− اۆتونوميالى رايوننىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋى تۋرالى جەلىلەس جالپى شولۋ
شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ يانفاڭ
نەگىزگى تاقىرىپتىق تاربيە ورىستەتىلگەننەن بەرى، رايونىمىزداعى ءار دارەجەلى پارتيا ۇيىمدارى نازاردى نەگىزگى تاقىرىپقا، نەگىزگى جەلىگە شوعىرلاندىرىپ، ۇيرەنۋ مەن ىستەۋدى ۇشتاستىرىپ، تەكسەرۋ مەن تۇزەتۋدى ساباقتاستىرىپ، جوعارى مەن تومەن بىرلەسىپ قيمىلداپ، ءبىر تۇلعا بويىنشا ىلگەرىلەتىپ، ماسەلەلەردى ءجىتى قاداعالاپ، دالمە - ءدال رەتتەپ تۇزەتىپ، رەتتەۋ - تۇزەتۋدى تياناقتاندىرۋدى قاتاڭ، ناقتى تۇردە يگەرىپ، ”2 + 8“ ارناۋلى رەتتەۋ - جونگە سالۋدى جانە ”3 + 3 + 1“ حالىق ءۇشىن ناقتى ءىس ىستەۋدى ۇزدىكسىز تەرەڭدەتىپ، كورنەكتى ماسەلەلەردى شىنداپ كىرىسىپ شەشىپ، تاماشا ونىمدىلىككە قول جەتكىزدى. قالىڭ پارتيالى كادرلار كورنەكتى ماسەلەلەردى رەتتەۋ - جونگە سالۋدا وزىنە توڭكەرىس جۇرگىزۋدى ىلگەرىلەتىپ، حالىق ءۇشىن ناقتى ءىس ىستەۋ بارىسىندا حالىق ءۇشىن ىستەۋ باستى ماقساتىن امالياتتا ايگىلەپ، ءتۇرلى قىزمەتتەردى ىلگەرىلەتۋ بارىسىندا قۋاتتى قوزعاۋشى كۇشتى قاۋلاتىپ، جاڭا داۋىردەگى شينجياڭ جاۋابىن قۇلشىنا جازدى.
كورنەكتى ماسەلەلەردى رەتتەپ - جونگە سالىپ، وزىنە توڭكەرىس جۇرگىزۋدى ىلگەرىلەتتى
نەگىزگى تاقىرىپتىق تاربيە ورىستەتىلگەننەن بەرى، رايونىمىزداعى ءار دارەجەلى پارتيا ۇيىمدارى مەن قالىڭ پارتيالى كادرلار پىشاقتىڭ ءدۇزىن ىشكە قاراتاتىن، سۇيەكتى قىرىپ ۋىتتى ايدايتىن باتىلدىقپەن پارتيانىڭ العاباسارلىعىنا، كىرشىكسىزدىگىنە ىقپال جەتكىزەتىن ءبىر توپ رەال ماسەلەنى رەتتەپ جونگە سالىپ، شەشىپ، وقۋ - اعارتۋ، دەنساۋلىق ساقتاۋ، ازىق - تۇلىك، ءدارى - دارمەك، قاتىناس - تاسىمال سياقتى سالالارعا ساياتىن ءبىر توپ كورنەكتى ماسەلەنى شەشىپ، پارتيا مەن بۇقارانىڭ، كادرلار مەن بۇقارانىڭ قارىم - قاتىناسىن نىعايتىپ، پارتيانىڭ شينجياڭداعى بيلىك جۇرگىزۋ نەگىزىن بەكەمدەدى.
ارناۋلى تاقىرىپتاعى دەموكراتيالىق تۇرمىس جيىنىن، ۇيىمدىق تۇرمىس جيىنىن اشىپ، سىن جانە ءوز - وزىنە سىندى مۇقيات ورىستەتىپ، رەتتەۋ - تۇزەتۋدى تياناقتاندىرۋدى ”قايتا قاداعالاپ“، پارتيا ۋستاۆى مەن پارتيا قاعيداسىنا سالىستىرا وتىرىپ پارىقتاردى تاپتى... نەگىزگى تاقىرىپتىق تاربيەدە بۇكىل رايونداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار ”تورتپەن سالىستىرۋ“، ”ءتورتتى تابۋ“، ”ءۇشتى بايلانىستىرۋ“ تالابىنا ساي، ماسەلەلەردى رەتتەۋ - تۇزەتۋدى جانە ارناۋلى رەتتەۋ - جونگە سالۋدى كۇش سالا ويداعىداي يگەرىپ، حالىق بۇقاراسىنىڭ باقىلاۋىن سانالىلىقپەن قابىلداپ، ماسەلەگە ءدال قاراپ، تامىرىن ۇستاپ اۋرۋىن تاۋىپ، اۋرۋ وشاعىن الاستادى. اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى، كەدەيلەردى سۇيەمەلدەۋ كەڭسەسى سياقتى ورىندار كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن رەتتەۋ - جونگە سالۋدا بىرلەسىپ قيمىلداپ كۇش شىعارىپ، ”جالعان ۇلگى“دەگى كەدەيلىكتەن ارىلتۋدان، ”ەسەپ جاساۋ ۇلگىسى“ندەگى كەدەيلىكتەن ارىلتۋدان، ”كورسەتكىش ۇلگىسى“ندەگى كەدەيلىكتەن ارىلتۋدان قاتاڭ ساقتاندى؛ شينجياڭ ءتۇستى مەتال توبى ماڭىنداعى ەرەجەگە، تارتىپكە قايشىلىق جاساۋ تيپتىك دەلولارى ارقىلى كادرلار مەن جۇمىسشى - قىزمەتكەرلەردى تومەنگى شەكتى، قىزىل سىزىقتى ويداعىداي ساقتاۋعا تاربيەلەدى؛ شينجياڭ مەديتسينا داشۋەسى شوعىرلى ءبىر تۇتاس مەردىگەر شاقىرىپ ساتىپ الۋ تۇعىرىن قۇرىپ، ارالىق بۋىنداردى كۇشىنەن قالدىرىپ، مۇددە جەتكىزۋ تىزبەگىن ءۇزىپ تاستادى...
بۇقارانىڭ مۇددەسىنە ەلەۋسىز قاراۋ، زالال جەتكىزۋ ماسەلەلەرىن شوعىرلى تۇردە رەتتەپ جونگە سالىپ، كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن تەكسەرىپ ءبىر جاقتى ەتتى، قارا، سۇرقيا كۇشتەرگە ساياتىن شىرىكتەسۋ جانە ”باسقالقا“ دەلولارىن تەكسەرىپ ءبىر جاقتى ەتتى، باسشى كادرلاردىڭ جۇبايلارىنىڭ، پەرزەنتتەرىنىڭ، سونداي - اق ولاردىڭ جۇبايلارىنىڭ بەلگىلەمەگە قايشى تۇردە ساۋدامەن اينالىسىپ كاسىپورىن قۇرۋىن ارناعا ءتۇسىردى... نەگىزگى تاقىرىپتىق تاربيە مەزگىلىندە بۇكىل رايونداعى ءار دارەجەلى تاراۋلار ”2 + 8“ ارناۋلى رەتتەۋ - جونگە سالۋدى كۇش سالا يگەرىپ، قاتاڭ شارا شىعارىپ ماسەلەلەردى رەتتەۋ - تۇزەتۋدى جانە ارناۋلى رەتتەۋ - جونگە سالۋدى ويداعىداي يگەرىپ، ءتىزىم جاساپ، نىسانانى كوزدەپ، ەسەپ داپتەرىن جاساپ، ءبىر - بىرلەپ رەتتەپ - تۇزەتىپ، ءبىر - بىرلەپ ءوشىرىپ، رەتتەۋ - تۇزەتۋدىڭ ناتيجەسى ارقىلى حالىقتىڭ سەنىمىنە يە بولدى.
كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن رەتتەۋ - جونگە سالۋعا مەڭزەس، اۆتونوميالى رايوندىق قازىنا مەڭگەرمەسى 3 - جاق قۇرىلىمعا تاپسىرۋ ارقىلى 35 كەدەي اۋداننىڭ قازىناسىنىڭ كەدەيلەردى سۇيەمەلدەۋ قارجىسى نىسانىنا ارناۋلى تەكسەرۋ جۇرگىزىپ، بەلگىلەمەگە اۋىر قايشىلىق جاساۋ جايتتەرىن نەگىزىنەن تەجەدى؛
اۆتونوميالى رايوندىق جاراتىلىستىق بايلىق مەڭگەرمەسى ”كۋالىك ءبىتىرۋدىڭ باياۋ بولۋى“، ”كوپ شاپقىلاۋ“، ”كوپ كەشىكتىرۋ“ سياقتى ماسەلەلەردى كۇش سالا شەشتى، اۋدان، قالا، رايوندار جىلجىمايتىن مۇلىكتى جاي تىركەۋ، كەپىلگە قويۋ جۇمىستارىن راسىمدەۋ ۋاقىتىن جەكە - جەكە 10 قىزمەت كۇنىنە، 5 قىزمەت كۇنىنە قىسقارتتى؛
اۆتونوميالى رايوندىق بازار باقىلاۋ - باسقارۋ مەكەمەسى ازىق - تۇلىك شاعىن دۇكەندەرى، مەكتەپ اۋلاسىنىڭ ماڭىنداعى قوقىر ازىق - تۇلىكتەر سياقتىلاردى ارناۋلى رەتتەۋ - جونگە سالۋدى تىڭعىلىقتى ورىستەتىپ، جالعان، جارامسىز ونىمدەردەن ءبىر توبىن ورتەپ، زاڭعا، بەلگىلەمەگە قايشىلىق جاساعان تۇلعالاردان ءبىر توبىن كۇشىنەن قالدىرىپ، بۇقارانىڭ ”تاعام حاۋىپسىزدىگىن“ قۇلشىنا قورعادى.
التاي ايماعى سوڭعى جىلداردان بەرى ەڭ تومەنگى تۇرمىستى قامتاماسىز ەتۋگە ءوتىنىش بەرگەندەردى، ەڭ تومەنگى تۇرمىستى قامتاماسىز ەتۋدەن يگىلىكتەنىپ جاتقانداردى، سونداي - اق ەڭ تومەنگى تۇرمىستى قامتاماسىزداندىرۋدان شەگىنگەندەردى جاپپاي قايتا تەكسەردى، حالىق ىستەرى مەكەمەسىنىڭ قىزمەتكەرلەرى ابىلەميت ياسىن وتباسىنىڭ ناقتى قيىنشىلىعىن ۇعىسىپ، ساياسات بەلگىلەمەسىنە ساي، ونىڭ وتباسىن دەر كەزىندە ەڭ تومەنگى تۇرمىستى قامتاماسىزداندىرۋ كولەمىنە ەنگىزدى. ”سىرتتا قىستىڭ ىزعارى بولسا دا ءبىزدىڭ جۇرەگىمىز جىپ - جىلى، پارتيانىڭ ابزال ساياساتىنا راقىمەت“، - دەدى ابىلەميت قۋانا.
حالىق ءۇشىن ىستەۋ باستى ماقساتىن امالياتتا ايگىلەپ، ەتەنە بايلانىستى نىعايتتى
نەگىزگى تاقىرىپتىق تاربيە ورىستەتىلگەننەن بەرى، رايونىمىزداعى ءار دارەجەلى پارتيا ۇيىمدارى حالىق ءۇشىن ىستەۋ باستى ماقساتىن امالياتتا ايگىلەپ، بۇقارا ەڭ اسىعاتىن، ەڭ ۋايىمدايتىن، ەڭ ىنتىزار بولىپ وتىرعان ءبىر توپ ماسەلەنى شوعىرلى شەشىپ، كوزگە كورىنەتىن وزگەرىس ارقىلى بۇقارانىڭ جاڭا تىلەگىنە، جاڭا تالابىنا جاۋاپ بەردى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى جوعارىلاپ، پارتيالى كادرلار مەن بۇقارانىڭ اراسى اناعۇرلىم جاقىنداپ، بارىس - كەلىسى مولايىپ، كوڭىلدەرى اناعۇرلىم توعىستى.
قۇمىل قالاسى قالا، اۋدان، اۋىل، قىستاق ءتورت دارەجەلى ”ءبىر كارتچكامەن ءبىتىرۋ“ قولدانىم جۇيەسىن ورناتىپ، بۇقارانىڭ اۋرۋ كورسەتىپ، ەمدەلۋدەگى ”كوپ كارتچكا قولدا ءجۇرۋ، ءوزارا قولدانۋعا كەلمەۋ“ سىندى بوگەتتى اشتى؛ بايىنعولين موڭعۇل اۆتونوميالى وبلىسى، قىزىلسۋ قىرعىز اۆتونوميالى وبلىسى ”ەڭ كوپ بولعاندا ءبىر رەت بارۋ“ رەفورماسىن ىشكەرىلەي ىلگەرىلەتتى، اۆتونوميالى رايوندىق قوعام حاۋىپسىزدىگى مەڭگەرمەسى نوپوستى ينتەرنەتتە بىتىرۋدەگى ”تۇتاس بارىستا جەلىدە بولۋ“دى جولعا قويىپ، ساندى مالىمەتپەن كوپ جۇمىس ءبىتىرىپ، بۇقارانى سارپالداڭعا سالمادى؛ اۆتونوميالى رايوندىق پارتكوم وقۋ - اعارتۋ قىزمەت كوميتەتى ورتا، باستاۋىش مەكتەپتەر مەن بالاباقشالاردىڭ قىزمەتكەر، قىزمەت ورنى، قاراجات ”ءۇش جالپى مولشەر“دى باسقارۋدىڭ وتپەلى ساياساتىن اتقارىپ، وقىتۋشىلاردىڭ اتاعىن باعالاۋداعى قيىن ماسەلەلەردى تۇرگە ءبولىپ شەشتى؛ اۆتونوميالى رايوندىق قاتىناس - تاسىمال مەڭگەرمەسى 68 رەتتەۋ - جونگە سالۋ شاراسىن تۇراقتاندىرىپ، اۋىل - قىستاق جولىنىڭ ساپاسىن جوعارىلاتۋ، جۇك تاسۋ اۆتوموبيلدەرىنىڭ شەكتەن اسىرىپ ءجۇرۋ، ولشەمنەن اسىرىپ تيەۋىن قاتاڭ ارناعا ءتۇسىرۋ بويىنشا زاڭ اتقارۋ سياقتى 7 ءىرى ارناۋلى ارەكەتتى اتقاردى...
نەگىزگى تاقىرىپتىق تاربيە بارىسىندا رايونىمىز ”3 + 3 + 1“ حالىق ءۇشىن ناقتى ءىستى دەن قويىپ، سۇيىسپەنشىلىك ارناپ جاقسى ىستەپ، تۋبەركۋلەز ناۋقاستارىن قۇتقارۋ، ەمدەۋ ماسەلەسىن كۇش سالا شەشىپ، وكپە تۋبەركۋلەزى ناۋقاستارىنىڭ ەمحاناداعى اقىسىن ％100، بالنيتسا اقىسىن ％90 ەسەپتەن كوتەرۋ ساياساتىن اتقارىپ، وكپە تۋبەركۋلەزىنەن ساقتانۋدىڭ جانە ونى تىزگىندەۋدىڭ ”شينجياڭ ۇلگىسىن“ اشتى. مەكىت اۋدانى شەيتى ءدوڭ اۋىلى يگىز ارىق قىستاعىنىڭ تۇرعىنى مامەت تۇردى قاريانىڭ جالپى حالىقتىڭ دەنساۋلىعىن تەكسەرۋ بارىسىندا وكپە تۋبەركۋلەز اۋرۋى بار ەكەنى بەلگىلى بولادى، 3 اي شوعىرلى ەمدەۋدەن كەيىن، ءبىر تيىن دا جۇمساماي جازىلعان قاريا تەبىرەنە: ”پارتيا مەن ۇكىمەت ماعان جاقسى دەنساۋلىق سيلادى“، - دەدى.
تۇششى سۋ ءشول قاندىردى، باسپاناسى بولۋ جۇرت جۇرەگىن مەيىرگە بولەدى. رايونىمىز كەدەيلەردىڭ اۋىز سۋ حاۋىپسىزدىگى، تۇرعىن ءۇي حاۋىپسىزدىگى ماسەلەسىندەگى ولقىلىقتاردى جەدەل تولىقتاپ، 346 مىڭ كەدەيدىڭ اۋىز سۋ حاۋىپسىزدىگى ماسەلەسىن شەشتى، 9355 كەدەي وتباسىنىڭ حاۋىپسىز تۇرعىن ءۇيى تۇگەلدەي ءبىتىپ كوشىپ كىرىپ، كەدەيلەردىڭ قاتەرلى ۇيلەردە تۇرۋ تاريحى تۇبەگەيلى اياقتالدى. ”ءبىز باقىت سۋىن ىشتىك“، اقتاۋ اۋدانى بارىن اۋىلى گۇلباق قىستاعىنداعى بارلىق وتباسىنا قۇبىر سۋى تۇتاستىرىلدى، - دەدى قىستاق پارتيا ياچەيكاسىنىڭ شۋجيى مامەتالى توحتى تەبىرەنە.
كەدەيلەردى جۇمىستاندىرۋ ارقىلى سۇيەمەلدەۋ ورنىقتى باقىت اكەلدى. رايونىمىز اۋىل - قىستاقتارداعى ارتىق ەڭبەككۇشتەردى باسقا كاسىپكە ويىستىرىپ جۇمىستاندىرۋدى جاقسى يگەرىپ، 2019 - جىلى اۋىل - قىستاقتارداعى ارتىق ەڭبەككۇشتەردەن 2 ميلليون 860 مىڭ ادام - رەت باسقا كاسىپكە ويىستىرىپ جۇمىستاندىردى. كەدەيلەردى جۇمىستاندىرۋ ارقىلى سۇيەمەلدەۋ ساياساتىنىڭ ارقاسىندا، قاراقاش اۋدانى ماڭلاي اۋىلى اقتام قىستاعىنداعى كەدەي وتباسى اكبار باقى مەن ايەلى شينجياڭ مەديتسينا داشۋەسىنىڭ جۇمىسشى - قىزمەتكەرلەر اسحاناسىنا قىزمەتكە ورنالاستى. ”ءبىز جاقسى ىستەپ، كەلەشەكتە ۇرىمجىگە قونىس تەۋىپ، جاراسىمدى، جاقسى تۇرمىس وتكىزەمىز“، - دەدى ول قۋانىشپەن.
قالىڭ پارتيا مۇشەلەرى، كادرلار حالىق تۇرعىسىن بەكەمدەپ، حالىق ءۇشىن ىستەۋ ىنتا - ىقىلاسىن ارتتىرىپ، بۇقارا ەڭ اسىققان، ەڭ ۋايىمداعان، ەڭ قيىن، ەڭ ىنتىزار بولىپ وتىرعان ءبىر توپ ماسەلەنى شەشتى. بۇقارا بۇرىن قيىنشىلىق بولسا بارىپ كادردى ىزدەيتىنبىز، قازىر كوبىندە قيىنشىلىق بولسا كادر ءوزى ىزدەپ كەلەدى، كادرلار مەن بۇقارانىڭ سۇيىسپەنشىلىگى ءتىپتى دە تەرەڭدەدى دەپ جالپى بەتتىك اڭىس ەتتى.
قۋاتتى قوزعاۋشى كۇش تاسقىنداپ، ءتۇرلى قىزمەتتەر ىلگەرىلەدى
جارتى جىلعا جالعاسقان نەگىزگى تاقىرىپتىق تاربيە رايونىمىزداعى قالىڭ پارتيا مۇشەلەرى، كادرلار مەن ءار ۇلت بۇقاراسىنىڭ پارتيانى ءسۇيۋ، وتاندى ءسۇيۋ، شينجياڭدى ءسۇيۋ شەكسىز شىن ىقىلاسىن قوزعادى، كورىكتى شينجياڭ قۇرۋ، وتان ارمانىن بىرگە ورىنداۋ سەنىمدەرى ونان ارى نىعايىپ، قايراتتارى ءتىپتى دە تاسقىنداپ، ءتىپتى دە اسقاق كۇرەس جۇرگىزۋ جىگەرىمەن شينجياڭنىڭ ورنىقتىلىق، دامۋ جاندى امالياتىنا سانالى تۇردە ات سالىسىپ، ءتۇرلى قىزمەتتەردى پارمەندى ىلگەرىلەتتى.
نەگىزگى تاقىرىپتىق تاربيە بارىسىندا تۇتاس رايونداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار نەگىزگى تاقىرىپتىق تاربيەنى ورىستەتۋدى قوزعاۋشى كۇش ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، نەگىزگى تاقىرىپتىق تاربيەنى پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋمەن، تياناقتاندىرۋمەن ۇشتاستىرۋدان، جاڭا جۇڭگو قۇرىلعاندىعىنىڭ 70 جىلدىعىن بىرگە قۇتتىقتاۋمەن ۇشتاستىرۋدان جازبادى −
نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، جالپىلىق شارا قولدانۋدان، ۇستىنەن وڭاۋ مەن تۇبىرىنەن وڭاۋدان جازباي، قوعامدىق كەلەلى جاعدايدىڭ باياندى ورنىقتىلىعىن ساقتادى. تۇتاس رايوندا ءۇرتىس 3 جىل زورلىقتى كۇش، لاڭكەستىك دەلوسى تۋىلمادى، ءتۇرلى دەلونىڭ تۋىلۋى ۇزدىكسىز ازايىپ، ءار ۇلت كادرلارى مەن بۇقارانىڭ حاۋىپسىزدىك سەزىمى كورنەكتى ارتىپ، قوعام ورنىقتىلىعى مەن باياندى تىنىشتىق سەنىمدەرى كورنەكتى كۇشەيدى.
جاڭا دامۋ ۇستانىمىن دايەكتىلەندىرىپ، ەكونوميكانىڭ جوعارى ساپالى دامۋىن جەبەدى. تۇتاس جىلدا وڭىرلىك ءوندىرىس جالپى قۇنىنىڭ سايكەس مەزگىلدەگىدەن ％6 شاماسىندا ارتاتىندىعى، قالا، اۋىل تۇرعىندارىنىڭ جان باسىندىق قولداعى تابىسىنىڭ جەكە - جەكە ％5.5 ، ％9 شاماسىندا ارتاتىندىعى مەجەلەندى، نەگىزگى تاقىرىپتىق تاربيە مەن ورنىقتىلىقتى، دامۋدى بىردەي جەبەپ، ەكەۋىندە دە تابىسقا جەتتى.
ورنىقتىلىقتىڭ پايداسى تولىق ايگىلەنىپ، ەكونوميكالىق، قوعامدىق دامۋدى پارمەندى جەبەدى، اسىرەسە، ساياحات كاسىبى جەدەل ارتتى. 2019 - جىلى تۇتاس رايون بويىنشا قابىلداعان ساياحاتشى 200 ميلليون ادام - رەتتەن اسىپ، تاريحي سيپاتتى ناتيجەگە قول جەتتى، ساياحات كىرىسى 345 ميلليارد 265 ميلليون يۋانعا جەتىپ، جەكە - جەكە ％41.6 جانە ％40.4 ارتتى. ساياحاتشىلاردى قابىلداۋ مولشەرى مەن ساياحات كىرىسىندە بىردەي تاريحي جاڭا ورە جارىققا شىقتى.
تۇتاس رايوننىڭ جەر - جەرى نەگىزگى تاقىرىپتىق تاربيەنى وراي ەتىپ، جوعارى مەن تومەن بىرگە قيمىلداپ، ”ءۇش قيىن، ءبىر ىركىلىسسىز بولماۋ“ سياقتى ساياحات كاسىبىنىڭ دامۋىنا كەدەرگى بولاتىن كورنەكتى ماسەلەلەردى كۇش سالا شەشىپ، ”شينجياڭ جاقسى جەر“دى كۇش قوسا شارىقتاتا شىرقادى. بۋىرشىن اۋدانى شۇڭقىر قالاشىعى قىزىلقايىڭ قىستاعىنىڭ تۇرعىنى ەربولات ءشامشىقان كوتەرىڭكى كوڭىلمەن: ”قىستاقتا ساياحاتشىلارعا قىزمەت ەتۋ ورتالىعى بار، ساياحات قۇرىلعىلارى كەمەلدى، ساياحاتشىلار دا كوبەيىپ، تۇرمىسىمىز بارعان سايىن جاقسارا ءتۇستى“، - دەدى.
اۋەلگى ماقساتتى ۇمىتپاعاندا عانا، ورنىقتى قاداممەن الىسقا جەتۋگە بولادى، بورىشتى ەستە بەرىك ساقتاعاندا عانا، بولاشاق اشۋعا بولادى. رايونىمىزداعى ءار دارەجەلى پارتيا ۇيىمدارى مەن قالىڭ پارتيالى كادرلار وسى رەتكى نەگىزگى تاقىرىپتىق تاربيەنى تىڭ باستاما ەتىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“دى پارتيا قۇرىلىسىن كۇشەيتۋدەگى ماڭگىلىك تاقىرىپ جانە بارلىق پارتيا مۇشەلەرى مەن كادرلاردىڭ ومىرلىك تاقىرىبى ەتىپ، نازاريامەن قارۋلانۋدى تالىقپاي كۇشەيتىپ، ساياسي قۇرىلىستى نىعايتىپ، باستى ماقساتتى امالياتتا ايگىلەپ، وزىنە توڭكەرىس جۇرگىزۋدى ۇزدىكسىز ىلگەرىلەتىپ، ءار ۇلت بۇقاراسىن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا ويداعىداي جازۋعا ىنتىماقتاستىردى، باستادى.
