تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتى ءتورتىنشى جالپى ءماجىلىسىنىڭ مازمۇنداماسى

(جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە 2020 - جىلى 1 - ايدىڭ 15 - كۇنى ماقۇلداندى)

  جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ءماجىلىسى 2020 - جىلى 1 - ايدىڭ 13 - كۇنىنەن 15 - كۇنىنە دەيىن بەيجيڭدە وتكىزىلدى. بۇل رەتكى جالپى ماجىلىسكە ورتالىق ءتارتىپ تەكسەرۋ كوميتەتىنىڭ مۇشەلەرىنەن 133 ادام قاتىناستى، 246 ادام سىرتتاي قاتىناستى.

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جالپى ماجىلىسكە قاتىناستى ءارى ماڭىزدى ءسوز سويلەدى. لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلى پارتيا مەن مەملەكەت باسشىلارى ماجىلىسكە قاتىناستى.

  جالپى ءماجىلىستى ورتالىق ءتارتىپ تەكسەرۋ كوميتەتىنىڭ تۇراقتى كوميتەتى باسقاردى. جالپى ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، 2019 - جىلعى ءتارتىپ تەكسەرۋ، باقىلاۋ - تەكسەرۋ قىزمەتىنە قايىرىلا قاراپ، 2020 - جىلعى مىندەتتەردى ورنالاستىرىپ، جاۋ لىجي جولداستىڭ ورتالىق ءتارتىپ تەكسەرۋ كوميتەتىنىڭ تۇراقتى كوميتەتى اتىنان جاساعان «پارتيا مەن مەملەكەتتىڭ باقىلاۋ جۇيەسىنە تاباندى بولىپ جانە ونى كەمەلدەندىرىپ، جاپپاي دوڭگەلەك داۋلەتتى قوعام ورناتۋعا پارمەندى كەپىلدىك ازىرلەيىك» قىزمەت بايانداماسىن قاراپ ماقۇلدادى.

  جالپى ءماجىلىس باس شۋجي شي جينپيڭنىڭ ماڭىزدى ءسوزىن مۇقيات ۇيرەندى، ىشكەرىلەي ءتۇسىندى. ءبىر اۋىزدان بىلاي دەپ قارادى: ءسوز ”قوس 100 جىلدىق“ كۇرەس نىساناسىن جۇزەگە اسىرۋدىڭ تاريحي توعىسۋ تۇيىنىندە تۇرىپ، جاڭا داۋىردە پارتيانى جاپپاي قاتاڭ جونگە سالۋدىڭ تاريحي تابىستارىن تەرەڭ قورىتىندىلاپ، پارتيامىزدىڭ وزىنە توڭكەرىس جاساۋدى جۇزەگە اسىرۋداعى ءساتتى جولىن، ءونىمدى ءتۇزىمىن تەرەڭ بايىمداپ، پارتيانى باسقارۋدا، پارتيانى جونگە سالۋدا، ءسوز جوق، ”نەگە تاباندى بولۋ جانە نەنى بەكەمدەۋ، نەنى كەمەلدەندىرۋ جانە دامىتۋ“ سىندى كەلەلى ماسەلەگە تەرەڭ جاۋاپ بەرىپ، پارتيانى جاپپاي قاتاڭ جونگە سالۋدىڭ جاڭا تابىستارى ارقىلى مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە ستراتەگيالىق ورنالاستىرۋ جاسادى، ءسوز اسا كورەگەندىكپەن جالپى جاعدايدى ءبىر تۇتاس مەڭگەردى، يدەياسى تەرەڭ، مازمۇنى باي، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بيىكتە تۇرىپ، الىسقا كوز جىبەرگەن ستراتەگيالىق كورەگەندىگىن، امانشىلىقتا حاۋىپ - قاتەردىڭ دە بولاتىندىعىن ويلاعان ساياسي سەرگەكتىگىن، پارتيانى گۇلدەندىرۋ، مەملەكەتتى قۇدىرەتتەندىرۋ بورىشىن ارقالاعاندىعىن تولىق ايگىلەدى، پارتيانىڭ وزىنە توڭكەرىس جاساۋىن ۇزدىكسىز تەرەڭدەتۋ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ۇزدىكسىز ىلگەرىلەتۋ جونىنەن كەلەلى جەتەكشى مانگە يە. باس شۋجي شي جينپيڭ ءتارتىپ تەكسەرۋ، باقىلاۋ - تەكسەرۋ كادرلارى قوسىنىنا شىنايى ءۇمىت ارتىپ، ايقىن تالاپ قويدى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ”قاتاڭدىق“ نەگىزگى ارناسىنا ۇزاق ۋاقىت تاباندى بولىپ، اۋەلگى ماقساتتى شىڭداپ، بورىشتى باتىل ارقالاپ، جالپى ءماجىلىس ورنالاستىرعان مىندەتتەردى وسكەلەڭ ساياسي سانالىلىقپەن ناقتى تياناقتاندىرۋ كەرەك.

  جالپى ءماجىلىس مىنالاردى اتاپ كورسەتتى: 2019 - جىلى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ دۇنيە جۇزىندە ءجۇز جىلدا بولماعان زور وزگەرىستى تياناق ەتىپ، جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايىن ءبىر تۇتاس مەڭگەرىپ، ستراتەگيالىق جوبالاۋدى كۇشەيتىپ، ستراتەگيالىق تاباندىلىقتى ساقتاپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ەلى ءىشى - سىرتىندا حاۋىپ - قاتەر، سىن - سايىس كورنەكتى جوعارىلاعان كۇردەلى جاعدايعا ءساتتى توتەپ بەرىپ، پارتيا مەن مەملەكەتتىڭ ءتۇرلى ىستەرىن ىلگەرىلەتۋدە جاڭا دا كەلەلى ناتيجەگە قول جەتكىزدى. پارتيا ورتالىق كوميتەتىنىڭ پارمەندى باسشىلىعىندا، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جانە جەرگىلىكتى ءار دارەجەلى ءتارتىپ تەكسەرۋ كوميتەتتەرى، باقىلاۋ - تەكسەرۋ كوميتەتتەرى پارتيا ۋستاۆىندا جانە نەگىزگى زاڭدا جۇكتەلگەن قىزمەت جاۋاپكەرشىلىگىن ادالدىقپەن اتقارىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى تىڭعىلىقتى ورىستەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇدايى ۇيرەنىپ، دايەكتىلەندىرىپ، پارتيا مۇشەلەرىنىڭ، كادرلاردىڭ ”ەكىنى قورعاۋ“دى سانالى تۇردە ورىنداۋىنا ۇدايى قۋزاۋ سالىپ، پارتيانى جاپپاي قاتاڭ جونگە سالۋ باعىتىن جانە تالابىن ۇدايى دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋگە، شىندىقتى ءىس جۇزىنەن ىزدەۋگە، ەرەجەنى، ءتارتىپتى، زاڭدى نەگىز ەتۋگە تاباندى بولىپ، ءتارتىپ تەكسەرۋ، باقىلاۋ - تەكسەرۋ قىزمەتىن تاباندى، ورنىقتى، تىڭعىلىقتى، ءونىمدى ىستەپ، جوعارى ساپالى دامۋدا جاڭا ناتيجەلەرگە قول جەتكىزدى. باقىلاۋ قىزمەت جاۋاپكەرشىلىگىن كۇشەيتىپ، ساياسي باقىلاۋدى كورنەكتىلەندىرىپ، پارتيانىڭ لۋشيان، باعىت - ساياساتتارىن جانە پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن تياناقتاندىرۋ جاعدايىن ارقاۋ ەتىپ، باقىلاۋدى، تەكسەرۋدى كۇشەيتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعادى. بۇقارانىڭ ماڭىنداعى شىرىكتەسۋ جانە ستيل ماسەلەسىن رەتتەۋ - وڭاۋدى تەرەڭدەتىپ، كەڭەيتىپ، كەدەيلەردى سۇيەمەلدەۋ جانە حالىق تۇرمىسى سالاسىنداعى شىرىكتەسۋدى، قارا - سۇرقيا كۇشتەرگە ساياتىن شىرىكتەسۋدى جانە ”باسقالقا“ بولۋدى ۇزدىكسىز قاتاڭ جازالادى. ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋدى بۇلجىماي ويداعىداي يگەرىپ، فورماشىلدىقتى، تورەشىلدىكتى شوعىرلى رەتتەدى - وڭادى. ساياسي شارلاۋدى جانە شارلاپ رەتتەۋ - تۇزەتۋدى تەرەڭدەتىپ، شارلاۋ، شارلاپ تەكسەرۋ قىزمەت ارناسىن كەمەلدەندىردى. ”ءتورت ءتۇرلى كۇي“دى ۇتىمدى قولدانىپ، ءتارتىپ اتقارۋدى، زاڭ اتقارۋدى قاتايتتى، جاۋاپقا تارتۋ دالمە - ءدال، پارمەندى بولدى. ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن ءبىر تۇتاس جوسپارلاپ ىلگەرىلەتىپ، ولشەمدەندىرۋ، زاڭمەن جونگە سالۋ دەڭگەيىن ۇزدىكسىز جوعارىلاتتى. شىرىكتەسۋگە باتىلى بارماۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇتاس ىلگەرىلەتىپ، ساقتالۋ مولشەرىن ءتۇيىندى ازايتۋدى كورنەكتىلەندىرىپ، ارتۋ مولشەرىن نولدىك توزىمدىكپەن تەجەپ، دەلو ارقىلى تۇزەتۋدى جەبەۋدى، ۇستىنەن وڭاۋ مەن تۇبىرىنەن وڭاۋعا تەڭ ءمان بەرۋدى تەرەڭدەتىپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەدى، دامىتتى. ءتارتىپ تەكسەرۋ، باقىلاۋ - تەكسەرۋ ورگاندارىنىڭ پارتيا قۇرىلىسىن جاپپاي كۇشەيتىپ، ءتارتىپ اتقارۋدا تارتىپكە قايشى كەلگەندەرگە، زاڭ اتقارۋدا زاڭعا قايشى كەلگەندەرگە ”استە راقىم ەتپەي“، ادال، كىرشىكسىز، جاۋاپكەرشىلىك ارقالايتىن ءتارتىپ تەكسەرۋ - باقىلاۋ تەكسەرۋ قۇرىش قوسىنىن قۇردى. جالپى ءماجىلىس وتكەن ءبىر جىلداعى قىزمەت بارىسىندا قالىپتاسقان تانىم مەن تۇسىنىكتى قورىتىندىلادى، ناتيجەنى تۇراقتاندىرۋمەن بىرگە، شىندىقتى ءىس جۇزىنەن ىزدەي وتىرىپ، ءتارتىپ تەكسەرۋ، باقىلاۋ - تەكسەرۋ قىزمەتىندە جانە كادرلار قوسىنى قۇرىلىسىندا ورىن تەپكەن باستى ماسەلەلەرگە تالداۋ جاساپ، وسكەلەڭ ءمان بەرىپ، ۇتىمدى شارا اتقارىپ كۇش سالا شەشۋدى تالاپ ەتتى.

  جالپى ءماجىلىس مىنالاردى العا قويدى: 2020 - جىل − جاپپاي دوڭگەلەك داۋلەتتى قوعام ورناتاتىن جانە ”13 - بەسجىلدىق“ جوبانى اياقتاتاتىن جىل، ءتارتىپ تەكسەرۋ، باقىلاۋ - تەكسەرۋ قىزمەتىن ويداعىداي ىستەۋ كەلەلى ماڭىز الادى. جالپى تۇلعالىق تالاپ: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، پارتكومنىڭ پارتيانى جاپپاي قاتاڭ جونگە سالۋدى تەرەڭدەتۋىنە سايكەسىپ، پارتيا مەن مەملەكەتتىڭ باقىلاۋ جۇيەسىنە تاباندى بولىپ جانە ونى كەمەلدەندىرىپ، بيلىك جۇرگىزۋدى تەجەۋدى جانە باقىلاۋدى كۇشەيتىپ، شىرىكتەسۋگە باتىلى بارماۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇتاس ىلگەرىلەتىپ، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ بارىسىندا باقىلاۋ، قامتاماسىز ەتۋ، اتقارۋ، جەبەۋ، كەمەلدەندىرۋ، دامىتۋ رولىن تولىق ساۋلەلەندىرىپ، جوعارى ساپالى ماماندانعان ءتارتىپ تەكسەرۋ، باقىلاۋ - تەكسەرۋ كادرلارى قوسىنىن قۇرىپ، جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە، كەدەيلىكتەن ارىلتۋدان قامال الۋ شەشۋشى شايقاسىنا پارمەندى قامتاماسىزدىق ازىرلەۋ.

  جالپى ءماجىلىس مىنالاردى تالاپ ەتتى: ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، ءتۇرلى قىزمەتتەردى جۇڭگوشا سوتسياليزم تۇزىمىنە جانە مەملەكەتتى جونگە سالۋ جۇيەسىنە تاباندى بولۋ جانە ونى كەمەلدەندىرۋ كەلەلى جاعدايىن دا ويلاستىرىپ، جوسپارلاپ، ىلگەرىلەتىپ، باقىلاۋ سىندى نەگىزگى قىزمەت جاۋاپكەرشىلىگىن، ءبىرىنشى قىزمەت جاۋاپكەرشىلىگىن مىقتاپ ۇستاپ، دالمە - ءدال باقىلاۋ جۇرگىزىپ، جاڭالىق اشا باقىلاۋ جۇرگىزىپ، ءتارتىپ تەكسەرۋ، باقىلاۋ - تەكسەرۋ ءتۇزىلىس - مەحانيزمىن رەفورمالاۋدى، وندا جاڭالىق اشۋدى تەرەڭدەتىپ، جوعارى ساپاداعى پارتيا ىشىندەگى باقىلاۋ، مەملەكەتتىك باقىلاۋ ارقىلى مەملەكەت ءتۇزىمى مەن جونگە سالۋ جۇيەسىنىڭ ساپاسىن ءوسىرۋدى، ونىمدىلىگىن جوعارىلاتۋدى ىلگەرىلەتىپ، جۇڭگو كوممۋنيستىك پارتياسى باسشىلىعىنىڭ جانە جۇڭگوشا سوتسياليزم ءتۇزىمىنىڭ ابزالدىلىعىن تولىق ايگىلەۋ كەرەك.

  ءبىرىنشى، اۋەلگى ماقسات پەن بورىشتى ساياسي قاسيەت جانە العا باسۋدىڭ قوزعاۋشى كۇشى ەتۋگە تاباندى بولىپ، ”ەكىنى قورعاۋ“داعى سانالىلىق پەن تاباندىلىقتى ۇزدىكسىز كۇشەيتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن تاباندىلىقپەن جەتە ۇيرەنىپ، جەتە ءتۇسىنىپ، شىنايى تياناقتاندىرىپ، نەگىزگى تاقىرىپتىق تاربيەنىڭ جەتىستىكتەرىن ۇزدىكسىز بەكەمدەۋ، تەرەڭدەتۋ كەرەك. جاڭا داۋىردە ساياسي باقىلاۋدى كۇشەيتۋدىڭ ءتۇبىرلى مىندەتى − ”ەكىنى قورعاۋ“، جۇڭگوشا سوتسياليزم تۇزىمىنە تاباندى بولۋ، پارتيا ورتالىق كوميتەتىنىڭ كەلەلى شەشىمدەرى، ورنالاستىرۋلارى مەن باس شۋجي شي جينپيڭنىڭ ماڭىزدى نۇسقاۋلارىنىڭ، بەكىتۋلەرىنىڭ رۋحىن تياناقتاندىرۋ، پارتيانى جاپپاي قاتاڭ جونگە سالۋ جاۋاپكەرشىلىگىن تياناقتاندىرۋ جاعدايىن باقىلاۋدى، تەكسەرۋدى كۇشەيتىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن دايەكتىلەندىرۋ، تياناقتاندىرۋ جاعدايىن باقىلاۋدى، تەكسەرۋدى كۇشەيتىپ، ساياسي ءتارتىپ پەن ساياسي قاعيدانى قاتايتىپ، پارتيا ورتالىق كوميتەتىنىڭ بۇيرىقتارىنىڭ ىركىلىسسىز اتقارىلۋىنا شىنايى كەپىلدىك ەتۋ، بيلىكتىڭ دۇرىس ارنادا جۇرگىزىلۋىنە شىنايى كەپىلدىك ەتۋ كەرەك.

  ەكىنشى، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىن بار كۇشپەن قامتاماسىز ەتىپ، بۇقارانىڭ اڭىسى كۇشتى بولىپ وتىرعان كورنەكتى ماسەلەلەردى شوعىرلى رەتتەۋ - وڭاۋ كەرەك. كەدەيلىكتەن ارىلتۋ قىزمەتىنىڭ ناتيجەسىن، كەدەيلىكتەن ارىلتۋ ساياساتىنىڭ جالعاسىمدىلىعىن، ورنىقتىلىعىن، سونداي - اق كەدەيلىك قالپاعىن الىپ تاستاعاننان كەيىنگى ”جاۋاپكەرلىكتى توقتاتپاۋ، ساياساتتى توقتاتپاۋ، كومەكتەسۋ - سۇيەمەلدەۋدى توقتاتپاۋ، باقىلاۋ - باسقارۋدى توقتاتپاۋ“ جاعدايىن باقىلاۋدى، تەكسەرۋدى كۇشەيتىپ، سان - سيفرمەن كەدەيلىكتەن ارىلتۋمەن، كەدەيلىكتەن جالعان ارىلتۋمەن شۇعىلدانعانداردىڭ جاۋاپكەرشىلىگىن قاتاڭ قۋزاستىرىپ، قيانات ىستەۋ، يەمدەنىپ الۋ، جەۋ، الۋ، القىمداۋ، سۇراۋ، دوس - جاراندارىن، تۋىس - تۋعاندارىن الدىمەن ويلاسۋ جاعدايلارىن قاتاڭ تەكسەرىپ ءبىر جاقتى ەتۋ كەرەك. قارا - سۇرقيا كۇشتەرگە ساياتىن شىرىكتەسۋ جانە ”باسقالقا“ بولۋ دەلولارىن دالمە - ءدال تەكسەرىپ ءبىر جاقتى ەتۋ كەرەك. حالىق تۇرمىسى سالاسىنداعى بۇقارانىڭ مۇددەسىن زيانداۋ ماسەلەلەرىن شوعىرلى رەتتەۋ - وڭاۋدى ىشكەرىلەي ورىستەتۋ كەرەك.

  ءۇشىنشى، ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن ۇزدىكسىز تەرەڭدەتىپ، پارتيا مەن مەملەكەتتىڭ باقىلاۋ جۇيەسىن اقاۋسىزداندىرۋدى ىلگەرىلەتۋ كەرەك. پارتكومداردىڭ پارتيانى جاپپاي قاتاڭ جونگە سالۋ تۇزىمدەرىن اقاۋسىزداندىرۋىنا سايكەسىپ، پارتيا ىشىندەگى باقىلاۋ جۇيەسىن كەمەلدەندىرىپ، پارتكومداردىڭ (پارتيا باسشىلىق گرۋپپاسى) تۇلعالىق جاۋاپكەرشىلىگىنىڭ، شۋجيدىڭ ءبىرىنشى جاۋاپتى ادام بولۋ جاۋاپكەرشىلىگىنىڭ ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ باقىلاۋ جاۋاپكەرشىلىگىمەن ساباقتاسۋىن، بىرلەسە قيمىلداۋىن، ءبىر تۇلعادا تياناقتانۋىن ىلگەرىلەتۋ كەرەك. جوعارى دارەجەلى ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ تومەن دارەجەلى ءتارتىپ تەكسەرۋ كوميتەتىنە، باقىلاۋ - تەكسەرۋ كوميتەتىنە باسشىلىعىن كۇشەيتىپ، تارتىپتىك باقىلاۋدى، تەكسەرىپ باقىلاۋدى، وكىلەتتىك باقىلاۋدى، شارلاۋ جۇرگىزىپ باقىلاۋدى ءبىر تۇتاس جوسپارلاۋ، ۇشتاستىرۋ ءتۇزىمىن كەمەلدەندىرىپ، ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ سايكەسۋ، جەتەكتەۋ، ىلگەرىلەتۋ فۋنكتسياسىن كۇشەيتۋ كەرەك. باقىلاۋ - تەكسەرۋ كوميتەتىنىڭ ءوز دارەجەسىندەگى حالىق قۇرىلتايى تۇراقتى كوميتەتىنە مالىمەت بەرۋ ارناۋلى قىزمەتىن جوعارىدان تومەنگە قاراي زاڭ بويىنشا، ءتارتىپتى ىلگەرىلەتۋ كەرەك. «جۇڭگو كوممۋنيستىك پارتياسىنىڭ پارتيا مۇشەلەرىنىڭ ۇقىعىن قامتاماسىز ەتۋ ەرەجەسى»نە وزگەرىس ەنگىزىپ، باقىلاۋ - تەكسەرۋ زاڭىن اتقارۋ ەرەجەسىن جاساپ، باقىلاۋ - تەكسەرۋشىلەر زاڭىن زەرتتەپ جاساۋدى ىلگەرىلەتۋ كەرەك.

  ءتورتىنشى، ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ ارناۋلى جاۋاپتى بولىپ باقىلاۋ رولىن ساۋلەلەندىرىپ، بيلىكتىڭ جۇرگىزىلۋىن باقىلاۋدى كۇشەيتۋ كەرەك. جوعارى دارەجەلى ءتارتىپ تەكسەرۋ كوميتەتتەرىنىڭ تومەن دارەجەلى پارتيا ۇيىمدارىن باقىلاۋىن كۇشەيتىپ، ”شەشۋشى ازشىلىق“تى، شەشۋشى قىزمەت ورىندارىن ءجىتى قاداعالاپ، بيلىكتىڭ جۇرگىزىلۋىندەگى ءار بۋىنداردى ارقاۋ ەتىپ، كۇندەلىكتى باقىلاۋدى قاتايتىپ، شىندىقتى ءىس جۇزىنەن ىزدەي وتىرىپ ”ءتورت ءتۇرلى كۇي“ دەن پايدالانىپ، ماسەلەلەردى بايقاۋدىڭ، اۋىتقۋلاردى تۇزەتۋدىڭ، دالمە - ءدال جاۋاپقا تارتۋدىڭ ءونىمدى مەحانيزمىن كەمەلدەندىرۋ كەرەك. ءتارتىپ تەكسەرۋ، باقىلاۋ - تەكسەرۋ ۇسىنىسىنىڭ پارمەندى قارۋىنان ويداعىداي پايدالانۋ كەرەك.

  بەسىنشى، ستيل قۇرىلىسىنىڭ ناتيجەسىن بەكەمدەپ، كەڭەيتىپ، ونىڭ سالتقا، ادەتكە اينالۋىن ىلگەرىلەتۋ كەرەك. ورتالىقتىڭ 8 ءتۇرلى بەلگىلەمەسىنىڭ رۋحىن ىشكەرىلەي تياناقتاندىرىپ، باسشى ورگانداردان جانە باسشى كادرلاردان باستاپ مىقتاپ ۇستاپ، تۇزەتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدە اۋىز جۇزىندە لەبىز عانا ءبىلدىرىپ تياناقتاندىرماۋ، بۇقارانىڭ مۇددەسىن قورعاۋدا جاۋاپكەرشىلىك ارقالاماۋ، ىسكەرلىك كورسەتپەۋ، نەگىزگى ساتىنى مازالاپ وتىرعان فورماشىلدىق، تورەشىلدىك سياقتى ماسەلەلەردى جونگە سالۋدى تەرەڭدەتۋ كەرەك. راقاتقۇمارلىق، استا - توكتىك ماسەلەلەرىن قاتاڭ تەكسەرىپ، ءتۇزىم - بەلگىلەمەلەردى كەمەلدەندىرۋدى ىلگەرىلەتىپ، حابارلاندىرۋ، اشىق جاريالاۋ سەرپىنىن ارتتىرىپ، بۇقارالىق باقىلاۋدىڭ جانە قوعامدىق پىكىر باقىلاۋىنىڭ رولىن تولىق ساۋلەلەندىرۋ كەرەك.

  التىنشى، شارلاۋدىڭ، شارلاپ تەكسەرۋدىڭ جوعارى مەن تومەن بىرلەسە قيمىلدايتىن قىزمەت ارناسىن كەمەلدەندىرىپ، شارلاۋدىڭ، شارلاپ تەكسەرۋدىڭ باسقا ءار ءتۇرلى باقىلاۋمەن ساباقتاسۋىن، توعىسۋىن جەبەۋ كەرەك. ساياسي شارلاۋدى تەرەڭدەتىپ، شارلاۋدىڭ، شارلاپ تەكسەرۋدىڭ جوعارى مەن تومەن بىرلەسە قيمىلداۋ مەحانيزمىن ورناتىپ، ولكە، رايون، قالالاردىڭ شارلاۋ قىزمەتىنە جەتەكشىلىك، قۋزاۋشىلىق جاساۋدى جاپپاي كۇشەيتىپ، ورتالىقتاعى مينيسترلىك - كوميتەتتەر، ورتالىق، مەملەكەت ورگاندارى تاراۋلارىنىڭ پارتيا باسشىلىق گرۋپپالارىنىڭ (پارتكوم) شارلاۋ قىزمەتىن ورىستەتۋ تۋرالى جەتەكشى پىكىردى تياناقتاندىرۋعا قۋزاۋ سالۋ كەرەك. شارلاۋدىڭ، شارلاپ تەكسەرۋدىڭ رەتتەۋ - تۇزەتۋ جاعدايىن مالىمدەۋ ءتۇزىمىن كەمەلدەندىرىپ، شارلاۋدىڭ، شارلاپ تەكسەرۋدىڭ جەتىستىكتەرىنەن جالپىلىق، ويداعىداي پايدالانۋ كەرەك.

  جەتىنشى، شىرىكتەسۋگە باتىلى بارماۋ، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋ ءتۇزىلىس - مەحانيزمىن ورناتىپ، شىرىكتەسۋگە قارسى كۇرەستىڭ ۇستەم جەڭىسىن ونان ارى بەكەمدەۋ جانە دامىتۋ كەرەك. شىرىكتەسۋگە باتىلى بارماۋ، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋ شىرىكتەسۋگە قارسى كۇرەستىڭ نەگىزگى باعىتى عانا ەمەس، جاڭا داۋىردەگى پارتيانى قاتاڭ جونگە سالۋدىڭ ماڭىزدى جالپى جوباسى دا بولىپ تابىلادى. پارتيا 18 - قۇرىلتايىنان بەرى تيىلماي، قولىن تارتپاي، پارتيانىڭ نازاريالارىنىڭ جانە لۋشيان، باعىت - ساياساتتارىنىڭ دايەكتىلەنۋىنە، اتقارىلۋىنا ورەسكەل كەدەرگى بولعان، پارتيانىڭ بيلىك جۇرگىزۋ نەگىزىن ورەسكەل زيانداعان شىرىكتەسۋ ماسەلەلەرىن قاتاڭ تەكسەرىپ ءبىر جاقتى ەتىپ، ءوزىن مالىمدەگەندەردى ەرەجە، ءتارتىپ، زاڭ بويىنشا كەڭشىلىكپەن ءبىر جاقتى ەتىپ، قوماقتى سومادا پارا بەرگەندەردى، كوپ رەت پارا بەرگەندەردى قاتاڭ ءبىر جاقتى ەتۋ كەرەك. فينانس سالاسىنداعى شىرىكتەسۋگە قارسى تۇرۋ قىزمەتىن تەرەڭدەتىپ، مەملەكەت مەنشىگىندەگى كاسىپورىندارداعى شىرىكتەسۋگە قارسى تۇرۋ سەرپىنىن ارتتىرىپ بايلىق، جەر، جوسپار، قۇرىلىس، ينجەنەريا سياقتى سالالارداعى شىرىكتەسۋدى باتىل تەكسەرىپ، ءبىر جاقتى ەتىپ، قاشقانداردى ۇستاپ اكەلۋدىڭ، ارام ولجانى قايتارىپ اكەلۋدىڭ ”اسپاندا تور ارەكەتىن“ ۇزدىكسىز ورىستەتۋ كەرەك. ءتۇيىندى سالالارداعى باقىلاۋ مەحانيزمى رەفورماسىن جانە ءتۇزىم قۇرىلىسىن ىلگەرىلەتىپ، يدەيا - ءمورال جانە پارتيا ءتارتىبى، مەملەكەت زاڭى تاربيەسىن كۇشەيتۋ كەرەك.

  سەگىزىنشى، جوعارى ساپالى، ماماندانعان كادرلار قوسىنىن قۇرىپ، ادال، كىرشىكسىز، جاۋاپكەرشىلىك ارقالايتىن، باتىلدىقپەن، شەبەرلىكپەن كۇرەس جۇرگىزەتىن جاۋىنگەر بولۋ كەرەك. ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ساياسي قۇرىلىسىن كۇشەيتىپ، دەموكراتيالىق ورتالىقتاندىرۋ تۇزىمىنە تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدا، پارتيا مەن مەملەكەتتىڭ ءتۇرلى تۇزىمدەرىن باتىل اتقارۋدا، پارتيا ورتالىق كوميتەتىنىڭ ماڭىزدى شەشىمدەرىن، ورنالاستىرۋلارىن باتىل دايەكتىلەندىرۋدە باستاماشى بولۋ كەرەك. جاڭا داۋىرگە، جاڭا مىندەتكە، جاڭا تالاپقا ۇيلەسىپ، ۇيرەنۋ - باۋلۋدى جانە ناقتى شايقاستىق اسكەر جاتتىقتىرۋدى كۇشەيتىپ، ءتارتىپ تەكسەرۋ، باقىلاۋ - تەكسەرۋ كادرلار قوسىنىنىڭ قابىلەت قۇرىلىسىن ىلگەرىلەتىپ، كۇرەسكەرلىك جىگەردى بەكەمدەپ، كۇرەس جۇرگىزۋ زاڭدىلىعىن يگەرۋ كەرەك. وزىندىك بيلىك جۇرگىزۋ مەحانيزمىن جانە باسقارۋ، باقىلاۋ، تەكتەۋ جۇيەسىن كەمەلدەندىرىپ، ءتارتىپ اتقارۋ، زاڭ اتقارۋ ۇقىعىنىڭ باقىلاۋدا، تەجەۋدە بولۋىنا شىنايى كەپىلدىك ەتىپ، ”شامنىڭ ءتۇبى قاراڭعى بولۋ“ ماسەلەسىنەن ۇزدىكسىز ساقتانىپ، قوسىندى كۇشەيتىپ قۇرىپ، كادرلاردىڭ ىسىلۋىنا مۇمكىندىك جاساۋ كەرەك.

  جالپى ءماجىلىس مىناعان ۇندەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءبىر نيەتپەن ىنتىماقتاسىپ، ءورىس اشا العا ۇمتىلىپ، پارتيانى جاپپاي قاتاڭ جونگە سالۋدىڭ، پارتيا ستيلى، پاكتىك قۇرىلىسىنىڭ جانە شىرىكتەسۋگە قارسى كۇرەستىڭ جاڭا تاراۋىن قۇلشىنا جازىپ، جۇڭگوشا سوتسياليزمگە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىڭ، اناعۇرلىم كەسەك ۇلەس قوسايىق!

(شينحۋا اگەنتتىگىنىڭ 1 - ايدىڭ 15 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.