ٴتىلشىنىڭ ۇعىسۋىنشا، قورەكتىكتى جاقسارتۋ جوسپارىن باسقارۋدى ونان ارى جۇيەلەندىرىپ، كەدەي رايوندارداعى وقۋشىلاردىڭ قورەكتىگىن جاقسارتۋ قىزمەتىن تىڭعىلىقتى ىستەۋ ٴۇشىن، تاياۋدا وقۋ – اعارتۋ مينيسترلىگى قاتارلى 5 تاراۋ « اۋىل-قىستاقتارداعى مىندەتتى وقۋ-اعارتۋ ساتىسىنداعى وقۋشىلاردىڭ قورەكتىگىن جاقسارتۋ جوسپارىن ونان ارى كۇشەيتۋگە قاتىستى باسقارۋ قىزمەتى جونىندەگى ۇقتىرۋدى » بىرلەسىپ جاريالاپ، مەكتەپ اسحانالارى « الەۋمەتتىك يگىلىك سيپاتىندا بولۋ، پايدا تابۋدى ماقسات ەتپەۋ » پرينسيبىندە تاباندى بولىپ، مەكتەپ وزدەرى اشىپ، باسقارىپ، سىرتقا كوتەرتىپ بەرۋگە نەمەسە تيجارات جۇرگىزۋدى اماناتتاپ بەرۋگە بولمايتىندىعىن ورتاعا قويدى.
« ۇقتىرۋدا» بىلاي دەپ اتاپ كورسەتىلدى: ازىق – تۇلىك حاۋىپسىزدىگىن باسقارۋدى كۇشەيتىپ، مەكتەپ جاۋاپتىلارىنىڭ تاماقتا بىرگە بولۋ ٴتۇزىمىن ( تاماق قاراجاتىن ٴوزى كوتەرۋ ) قاتاڭ تياناقتاندىرۋ كەرەك. شارت – جاعدايى بار مەكتەپتەر اتا – انالار ۋاكىلدەرىنىڭ كەزەكتەسىپ بىرگە تاماقتانۋ ٴتۇزىمىن ورناتۋىنا بولادى. مەكتەپ اسحاناسى اشىق بولۋدى ورىنداپ، « جاريا اسحانا » قۇرىپ، « جاريا جۇمىس جۇرگىزۋدى » جۇزەگە اسىرۋ كەرەك.
« ۇقتىرۋدا » مىنالار ايقىن بەلگىلەندى: مەكتەپتەر تاماقتاناتىن وقۋشىلاردىڭ سانى 100: 1 دەن تومەن بولماۋ سالىستىرماسى بويىنشا اسحانا قىزمەتكەرلەرىن تولىق ورنالاستىرىپ، ولاردىڭ مامىلەسى مەن كاسىپتىك تاربيەلەنۋدەن وتكىزۋ سياقتى ماسەلەلەردى لايىقتى شەشۋ؛ قىزمەتشىلەر جەتىسپەسە، الدىمەن باسى ارتىق وقىتۋشىلاردان ورىن اۋىستىرۋ ٴتيىس، سونداي-اق الەۋمەتتىك يگىلىك ورنىن ساتىپ الۋ، ەڭبەككۇش جىبەرۋ سياقتى تاسىلدەرمەن شارتقا ۇيلەسەتىن قىزمەتكەرلەردى قوعامنان اشىق قابىلداۋعا دا بولادى. سونىمەن بىرگە، « ۇقتىرۋدا » مىنالار باسا دارىپتەلدى: قارجىدان پايدالانۋدى باسقارۋدى قاتاڭداستىرىپ، وقۋ – اعارتۋ اكىمشىلىك تاراۋلارى مەن مەكتەپتەر ينفورماتسيانى جاريا ۇستاۋ، اشىق جاريالاۋ قىزمەتىن ويداعىداي ىستەپ، قارجىنىڭ ەگجەي-تەگجەيلى ەسەبى، شيكىزات– ماتەريالداردى ساتىپ الۋ، تاماق دايىنداۋ ولشەمى، تاماق كەستەسى جانە تاماقتاناتىن وقۋشىلاردىڭ تىزىمدىگى سياقتى ينفورماتسيالاردى بەلگىلى مەرزىمدە جاريالاپ، اقپارات قۇرالدارى مەن قوعامنىڭ باقىلاۋىن ىرىقتىلىقپەن قابىلداۋ كەرەك.
« ۇقتىرۋدا » مىنالار تالاپ ەتىلدى: ٴاربىر اۋدان دارەجەلى سىناق ٴتۇيىنى رايونىندا كەمىندە بىردەن ارناۋلى ( قوسىمشا ) قورەكتىك كاسىپتىك قىزمەتكەرى بولۋى كەرەك. شارت – جاعدايى بار جەرلەر قورەكتىك كاسىپتىك قىزمەتكەرلەرىن مەكتەپتەرگە ورنالاستىرۋ نەمەسە مەكتەپتىڭ ۇسىنىس ەتۋىن قولداپ، ولاردىڭ تاماق قورەكتىگىنىڭ تەپە – تەڭدىگى سياقتىلارعا اقىل – كەڭەس بەرىپ، جەتەكشىلىك ەتىپ، عىلمي تاماق ازىرلەۋ، تاماقتىڭ قورەكتىگى سياقتى تانىمدى جالپىلاستىرسا بولادى. مەكتەپتەر تۇرلىشە جاستاعى وقۋشىلاردىڭ ەرەكشەلىگىنە ۇشتاستىرا وتىرىپ، الۋان فورمالى ازىقتانۋ سالاماتتىق تاربيەسى قيمىلىن ورىستەتىپ، قورەكتىك عىلمى بىلىمدەرىن جالپىلاستىرىپ، وقۋشىلاردى اقاۋسىز ازىقتانۋ ادەتىن قالىپتاستىرۋعا جەتەكتەۋ كەرەك. سونىمەن بىرگە، جەر - جەردەگى وقۋ - اعارتۋ، دەنساۋلىق ساقتاۋ جانە سالاماتتىق تاراۋلارى وقۋشىلاردىڭ قورەكتەنۋ دەنساۋلىق جاعدايىن تەكسەرۋ - باعالاۋ قىزمەتىن ونان ارى كۇشەيتىپ، مەكتەپتەردىڭ وقۋشىلاردىڭ دەنساۋلىعىن تەكسەرۋ، وقۋشىلاردىڭ دەنە ساپاسىنىڭ اقاۋسىزدىعىن تەكسەرۋ سياقتى قىزمەتتەرىنە تىعىز ۇشتاستىرىپ، قاتىستى باقىلاۋ - ولشەۋ كورسەتكىشتەرىن تەكسەرىپ جيناۋدى تىڭعىلىقتى ىستەۋى، سونىمەن بىرگە، ساندى مالىمەتتەرگە جان - جاقتىلى تالداۋ جاساپ، قورەكتىكتى جاقسارتۋ جوسپارىن عىلمي باعالاپ، وقۋشىلاردىڭ ازىقتانۋ دەنساۋلىق جاعدايىن جاقسارتۋ ونىمدىلىگىنە نەگىز ازىرلەپ، وقۋشىلاردىڭ قورەكتىكتىگىن جاقسارتۋ قىزمەتىنىڭ باعىتتامالىلىعىن، ونىمدىلىگىن شىنايى كۇشەيتۋ كەرەك.
اۋدارعان: قادىر ماقان
