قول تەلەفوننىڭ جالپىلاسۋى ادامداردىڭ بايلانىس جاساۋىنا قولايلىلىق اكەلگەندىگىنە كۇمانىمىز جوق. ءبىراق لايىقتى پايدالانباسا، قول تەلەفون اقاۋسىزدىققا كەرى اسەرىن تيگىزەدى.
اۋرۋ قوزدىرعىش باكتەريالاردى تاراتادى
قول تەلەفون كۇنى بويى بەت، قۇلاق، ساۋساق جانە الەۋمەتتىك ورىندارداعى سانسىز سىرتقى بەتپەن جاناسادى، ادەتتەگى ادامدار ورتا ەسەپپەن كۇنىنە 47 رەت قول تەلەفونمەن جاناسادى. قول تەلەفونداعى كىر دارەت شەلەگىنىڭ 10 ەسەسىندەي. كىر قول تەلەفون اۋرۋ قوزدىرعىش باكتەريالاردى تاراتسا، اقاۋسىزدىققا ىقپال جەتكىزەرى داۋسىز.
شەشۋ ءتاسىلى: ءار كۇنى سپيرتكە شىلانعان ماقتا مەن قول تەلەفوننىڭ سىرتقى بەتىن ءسۇرتىپ تۇرۋ، قول تەلەفوندى ىستەتۋدىڭ الدى-ارتىندا قولدى تازا جۋۋ.
بەزەۋ شىعۋ
كىر بولعان قول تەلەفون بەزەۋ شىعۋعا سەبەپكەر بولادى، ويتكەنى ادامدار باكتەرياعا تولى قول تەلەفوننىڭ ەكرانىن بەتىنە توسەيدى، اۋىزىنا، مۇرنىنا، بەتى مەن قۇلاعىنا جاقىنداتادى، بۇنىڭ بولىمدەرگە باكتەريا وڭاي كىرىپ تەرىنى قابىندىرادى.
شەشۋ ءتاسىلى: امالدىڭ بارىنشا تىڭداعىش نەمەسە داۋىس زورايتقىش يقۋاتىن پايدالانۋ، قول تەلەفوندى بەتكە توسەمەۋ كەرەك. ەگەر بۇل ەكى تاسىلگە ادەتتەنە الماساڭىز، تەلەفون سوعىپ بولعاننان كەيىن دەرەۋ بەتتى تازالاپ جۋۋ كەرەك.
كورۋ قۋاتىن زاقىمدايدى
جوعارى ەنەرگيالى جارىق (كوك جارىق دەپ تە اتالادى) كومپيۋتەردەن، جارىق شىعاراتىن ەكىلىك، قول تەلەفون جانە تەلەۆيزوردان كەلەدى، %50 سارى داق وسى جارىقپەن قاتىستى. بۇل ەكى ءتۇرلى جارىق كوپتەگەن بالالاردىڭ الىستى كورە الماۋىنىڭ سەبەبى بولۋى مۇمكىن، ويتكەنى ولار وتە كوپ ەلەكتروندى ويىنشىق ويناپ نەمەسە ۇزاق ۋاقىت قول تەلەفون كورەدى. كوك جارىق تاعى تەرىنىڭ ەرتە قارتايۋىنا سەبەپشى بولادى.
شەشۋ ءتاسىلى: كەشكە قول تەلەفوندى تۇنگى فورماعا تەڭشەۋ، كوك جارىقتىڭ كوزدى زاقىمداۋىنان ساقتانۋ. كەيبىر ماركالى كۇننەن قورعاۋ كوزىلدىرىگى جانە مەدەتسينادا قولدانىلاتىن كۇننەن قورعاۋ مايى كوزدى جوعارى ەنەرگيالى جارىقتىڭ زاقىمداۋىنان قورعايدى.
جابىعۋدى كەلتىرىپ شىعارادى
قول تەلەفونعا قۇمارتۋ پسيحيكالىق اقاۋسىزدىققا كەرى ىقپال جەتكىزۋى مۇمكىن. قوعامدىق قارىم-قاتىناس مەديالارىن ىستەتۋ ادامداردىڭ كوزسىزدىكپەن باسەكەلەسۋىنە اپارىپ سوعادى. ەگەر تابىسقا جەتكەندەر سۋرەتتەرىن نەمەسە جازبالارىن قوعامدىق قارىم-قاتىناس مەديالارىندا جاريالاپ ماقتانسا، باسقالار ”مەن نەگە وسىلاي ىستەي المايمىن“ دەپ قوعامدىق سالىستىرۋمەن وزىندىك ونىمدىلىككە ءتيىمسىز ىقپال جاسايدى.
شەشۋ ءتاسىلى: ءار كۇنى قوعامدىق قارىم-قاتىناس مەديالارىن ىستەتكەن ۋاقىت جارىم ساعاتتان اسپاۋى كەرەك. باسقالار دوستىق شەڭبەرىنە شىعارعان ينفورماتسيالاردى كورىپ ءوزىڭىزدى جايسىز سەزىنسەڭىز، سول ادامنىڭ دوستىق شەڭبەرىن ”كورىنبەيتىن“ ەتىپ تەڭشەڭىز.
ادامدار ارا قارىم-قاتىناسقا كەدەرگى بولادى
قول تەلەفون ادامداردىڭ سەزىمدىك جاقتان ءوزارا بايلانىس جاساۋ قابىلەتىنە كەدەرگىلىك جاسادى. سوڭىندا، بايلانىس جاساۋ سيرەپ، جالعىزسىراۋدى، مازاسىزدانۋ مەن جابىعۋدى سەزىمى ارتادى. بۇنداي ەلەكتروندى جابدىقتار ادامداردىڭ جانىنداعى ماڭىزدى زاتتارعا بولعان نازارىن شاشىراتادى، ءبىزدىڭ سۇيىكتى ادامدارمەن بىرگە بولاتىن ۋاقىتىمىزدى ازايتادى. ادامداردىڭ حابارلاردى وقۋعا، قوعامدى قارىم-قاتىناس مەديالارىن شولۋعا، قىزمەت پوچتا جولدامالارىنا جاۋاپ قايتارۋعا دەن قويىپ، كوز الدىندا تۋىلعان ىستەردى وتكىزىپ الۋى مۇمكىن. ەرلى-زايىپتىلار بىرگە بولعان كەزدە، قول تەلەفون ىستەتۋ جۇبايلار اراسىنداعى بەلسەندى ىقپالداستىقتى شەكتەپ، قارىم-قاتىناس ماسەلەسىن ۋشىقتىرادى.
شەشۋ ءتاسىلى: شەكارا سىزىعىن بەلگىلەۋ، مىسالى تاماق ۇستەلىندە قول تەلەفون شىعارماۋ نەمەسە ەكراننان پايدالانۋ ۋاقىتىن ەستەلىككە الۋ باعدارلاماسىن ءتۇسىرىپ، ۋاقىتى تولعاندا اۆتوماتتى سونەدى.
ۇيقىنىڭ بۇزىلۋى
جاتار الدىندا قول تەلەفوندى شەكتەن تىس پايدالانۋ ۇيقىنىڭ ساپاسىنىا كەرى ىقپال جاسايدى. ويتكەنى ادامدار نازارىن ەكرانعا شوعىرلاندىرىپ، ءتۇرلى ينفورماتسيالاردى كورەدى، سوندىقتان ۇيىقتاۋى قيىنعا سوعادى.
شەشۋ ءتاسىلى: جاتاردان ەكى دە ءۇش ساعات بۇرىن قول تەلەفونعا قاراماۋ.
داۋىس ءبىتۋ
داۋىس زورايتقىش يقۋاتىن قولدانسا دا، شۋىلدى ورتادا تەلەفوندا سويلەسكەندە، ادامدار جوعارى داۋىسپەن سويلەسەدى. قاتتى داۋىسپەن سويلەسۋ دبىس پەردەسىن زاقىمدايدى ءارى كومەكەيدىڭ ءىسىنۋى مەن داۋىس قارلىعۋدى كەلتىرىپ شىعارادى.
شەشۋ ءتاسىلى: ەگەر جوعارى داۋىستا سويلەگەندە عانا قارسى جاقتىڭ ەستي الاتىنىن بايقاساڭىز، تىنىش جەرگە بارىپ تەلەفوندا سويلەسىڭىز.
بۇلشىق ەتتىڭ اۋرۋىن كەلتىرىپ شىعارادى
ادامدار تەلەفوندا سويلەسكەندە وزگەشە قالىپتا بولادى. مىسالى، ادامدار يىعىمەن تەلەفوندى قۇلاعىنا دەيىن كوتەردى، بۇل بۇلشىق ەتتىڭ ءوسۋىن، ءتۇيىلۋىن جانە ساماي استىڭعى جاق بۋىنىنىڭ قالايماقانداسۋىن كەلتىرىپ شىعارادى.
شەشۋ ءتاسىلى: قول تەلەفوندى يىق پەن قۇلاقتىڭ اراسىنا قىسپاڭىز. تىڭداعىش نەمەسە داۋىس زورايتقىش پايدالانىڭىز.
ەستۋ قۋاتىن زاقىمدايدى
ادامدار ۇنەمى قول تەلەفوندى كوڭىل اشۋ جابدىعى رەتىندە قاراپ مۋزىكا تىڭدايدى. كوپتەگەن ادامدار داۋىسىن وتە جوعارى تەڭشەيدى، ۋاقىتتىڭ وتۋىمەن، شۋىل سيپاتتى ەستۋ قۋاتىن زاقىمدايدى. دۇنيە جۇزىلىك دەنساۋلىق ساقتاۋ ۇيىمىنىڭ مەجەلەۋىنشە، 2050-جىلعا بارعاندا، بۇكىل جەرشارىندا 900 ميلليون ادامنىڭ ەستۋ قۋاتى زاقىمدالادى، ءىشىنارا سەبەپتەر قول تەلەفوندى قاتە پايدالانۋدىڭ دىبىس جيلىگىمەن قاتىستى بولادى.
شەشۋ ءتاسىلى: تىڭداعىش پايدالانۋ ۋاقىتىن شەكتەۋ، تومەنگى دىبىسقا تەڭشەۋ. شۋىل باسەيتكىش قۇلاقتىڭ سىرتقى شۋىلىن ازايتۋ ارقىلى زاقىمدالۋدى جەڭىلدەتەدى.
باسىمدىلىقتىڭ ارتۋى
قول تەلەفونىڭىزدى تابا الماعاندا قاتتى ساسقالاقتاعان كەشىرمەڭىز بولعان با ەدى؟ ادامدار قىزمەت جولداماسىن ۇنەمى كورۋدى، قىزمەت ۋاقىتى مەن اپتا سوڭى بولماسا دا قوعامدىق-قارىم قاتىناس مەديالارى مەن زات ساتىپ الاتىن تور بەكەتىنە قۇمارتۋدى ءۇمىت ەتەدى. ادامداردىڭ ۇيقىسى قانباي شەكتەن تىس شارشاعاندىقتان، جەر-كوكتى قاپتاعان ينفورماتسيالاردى كورىپ مازاسىزدانىپ شارشايدى.
شەشۋ ءتاسىلى: جۇمىستان تۇسكەننەن كەيىن قىزمەت ەلەكتروندى جولداماسى مەن ءۇنحات ىستەتۋ ۋاقىتىن قاتاڭ شەكتەۋ، ونىڭ ورنىنا وتباسىنداعى ۋاقىتتان ءلاززاتتانۋ.
مويىن اۋرۋى
زەردەلى قول تەلەفون 2007-جىلى جالپىلاسقاننان بەرى، ارقا ءبولىمى اۋىرىپ شيپاگەردىڭ كومەگىنە جۇگىنەتىندەر 5 ەسە ارتقان. ەرەسەك ادامنىڭ باس ءبولىمنىڭ اۋىرلىعى 5 كيلوگرام بولادى، ەڭكەيىپ قول تەلەفون سىندى ەلەكتروندى ەكرانعا قاراعاندا جەلكە ادەتتە 60 گرادۋس بولادى؛ بۇل كەزدە تىرەۋ رولى مەن اۋىرلىق كۇشىنىڭ اسەرىنەن مويىن بۇلشىق ەتى 25 كيلوگرام اۋىرلىق كوتەرەدى. ەگەر ۇزاق ۋاقىت وسى قالىپتا بولسا، مويىننىڭ جايسىزدانۋى، اۋرۋى مەن سىرەسۋى سونداي-اق اۋرۋ بەلگىلەرى پايدا بولادى، مىنە بۇل مويىن اۋرۋى. وسىلاي جالعاسا بەرسە مويىن ومىرتقا اۋرۋىن كەلتىرىپ شىعارادى.
شەشۋ ءتاسىلى: قول تەلەفوندى كوزبەن پاراللەل ورىنعا قويىپ كورۋ. دەنە قالپى مەن باستىڭ كولبەۋلىك گرادۋسىن ۇنەمى وزگەرتىپ تۇرۋ مويىن مەن ارقا ءبولىمنىڭ اۋىرتپالىعىن جەڭىلدەتەدى. ءبىر قالىپتى 15 مينۋتتان اسىرماۋ، ۋاقىت تەڭشەۋ يقۋاتىن پايدالانىپ، قالپىن وزگەرتۋدى ەسكەرتىپ وتىرۋ.
بالالاردىڭ جەتىلۋىنە ىقپال جەتكىزەدى
وسى زامان تەحنيكاسىنىڭ دامۋى ۇلكەن ميدىڭ قۋاتىنا سايىس جاريالادى. ەكران سىرتتا ساياحاتتايتىن ۋاقىت پەن ادامدار اراسىنداعى بەتپە-بەت ىقپالداستىقتىڭ ورنىن باسۋدا، بۇل وتكەن داۋىردەگى ادامداردىڭ قىمباتتى بالالىق شاعىنىڭ ەرەكشەلىگى. شەكتەن تىس كوپ ەكران ۋاقىتى ۇلكەن ميدىڭ جەتىلۋىنە ۇزاق ۋاقىت زياندى ىقپال جەتكىزۋى مۇمكىن.
شەشۋ ءتاسىلى: اتا-انالار ءوز باسىنان ۇلگى كورسەتۋى كەرەك، ءوزىنىڭ ەكران پايدالاناتىن ۋاقىتىن شەكتەپ، بالاعا ۇلگى بولۋى كەرەك. ادەتتە، اتا-انا بالامەن كوپ سويلەسىپ، سىرتقا شىعىپ ويناۋى كەرەك.
جەكە ۋاقىتىنان ماحۇرىم ەتۋ
قول تەلەفون پايدالانۋدىڭ كەرى ىقپالىنىڭ ءبىرى تۇرمىستاعى دەربەس ورايدى جويۋى بولىپ تابىلادى. كيلنيكالىق زەرتتەۋلەر دەربەس ورايدىڭ كوپتەگەن جاقسى جاقتارىن بايقاعان، ءوزىن تانۋ مەن كوڭىل الماستىرۋعا، تانىمدىق يقۋاتتى جوعارىلاتۋدا جانە باسىمدى جەڭىلدەتۋدى قامتيدى.
شەشۋ ءتاسىلى: ءار كۇنى كەمىندە ءبىر ساعات جالعىز قالۋ، جاراتىلىستىق ورتادان ءلاززاتتانۋ. بۇلاي ىستەۋدىڭ ەڭ ۇلكەن پايداسى ۇلكەن ميدىڭ ءىشىنارا يقۋاتتارىن قالپىنا كەلتىرەدى، بۇل يقۋاتتار ۇزاق ۋاقىت ەكرانعا قاراۋدىڭ اسەرىنەن بىتىراپ كەتەدى.
