− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ”نەگىزگى ساتىنىڭ اۋىرتپالىعىن جەڭىلدەتۋ جىلى“ قىزمەتىن ىلگەرىلەتكەندىگى جونىندە جالپى شولۋ
شينحۋا اگەنتتىگىنىڭ تىلشىلەرى لين حۇي، گاۋ لەي، سۇن شاۋلۇڭ
2019 - جىلدىڭ سوڭى، بەيجيڭ جۇڭنانحاي. ورتالىق كوميتەت ساياسي بيۋروسىنىڭ ارناۋلى تاقىرىپتاعى دەموكراتيالىق تۇرمىس جيىنىندا «فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتى جاعدايى جونىندەگى بايانداما» سىندى ءبىر ماڭىزدى بايانداما قاراۋدان ءوتتى.
”باسشىلىق ورگاندارى مەن باسشى كادرلاردان باستاپ كىرىسىپ، فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋدى يدەيالىق سانالىلىققا، ساياسي سانالىلىققا جانە ارەكەت سانالىلىعىنا اينالدىرۋ“، ”حۇجاتتى ىقشامداپ، جيىندى ازايتۋ، باقىلاۋ، تەكسەرۋ، باعالاۋ سياقتى بۇلجىماس، قاتاڭ شارالاردى جۇيەگە ءتۇسىرۋ ءبىرشاما جاقسى تياناقتاندىرىلىپ، نەگىزگى ساتى شىنايى تابىس سەزىمىنە كەنەلدى“، ”شىنايى شارالار قولدانىلىپ، كادرلار جاۋاپكەرشىلىك ارقالاپ، ىسكەرلىك كورسەتۋگە شابىتتاندىرىلدى، كادرلار قوسىنىنىڭ رۋحاني كۇيىندە وتە زور وزگەرىستەر جارىققا شىقتى“، ”اۋىرتپالىقتى جەڭىلدەتۋ باسشىلىق ءتاسىلى مەن ادىسىندە بۇرىلىس جاساۋى مەن قىزمەت مەحانيزمىندە جاڭالىق اشۋدى جەبەپ، جونگە سالۋ قابىلەتىن جوعارىلاتتى“...
ءبىر قىدىرۋ تىڭعىلىقتى دا ناقتى كورنەكتى وزگەرىستەر ءبىر جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋدەگى قوماقتى تابىستارىن ايگىلەدى.
2019 - جىل جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدەگى ءبىرىنشى 100 جىلدىق كۇرەس نىساناسىنىڭ شەشۋشى جىلى، سونداي - اق پارتيا ورتالىق كوميتەتى تۇراقتاندىرعان ”نەگىزگى ساتىنىڭ اۋىرتپالىعىن جەڭىلدەتۋ جىلى“.
ءبىر جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى فورماشىلدىقتى، تورەشىلدىكتى رەتتەپ - جونگە سالۋداعى قامال الۋ شايقاسىن جۇرگىزۋ باتىل بەكىمىنە كەلىپ، پارتيانى جاپپاي قاتاڭ جونگە سالۋدى بۇلجىماستان ىلگەرىلەتىپ، ستيل قۇرىلىسىن تاباندىلىقپەن باياندى يگەرىپ، ”نەگىزگى ساتىنىڭ اۋىرتپالىعىن جەڭىلدەتۋ جىلى“ قىزمەتىن ىشكەرىلەي ىلگەرىلەتىپ، ورنالاستىرىپ، نەگىزگى ساتىعا ىرىق بەرىپ، اۋىرتپالىعىن جەڭىلدەتىپ، كادرلاردى جاۋاپكەرشىلىك ارقالاپ، ىسكەرلىك كورسەتۋگە جەبەپ، بۇكىل پارتيادا جوعارىدان تومەنگە دەيىن قايراتتانا ەكپىندەي ىلگەرىلەگەن قۋاتتى كۇش ۇيىستىردى.
ءىرى پارتيا ءىرى جاۋاپكەرشىلىك ارقالايدى، ءىرى ەلدىڭ ءىرى ەلدىك بەينەسى بولادى.
2020 - جىلى جاپپاي دوڭگەلەك داۋلەتتى قوعام ورناتۋ مەن ”13 - بەسجىلدىق“ جوسپاردىڭ اياقتالاتىن جىلى، ءبىز ءبىرىنشى 100 جىلدىق كۇرەس نىساناسىن جۇزەگە اسىرامىز. قازىر شەشۋشى جەڭىسكە جەتۋدىڭ قامال الۋ مەزگىلى، ءار دارەجەلى باسشى كادرلاردىڭ سەنىمدى بەكەمدەپ، باتىلدىقپەن جاۋاپكەرشىلىك ارقالاپ، فورماشىلدىقتى، تورەشىلدىكتى باتىلدىقپەن جەڭىپ، قالىڭ كادرلار مەن بۇقارانىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرۋىن تىپتەن قاجەت ەتەدى.
ادامداردىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ولشەمدى تومەندەتپەۋگە، تەبىندى السىرەتپەۋگە تاباندى بولىپ، فورماشىلدىقتاعى كورنەكتى ماسەلەلەردى ۇزدىكسىز شەشىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتىپ، ءورىسىن كەڭەيتىپ، اۋىرتپالىقتى جەڭىلدەتۋ قىزمەتىنىڭ تاماشا جاعدايىن بەكەمدەۋدە، ءسوز جوق، اناعۇرلىم زور جەڭىسكە جەتىپ، قالىڭ پارتيالى كادرلاردىڭ شەشۋشى شايقاستىڭ شەشۋشى جەڭىسىنە جەتۋدەگى قۋاتتى كۇشىن اناعۇرلىم ۇيىستىرىپ، تاڭداۋلى ستيلمەن ۇلى ىستەرگە قاراي ەرلىكپەن العا تارتۋعا كامىل سەنىمى بار.
(شينحۋا اگەنتتىگىنىڭ 1 - ايدىڭ 14 - كۇنى بەيجيڭنەن بەرگەن حابارى)
