قازىنا فۋنكتسياسىن ساۋلەلەندىرىپ، ەكونوميكانىڭ باياندى، اقاۋسىز دامۋىن ىلگەرىلەتەيىك
شينجياڭ گازەتىنىڭ جالپىلىق اقپارات قۇرالدارىنىڭ ءتىلشىسى ميھىرگۇل ناسىر 1 - ايدىڭ 16 - كۇنى ۇرىمجىدەن حابارلايدى. 1 - ايدىڭ 16 - كۇنى اۆتونوميالى رايوننىڭ قازىنا قىزمەتى ءماجىلىسى ۇرىمجىدە اشىلدى. بيىل تۇتاس رايونىمىزدىڭ ادەتتەگى الەۋمەتتىك مەجە ەسەپ كىرىسى مەجەلى نىساناسى 162 ميلليارد 450 ميلليون يۋان بولىپ ورىندالىپ، ％3 اينالاسىندا ارتادى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: 2019 - جىلى بۇكىل رايونىمىزدىڭ قازىنا جۇيەسى ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن ىشكەرىلەي دايەكتىلەندىرىپ، جوعارى ساپالى دامۋ تالابىن تياناقتاندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ارتۋدى ورنىقتىرۋدى، رەفورمانى جەبەۋدى، قۇرىلىمدى رەتتەۋدى، حالىق تۇرمىسىنا تيىمدىلىك جاساۋدى، حاۋىپ - قاتەردەن ساقتانۋدى، ورنىقتىلقتى ساقتاۋدى ءبىر تۇتاس جوسپارلاپ ىلگەرىلەتىپ، قوعام ورنىقتىلىعىن قورعاۋ، ۇلتتار ىنتىماعىن جەبەۋ، ەكونوميكالىق دامۋدى ىلگەرىلەتۋ جانە حالىق تۇرمىسىن جاقسارتۋ سياقتى جاقتاردا ماڭىزدى تىرەكتىك، قامتاماسىز ەتۋ رولىن ساۋلەلەندىردى.
ءماجىلىس مىنالاردى باسا دارىپتەدى: 2020 - جىلى بۇكىل رايونىمىزدىڭ قازىنا قىزمەتىندە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ءۇش ءىرى قامال الۋ شايقاسىن تاباندى، باتىل ويداعىداي جۇرگىزىپ، ءتۇيىندى دامۋ ستراتەگياسىن كۇش سالا اتقارىپ، قازىنالىق ساياساتتىڭ، قارجىنىڭ رولىن ويداعىداي ساۋلەلەندىرىپ، قازىنالىق قولداۋ سەرپىنىن ارتتىرىپ، قالا مەن اۋىلدىڭ توعىسا دامۋىن جەبەۋ كەرەك.
ءماجىلىس مىنالاردى تالاپ ەتتى: بۇكىل رايونىمىزدىڭ قازىنا جۇيەسى جاڭا جاعدايداعى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ ءتۇرلى ساياسات، شارالارىن قاز - قالپىندا دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ رۋحىن تياناقتاندىرىپ، قازىنالىق كىرىس - شىعىس، حالىق تۇرمىسىن قامتاماسىز ەتۋ جانە جاقسارتۋ، قازىنا - سالىق ءتۇزىلىسى رەفورماسىن ىلگەرىلەتۋ، ۇكىمەت قارىزىن باسقارۋدى كۇشەيتۋ، مەجە ەسەپ ناتيجەسىن باسقارۋدى جاپپاي اتقارۋ، قازىنالىق باقىلاۋ - باسقارۋدى كۇشەيتۋ، پارتيانى جاپپاي قاتاڭ جونگە سالۋ سياقتى ءتۇيىندى قىزمەتتەردى جاپپاي ويداعىداي ىستەپ، قازىنا فۋنكتسياسىن ساۋلەلەندىرىپ، ەكونوميكانىڭ باياندى، اقاۋسىز دامۋىن ىلگەرىلەتۋ كەرەك.
