التايدا جاسالعان مادەنيەت-ساياحات ماركاسى ءالى كورمەگە قويىلۋدا
تيانشان تورابىنىڭ ٴتىلشىسى ۋاڭ جيڭجيڭ حابارلايدى. دەنەسىن اپپاق ٴجۇن باسقان، بەت الپەتى قىزعىلىت، كوزى قاناس كولى سۋىنىڭ ٴتۇسى سەكىلدى كوكشىل، شينجياڭ التايدا تۇراتىن كارتون وبرازى الى شينجياڭداعى قار ـ مۇز قۋىرشاق كينونىڭ باس كەيىپكەرىنە اينالۋى، ٴارى 2022 ـ جىلى كينو جاسالۋدان ٴۇمىت بار.
12-ايدىڭ 23 - كۇنى مادەنيەت جانە ساياحات مينيسترلىگى، اۆتونوميالى رايوندىق حالىق ۇكىمەتى بىرلەسىپ ۇيىمداستىرعان ”ءتورت ماۋسىممەن قاۋىشۋ، كورىكتى جۇڭگو“ شينجياڭ قىسقى ساياحاتىن ۇگىتتەۋ - تانىستىرۋ قيمىلىندا، التاي ايماقتىق اكىمشىلىك مەكەمەسى، بەيجيڭ شىيۋە مىڭما قۋىرشاق فيلىم جاساۋ سەرىكتىگى مەن التاي قىران جاستار مادەنيەت مەديا سەرىكتىگى « الى كينوسىن جاساۋ كەلىسىمىنە » قول قويدى. ” كەزەكتە سەنەريانى جازۋ كەزەڭىنە وتتىك، سەنەريا قۋىرشاق كينونىڭ تالابىنان شىعۋمەن بىرگە، شينجياڭ التايدىڭ جەرگىلىكتى مادەنيەت، ساياحات بايلىعىن حيكايامەن توعىستىرىپ، ەڭ سوڭىندا الى شينجياڭ مادەنيەت-ساياحات ماركاسىن جاراتۋ ماقساتىنا جەتەدى.“ـ دەدى الى قۋىرشاق وبرازى جاسامپازدىق توبى التاي جاستار مادەنيەت مەديا سەرىكتەستىگىنىڭ جاۋاپتىسى ارىسبەك نۇعان .
الى جەلىلەس مادەنيەت جاسامپازدىعى ونىمدەرى
الى جەلىلەس مادەنيەت جاسامپازدىعى ونىمدەرى
الىنى كورگەندە التاي ەسىڭە ورالادى
12-ايدىڭ 24- كۇنى گۋاڭدۇڭ ساياحاتشىسى گاۋ پيڭ ٴوزىنىڭ قومدا التاي قار - مۇز ساياحات ماركا وبرازى ” الى“ مەن تۇسكەن سۋرەتىن دوستار شەڭبەرىنە شىعارىپ، زور ماقتاۋ اكەلدى. ” قول شاتىر ۇستاعان الى ٴمۇسىنى قار جامىلعان قومنىڭ كوركەم كورىنىسىندە قازديىپ تۇر، مەن بالالار ەرتەگىلەرىندەگى قيال الەمىنە بارعانداي سەزىىندىم، بۇل سۋرەتتى كورىپ كوپتەگەن دوستار دا قومعا كەلىپ كورمەكشى بولدى “،ـ دەدى ول .
2018 ـ جىلى 11 ـ ايدا الى 13 ـ كەزەكتى شينجياڭ قىسقى ساياحات كاسىبى ساۋدا كورمەسىندە بوي كورسەتكەننەن بەرى، ساياحاتشىلاردىڭ قىزۋ قارسى الۋىنا يە بولدى. التايعا ساياحاتتاي بارعاندا، الىمەن بىرگە سۋرەتكە تۇسپەۋ، كوپتەگەن ساياحاتشىلار جونىنەن العاندا، بۇل ساپارىنداعى وكىنىش بولدى.
الى كارتون وبرازى جاسامپازدىق توبى قومدا الى مۇسىنىمەن بىرگە سۋرەتكە تۇسۋدە
32 جاستاعى ارىسبەك التايدا ەرجەتكەن، بەيجيڭ كينو شۋەيۋانىنىڭ انيماتسيا ينستيتۋتىن بىتىرگەن. الىنىڭ جاسامپازدىق بارىسىنا توقتالعاندا، الى كارتون وبرازى جاسامپازدىق توبىنىڭ جاۋاپتىسى رەتىندە ول بىلاي دەدى :” التايدىڭ كارتون ماركاسىن جاساۋ قىزمەتىن تاپسىرىپ العاندا، مەن جانە مەنىڭ توبىم التايدا تاعى ٴبىر كارتون فيلىمدى جاساۋ جۇمىسىمەن اينالىسىپ جاتقان ەدىم. التايدى جان-جاقتىلى تۇسىنەتىندىگىمنەن، ٴبىر ايدان استام ۋاقىتتا العاشقى نۇسقاسىن جازىپ شىقتىم. “.
الىنىڭ اتى التايدىڭ دىبىستالۋىنان الىنعان. دۇنيەگە كەلگەن كەزىنەن باستاپ، كوركەم جانە شات-شادىمان بەينەدە سومدالىپ، اق ٴتۇستى دەنەسى مەن ونىڭ تىك قۇلاعىن بەينەلەۋ شابىتى التايدىڭ جەرگىلىكتى تەرى شاڭعىسىنان كەلگەن؛ ونىڭ القىزىل بەتى قار - مۇزدا ويناپ جۇرگەن مالشى بالالارىنىڭ قىزىل بەتىنەن الىنعان؛ كوگىلدىر كوزى قاناس كولىنىڭ ٴتۇسى؛ قۇشاقتاسۋدى جانىنداي كورەتىن مىنەزى التايداعى جەرگىلىكتى ەگىنشى - مالشىلاردىڭ مەيماندوس رۋحىنىڭ ٴبىر بەينەسى. ” العاش جاساعاننان باستاپ، ٴبىز الىنىڭ كارتون وبراز عانا ەمەس، ٴارى مادەنيەت جاسامپازدىق تۋىندىسى ەكەنىن بىلەمىز. ٴبىزدىڭ ىستەيتىنىمىز الىنى مادەنيەت ماركاسىنا اينالدىرىپ، التايدىڭ تابيعاتى مەن گۋمانيتارلىق كورىنىستەرى، سونداي ـ اق اڭىز ـ اڭگىمەلەرى ارقىلى الىعا كۇش-قۋات بەرىپ، ونىڭ مادەنيەت قوسىمشا قۇنىن ارتتىرىپ، ساياحاتشىلار ونى كورگەندە التايدى كوز الدىنا كەلتىرىپ، ساياحاتتى جەبەۋ رولىن اتقارادى. “ - دەدى ارىسبەك .
ارىسبەك نۇعان اقپارات مەديالارىنىڭ تىلشىلىگىن قابىلداۋدا
مادەنيەت-ساياحات ماركاسىن جاراتۋ ويى نەگىزىندە، التاي ايگىلى كورىنىس رايونى قاناس قوم قىستاعىندا الى تاقىرىبىنداعى قار - مۇز شاعىن بازارىن قۇردى. 2018 ـ جىلى قىستا التاي ” الى ٴسىزدى قوم قار ـ مۇز شاعىن بازارىنىڭ بەس كۇندىك ساياحاتىنا باستايدى “ ونىمدەرىن شىعارىپ، الى كۇركەسىن تاماشالاۋ، الى ارناۋلى ۇيىندە جاتۋ سياقتى الى ەرەكشە ونىمدەرىمەن توعىستىرىپ، تولىق تيجارات اينالىمىن قالىپتاستىردى .
قازىر، الى تاعى دا كينوعا قادام تاستاماقشى.كينو التايدىڭ جەرگىلىكتى جاراتىلىستىق كورىنىستەرى مەن اڭىزدارىن بويىنا ٴسىڭىرىپ، ەرجۇرەك، قىزۋ ىنتالى، اسقان قابىلەتتى الى شينجياڭنان اتتانىپ، بۇكىل ەلگە، ٴتىپتى بۇكىل دۇنيە جۇزىنە بەت الادى . ” ٴبىر كينو ارقىلى اناعۇرلىم كوپ ادامدى الىنى ۇناتۋدان باستاپ، شينجياڭدى، التايدى ۇناتىپ، ادامداردى الىنىڭ مەكەنىن كورۋگە ىنتىقتىرىپ، الىنى جەرگىلىكتى ساياحات كاسىبىنىڭ دامۋىنا دەم بەرەتىن ماركاعا اينالدىرامىز. “ ـ دەدى ارىسبەك .
شينجياڭداعى كوپ جەرلەر مادەنيەت-ساياحات ماركاسىن جاراتتى
سوڭعى جىلداردان بەرى ورنىقتىلىق تيىمدىلىگىنىڭ ۇزدىكسىز ارتۋىنا، سونداي ـ اق ساياحات ارقىلى شينجياڭدى گۇلدەندىرۋ ستراتەگياسىنىڭ جاپپاي اتقارىلۋىنا بايلانىستى، شينجياڭنىڭ جەر ـ جەرى جەرگىلىكتى ورىنداعى مادەنيەت –ساياحات ماركاسىن جاراتۋعا كۇش سالىپ، مادەنيەت بايلىعى جاسامپازدىعىن ساياحات ونىمدەرىنە اينالدىرۋ ارقىلى جەرگىلىكتى ورىننىڭ ساياحات كاسىبىن دامىتۋداعى قوزعاۋشى كۇشكە اينالدىرماقشى.
التايدى مىسالعا الساق، 4 جىلدىڭ الدىندا التايدىڭ ايگىلى ماركا وبرازىنان بۋرىلتوعاي اۋدانىنداعى ” فۋۋا “ جانە التاي قالاسىنداعى ” شۋەباۋ “ عانا بار ەدى. وسىدان كەيىن بۋىرشىن اۋدانىندا ” بۋبۋ “ جانە ” جينجين “ جارىق كوردى. 2018-جىلى جانە 2019-جىلى قىستا، بۋىرشىن جەرگىلىكتىڭ ايگىلى ماركا وبرازىن تاعى دا كەمەلدەندىرىپ، ” كىشكەنتاي جينليڭ “ نىڭ وبرازىن ەنگىزۋ ارقىلى بۇرىنعى ” بۋبۋ “ مەن ” جينجين “نەن ” جينليڭ اۋلەتىن “ قۇردى. مۇندا شىڭگىل اۋدانىنىڭ مادەنيەت-ساياحات كارتون وبرازى ” جاقسىنى “ اتاپ وتۋگە تاتيدى. بۇل اۋدان ” جاقسى “ نى بۇلىق قىستاعىنىڭ قۇرمەتتى قىستاق باستىعى ەتىپ تاعايىنداپ، ول ساياحات كاسىبىن ” باسقاردى “. التايداعى جەرگىلىكتى ٴبىر قىدىرۋ مادەنيەت-ساياحات وبرازى، جەرگىلىكتى ورىنعا دا تاماشا ونىمدىلىك الا كەلدى، 2018 ـ جىلدان 2019 ـ جىلعا دەيىنگى قىسقى، كوكتەمگى ساياحاتتا، جەرگىلىكتى ورىن 3 ميلليون 760 مىڭ ادام ـ رەت ساياحاتشى قابىلداپ، وتكەن جىلدىڭ ۇقساس مەزگىلىندەگىدەن % 61 ارتتى .
شينجياڭدا مادەنيەت-ساياحات ماركاسى تەك كارتون وبرازىن جاراتۋ ارقىلى ىسكە اسپاعان. حىجيڭ اۋدانى شىعىسقا ورالۋ تاريحى مادەنيەتى سىندى وزگەشە مادەنيەت بايلىعىنا سۇيەنىپ، ” شىعىسقا ورالۋ ەلەسى “ اتتى ناقتى كورىنىس تەاترىن جاسادى. بۇل تەاتر 2014 - جىلى رەسمي قويىلدى، ٴار جىلى 5-ايدان 10-ايعا دەيىن ٴار كۇنى مەملەكەتتىكA 5 دارەجەلى كورىنىس رايونى بايىنبۇلاق ساحاراسىندا قويىلادى، بۇل تەاتر حىجيڭ اۋدانىن سىرتقا ايگىلەيتىن تاماشا فيلىمگە اينالدى.
مادەنيەت - ساياحاتتىڭ جان تامىرى، ساياحات - مادەنيەتتىڭ دانەكەرى، ماركا مادەنيەت جانە ساياحاتتىڭ جارشىسى. ” ادامدار ٴبىر كارتون كەيىپكەر، ٴبىر وپەرا، ٴبىر ٴان، ٴبىر اۋىز ولەڭ ارقىلى ٴبىر قالاعا بارۋى مۇمكىن “. مىنە بۇل مادەنيەت جاسامپازدىعىنىڭ ساياحات كاسىبىنىڭ باسەكەلىك قۋاتىن ارتتىرۋداعى ەڭ جاقسى تۇسىندىرمەسى. ” ساياحات ماركاسى ساياحات تاۋارلارىنىڭ مازمۇنى مەن قۇنىن بارىنشا بايىتتى جانە كەمەلدەندىردى، مادەنيەت بايلىعى جاسامپازدىعىن ساياحات تاۋارىنا اينالدىرۋ ارقىلى مادەنيەتتىڭ قوسىمشا قۇنىن جاراتۋعا بولادى. بۇل جەر ـ جەردىڭ ساياحات كاسىبىنىڭ دامۋىن جەبەۋدە، جەرگىلىكتى ورىنعا تاماشا ەكونوميكالىق جانە قوعامدىق ونىمدىلىك اكەلۋدە بەلسەندى مانگە يە “، ـ دەدى التاي ايماقتىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى نيە پيڭ .
اۋدارعان: قادىر ماقان
