شينجياڭ گازەتىنىڭ جالپىلىق اقپارات قۇرالدارى ءتىلشىسى جيا چۇنشيا
”مەن مەكتەپتىڭ كىتاپحاناسىندا نەمەسە اسحاناسىندا ۇقساماعان ۇلت ساباقتاستاردىڭ بىرگە ۇيرەنىپ، تاماقتانىپ وتىرعاندارىن ۇنەمى كورەمىن، كوپشىلىك بىرگە بولعاندا قۋانىشتارى قوينىنا سيماي، بەرەكە - بىرلىكتە توعىسىپ كەتەدى ەكەن“، - دەدى 2019 - جىلى 12 - ايدىڭ 22 - كۇنى قىرعىزستاننان كەلىپ وقىپ جاتقان وقۋشى ۇلانبەكوۆا جامال.
بيىل 24 جاستاعى ۇلانبەكوۆا جامال شينجياڭ پەداگوگيكا داشۋەسى ساۋدا شۋەيۋانى حالىقارالىق ەكونوميكا جانە ساۋدا كاسىبىنىڭ اسپيرانتى، حانزۋشا اتى لي جيامىڭ. ول شينجياڭدا وقىعان، تۇرمىس كەشىرگەن 4 جىلدا بۇل اراعا تەرەڭ سۇيىسپەنشىلىك ورناتقاندىعىن، شينجياڭنىڭ جاراسىمدىلىعىن، ورنىقتىلىعىن دا شىنايى سەزىنگەندىگىن ايتتى.
”شينجياڭعا كەلۋدەن بۇرىن قۇمدى ءشولدى كورمەگەن ەدىم، سودان دوستارىممەن بىرگە ۇرىمجىگە تاياۋ جەردەگى قۇمتاع قۇمدى شولىنە باردىم. قۇمدى ءشولدىڭ ايبىندى كورىنىسىن كورگەنىمدە قاتتى اسەرلەندىم“، - دەدى ۇلانبەكوۆا جامال شىن پەيىلىمەن ماقتاپ.
ۇلانبەكوۆا جامالعا تەرەڭ اسەر قالدىرعانى 2017 - جىلى 5 - ايدا ونىڭ ساباقتاستارىمەن بىرگە قۇمىلعا بارىپ ”جۇڭگونى ءتۇسىنۋ“ قيمىلىنا قاتىناسقانى بولدى. ”ول كەزدە ءبىز قۇمىل مۇراجايى، مۇقامدى جالعاستىرۋ ورتالىعى جانە قۇمىل كەستەسى سياقتىلاردى ەكسكۋرسيالاپ، ۇلتتىق ەرەكشەلىككە يە قۇرىلىستاردى، مادەنيەتتى جانە كوركەمونەردى جاقىننان كورىپ ۇعىندىق. ءبىزدىڭ ۇيدەگىلەردىڭ شينجياڭعا كەلگىسى كەلەتىن، مەن وسى ساپارداعى اسەرىمدى ۇيدەگىلەرگە ايتتىم، تاعى ولارعا سۋرەتتەرىمدى جولداپ بەردىم“، - دەدى ۇلانبەكوۆا جامال.
شينجياڭدا 4 جىل تۇرمىس كەشىرگەندە، مەيلى تۇرمىس ورتاسى بولسىن، الدە اس - سۋ بولسىن، ۇلانبەكوۆا جامال ەرەكشە ۇيلەسىپتى. ول ءبىرقانشا جەرگىلىكتى ورىنداعى دوستارىمەن دە تانىسىپتى، ۋاقىتى شىعا قالسا، دوستارىمەن بىرگە باس قوسادى ەكەن، ونىڭ ەسىنەن ەڭ كەتپەيتىنى سانجىداعى حۇيزۋ حالقىنىڭ تاعامدار كوشەسىندەگى ءدامدى تاعامدار ەكەن.
”ول اراداعى لياڭپي، جياۋماجي سياقتى ءدامدى تاعامداردى ساناپ تاۋىسا المايسىڭ“، - دەدى ۇلانبەكوۆا جامال.
ۇرىمجىدە بيىك عيماراتتار ءيىن تىرەسەدى، مەترو اۋەجايعا قاتىنايدى، قاتىناسى وتە قولايلى. حانزۋ، ۇيعۇر، قىرعىز سياقتى ءار ۇلت ىنتىماقتاسا بىرگە جاساۋدا، بەرەكە - بىرلىگى توتەنشە جاقسى. ۇلانبەكوۆا جامالعا الەۋمەتتىك اۆتوكولىكتەردە مەيلى قايسى ۇلتتىڭ جاستارى بولسىن، تۇگەلدەي قارتتارعا ورىن بەرەتىندىگى؛ كەشتەردە ادامداردىڭ الاڭداردا بيگە باسىپ، جۇزدەرىنەن كۇلكى ەسىپ، قىزۋ دۋمانعا شوماتىندىعى تەرەڭ اسەر قالدىرعان. ول ءوزىنىڭ ءۇرىمجى سىندى وسى حاۋىپسىز سەزىمگە بولەيتىن قالانى بارعان سايىن جاقسى كورىپ كەتكەندىگىن ايتتى.
جۇڭگونى جاقسى كورگەندىكتەن ۇلانبەكوۆا جامال وزىنە حانزۋشا ات قويىپ الىپتى. ”مەنىڭ اتىم وتە ۇزىن، ەسكە ساقتاۋعا قيىن. مەن ’جيامىڭ‘ دەگەن ءسوزدىڭ ءوز اتىما جاقىنداۋ ەكەنىن بايقادىم. مەن تاعى ’لي‘ دەگەن فاميليانىڭ جۇڭگوداعى ءىرى فاميليا ەكەندىگىن دە بىلەمىن، سوندىقتان وسى اتتى قويىپ الدىم“، - دەدى ۇلانبەكوۆا جامال.
ءار جىلى قىستىق، جازدىق دەمالىستا ۇيىنە قايتقاندا، ۇلانبەكوۆا جامال شينجياڭنىڭ ەرەكشە ونىمدەرىنەن الا بارادى ەكەن. 2019 - جىلى 12 - ايدىڭ 22 - كۇنى جەكسەنبى بولاتىن، ول تاڭ بوزىنان تۇرىپ ساباقتاستارىمەن بىرگە ۇرىمجىدەگى ءبىر ساۋدا سارايىنا بارىپ وتباسىنداعىلارعا جاڭا جىلدىق سالەمدەمە ساتىپ الدى. ”مەن شينجياڭنىڭ اتلاس شارفىلەرىن ەرەكشە ۇناتامىن، ءار جولى ۇيگە قايتقاندا تۋىستارىما ساتىپ الا بارامىن. بۇدان سىرت، تاعى مەيىز سياقتى شينجياڭنىڭ قۇرعاق جەمىستەرىن ساتىپ الامىن، تۋىس - تۋعاندارىم دا وتە جاقسى كورەدى“.
”شينجياڭنىڭ تاماشا دامۋ بولاشاعى بار، ەگەر كەيىن جاقسى قىزمەت ورايى بولىپ جاتسا، شينجياڭدا قالىپ ءماندى جۇمىستارمەن شۇعىلدانسام دەيمىن“، - دەدى ۇلانبەكوۆا جامال.
