تيانشان تورى   ›   جاڭالىقتار   ›   شينجياڭ حابارلارى

بۇكىل شينجياڭدا 400دەن استام مادەنيەت - ساياحات قيمىلى كوكتەم مەرەكەسىن قۇتتىقتاۋعا ارنالادى

1 - ايدىڭ 15 - كۇنى كۇشار قالاسىنىڭ تۇرعىندارى بازاردان قىزىل قوراپتى شام ساتىپ الۋدا. كوكتەم مەرەكەسىنىڭ تاياۋىمەن كۇشار قالاسىنىڭ بارلىق جەرى دۋماندى مەرەكەلىك تۇسكە ەندى.  سۋرەتتى نياز راحمان تۇسىرگەن

  شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ گاڭ 1 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، كوكتەم مەرەكەسى قارساڭىندا، مەرەكە كەزىندەگى مادەنيەت - ساياحات تۇرمىسىن بايىتۋ ءۇشىن، بۇكىل شينجياڭنىڭ مادەنيەت جانە ساياحات تاراۋلارى 400دەن استام مادەنيەت - ساياحات قيمىلىن ۇسىنىپ، ءار ۇلت بۇقاراسىنىڭ مادەنيەت جانە ساياحات ىستەرىنىڭ دامۋ جەتىستىكتەرىنەن بىرگە يگىلىكتەنۋىنە مۇمكىندىك جاسايدى ەكەن.

  بيىلعى كوكتەم مەرەكەسىن قۇتتىقتاۋ قيمىلدارىندا مادەنيەت فاكتورلارىن ساياحات قيمىلدارىمەن تىعىز بىرلەستىرۋگە اناعۇرلىم ءمان بەرىلمەك، ايتالىق، ”شينجياڭ جاقسى جەر“ − 7 - كەزەكتى تيانشاننىڭ وڭتۇستىگى مەن سولتۇستىگىندە كوكتەم مەرەكەسىن قۇتتىقتاۋ بەيزاتتىق مادەنيەت مۇرالارى كوكتەم مەرەكەسىنىڭ عۇرىپ - ادەتتەرى كورمەسى جەلىلەس قيمىلدارى، سايرام كولى 4 - كەزەكتى ”قار - مۇز سالتاناتى، كوك مۇزداعى باس قوسۋ“ قار - مۇز ساياحات ماۋسىمى، قاعىلىق اۋدانى شيشيامي قالاسى كورىنىس اۋماعىنداعى ۇلتتىق سالت - ءداستۇردى تاماشالاۋ قيمىلى سياقتىلاردا ۇلتتىق سالت - ءداستۇر، قار - مۇز مادەنيەتى ساياحات كورىنىس اۋماعىنىڭ مەرەكەلىك قۇتتىقتاۋ قيمىلدارىنا توعىستىرىلادى ەكەن.

  جەر - جەردەگى كىتاپحانالار، مۇراجايلار، كوركەمونەر ۇيىرمە - توپتار ءبىرسىپىرا تاقىرىپتىق كورمەلەر، قويىلىمدار، ۇلتتىق سالت - ءداستۇر قيمىلدارى، وقۋ، جالپىلاستىرۋ سياقتى بۇقارالىق مەرەكەلىك مادەنيەتتەن حالىققا تيىمدىلىك جاساۋ قيمىلدارىن ۇسىنباق. اۆتونوميالى رايوندىق كىتاپحانا ”زەرتتەۋ - وقۋ ساباعى − مەن كىتاپحانادا ادەپ - يبا ۇيرەنەمىن“ وتكىزسە؛ قۇتىبي اۋداندىق مۇراجاي ”تىشقان جىلى كوكتەم مەرەكەسىن قارسى الىپ، مۇراجايدا مەرەكە وتكىزەمىز“ قيمىلىن ۇسىنسا؛ شينجياڭ كوركەمونەر تەاترىنىڭ وپەرا انسامبىلى كلاسسيكالىق تەاتر «مۇز تاۋعا كەلگەن قوناق»تى قويادى؛ كۇيتۇن قالالىق كىتاپحانا ”جۇڭحۋانىڭ تاڭداۋلى ءداستۇرلى مادەنيەتىنەن لەكسيا“ قيمىلىن وتكىزەدى ەكەن.

  سونىمەن بىرگە، بۇكىل شينجياڭنىڭ جەر - جەرىندەگى كورىنىس وڭىرلەرى، كورىنىس تۇيىندەرى ىركەس - تىركەس فورماسى ءار الۋان مادەنيەت، ساياحات قيمىلدارىن ۇسىنادى ءارى، بەلەت باعاسىنان جەڭىلدىك جاساماق. تيانشان ۇلكەن اڭعارى كورىنىس ءوڭىرى ”جاڭا جىلدىڭ 3 - كۇنى قار - مۇزدا جاياۋ ءجۇرىپ ءوتۋ“ قيمىلىن العا تارتسا؛ قورعاس اۋدانى جىبەك جولى ەگىن ەگۋ جانە جىبەك قۇرتىن ءوسىرۋ باعى كورىنىس ءوڭىرى ”7 - كەزەكتى تيانشاننىڭ وڭتۇستىگى مەن سولتۇستىگىندە كوكتەم مەرەكەسىن قۇتتىقتاۋ بەيزاتتىق مادەنيەت مۇرالارى كوكتەم مەرەكەسىنىڭ عۇرىپ - ادەتتەرى − جىبەك جولى ەگىن ەگۋ جانە جىبەك قۇرتىن ءوسىرۋ باعىنداعى شامدار كورمەسىن“ وتكىزىپ، 1 - ايدىڭ 24 - كۇنىنەن 2 - ايدىڭ 7 - كۇنىنە دەيىن ەسىك بەلەتىن جارتى باعادا ساتىپ، 2 - ايدىڭ 8 - كۇنى ەسىك بەلەتىن تەگىن ۇسىنباق؛ قوم كورىنىس ءوڭىرى ”قومدا بايىرعى جىل“دى ۇزدىكسىز ۇسىنىپ، ءار ۇلت بۇقاراسىن كورىنىس وڭىرىنە كەلىپ كوكتەم مەرەكەسىن وتكىزۋگە شاقىرماق؛ قاناس كورىنىس ءوڭىرى بايىرعى تەرى شاڭعىمەن سىرعاناۋ جولى، التاي تاۋىنداعى اڭشىلاردىڭ ءىزىن باسۋ سياقتى جاڭا، حيكىمەت قار - مۇز ساياحاتى قيمىلدارىن تارتۋ ەتپەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.