شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 1 - ايدىڭ 14 - كۇنى ۇرىمجىدەن حابارلايدى. 1 - ايدىڭ 14 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 78 - رەتكى ۇنەمىلىك ىستەر ءماجىلىسىن باسقارىپ اشىپ، شينجياڭنىڭ تاۋلى وڭىرلەرىندەگى جابايى جەمىس ورمانىن زياندى ورگانيزمدەردەن ساقتانۋ جانە تىزگىندەۋ، توپىراقتى جانە سۋدى ساقتاۋ سياقتى قىزمەتتەردى اقىلداستى.
ءماجىلىس مىنانى اتاپ كورسەتتى: شينجياڭنىڭ تاۋلى وڭىرلەرىندەگى جابايى جەمىس ورمانى ءتۇرى مول، تۇرلەرى وزگەشە، مەملەكەتتىك ءتۇيىندى قورعالاتىن تۇقىمى قۇرۋعا تاياعان وسىمدىكتەر قاتارىنا ەنگىزىلگەن، ەلىمىزدەگى ماڭىزدى ورگانيزم بايلىعى گەن قويماسى. ىلە قازاق اۆتونوميالى وبلىسى، تارباعاتاي ايماعى جانە قاتىستى اۋداندار مەن قالالار نەگىزگى تۇلعالىق جاۋاپكەرشىلىكتى كۇشەيتىپ، تۇتاس تۇلعالىق جاقتان ىلگەرىلەتۋى كەرەك. اۆتونوميالى رايوننىڭ ءارقايسى قاتىستى ورىندارى مەن تاراۋلارى جەتەكشىلىك ەتۋدى، قىزمەت وتەۋدى كۇشەيتىپ، بىرلەسكەن مەحانيزم ورناتىپ، جالپىلىق شارا قولدانىپ، شينجياڭنىڭ تاۋلى وڭىرلەرىندەگى جابايى جەمىس ورمانىن زياندى ورگانيزمدەردەن ساقتانۋ جانە تىزگىندەۋدى بىرگە كۇشەيتىپ، زيان دەڭگەيىنىڭ جىلدان - جىلعا تومەندەۋىن، زيان تۋىلۋ كولەمىنىڭ جىلدان - جىلعا ازايۋىن جۇزەگە اسىرىپ، تاۋلى وڭىرلەردەگى جابايى جەمىس ورمانى ءتۇرى بايلىعى مەن ەكولوگيا حاۋىپسىزدىگىنە شىنايى كەپىلدىك ەتۋ كەرەك.
ءماجىلىس مىنانى اتاپ كورسەتتى: توپىراق پەن سۋدى ساقتاۋ قىزمەتى سۋ، توپىراق بايلىعىن قورعاۋ، جاقسارتۋ جانە ودان ۇيلەسىمدى پايدالانۋ، توپىراقتىڭ ءوندىرىس قۋاتىن قورعاۋ جانە جوعارىلاتۋ، تاماشا ەكولوگيالىق ورتا قالىپتاستىرۋ، سۋ، توپىراق بايلىعىنان باياندى پايدالانۋدى جۇزەگە اسىرۋ جونىنەن توتەنشە ماڭىزدى ءمان الادى. اۆتونوميالى رايوننىڭ قاتىستى ورىندارى مەن تاراۋلارى ەكولوگيانى الدىمەن ويلاستىرۋدان، جاسىل دامۋدان جازباي، ساقتانۋدى نەگىز ەتۋگە، قورعاۋدى ماڭداي الدى ورىنعا قويۋعا تاباندى بولىپ، جان - جاقتى جوبالاپ، جەرگىلىكتى جاعدايمەن ساناسىپ، تابيعي قالپىنا كەلۋگە باسا ءمان بەرىپ، جان - جاقتى جونگە سالۋدى كورنەكتىلەندىرىپ، باقىلاۋ - باسقارۋدى كۇشەيتىپ، رايونىمىزدىڭ سۋ، توپىراق بايلىعىنان باياندى پايدالانۋدى جۇزەگە اسىرىپ، توپىراقتىڭ شايىلۋىنان ساقتانۋ جانە تىزگىندەۋ جۇيەسىن وسىزامانداندىرۋ قۇرىلىسىن ىلگەرىلەتىپ، توپىراقتىڭ شايىلۋىنان ساقتانۋ جانە تىزگىندەۋ قابىلەتىن ءونىمدى ارتتىرىپ، ەكولوگيالىق وركەنيەت قۇرىلىسى اياق الىسىن جەدەلدەتۋ كەرەك.
ءماجىلىس تاعى باسقا كەڭەستىك تاقىرىپتاردى اقىلداستى.
