جۇڭگو كوممۋنيستىك پارتياسى ورتالىق كوميتەتى اتىنان، دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى
ۋاڭ ياڭ، حان جىڭ قاتىناستى
1 - ايدىڭ 14 - كۇنى شي جينپيڭ، ۋاڭ ياڭ، حان جىڭ قاتارلىلار بەيجيڭ حالىق سارايىندا پارتيا سىرتىنداعى قايراتكەرلەرمەن قۋانا باس قوسىپ، كوكتەم مەرەكەسىن بىرگە قارسى الدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
شينحۋا اگەنتتىگىنىڭ 1 - ايدىڭ 14 - كۇنى بەيجيڭنەن بەرگەن حابارى (تىلشىلەر ياڭ ۋيحان، ۋاڭ چي). جۇڭحۋا ۇلتىنىڭ ءداستۇرلى مەرەكەسى گىڭزى تىشقان جىلعى كوكتەم مەرەكەسى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 14 - كۇنى تۇستەن كەيىن حالىق سارايىندا دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن قۋانا باس قوسىپ، كوكتەم مەرەكەسىن بىرگە قارسى الدى. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان، دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ قاتىناستى.
جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ۇنەمىلىك ىستەرگە جاۋاپتى ورىنباسار ءتوراعاسى چىن شياۋگۋاڭ، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ۇنەمىلىك ىستەرگە جاۋاپتى ورىنباسار ءتوراعاسى ليۋ شينچىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، 3 - قىركۇيەك ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ جانە پارتيادا، توپتا جوق قايراتكەرلەردىڭ ۋاكىلدەرى لۇي جيان، ليۋ حىڭ قاتارلىلار ۇسىنىس بويىنشا قاتىناستى. مەملەكەتتىك ساياسي كەڭەستىڭ ورىنباسار ءتوراعالارى دۇڭ جيانحۋا، حى حوۋحۋا، لياڭ جىنيىڭ، باسشىلىق قىزمەت ورنىنان زەينەتكە شىققان دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ بۇرىنعى ءتوراعالارى، ءبىرىنشى ورىنباسار ءتوراعالارى جانە ۇنەمىلىك ىستەرگە جاۋاپتى ورىنباسار ءتوراعالارى دا ۇسىنىس بويىنشا قاتىناستى.
لۇي جيان دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر اتىنان ءسوز سويلەدى. ول مىنالاردى ءبىلدىردى: 2019 - جىلى شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتى الدىمىزدى تۇمان بۇركەپ، كوزدى كولەگەيلەسە دە، قيىنشىلىقتاردى وتەمىز ءبىز ەڭسەرىپ دەيتىن دارقاندىقپەن رول ۇستاپ جول باستاپ، العان بەتىنەن قايتپايتىن تاباندىلىقپەن، نىق قاداممەن العا ىلگەرىلەپ، مەملەكەتتى باستاپ كۇللى الەمدى جالت قاراتقان ۇلى جەتىستىكتەرگە قول جەتكىزدى. 2020 - جىلى بىرلىكساپتىڭ قالىڭ مۇشەلەرى شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، جۇڭگو كوممۋنيستىك پارتياسى 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جۇڭگونىڭ گۇلدەنۋ اتتى الىپ كەمەسىنىڭ الىسقا ساپار شەگۋىنە دەم بەرىپ، كۇش قوسادى.
لۇي جياننىڭ ءسوزىن تىڭداعان سوڭ، شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: 2019 - جىل − پارتيا مەن مەملەكەتتىڭ دامۋ ۇردىسىندەگى اسا كەرەمەت ءبىر جىل بولدى. كۇردەلى دە قۇبىلمالى حالىقارالىق جاعداي الدىندا، ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتتەرى الدىندا، ءبىز بارلىعىمىز ىنتىماقتاسا كۇرەس جۇرگىزىپ، بىرلەسىپ قامال الىپ قيىنشىلىقتاردى جەڭدىك، تەر دە توكتىك، تابىسقا دا جەتتىك، جاپا - ماشاقات تا بولدى، قۋانىش تا بولدى. ءبىر جىلدان بەرى، جۇڭگو كوممۋنيستىك پارتياسى ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ، باستاپ، ەل ءىشى - سىرتىندا حاۋىپ - قاتەر، سىن - سايىستار كورنەكتى تۇردە مولايعان كۇردەلى جاعدايعا سالماقتىلىقپەن توتەپ بەرىپ، جاڭا دامۋ ۇستانىمىن بۇلجىماستان دايەكتىلەندىرىپ، ءۇش ءىرى قامال الۋ شايقاسىن كۇش سالا ويداعىداي جۇرگىزىپ، ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن ىلگەرىلەتۋدە جاڭا ءارى كەلەلى ىلگەرىلەۋشىلىكتەرگە قول جەتكىزىپ، جاپپاي دوڭگەلەك داۋلەتتى قوعام ورناتۋعا اناعۇرلىم بەرىك نەگىز قالادى.
شي جينپيڭ بىلاي دەپ اتاپ كورسەتتى: 2019 - جىل، سونداي - اق جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمى ورناتىلعاندىعىنىڭ 70 جىلدىعى. ءبىر جىلدان بەرى، دەموكراتيالىق پارتيا - توپتار، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر جۇڭگو كوممۋنيستىك پارتياسى ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن سانالى تۇردە قورعاپ، ءبىر نيەتپەن ىنتىماقتاسىپ، قايراتتانا العا ىلگەرىلەپ، زەيىن - زەردە، كۇش - قۋاتتى ۇيىستىرۋ، كەلەلى جاعدايعا قىزمەت ەتۋ جاعىندا جاڭا ىسكەرلىك كورسەتتى. دەموكراتيالىق پارتيا - توپتار مەن پارتيادا، توپتا جوق قايراتكەرلەر ”سەلبەسۋ اۋەلگى ماقساتىن ۇمىتپاي، ۇزدىكسىز قول ۇستاسا العا ىلگەرىلەۋ“ نەگىزگى تاقىرىپتىق تاربيەسىن تىڭعىلىقتى ورىستەتىپ، كوپ پارتيا سەلبەستىگى اۋەلگى ماقساتىن قايىرىلا ەسكە الىپ، تاڭداۋلى ءداستۇردى اسقاقتاتتى؛ جاڭا دامۋ ۇستانىمىن دايەكتىلەندىرۋ، جوعارى ساپالى دامۋدى ىلگەرىلەتۋ سياقتى كەلەلى ماسەلەلەر جونىندە تەكسەرۋ - زەرتتەۋدى تەرەڭدەتىپ، پىكىر جانە ۇسىنىستاردى العا قويىپ، جۇڭگو كوممۋنيستىك پارتياسى ورتالىق كوميتەتىنىڭ عىلمي شەشىم جاساۋىنا جانە ءونىمدى شارا اتقارۋىنا ماڭىزدى پايدالانۋ ماتەريالىن ازىرلەدى. دەموكراتيالىق پارتيا - توپتاردىڭ ورتالىق كوميتەتتەرى كەدەيلىكتەن ارىلتۋدان قامال الۋدى دەموكراتيالىق باقىلاۋدى ىشكەرىلەي ورىستەتىپ، تۇيىندە تۇرىپ باقىلاۋ، قىستاقتا تۇرىپ تەكسەرۋ - زەرتتەۋ سەرپىنىن كۇشەيتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدە ماڭىزدى رول اتقاردى. ءار دارەجەلى ساۋدا - ونەركاسىپشىلەر بىرلەستىگى ”مەرەيلى ءىس ساپار“قيمىلىن ۇزدىكسىز ورىستەتىپ، ”ون مىڭ كاسىپورىننىڭ ون مىڭ قىستاققا كومەكتەسۋى“سىندى كەدەيلەردى دالمە - ءدال سۇيەمەلدەۋ ارەكەتىنە جابال ات سالىستى. پارتيادا، توپتا جوق قايراتكەرلەر مەملەكەتتىڭ ەكونوميكالىق، قوعامدىق دامۋىنا بەلسەنە ۇسىنىس قويىپ، اقىل - كەڭەستەر بەردى. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان كوپشىلىكتىڭ قاجىرلى قىزمەتىنە شىن ىقىلاستى العىس ايتتى.
شي جينپيڭ بىلاي دەپ باسا دارىپتەدى: 2020 - جىل − جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزەتىن، كەدەيلىكتەن ارىلتۋدان قامال الۋدا شەشۋشى شايقاس جۇرگىزەتىن جىل ءارى ”13 - بەسجىلدىق“ جوبا اياقتالاتىن جىل. كوپشىلىكتىڭ جۇڭگو كوممۋنيستىك پارتياسى 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاپپاي دوڭگەلەك داۋلەتتى قوعام ورناتۋدىڭ نىسانا - مىندەتتەرىمەن تىعىز بايلانىستىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن جاپپاي دايەكتىلەندىرىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتتەرىن جاپپاي جاقسى ىستەپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە، كەدەيلىكتەن ارىلتۋدان قامال الۋدىڭ شەشۋشى شايقاسىنا تىڭ ۇلەستەر قوسۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى جانە ساياسي كەڭەس ءتۇزىمى − جۇڭگو توپىراعىنان ءوسىپ - جەتىلگەن جاڭاشا ساياسي پارتيا ءتۇزىمى، ورتاق تانىمدى ۇيىستىرۋ، شەشىم جاساۋدى ساپالىلاندىرۋ، قاتىناستاردى سايكەستىرۋ، ورنىقتىلىقتى قورعاۋ جاقتارىندا وزگەشە رولىن ساۋلەلەندىردى. كوپشىلىكتىڭ جۇڭگو كوممۋنيستىك پارتياسى 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، سەنىمدى، بەكىمدى نىعايتىپ، قالىڭ مۇشەلەر مەن وزدەرى بايلانىس ورناتقان بۇقاراعا جەتەكشىلىك ەتىپ، جۇڭگو كوممۋنيستىك پارتياسىنىڭ باسشىلىعىنا تاباندى بولۋ، جۇڭگوشا سوتسياليزم تۇزىمىنە تاباندى بولۋ يدەيالىق سانالىلىعىن، ساياسي سانالىلىعىن، ارەكەت سانالىلىعىن كۇشەيتۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدە، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدە دەموكراتيالىق پارتيا - توپتاردى، ساۋدا - ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى قامتىعان كۇللى جۇڭگو حالقىنىڭ اقىل - پاراساتى مەن كۇشىن ۇيىستىرۋ وتە قاجەتتى. كوپشىلىكتىڭ جۇڭگو كوممۋنيستىك پارتياسى ورتالىق كوميتەتىنىڭ شەشىمدەرى مەن ورنالاستىرۋلارىن ارقاۋ ەتىپ، ەلىمىزدىڭ ەكونوميكالىق، قوعامدىق دامۋىنىڭ جاڭا جاعدايىن تياناق ەتىپ، جاپپاي دوڭگەلەك داۋلەتتى قوعام ورناتۋدىڭ نىسانا - مىندەتتەرىمەن تىعىز بايلانىستىرىپ، تەكسەرۋ - زەرتتەۋ جۇرگىزىپ، ناقتى جاعدايدى بارلاپ، شىندىقتى ءىس جۇزىنەن ىزدەي كەڭەستەر بەرىپ، جۇڭگو كوممۋنيستىك پارتياسىنىڭ جاقسى كەڭەسشىسى، جاقسى قولعاناتى، جاقسى كاسىپتەسى بولۋىن ءۇمىت ەتەمىن.
شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى ءوز قۇرىلىسىن تاباندىلىقپەن باياندى كۇشەيتۋى، دەموكراتيالىق پارتيا - توپتار دا ءوز قۇرىلىسىن ۇزدىكسىز كۇشەيتۋى كەرەك. دەموكراتيالىق پارتيا - توپتاردىڭ ساياسيدا تاباندى، ۇيىمدىق جاقتا بەرىك، مىندەت وتەۋى پارمەندى، ستيلى تاماشا، ءتۇزىمى كەمەلدى جۇڭگوشا سوتسياليستىك ۇكىمەت ىسىنە قاتىناسۋشى پارتيا بولۋعا قۇلشىنىپ، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋگە تىڭ ۇلەس قوسۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: مەملەكەتتىك ساۋدا - ونەركاسىپشىلەر بىرلەستىگى ساۋدا - ونەركاسىپشىلەر بىرلەستىگىنىڭ رەفورمالارىن جەدەل ىلگەرىلەتىپ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز ءوسىپ - جەتىلۋىن اناعۇرلىم، جاقسى جەبەۋى كەرەك. پارتيادا، توپتا جوق ۋاكىل قايراتكەرلەر قوسىنى قۇرىلىسىن كۇشەيتىپ، يدەيالىق جەتەكتەۋ جانە ساياسي جەتەكتەۋ قىزمەتىن جاقسى ىستەپ، ولاردىڭ رولدارىن ساۋلەلەندىرۋىنە ساحنا دايىنداۋ، شارت - جاعداي ازىرلەۋ كەرەك.
ديڭ شۋەشياڭ، يوۋ چۋان، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ قاتىستى جاۋاپتىلارى، ورتالىقتاعى قاتىستى تاراۋلارداعى جاۋاپتى جولداستار قيمىلعا قاتىناستى.
