ پارتيا مەن مەملەكەت ىستەرىنىڭ جالپى جاعدايىنداعى ورنى مەن رولىن ايقىن بەلگىلەپ، حالىق ساياسي كەڭەسىنىڭ مەملەكەتتى جونگە سالۋعا قاتىناسۋىنا كەڭ ءورىس ازىرلەيدى. بۇكىل رايونىمىزداعى ءار دارەجەلى ساياسي كەڭەستەر ارناۋلى كەڭەسۋ قۇرىلىم سيپاتتىق ورنىن تۇراقتاندىرۋدىڭ جاڭا ءمانىن، قوس باعىتتا كۇش سالۋ قىزمەت جاۋاپكەرشىلىگىنىڭ جاڭا تۇجىرىمىن، ”ءۇش ماڭىزدى“ قىزمەت مىندەتىنىڭ جاڭا مازمۇنىن تەرەڭ تانىپ، ۋاكىلدىك سيپاتى كۇشتى، بايلانىس ورناتۋ اۋماعى كەڭ، قامتىمدىلىعى زور ارتىقشىلىعىن ساۋلەلەندىرىپ، ۇلى ىنتىماق، ۇلى بىرلىك ارقىلى ءار جاقتىڭ ورتاق تانىمى مەن كۇشىن ۇيىستىرىپ، كەڭەستىك دەموكراتيا ارقىلى رەفورما جاساۋعا، دامۋعا قوزعاۋشى كۇش قوسىپ، جاڭاشا ساياسي پارتيا تۇزىمىنە تاباندى بولۋ جانە ونى دامىتۋ، سوتسياليستىك كەڭەستىك دەموكراتيانى دامىتۋ، شينجياڭنىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ قىزمەت جاۋاپكەرشىلىگىن، بورىشىن شىنايى ارقالاۋى كەرەك.
ءبىز ارناۋلى كەڭەسۋ قۇرىلىمىنىڭ ماڭدايشالىعىن جارقىراتۋىمىز كەرەك. ايماقتىق، وبلىستىق، قالالىق، اۋداندىق، قالالىق، رايوندىق جانە بيڭتۋانعا قاراستى اۋدان دارەجەلى قالالىق ساياسي كەڭەستەر ماڭىزدى شەپ، ماڭىزدى تۇعىر، ماڭىزدى ارنا قۇرىلىسىن كۇشەيتىپ، دەموكراتيانى ساۋلەلەندىرۋ مەن ىنتىماقتى نىعايتۋدى ءوزارا ساباقتاستىرۋعا، ۇكىمەت ىسىنە كەڭەس بەرۋ مەن ورتاق تانىم ۇيىستىرۋ سىندى قوس باعىتتا كۇش سالۋعا تاباندى بولىپ، كەڭەس ورىستەتۋدى باستى قىزمەت، ”تۇعىر ورناتۋ“دى باستى قىزمەت ءتاسىلى، قوس باعىتتا كۇش سالۋدى قىزمەتتىڭ باستى ماقساتى ەتىپ، ”ءىس بولسا جاقسى كەڭەسۋگە، كوپتىڭ ءىسىن كوپ بولىپ اقىلداسۋ“عا تاباندى بولىپ، نازاردى باس نىساناعا شوعىرلاندىرىپ، پارتكوم مەن ۇكىمەتتىڭ قىزمەت تۇيىندەرىن، بۇقارانىڭ وندىرىستەگى، تۇرمىستاعى قيىن تۇيىندەرىن، قوعامدى جونگە سالۋداعى تولعاقتى تۇيىندەردى ارقاۋ ەتە وتىرىپ، كوپ ءتۇرلى فورمالارمەن كەڭەس قيمىلىن ورىستەتىپ، ارناۋلى كەڭەسۋ قۇرىلىمىنىڭ باستى جاۋاپكەرلىگىن، نەگىزگى جۇمىسىن ارقالاۋ كەرەك. پارتكومنىڭ ۇكىمەتپەن، ساياسي كەڭەسپەن جاساسقان جىلدىق كەڭەس جوسپارى ءتۇزىمىن تياناقتاندىرىپ، كەڭەسۋدى، ىقپالداسۋدى قاجەتتى بۋىنعا ەنگىزىپ، شەشىم جاساۋدان بۇرىن جانە شەشىمدى اتقارۋ بارىسىندا كەڭەسۋ سىندى تياناقتاندىرۋ مەحانيزمىن كەمەلدەندىرىپ، كەڭەسۋ فورماسىن مولايتىپ، كەڭەسۋ ءتارتىبىن جۇيەلىلەندىرىپ، كەڭەسۋ مەحانيزمىن كەمەلدەندىرىپ، كەڭەستىك دەموكراتيانىڭ كەڭ كولەمدە، كوپ ساتىدا تۇزىمدەنىپ دامۋىن ىلگەرىلەتۋ كەرەك. حالىقپەن كەڭەسۋدەن، حالىق ءۇشىن كەڭەسۋدەن جازباي، مۇشەلەردىڭ مىندەتىن وتەۋ گرۋپپاسىن جانە ءتۇرلى نەگىزگى ساتى كەڭەس تۇعىرىن قۇرىپ، ساياسي كەڭەستىڭ كەڭەسۋىن نەگىزگى ساتىنىڭ كەڭەسۋىمەن ۇشتاستىرۋداعى، نەگىزگى ساتىنىڭ قوعامدىق جونگە سالۋىمەن بىرلەستىرۋدەگى ءونىمدى فورمانى بەلسەنە قاراستىرىپ، ساياسي كەڭەستىڭ كەڭەسۋىن نەگىزگى ساتىعا قاراي ۇلاسۋىن ىلگەرىلەتىپ، حالىق ساياسي كەڭەسىنىڭ ءتۇزىم ارتىقشىلىعىن مۇمكىندىكتىڭ بارىنشا جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا قىزمەت وتەۋ، تياناقتاندىرۋ ناقتى ارەكەتىنە اينالدىرۋ كەرەك. تەكسەرۋ - زەرتتەۋدى نەگىزدىك بۋىن رەتىندە ساياسي كەڭەس قىزمەتىنىڭ جالپى بارىسىنا ءسىڭىرىپ، جاعدايدى جان - جاقتى مەڭگەرىپ، ماسەلە تۇيىنشەگىن قانىق ءبىلىپ، ىشكەرىلەي تالداۋ جاساپ، زەرتتەپ، شارالاردى، ۇسىنىستاردى ءدال تاۋىپ قويىپ، ءوز - ءوزىن تاربيەلەپ، دەڭگەيىن جوعارىلاتىپ، جوعارى ساپالى تەكسەرۋ - زەرتتەۋ ارقىلى مىندەتىن وتەۋ قىزمەتىنىڭ ساپاسىن جوعارىلاتۋدى، ءونىمىن ارتتىرۋدى ىلگەرىلەتۋ كەرەك. جوعارى دارەجەلى ساياسي كەڭەستىڭ اۋدان دارەجەلى ساياسي كەڭەسكە جەتەكشىلىك ەتۋ جانە سايكەسىپ تەكسەرۋ - زەرتتەۋ، بىرلەسىپ كەڭەسۋ، قىزمەتتە اۋىس - كۇيىس جاساۋ سياقتى مەحانيزمدەردى كەمەلدەندىرىپ، ”اۋدان دارەجەلى ساياسي كەڭەستىڭ نەگىزدىك قىزمەتى ءالسىز بولۋ، ادام كۇشى جەتكىلىكسىز بولۋ“ قيىن ماسەلەسىن كۇش سالا شەشۋ كەرەك. ساياسي كەڭەستىڭ مىندەت وتەۋ قىزمەت ءتۇزىمىن كەمەلدەندىرىپ، ساپا باعدارىن كۇشەيتىپ، كوزدەن كەشىرۋ، تەكسەرۋ - زەرتتەۋ، قوعام جاعدايىن، حالىق رايىن اڭىس ەتۋ، جازبا ماتەريالدار، اقپارات ۇگىتى، نازاريا زەرتتەۋ سياقتى ۇنەمىلىك قىزمەتتەرگە جاڭالىق ەنگىزۋ كەرەك. ارناۋلى كوميتەتتەردىڭ قىزمەت ءتۇزىمىن كەمەلدەندىرىپ، ءارقايسى ارناۋلى كوميتەتتەردىڭ سايكەسە بىرلەسىپ قيمىلداۋ مەحانيزمىن ورناتىپ، ارناۋلى كوميتەتتەر قىزمەتىنىڭ ارنايىلانۋىن، ناقتىلانۋىن ىلگەرىلەتۋ كەرەك. سالالىق قىزمەت مەحانيزمىن كەمەلدەندىرىپ، سالالىق مىندەت وتەۋ ءادىس - ءتاسىلىن بەلسەنە قاراستىرىپ، سالالىق قىزمەتتىڭ جاندانۋىنا، كۇشەيۋىنە مۇمكىندىك جاساۋ كەرەك.
ءبىز جاڭا داۋىردەگى جاۋاپكەرشىلىكتى مۇشە كەلبەتىن تولىق ايگىلەۋىمىز كەرەك. بۇكىل رايونداعى ءار ۇلت، ءار سالا مۇشەلەرى باس شۋجي شي جينپيڭنىڭ ”مەملەكەت ءۇشىن مىندەت وتەۋ، حالىق ءۇشىن جاۋاپكەرشىلىكتى ادا ەتۋ“ تاپسىرماسىن باستان - اياق ەستە بەرىك ساقتاپ، ءىستى سانالى تۇردە كوكەيدە ساقتاپ، جاۋاپكەرشىلىكتى ارقالاپ، ساياسي كەڭەستىڭ ءتۇرلى كەڭەس قيمىلدارىنا بەلسەنە قاتىناسىپ، ساياسي كەڭەس قىزمەتىندەگى نەگىزگى تۇلعالىق رولدارىن ءتىپتى دە جاقسى ساۋلەلەندىرۋى كەرەك. ”ءتورت تانىم“دى اناعۇرلىم كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ساياسي تۇرعى، ساياسي بەتالىس، ساياسي پرينسيپ، ساياسي جول جاعىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ اسقاق ابىرويى مەن بۇلجىماس شەشىم جاسايتىن بەدەلىن باتىل قورعاپ، پارتيانىڭ لۋشيان، باعىت - ساياساتىن باتىل اتقارۋ كەرەك. بولشەكتەۋشىلىككە قارسى تۇرۋ كۇرەس تارتىبىنە قاتاڭ بويسۇنىپ، وتاننىڭ تۇتاستىعىن قورعاۋ، ۇلتتار ىنتىماعىن قورعاۋ، ۇلتتىق بولشەكتەۋشىلىككە قارسى تۇرۋ سياقتى كەلەلى پرينسيپتىك ماسەلەلەردە باستان - اياق سەنىمدى بولۋ، اتويلاپ العا شىعۋ، باتىلدىقپەن پوزيتسيا ءبىلدىرۋ، تۋى ايقىن تۇردە ”ءۇش ءتۇرلى كۇش“پەن، ”ەكىبەتكەيلەر“مەن باتىل كۇرەس جۇرگىزۋ كەرەك. جاۋاپكەرشىلىكتى باتىلدىقپەن ارقالاۋدىڭ ناعىز ونەرىن جەتىلدىرىپ، ”ساياسي كەڭەستى ءتۇسىنۋ، كەڭەسە ءبىلۋ، ۇكىمەت ءىسىن اقىلداسۋعا شەبەر بولۋ“ جاعىندا كۇش شىعارىپ، ”تارتىپكە بويسۇنۋ، قاعيدانى دارىپتەۋ، ءمورالعا ءمان بەرۋ“ جاعىندا ءىس - ارەكەتتە ايگىلەپ، ساياسيدى مەڭگەرۋ قابىلەتىن، تەكسەرۋ - زەرتتەۋ قابىلەتىن، بۇقارامەن بايلانىس ورناتۋ قابىلەتىن، سەلبەسىپ بىرگە ىستەۋ قابىلەتىن جاپپاي كۇشەيتىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە قاتىناسۋ، ۇكىمەت ءىسىن اقىلداسۋ دەڭگەيىن ۇزبەي جوعارىلاتۋ كەرەك. كوپىرلىك، دانەكەرلىك رولىن تولىق ساۋلەلەندىرىپ، ءار سالاداعى بۇقارامەن بەلسەندى، ىرىقتى تۇردە بايلانىس جاساپ، ولارعا قىزمەت وتەپ، قىسىلعاندا قارايلاسۋ، كەدەيلەردى سۇيەمەلدەپ، قيىنشىلىعى بارلارعا كومەكتەسۋ قىزمەتتەرىن كوبىرەك ىستەپ، ورەلى ونەگە كورسەتەتىن، كۇدىك - كۇماننان ارىلتاتىن قىزمەتتەردى كوبىرەك ىستەپ، كوڭىل كۇيدى جادىراتاتىن، قايشىلىقتاردى ارىلتاتىن قىزمەتتەردى كوبىرەك ىستەپ، بۇقارانىڭ پىكىرى مەن ءۇنىن اڭىس ەتۋ، پارتيا مەن مەملەكەتتىڭ باعىت - ساياساتىن ۇگىتتەۋ، اۆتونوميالى رايوندىق پارتكومنىڭ قىزمەت ورنالاستىرۋىن ۇگىتتەۋ جاۋاپكەرشىلىگىن شىن مانىندە ارقالاۋ كەرەك. ءىس تىندىرىپ، ناتيجە شىعارۋ جىگەر - قايراتىن تاسقىنداتىپ، كۇرەس رۋحىن اسقاقتاتىپ، كۇرەسۋ قابىلەتىن جوعارىلاتىپ، قاي - قاشان دا كۇرەسكەردىڭ كەلبەتى مەن ارىنىن ساقتاپ، جاڭا داۋىردەگى شينجياڭ ساياسي كەڭەس قىزمەتىن اناعۇرلىم تىڭعىلىقتى، اناعۇرلىم ءونىمدى، اناعۇرلىم ەرەكشەلىككە يە ەتىپ ىستەۋ كەرەك.
مۇشەلەر! جاڭا ءداۋىر جاڭا بورىش جۇكتەدى، جاڭا جورىق تىڭ ىسكەرلىكتى ايگىلەۋدە. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، اۆتونوميالى رايوندىق پارتكومنىڭ ورنالاستىرۋىنا، تالابىنا ساي، ءبىر نيەت، ءبىر تىلەكپەن، كوپ بولىپ كۇش شىعارىپ، جاپپاي دوڭگەلەك داۋلەتتى قوعام ورناتۋعا، ”13 - بەسجىلدىق“ جوبانى تابىسپەن اياقتاتۋعا شىنايى كەپىلدىك ەتىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن جۇڭگوشا سوتسياليستىك شينجياڭ قۇرۋ ءۇشىن تىڭ دا اناعۇرلىم زور ۇلەس قوسايىق.
(اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ءماجىلىسىنىڭ اۋدارما گرۋپپاسى اۋداردى)
