شينجياڭ گازەتىنىڭ جالپىلىق اقپارات قۇرالدارى تىلشىلەرى لي شيڭ، شيە حۇيبيان
2019 - جىلى 12 - ايدىڭ 18 - كۇنى لوپ اۋدان قالاشىعىنىڭ كەشكى بازارى، بۋى بۇرقىراعان قويدىڭ باس - سيراق سورپاسى، توناردا قاقتالعان ەت، ءتاتتى دە جۇمساق ايران قوسىلعان قياق كۇرىش... ءدامدى تاعامداردىڭ ءيىسى اڭقىعان كەشكى بازارداعى بۇقارالىق ۇلكەن ساحنادا دۋماندانا كوتەرىلگەن مۋزيكا ءۇنى ىشىندە، لوپ اۋداندىق ويىن - ساۋىق ۇيىرمەسىنىڭ ارتيستەرى وسى جەردە كونسەرت قويىپ جاتقان بولاتىن. ساحنانىڭ تورىندە مامەتازەز ايمەرجان جانە باسقا دا ارتيستەر شاتتانا بيگە باستى، اياق كوتەرۋ، اينالۋ، يىعىن بۇلكىلدەتۋ، كوركەم ءبي سىمباتىنا كورەرمەندەر ءجيى - ءجيى شاپالاق سوقتى.
كونسەرت اياقتالعاننان كەيىن، ءتىلشى مامەتازەزدىڭ الدىنا جۇگىرىپ بارىپ باسبارماعىن كورسەتىپ: ”سەن، راسىندا، كەرەمەت بيلەدىڭ!“، - دەدى.
”راقىمەت!“، - دەدى مامەتازەز قۋانىشپەن.
تۇڭعىش كونسەرت قويعاندا ءارى ابىرجىدىم، ءارى باقىتتى سەزىندىم
لوپ اۋداندىق ويىن - ساۋىق ۇيىرمەسىنىڭ جاتتىعۋ ۇيىنە كىرگەنىمدە بىرنەشە جاس جىگىت پەن قىزدىڭ جاتتىعۋ جاساپ جاتقاندىعىن كوردىم. مامەتازەز تىلشىگە: ويىن - ساۋىق ۇيىرمەسى اي سايىن تۇگەلدەي جاڭا ءبي جاسايدى، قويىلىم ۇزدىكسىز جاڭارىپ وتىرعاندا عانا، ءتىپتى دە كوپ كورەرمەندى باۋراي الادى“، - دەدى.
مامەتازەز كىشكەنتايىنان ءبي بيلەۋدى ۇناتاتىن، دوستارىمەن جولىعىپ باس قوسقاندا ول بيگە باساتىن، ءبىراق ەشقاشان ساحنادا، شىنىندا، كونسەرت قويىپ كورمەگەن بولاتىن. تاربيەلەۋ - باۋلۋ ورتالىعىنان جۇيەلى تۇردە ءبي ۇيرەنگەننەن كەيىن ول كاسىپتىك كونسەرت قويۋ جولىنا ءتۇستى. تۇڭعىش رەت قويعان كونسەرتىن ول ءومىر بويى ۇمىتا الماق ەمەس.
”مەن ءبىر اي جاتتىعۋ جاساعاننان كەيىن، رەجيسسەر ساحناعا شىعۋىڭا بولادى“، - دەدى. سول كۇنى مامەتازەز اق ءتۇستى ءبي كيىمىن كيىپ، بەلىنە كەستەلى جالپاق بەلبەۋ تاعىپ، اياق جاعىنا كەڭ دە بۇرمە بالاقتى سىم، اياعىنا جۇمساق تاباندى قارا ەتىك كيىپ، باسىنا گۇلدى تاقيا كيەدى. تۇڭعىش رەت ساحناعا شىعۋى بولعاندىقتان، ساحنانىڭ استىنداعى قالىڭ ادامدار شوعىرىنا قاراعاندا مامەتازەز ەرىكسىزدەن ابىرجي باستايدى، ويىن - ساۋىق ۇيىرمەسىنىڭ رەجيسسەرى ونىڭ ابىرجىعاندىعىن كورىپ ارقاسىنان قاعىپ كۇلە سويلەپ ونى شابىتتاندىرىپ: ”ابىرجىما، ءوزىڭدى ەركىن ۇستا، سەن، ءسوزسىز، جاقسى ورىنداي الاسىڭ!“، - دەيدى.
كونسەرت باستالدى، ساحناعا شىعا سالىسىمەن مامەتازەز ابىرجىعاننىڭ نە ەكەنىن ەسىنەن ءبىراق شىعارىپ جىبەرىپ، باسقا ارتيستەرمەن كەرەمەت سايكەسىپ، بار ىنتا - پەيىلىمەن كونسەرتكە كىرىپ كەتەدى. ”ءبىزدىڭ ءبيىمىز اياقتاعاندا، ساحنا استىنان قىزۋ قول شاپالاق ءۇنى مەن القاعان ءۇن كوتەرىلدى“. ونىڭ كونسەرتىن تاماشالاۋعا كەلگەن اكەسى ونى قۇشاعىنا قاتتى قىسىپ تۇرىپ تەبىرەنگەنىنەن كوز شاراسى جاسقا تولىپ، قايتا - قايتا ”ۇلىم، سەن كەرەمەت ەكەنسىڭ!“ دەي بەرەدى. ايەلى ءتىپتى دە تەبىرەنىپ، كوز جاسىنا يە بولا الماي، ”جاقسى، جاقسى، راسىندا، جاقسى بولدى“ دەۋدەن باسقا ءسوز اۋزىنا تۇسپەي قالادى.
مامەتازەز: سول كەزدەگى كوڭىل تۇكپىرىمدەگى قۋانىش پەن باقىتتى تىلمەن جەتكىزە الار ەمەسپىن، - دەيدى.
كاسىپتىك ءبي جاتتىعۋىن قابىلدادى
تاربيەلەۋ - باۋلۋ ورتالىعىنا ۇيرەنۋگە باراردان بۇرىن، مامەتازەز اسحانا اشىپ تيجارات جاسايتىن. سول كەزدەردە سىڭار ەزۋ، ۇشقارى، توڭمويىن ول ءوزىنىڭ ءدىني ۇشقارى يدەيامەن جۇعىمدالعاندىعىن بىلمەۋشى ەدى. اسحاناعا باسقا ۇلت ادامدارى كەلىپ تاماق ىشەتىن بولسا، ول ەرەكشە اشۋعا باساتىن، ەسىگىنەن قاراتپاي قويماعانىمەن، قاريدارعا جىلى قاباق تا تانىتپاۋشى ەدى. ورازا ايىندا ول ەسىكتى تارس جاۋىپ ساۋداسىن توقتاتاتىن، كورشىلەس اسحانانىڭ ءالى دە تيجارات جاساپ جاتقاندىعىن كورىپ، ايعۇلاقتانعان بەتى وزگەنىڭ اسحاناسىنا باسىپ كىرىپ قوجايىنىن: ”سەن مۇسىلمانسىڭ با، ەمەسسىڭ بە؟ وزارا ايىندا تيجارات جۇرگىزىپ جاتقانىڭ نە، سەن توزاققا تۇسەسىڭ!“ دەپ سۇراۋدىڭ استىنان الاتىن. ول تاعى دا دورەكىلىكپەن كورشى اسحانانىڭ اس ۇيىندەگى دۇنيەلەردى لاقتىرىپ جىبەرەدى.
”سول شاقتاردا مەن ەشكىمنىڭ ءسوزىن قۇلاعىما قىستىرماۋشى ەدىم“، - دەيدى مامەتازەز. كەيىن كەلە قىستاق تۇرعىندار كوميتەتىنىڭ كادرلارى كوپ رەت مامەتازەزدى ىزدەپ كەلىپ اڭگىمەلەسىپ، وعان دورەكىلىكپەن باسقالارعا كيلىگۋ ارەكەتى بەتالدى سوقتىعىپ، سويقان شىعارۋ قىلمىسىن قالىپتاستىراتىندىعىن ايتىپ، ونى كاسىپتىك شەبەرلىككە تاربيەلەۋ - باۋلۋ ورتالىعىنا ۇيرەنۋگە بارۋعا ءناسيحاتتايدى. سوڭىندا ول قىستاق كادرلارىنىڭ اقىلىنا كونىپ، لوپ اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىنا بارىپ تىزىمدەلىپ، ۇيرەنۋگە قاتىناسادى.
تاربيەلەۋ - باۋلۋ ورتالىعىنا كىرگەننەن كەيىن، اشىق ۇيرەنۋ، تۇرمىس ورتاسى مەن مامەتازەزدىڭ بۇرىنعى تۇيىقتالعان تۇرمىسى مۇلدە باسقاشا ەدى. ول ءوزىنىڭ ءاسىلى ءدىني ۇشقارى يدەيامەن جۇعىمدالعاندىعىن، بۇلاي كەتە بەرسە، ۇلكەن قاتەلىك تۋدىراتىندىعىن تۇسىنەدى.
كىشكەنتايىنان ءبي بيلەۋگە قىزىعاتىندىقتان، مەمەتازەز تاربيەلەۋ - باۋلۋ ورتالىعىندا ءبي كلاسىنا تىزىمدەلىپ قاتىناسادى. تۇڭعىش رەت بيگە جاتتىعۋ زالىنا كىرگەندە كەڭ دە جارىق كلاس، جارقىراعان تاقتايلى ەدەن، تام قابىرعاسىمەن بىردەي اينا، مۋزيكا اۋەنىمەن ەلىتىپ بيگە باسا جونەلگەندە ونە بويىن قۋانىش كەرنەگەن ول ءبي ساباعىنا ءبىر جولاتا قۇمارتىپ قالادى.
بۇلشىق ەتتى سوزۋ، اياق ءيۋ، بەلىن بۇگۋ، وسى نەگىزدىك ارەكەتتەرگە مامەتازەز ءار رەت مۇقيات جاتتىعادى. العاش ءبي ۇيرەنە باستاعاندا، جوعارى كۇشەمەلى جاتتىعۋ ونىڭ تۇلا بويىن اۋىرتىپ، ۇيىقتاتپايدى، ءبىراق ول ءتىسىن تىسىنە باسىپ جالعاستىرادى. ءاسىلى 80 كيلوگرامنان استام دەنە سالماعى 72 كيلوگرامعا تۇسەدى، ىسىلعاننان كەيىن ول رۋحتانىپ، كەلبەتتەنە تۇسەدى.
تاربيەلەۋ - باۋلۋ ورتالىعىندا مامەتازەزدىڭ كوز اياسى كەڭيدى، مەملەكەتتە ءبىر تۇتاس قولدانىلاتىن ءتىل - جازۋ ورەسى جوعارىلايدى، زاڭ بىلىمدەرىن ۇيرەنەدى. ءبي بيلەي الاتىن ارتىقشىلىعىمەن ول وقۋ تاۋىسقاننان كەيىن لوپ اۋداندىق ويىن - ساۋىق ۇيىرمەسىنە كىرىپ، كاسىپتىك بيشىگە اينالادى.
كورەرمەندەردىڭ قۇپتاۋى ەڭ ۇلكەن شابىتتاندىرۋ
بۇل كۇندەرى ويىن - ساۋىق ۇيىرمەسى تەك كەشكى بازارداعى بۇقارالىق ۇلكەن ساحنادا كونسەرت قويىپ قالماستان، تاعى اۋدانداعى كوپتەگەن مادەنيەت كونسەرتتەرىنە قاتىناسادى. حوتان قالاسىنداعى كەيبىر قيمىلدارعا دا ويىن - ساۋىق ۇيىرمەسى ۇسىنىس بويىنشا قاتىناسادى. ۇنەمى كونسەرت قوياتىن بولعاندىقتان مامەتازەز اۋدان قالاشىعىنداعى تانىس بەينەگە اينالادى. ”كەيدە كوشەدە كەتىپ بارا جاتقانىمدا، كەيبىرەۋلەر مەنى تانىپ جاتادى، بۇل شولپانعا ۇقساپ بارا جاتقانداي اسەر بەردى“، - دەيدى مامەتازەز كۇلە سويلەپ.
ءار كۇنى كەشكى بازاردا كونسەرت قويۋ وتە كەش اياقتالاتىندىعىن ويلاستىرعان ويىن - ساۋىق ۇيىرمەسى ءبىرشاما ۇزاقتا تۇراتىن ارتيستەرگە اۋدان قالاشىعىنان تۇرار - جاي ورنالاستىرىپ، كوپشىلىكتىڭ قام جەپ وتىرعان ىستەرىن شەشىم ەتەدى. جاتار ورىن بولعاننان كەيىن، مامەتازەز ايەلى مەن بالاسىن كوشىرىپ الادى، بالاسى دا اۋدان قالاشىعىنداعى مەكتەپتە وقيدى.
”اۋدان قالاشىعىندا وقۋ ساپاسى جاقسى، بالا ءتىپتى دە جاقسى تاربيە الادى“. مامەتازەز تاربيەلەۋ - باۋلۋ ورتالىعىنان وقۋ تاۋىسقاننان كەيىن ول تاربيەنىڭ ماڭىزدىلىعىن ءتۇسىنىپ، بالاسىن جاقسى وقىتۋعا مۇمكىندىك جاساعاندىعىن اڭگىمەلەيدى. ”مەن بۇرىن جاقسى وقىماعان ەدىم، قازىر قاتتى وكىنەمىن“، - دەيدى ول.
قازىر مەمەتازەز ءار كۇنى ءوزى قىزىعاتىن ىسپەن شۇعىلدانادى. كەيدە جاتتىعۋ وتە ماشاقاتتى بولعانىمەن، ءبىراق ساحناعا شىعىپ، كورەرمەندەردىڭ قىزۋ شاپالاق ءۇنىن ەستىگەندە ول شارشاپ - شالدىققانىنىڭ تاتيتىنىن سەزەدى. ءبي بيلەۋدەن سىرت، مامەتازەز ءان ايتۋعا دا ەرەكشە قىزىعادى، ءان ايتۋى دا جامان ەمەس. ول ءان بىلىمدەرىن ۇيرەنىپ، كاسىپتىك ءان ايتۋعا جاتتىعا باستادى.
”كورەرمەندەردىڭ قۇپتاۋى مەن ءۇشىن ەڭ ۇلكەن شابىتتاندىرۋ، مۇنان كەيىن مەن كونسەرت قويۋ ورەمدى قۇلشىنا جوعارىلاتىپ، وراي بولسا ءتىپتى دە ۇلكەن ساحنادا ونەر كورسەتەمىن“، - دەيدى مامەتازەز تولىق سەنىممەن.
