تيانشان تورى
تيانشان تورى   ›   جاڭالىقتار   ›   سۋرەتتى حابار

جاڭا داۋىردەگى نەگىزگى ساتى پارتيا ۇيىمى قۇرىلىسىن باياندى كۇشەيتىپ قوعام ورنىقتىلىعى مەن باياندى تىنىشتىق ءۇشىن پارمەندى كەپىلدىك ازىرلەۋ كەرەك

چىن چۋانگو ايماقتىق، وبلىستىق، قالالىق پارتكوم شۋجيلەرىنىڭ نەگىزگى ساتى پارتيا قۇرىلىسىن يگەرۋ قىزمەتىنەن ەسەپ بەرۋ، باعالاۋ، تەكسەرۋ بەينەجازبا ماجىلىسىندە بىلاي دەپ باسا دارىپتەدى

جاڭا داۋىردەگى نەگىزگى ساتى پارتيا ۇيىمى قۇرىلىسىن باياندى كۇشەيتىپ قوعام ورنىقتىلىعى مەن باياندى تىنىشتىق ءۇشىن پارمەندى كەپىلدىك ازىرلەۋ كەرەك

شوكىرات زاكىر، شاۋكەت يمىن، نۇرلان ءابىلماجىن، لي پىڭشين قاتىناستى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 1 - ايدىڭ 14 - كۇنى ۇرىمجىدەن حابارلايدى. 1 - ايدىڭ 14 - كۇنى اۆتونوميالى رايوندىق پارتكوم 2019 - جىلدىق ايماقتىق، وبلىستىق، قالالىق پارتكوم شۋجيلەرىنىڭ نەگىزگى ساتى پارتيا قۇرىلىسىن يگەرۋ قىزمەتىنەن ەسەپ بەرۋ، باعالاۋ، تەكسەرۋ بەينەجازبا ءماجىلىسىن اشتى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى.

  اۆتونوميالى رايوننىڭ باسشىلارى شوكىرات زاكىر، شاۋكەت يمىن، نۇرلان ءابىلماجىن، لي پىڭشين، ەركىن تۇنياز، ۋاڭ جۇنجىڭ، تيان ۋىن، جاڭ چۇنلين قاتىناستى. ورتالىق كوميتەت ۇيىمداستىرۋ ءبولىمىنىڭ قاتىستى تاراۋىنداعى جاۋاپتى جولداس ماجىلىسكە قاتىناسىپ جەتەكشىلىك ەتتى.

  ماجىلىستە، 14 ايماقتىق، وبلىستىق، قالالىق پارتكوم شۋجيلەرى مەن اۆتونوميالى رايونعا توتە قاراستى ورگاندار قىزمەت كوميتەتىنىڭ، مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتكومنىڭ شۋجيلەرى جەكە - جەكە ماجىلىستە قىزمەتتەن ەسەپ بەردى، اۆتونوميالى رايوندىق پارتكوم وقۋ - اعارتۋ قىزمەت كوميتەتى، اۆتونوميالى رايوندىق ينتەرنەت جانە ينفورماتسيالاندىرۋ پارتيا قىزمەت كوميتەتى جازباشا قىزمەتتەن ەسەپ بەردى. چىن چۋانگو ءبىر - بىردەن باعا بەردى.

  چىن چۋانگو بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ ورتالىق كوميتەت ساياسي بيۋروسىنىڭ دەموكراتيالىق تۇرمىس جيىنىندا، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىندا سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، نەگىزگى تاقىرىپتىق تاربيەنىڭ تابىستارىن بەكەمدەپ، تەرەڭدەتىپ، جاڭا داۋىردەگى پارتيا قۇرىلىسىنىڭ جالپى تالاپتارى بويىنشا ءار دارەجەلى پارتكومدار شۋجيلەرىنىڭ پارتيانى باسقارۋ، پارتيانى جونگە سالۋ جاۋاپكەرشىلىگىن كۇشەيتىپ، نەگىزگى قوسىن، نەگىزگى قيمىل، نەگىزگى شەپ، نەگىزگى ءتۇزىم، نەگىزگى قامتاماسىزدىق قۇرىلىسىن ءۇرتىس كۇشەيتىپ، نەگىزگى ساتى پارتيا ۇيىمدارىنىڭ ۇيىمداستىرۋ قۋاتىن جاپپاي جوعارىلاتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋگە پارمەندى كەپىلدىك ازىرلەۋ كەرەك.

  ءبىرىنشى، پارتيانىڭ ساياسي قۇرىلىسىن كۇشەيتۋگە ءۇرتىس كۇش سالۋ كەرەك. تۋ ايقىن تۇردە ساياسيدى دارىپتەۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى پارتيا قۇرىلىسىن كۇشەيتۋدىڭ ماڭگىلىك تاقىرىبى جانە بارلىق پارتيا مۇشەلەرىنىڭ، كادرلاردىڭ ومىرلىك تاقىرىبى ەتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.

  ەكىنشى، نازاريامەن قارۋلانۋدى كۇشەيتۋگە ءۇرتىس كۇش سالۋ كەرەك. پارتيانى يدەيالىق جاقتان قۇرۋعا، پارتيانى نازاريامەن كۇشەيتۋگە تاباندى بولىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى كەلەلى ساياسي مىندەت ەتىپ، نازاريالىق ساپانى، ساياسي ساپانى ۇزدىكسىز جوعارىلاتىپ، سەنىمدى ۇزدىكسىز بەكەمدەپ، اۋەلگى ماقساتتى شىڭداپ، وزىنە وزگەرىس جاساۋدى، ءوزىن كىرشىكسىزدەندىرۋدى ۇزدىكسىز ىلگەرىلەتىپ، شينجياڭ قىزمەتىنىڭ باستان - اياق باس شۋجي شي جينپيڭ نۇسقاعان دۇرىس بەتالىستى بويلاپ ىلگەرىلەۋىنە شىنايى كەپىلدىك ەتۋ كەرەك.

  ءۇشىنشى، ورنىقتىلىقتى، دامۋدى ىلگەرىلەتۋگە ءۇرتىس كۇش سالۋ كەرەك. جاپپاي دوڭگەلەك داۋلەتتى قوعام ورناتۋ نىسانا مىندەتىن مىقتاپ ارقاۋ ەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ارتۋدى ورنىقتىرۋدى، رەفورمانى جەبەۋدى، قۇرىلىمدى رەتتەۋدى، حالىق تۇرمىسىنا تيىمدىلىك جاساۋدى، حاۋىپ - قاتەردەن ساقتانۋدى، ورنىقتىلىقتى ساقتاۋدى ءبىر تۇتاس جوسپارلاپ ىلگەرىلەتىپ، ”التىنى ورنىقتىرۋ“ قىزمەتىن كۇش سالا جاقسى ىستەپ، قوعامنىڭ كەلەلى جاعدايىنىڭ ءۇرتىس ورنىقتىلىعىن ساقتاۋ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك.

  ءتورتىنشى، كەدەيلىكتەن ارىلتۋدان قامال الۋعا دەم بەرۋگە ءۇرتىس كۇش سالۋ كەرەك. نازاردى اۋىر كەدەي وڭىرلەرگە شوعىرلاندىرىپ، ”ەكىدەن تارىقتىرماۋ، ءۇشتى قامتاماسىز ەتۋ“دى مىقتاپ ارقاۋ ەتىپ، ”التىدا دالمە - ءدال بولۋ“دى تياناقتاندىرىپ، اۋىز سۋ حاۋىپسىزدىگىندەگى ولقىلىقتاردى كۇش سالا تولىقتاپ، ءبىر جاعىنان، كەدەيلىكتەن ارىلتۋدى يگەرىپ، ءبىر جاعىنان، قايتا كەدەيلەسۋدەن ساقتانىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزۋگە، بۇكىل ەل حالقىمەن بىرگە دوڭگەلەك داۋلەتتى قوعامعا قادام تاستاۋعا شىنايى كەپىلدىك ەتۋ كەرەك.

  بەسىنشى، كادرلاردىڭ ستيلىندە بۇرىلىس جاساۋعا ءۇرتىس كۇش سالۋ كەرەك. دايەكتى جالعاستىرىپ، مىزعىماستان پارتيانى جاپپاي قاتاڭ جونگە سالىپ، ەرەكشەلەنبەۋ يدەياسىن بەرىك ورناتىپ، ءبىر جاعىنان، بولشەكتەۋشىلىككە قارسى تۇرۋ كۇرەسىن يگەرۋگە، ءبىر جاعىنان، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن يگەرۋگە تاباندى بولىپ، فورماشىلدىقتى، تورەشىلدىكتى باتىل رەتتەپ - جونگە سالىپ، دەن قويىپ، ىقىلاس بەرىپ، كۇش جۇمساپ، نەگىزگى ساتىنىڭ اۋىرتپالىعىن جەڭىلدەتىپ، حالىق ءۇشىن ناقتى ىستەردى جاقسى تىندىرىپ، ءار ۇلت بۇقاراسىن شىن جۇرەكتەن پارتياعا العىس ايتاتىن، پارتيانىڭ سوزىنە قۇلاق اساتىن، پارتياعا ىلەسەتىن ەتۋ كەرەك.

  التىنشى، نەگىزگى ساتىنىڭ نەگىزىن بەكەمدەۋگە ءۇرتىس كۇش سالۋ كەرەك. نەگىزگى ساتىنى يگەرۋدى، نەگىز قالاۋدى ۇزاق ۋاقىتتىق جوسپار جانە نەگىزدى بەكەمدەۋ شاراسى ەتۋگە تاباندى بولىپ، شەشۋشى بۋىنداعى، ءتۇيىندى سالاداعى پارتيا ۇيىمى قۇرىلىسىن كۇشەيتىپ، ءالسىز، بىتىراندى نەگىزگى ساتى ۇيىمدارىن ۇزدىكسىز رەتكە سالىپ، پارتيا مۇشەلەرى قوسىنىن ۇزدىكسىز ۇلعايتىپ، پارتيا مۇشەلەرى قوسىنىنىڭ ساپاسىن جوعارىلاتىپ، پارتيا ۇيىمىمەن، پارتيا باسشىلىعىمەن، پارتيا رولىمەن، پارتيا قىزمەتىمەن، پارتيا قيمىلىمەن، پارتيا ابزالدىلىعىمەن، پارتيا كۇش - قۋاتىمەن جاپپاي قامتۋدى ىلگەرىلەتۋ كەرەك.

  جەتىنشى، پارتيا قۇرىلىسىنىڭ جاۋاپكەرشىلىگىن نىعايتۋعا ءۇرتىس كۇش سالۋ كەرەك. ءار دارەجەلى پارتكومدار (پارتيا باسشىلىق گرۋپپالارى) پارتيا قۇرىلىسى قىزمەتىنىڭ نەگىزگى تۇلعالىق جاۋاپكەرشىلىگىن مۇقيات اتقارىپ، ءبىر دارەجە ءبىر دارەجەنى يگەرەتىن، ساتى سايىن تياناقتاندىرۋدى يگەرەتىن پارتيا قۇرىلىسى قىزمەت ارناسىن قالىپتاستىرۋ كەرەك. ءار دارەجەلى پارتيا ۇيىمدارىنىڭ شۋجيلەرى پارتيانى باسقارۋدىڭ، پارتيانى جونگە سالۋدىڭ ءبىرىنشى جاۋاپتىسى بولىپ، پارتياعا جاۋاپتى بولۋدى، ءوز ءوڭىرىنىڭ، ءوز جۇيەسىنىڭ، ءوز ورنىنىڭ ساياسي ەكولوگياسىنا جاۋاپتى بولۋدى، كادرلاردىڭ اقاۋسىز ەسەيۋىنە جاۋاپتى بولۋدى ورىنداۋ كەرەك. ءارقايسى نەگىزگى ساتى پارتيا ۇيىمدارى پارتيا قۇرىلىسى قىزمەتىنىڭ مىندەت جاۋاپكەرشىلىگىن شىن مانىندە اتقارىپ، ورنىقتىلىق، دامۋ، حالىق تۇرمىسى ”3 جاقتى ءبىر تۇلعالاندىرۋ“دى ىلگەرىلەتىپ، نەگىزگى ساتىنى جونگە سالۋعا باسشىلىق ەتۋ قابىلەتىن ۇزدىكسىز جوعارىلاتۋ كەرەك.

  اۆتونوميالى رايوندىق پارتكوم پارتيا قۇرىلىسى قىزمەتىنە باسشىلىق گرۋپپاسىنىڭ، ”ۇعىسۋ، تيىمدىلىك جاساۋ، توعىستىرۋ“بويىنشا قىستاقتا تۇرۋ قىزمەتىنە باسشىلىق گرۋپپاسىنىڭ قۇرامىنداعىلار، رايونعا توتە قاراستى تاراۋلاردىڭ، ءىرى، ورتا كاسىپورىنداردىڭ پارتكوم (پارتيا باسشىلىق گرۋپپاسى) شۋجيلەرى، اۆتونوميالى رايوندىق پارتكوم ۇيىمداستىرۋ ءبولىمىنىڭ ءبولىم ىستەرى ءماجىلىسىنىڭ قۇرامىنداعىلار، ءىشىنارا اۆتونوميالى رايوندىق پارتيا ۋاكىلدەر قۇرىلتايىنىڭ ۋاكىلدەرى، حالىق قۇرىلتايىنىڭ ۋاكىلدەرى، ساياسي كەڭەستىڭ مۇشەلەرى جانە نەگىزگى ساتى پارتيالى كادرلاردىڭ ۋاكىلدەرى قاتارلىلار ماجىلىسكە قاتىناستى. ماجىلىستە قىزمەتىنەن ەسەپ بەرگەن جولداستاردىڭ نەگىزگى ساتىداعى پارتيا قۇرىلىسى قىزمەتىن يگەرۋ جاعدايىنا باعالاۋ جۇرگىزىلدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.