− باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
شار تاراپتاعى ىستەردىڭ تەتىگى ورتالىقتا بولادى. ءبىزدىڭ وسىنداي ۇلكەن پارتيامىزدى، ۇلكەن مەملەكەتىمىزدى ويداعىداي جونگە سالۋدا، پارتيا ورتالىق كوميتەتىنىڭ بەدەلىن قورعاۋ ايرىقشا ماڭىزدى، پارتيانىڭ ىنتىماعىنا، بىرلىگىنە كەپىلدىك ەتۋ ايرىقشا ماڭىزدى.
”’ەكىنى قورعاۋ‘ ارقىلى بۇكىل پارتيانىڭ ىنتىماعى مەن بىرلىگىنە جەتەكشىلىك ەتۋگە تاباندى بولايىق“، 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە، باس شۋجي شي جينپيڭ پارتيا 18 - قۇرىلتايىنان بەرى پارتيانىڭ ساياسي قۇرىلىسىندا قول جەتكىزگەن ماڭىزدى جەتىستىكتەردى تەرەڭ قورىتىندىلاپ، ”ەكىنى قورعاۋ“دىڭ ماڭىزدى ءمانىن ىشكەرىلەي بايىمداپ، ”ەكىنى قورعاۋ“دىڭ ساياسي سانالىلىعىن كۇشەيتۋ جونىندە ماڭىزدى ورنالاستىرۋ جاساپ، بۇكىل پارتيانىڭ ءبىر تۇتاس ەرىك پەن ارەكەت ارقىلى پارتيانىڭ ىنتىماعى مەن بىرلىگىن قورعاۋى، پارتيانىڭ ساياسي باسشىلىق قابىلەتىن، يدەيالىق جەتەكشىلىك ەتۋ قابىلەتىن، بۇقارانى ۇيىمداستىرۋ قابىلەتىن، قوعامدى اتتانىسقا كەلتىرۋ قابىلەتىن ۇزدىكسىز كۇشەيتۋى ءۇشىن ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى.
تۋى ايقىن تۇردە ساياسيدى دارىپتەۋ − پارتيامىزدىڭ ماركستىك ساياسي پارتيا بولۋداعى ءتۇبىرلى تالابى. پارتيانىڭ ساياسي قۇرىلىسى − پارتيانىڭ ءتۇبىرلى قۇرىلىسى، پارتيا قۇرىلىسىنىڭ بەتالىسى مەن ناتيجەسىن بەلگىلەيدى. پارتيانىڭ ساياسي قۇرىلىسىنىڭ ماڭداي الدى مىندەتى − بۇكىل پارتيانىڭ ورتالىق كوميتەتكە بويسۇنۋىنا كەپىلدىك ەتۋ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋ. پارتيانىڭ تاريحي تاجىريبەلەرى مىنانى كورسەتتى: پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا ويداعىداي تاباندى بولعاندا، پارتيا ىستەرى كوركەيىپ، داميدى؛ كەرىسىنشە بولسا، پارتيانىڭ ىستەرى ساتسىزدىككە ۇشىرايدى. پارتيا ورتالىعىنىڭ بەدەلىن باتىل قورعاۋ، بۇكىل پارتيانىڭ بۇيرىق - تيىمدارىنىڭ ورىندالۋىنا كەپىلدىك ەتۋ − پارتيا مەن مەملەكەتتىڭ بولاشاعى مەن تاعدىرىنا بايلانىستى، بۇكىل ەلدەگى ءار ۇلت حالقىنىڭ ءتۇبىرلى مۇددەسىنىڭ تياناعى.
”ەكىنى قورعاۋ“دى ورىنداۋعا تاباندى بولۋ − پارتيا 18 - قۇرىلتايىنان بەرگى پارتيامىزدىڭ كەلەلى ساياسي جەتىستىگى جانە باعالى تاجىريبەسى. شي جينپيڭ جولداستى ۇيتقى ەتكەن پارتيا ورتالىق كوميتەتى ”ءتورت تانىم“دى، ”ەكىنى قورعاۋ“دى ايقىن تۇردە باسا دارىپتەپ، ءبىرسىپىرا ايقىن تالاپتار قويىپ، كورنەكتى ناتيجەگە قول جەتكىزدى. ءبىز پارتيانىڭ ساياسي قۇرىلىسىن پارتيا قۇرىلىسىنىڭ ماڭداي الدى ورنىنا قويىپ، ءبىرسىپىرا ماڭىزدى تۇزىمدىك ورنالاستىرۋلار ارقىلى بۇكىل پارتيانىڭ سانالىلىقپەن پارتيا ورتالىق كوميتەتىنە قاراپ قاتار تۇزەۋىنە كەپىلدىك ەتىپ، ”ەكىنى قورعاۋ“دى باتىلدىقپەن امالياتتا ايگىلەۋىمىز؛ ءبىز پارتيا ورتالىق كوميتەتىنىڭ ماڭىزدى شەشىم - ورنالاستىرۋلارى قاي جەرگە بارسا، باقىلاۋ - تەكسەرۋدىڭ دە سول جەرگە بارۋىنا تاباندى بولىپ، پارتيا ۋستاۆىن، پارتيا قاعيداسىن دايەكتىلەندىرۋ، ۇلكەن ساياسات - باعىتتاردى اتقارۋ سياقتى جاعدايلارعا ساياسي باقىلاۋ جۇرگىزۋدى داعدىلى كۇيگە اينالدىرۋىمىز؛ ءبىز پارتيانىڭ ىشكى ساياسي تۇرمىسىن قاتايتىپ، ساياسي ءتارتىپ پەن ساياسي قاعيدانى قاتايتىپ، ادام تاڭداۋدىڭ، ادام ىستەتۋدىڭ دۇرىس باعدارىن ورناتىپ، پارتيانىڭ ىشكى ساياسي ەكولوگياسىن ۇزدىكسىز تازارتۋىمىز كەرەك. پارتيا مەن مەملەكەت ىستەرىندە تاريحي جەتىستىككە قول جەتكىزە الۋدىڭ، تاريحي وزگەرىس تۋىلۋدىڭ ەڭ ءتۇبىرلى سەبەبى باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن قالىپتاستىرىپ جانە ايقىنداپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولعاندىعىندا.
قازىر دۇنيە ءجۇزى 100 جىلدا بولماعان ۇلى وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر. نىساناعا نەعۇرلىم جاقىنداعان سايىن، جاعداي نەعۇرلىم كۇردەلىلەنگەن سايىن، مىندەت نەعۇرلىم اۋىرلاعان سايىن، جۇڭگو كوممۋنيستىك پارتياسى باسشىلىعىنىڭ ساياسي ابزالدىلىعى مەن جۇڭگوشا سوتسياليزمنىڭ تۇزىمدىك ابزالدىلىعىن سولعۇرلىم ساۋلەلەندىرۋىمىز، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنىڭ تىرەكتىك رولىن سولعۇرلىم ساۋلەلەندىرۋىمىز كەرەك. تەك بۇكىل پارتيادا وسكەلەڭ ساياسي سانالىلىقتى قاۋلاتىپ، ”ەكىنى قورعاۋ“دى باتىلدىقپەن ورىنداپ، ءبىر تۇتاس ەرىكپەن، ءبىر تۇتاس ارەكەتپەن، بىركەلكى قاداممەن العا باسۋعا شىنايى كەپىلدىك ەتكەندە عانا، پارتيامىز جاڭا بەينەمەن، جاڭا ىسكەرلىكپەن ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس جوسپارلاپ ىلگەرىلەتە الادى. ساياسيدى دارىپتەۋ ناقتى ءىس، ”ەكىنى قورعاۋ“ پارتيا ورتالىق كوميتەتىنىڭ شەشىم - ورنالاستىرۋلارىن باتىل دايەكتىلەندىرۋ ارەكەتىندە ايگىلەنۋى، مىندەت اتقارىپ، بورىش ادا ەتۋدىڭ، ءوز قىزمەتىن ويداعىداي ىستەۋدىڭ ناقتى ناتيجەسىندە ايگىلەنۋى، پارتيا مۇشەلەرىنىڭ، كادرلاردىڭ كۇندەلىكتى ءسوز - ارەكەتىندە ايگىلەنۋى كەرەك. بۇكىل پارتيا، ءسوز جوق، سانالىلىقپەن ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعايتىن ءتۇرلى تۇزىمدەردى كەمەلدەندىرىپ، پارتيا ورتالىق كوميتەتىنىڭ ماڭىزدى قىزمەتتەرگە باسشىلىق ەتۋ ءتۇزىلىسىن اقاۋسىزداندىرىپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا قاي - قاشان دا شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.
”ەكىنى قورعاۋ“دى ورىنداۋدا اقىلدىق جاقتان شىنايى مويىنداۋدى، سەزىمدىك جاقتان شىنايى مويىنداۋدى ايگىلەۋمەن بىرگە، قورعايتىن تاباندىلىق پەن قابىلەت تە بولۋ كەرەك. باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، ساياسي بەتالىستى ءدال يگەرىپ، پارتيانىڭ ساياسي باسشىلىعىنا تاباندى بولىپ، ساياسي نەگىزدى بەكەمدەپ، ساياسي ەكولوگيانى نارلەندىرىپ، ساياسي حاۋىپ - قاتەردەن ساقتانىپ، ساياسي قاسيەتتى ماڭگى ساقتاپ، ساياسي قابىلەتتى جوعارىلاتىپ، پارتيانى اناعۇرلىم قۋاتتى، پارمەندى ەتىپ قۇرىپ شىقساق، ءسوز جوق، پارتيامىزدىڭ قاي - قاشان دا جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتىپ، ”قوس 100 جىلدىق“ كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا پارمەندى ساياسي كەپىل ازىرلەي الامىز.
(شينحۋا اگەنتتىگىنىڭ 1 - ايدىڭ 17 - كۇنى بەيجيڭنەن بەرگەن حابارى)
