تيانشان تورى   ›   جاڭالىقتار   ›   ءۇرىمجى

شوكىرات زاكىر مەرەكە قارساڭىندا ءۇرىمجى قالاسىندا ەلەكترمەن قامداۋ سياقتى قىزمەتتەردى زەرتتەگەن، تەكسەرگەن كەزدە مىنالاردى باسا دارىپتەدى

حاۋىپسىزدىك جاۋاپكەرشىلىگىن قاتاڭ تياناقتاندىرىپ، مەرەكە كۇندەرىندەگى حاۋىپسىزدىككە، جاراسىمدىلىققا شىنايى كەپىلدىك ەتۋ كەرەك

 شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 1 - ايدىڭ 17 - كۇنى ۇرىمجىدەن حابارلايدى. كوكتەم مەرەكەسى تاياپ قالدى، 1 - ايدىڭ 17 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر مەملەكەت ەلەكتر تورابى شينجياڭ ەلەكتر قۋاتى شەكتى سەرىكتەستىگىنە، ءۇرىمجى قالالىق ءورت ءسوندىرۋ، ورتتەن ساقتانۋ، قۇتقارۋ - كومەك بەرۋ تارماق اترەتىنە، جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى ءۇرىمجى بەكەتىنە بارىپ، ەلەكترمەن قامداۋ، ءورت ءسوندىرۋ، ورتتەن ساقتانۋ حاۋىپسىزدىك قىزمەتى جانە كوكتەمگى تاسىمال سياقتىلار جونىندە زەرتتەۋ، تەكسەرۋ جۇرگىزدى.

  مەملەكەت ەلەكتر تورابى شينجياڭ ەلەكتر قۋاتى شەكتى سەرىكتەستىگى سايكەستىرۋ - مەڭگەرۋ ورتالىعىندا شوكىرات زاكىر كوكتەم مەرەكەسى مەزگىلىندەگى بۇكىل رايوننىڭ ەلەكتر قۋاتى حاۋىپسىز اينالىسىن قامتاماسىز ەتۋ جاعدايىنان جاسالعان مالىمەتتى تىڭداپ، ەلەكتر قۋاتى شەكتى سەرىكتەستىگى جۇمىسشى - قىزمەتكەرلەرىنە امانداسىپ جانە ولاردان حال سۇراپ، قىزمەت ورنىنان تاپجىلماعان ەلەكتر قۋاتى شەكتى سەرىكتەستىگى قىزمەتكەرلەرىنە العىس ءبىلدىرىپ، مەرەكەلىك تىلەك جەتكىزدى. ول مىنالاردى اتاپ كورسەتتى: ءبىر جىلدان بەرى، ەلەكتر قۋاتى تاراۋلارى جاڭا دامۋدى جۇزەگە اسىرىپ، ەكونوميكانىڭ، قوعامنىڭ دامۋى ءۇشىن كورنەكتى ۇلەس قوستى. ەلەكتر قۋاتى تاراۋلارى حاۋىپسىزدىك جاۋاپكەرشىلىگىن اناعۇرلىم تياناقتاندىرىپ، مەرەكە كەزىندەگى ەلەكتر تورابىنىڭ حاۋىپسىز اينالىسىنا، ەلەكتر قۋاتىمەن ورنىقتى قامداۋعا كەپىلدىك ەتۋى كەرەك.

  تەكسەرۋ - زەرتتەۋدە شوكىرات زاكىر ءۇرىمجى قالالىق ءورت ءسوندىرۋ، ورتتەن ساقتانۋ، قۇتقارۋ تارماق اترەتىنىڭ قىزمەت مالىمەتىن تىڭدادى، سونداي - اق ءورت ءسوندىرۋ، ورتتەن ساقتانۋ نەگىزدىك قۇرىلعىلارىن، قۇتقارۋ ارناۋلى جابدىقتارىنىڭ سەپتەلۋ احۋالىن مۇقيات تەكسەرىپ، ءورت ءسوندىرۋ، ورتتەن ساقتانۋ كوماندير - جاۋىنگەرلەرىمەن بەينە ەكراندا جۇزدەسىپ، نەگىزگى ساتىداعى ءورت ءسوندىرۋ، ورتتەن ساقتانۋ ورىندارىنىڭ شايقاس دايىندىعىن، قىزمەت اتقارۋ جاعدايىن ۇلگى الىپ تەكسەردى. ول مىنالاردى باسا دارىپتەدى: كوكتەم مەرەكەسى جاقىندادى، ادام اينالىمى، زات اينالىمى شوعىرلى كەزەڭدە، ءورت ءسوندىرۋ، ورتتەن ساقتانۋ حاۋىپسىزدىگى قىزمەتىنە اناعۇرلىم وسكەلەڭ ءمان بەرىپ، باستان - اياق حالىق بۇقاراسىنىڭ ءومىرىنىڭ حاۋىپسىزدىگىن ءبىرىنشى ورىنعا قويىپ، ءورت ءسوندىرۋ، ورتتەن ساقتانۋ حاۋىپسىزدىگى شىرعالاڭىنىڭ تۋىلۋىنان قاتاڭ ساقتانىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتۋ كەرەك؛ ءورت ءسوندىرۋ، ورتتەن ساقتانۋ بىلىمدەرىن جالپىلاستىرۋدى كۇشەيتىپ، بۇقارانىڭ ءورت ءسوندىرۋ، ورتتەن ساقتانۋ حاۋىپسىزدىگى تانىمىن جوعارىلاتىپ، باس اماندىقتى ءونىمدى قامتاماسىز ەتۋ كەرەك.

  كوكتەمگى تاسىمال باستالعالى ءبىر اپتا بولدى، ءۇرىمجى بەكەتىنىڭ كۇندىك جولاۋشى مولشەرى ورتا ەسەپپەن 60 مىڭ ادام - رەتتەن استى. شوكىرات زاكىر كۇتۋ بولمەسىنە كىرىپ، جولاۋشىلارمەن ىقىلاسپەن اڭگىمەلەسىپ، كوپشىلىكتىڭ ساپارلارىنىڭ ءساتتى، كوكتەم مەرەكەلەرىنىڭ كوڭىلدى بولۋىن تىلەدى، سونداي - اق ۋنيۆەرسال قولباسشىلىق ورتالىعىنداعى كەزەكشى قىزمەتكەرلەرگە امانداسا بارىپ، ولاردان حال سۇرادى. ول بىلاي دەدى: قالىڭ كوكتەمگى تاسىمال قىزمەتكەرلەرى بارشا وتباسىلاردىڭ باس قوسۋى ءۇشىن قىزمەت ورىندارىنان تاپجىلماي، جاپاكەشتىكپەن قىزمەت ىستەپ، قالتقىسىز ۇلەس قوسۋدا، كوپشىلىكتىڭ ۇزدىكسىز قۇلشىنىپ، ءتۇرلى قامتاماسىزدىق شارالارىن اناعۇرلىم قاتاڭ، اناعۇرلىم ەگجەي - تەگجەيلى جاقسى تياناقتاندىرىپ، حاۋىپسىزدىكتى تەكسەرۋدى شىنايى جاقسى ىستەپ، ەشقانداي اعاتتىق جىبەرمەۋگە كەپىلدىك ەتىپ، ءاربىر جولاۋشىنىڭ ۇيلەرىنە امان - ەسەن، ءساتتى جەتۋىنە مۇمكىندىك جاراتۋىن ءۇمىت ەتەمىن.

  زەرتتەۋ، تەكسەرۋ بارىسىندا، شوكىرات زاكىر مىنالاردى باسا دارىپتەدى: كوكتەم مەرەكەسى جەتىپ كەلۋ الدىندا تۇر، ادامدار شوعىرلى جەرلەردە ءورت ءسوندىرۋ، ورتتەن ساقتانۋ حاۋىپسىزدىگى، قاتىناس - تاسىمال حاۋىپسىزدىگى، تورسىلداق حاۋىپسىزدىگى دەگەندەردىڭ بارلىعى ساقتىقتى قاتايتۋعا ءتيىستى ماڭىزدى تۇيىندەر، جەر - جەر، تاراۋلار، ورىندار، ءسوز جوق، قىراعىلىقتى ارتتىرىپ، پارمەندى شارالار قولدانىپ، ءار ءتۇرلى حاۋىپسىزدىك شىرعالاڭدارىنىڭ تۋىلۋىنان قاتاڭ ساقتانىپ، ءوندىرىس حاۋىپسىزدىگى جاعدايىنىڭ ورنىقتىلىعىنا شىنايى كەپىلدىك ەتۋ كەرەك. قاتىستى ورىندار مەن تاراۋلار حاۋىپسىزدىك جاۋاپكەرشىلىگىن تياناقتاندىرۋدى كۇشەيتىپ، كوكتەمگى تاسىمالدىڭ حاۋىپسىز، ءتارتىپتى جۇرىلۋىنە شىنايى كەپىلدىك ەتىپ، كوكتەمگى تاسىمالعا قىزمەت وتەۋ ورەسىن جان - جاقتىلى جاقسارتىپ جانە جوعارىلاتىپ، اۋىلىنا قايتقان بۇقاراعا وتباسىنىڭ مەيىرىن سەزىندىرۋ كەرەك. قىزمەت شارالارىن ناقتىلاندىرىپ، تۇلعالىق جاۋاپكەرشىلىكتى ايقىنداپ، ەنەرگيامەن قامداۋدى كۇشەيتىپ، ءار ۇلت بۇقاراسىنىڭ دۋماندى، بەرەكەلى مەرەكە وتكىزۋىنە مۇمكىندىك جاراتۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين تەكسەرۋ - زەرتتەۋدە بىرگە بولدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.