شينحۋا اگەنتتىگىنىڭ 1 - ايدىڭ 18 - كۇنى نايپيداۋدان بەرگەن حابارى (تىلشىلەر لي جۇڭفا، مىڭ نا). جەرگىلىكتى ۋاقىت 1 - ايدىڭ 18 - كۇنى تۇستەن بۇرىن مەملەكەت ءتوراعاسى شي جينپيڭ نايپيداۋداعى تۇسكەن قوناقجايىندا بيرمانىڭ مەملەكەت قورعانىس ارمياسىنىڭ باس سىليڭى ميناڭلايمەن كەزدەستى.
شي جينپيڭ بىلاي دەپ اتاپ كورسەتتى: مەنىڭ وسى رەتكى ساپارىم جۇڭگو مەملەكەت ءتوراعاسىنىڭ اراعا 19 جىل سالىپ، بيرماعا تاعى دا مەملەكەتتىك ساپاردا بولۋى ءارى مەنىڭ جاڭا جىلداعى تۇڭعىش ساپارىم بولىپ، كەزەكتەگى جۇڭگو - بيرما قارىم - قاتىناسىنىڭ جوعارى دەڭگەيىن ايگىلەدى. جۇڭگو مەن بيرما ديپلوماتيالىق قارىم - قاتىناس ورناتقان 70 جىلدان بەرى، ەكى ەلدىڭ ءارقايسىسىندا قانداي وزگەرىس بولسىن، ەكى جاقتى قارىم - قاتىناستا قانداي تولقۋلار بولسا دا، اقىرىندا تىعىز سەلبەسۋدىڭ، ءوزارا قولداۋ كورسەتۋدىڭ دۇرىس ارناسىنا ءتۇستى. ەكى جاق، ءسوز جوق، قىمباتتى باۋىرلاستىق سۇيىسپەنشىلىكتى ويداعىداي قورعاپ، ويداعىداي دامىتىپ، ”ءبىر بەلدەۋ، ءبىر جول“ اياسىنداعى ناقتى سەلبەستىكتىڭ ەرتەرەك تابىسقا جەتۋىن، حالىقتارعا تيىمدىلىك جەتكىزۋىن ىلگەرىلەتۋ كەرەك. جۇڭگو - بيرما قارىم - قاتىناسىن دامىتۋ ەكى ەلدىڭ ءار سالا حالىقتارىنىڭ كۇش بىرىكتىرىپ سەلبەسۋىنە سۇيەنەدى، ەكى ارميانىڭ اۋىس - كۇيىسىنەن، سەلبەستىگىنەن دە ايرىلا المايدى. باس سىليڭ مەن بيرما ارميا جاعىنىڭ جۇڭگونىڭ ارميا جاعىمەن بارىس - كەلىستى كۇشەيتىپ، جۇڭگو مەن بيرمانىڭ تاعدىرلاس ورتاق تۇلعاسى قۇرىلىسىن بىرگە ىلگەرىلەتۋىن ءۇمىت ەتەمىن. ەكى جاق تىزە قوسا قۇلشىنىپ، شەكارا ءوڭىردىڭ بەيبىتشىلىگىن، ورنىقتىلىعىن قورعاپ، شەكارا ءوڭىر ەكونوميكاسىنىڭ دامۋىن جەبەۋگە تاماشا شارت - جاعداي جاراتۋ كەرەك.
شي جينپيڭ بىلاي دەپ باسا دارىپتەدى: جۇڭگو مەن بيرما بەيبىت قاتار تۇرۋ بەس پرينسيبىنىڭ باستاماشى ەلدەرى. جۇڭگو باستان - اياق وزگە ەلدەردىڭ ىشكى ىسىنە كيلىكپەۋگە تاباندى بولادى، ءار ەل حالىقتارىنىڭ وزىنە - ءوزى قوجايىن بولىپ تاڭداعان دامۋ جولىنا قۇرمەت ەتۋگە تاباندى بولادى. ەكى جاق ۇزدىكسىز ءوزارا ءتۇسىنىپ، ءوزارا قولداپ، سايكەسۋدى كۇشەيتىپ، باتىل تۇردە وزدەرىنىڭ يەلىك ۇقىعىن، حاۋىپسىزدىگىن جانە دامۋ مۇددەسىن ويداعىداي قورعاۋ، ءبىزدىڭ ورتاق ورىندى ۇقىق - مۇددەمىزدى ويداعىداي قورعاۋ، حالىقارالىق قارىم - قاتىناستىڭ نەگىزگى ولشەمىن ويداعىداي قورعاۋ كەرەك. جۇڭگو جاق حالىقارادا ۇزدىكسىز تۇردە بيرما جاق ءۇشىن ادىلدىكتى سويلەيدى.
ميناڭلاي مىنالاردى ءبىلدىردى: ءتوراعا شي جينپيڭنىڭ وسى رەت بيرماعا ساپارلاۋىنىڭ ورايى ەرەكشە، ءمانى كەلەلى، تابىسى قوماقتى، بيرما - جۇڭگو قارىم - قاتىناسىنىڭ بيىك دەڭگەيى مەن تەرەڭدىگىن تولىق ايگىلەدى. كەشە ءتوراعا شي جينپيڭ بيرما مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن قۇتتىقتاۋ قيمىلىنا قاتىناستى ءارى بيرما - جۇڭگو تاعدىرلاس ورتاق تۇلعاسىن قۇرۋدى جاريالادى، بۇل ەكى ەل قارىم - قاتىناسى جونىنەن ماڭىزدى تاريحي مانگە يە. بيرما جاق جۇڭگونىڭ دامۋدا قول جەتكىزگەن وراسان زور تابىسىنا شىنايى قۋانادى، جۇڭگو جاقتىڭ ۇزاق ۋاقىتتان بەرى بيرمانىڭ ەكونوميكاسىنىڭ، قوعامىنىڭ دامۋى مەن مەملەكەت قورعانىسى قۇرىلىسىنا كورسەتكەن كومەگىنە العىس ايتادى، جۇڭگونىڭ تابىستى تاجىريبەلەرىنەن ۇيرەنىپ، ۇلگى الىپ، بيرما ەلىنىڭ بەيبىتشىلىگى مەن دامۋىن جۇزەگە اسىرۋدى شىنايى ءۇمىت ەتەدى. بيرما ءبىر جۇڭگو پرينسيبىن باتىل ۇستانادى، شياڭگاڭعا ساياتىن، شينجياڭعا ساياتىن ماسەلەلەر بۇكىلدەي جۇڭگونىڭ ىشكى ءىسى، شەتەل كيلىكپەۋ ءتيىس دەپ قارايدى. مەن مىندەت وتەگەن مەرزىمىمدە بيرما مەن جۇڭگونىڭ باۋىرلاستىق سۇيىسپەنشىلىگى مەن ەكى ارميانىڭ قارىم قاتىناسىنا مۇراگەرلىك ەتىپ جانە ونى تەرەڭدەتۋگە كۇش سالىپ، ”ءبىر بەلدەۋ، ءبىر جول“دى جانە بيرما - جۇڭگو ەكونوميكا ءدالىزىن بىرگە قۇرۋعا بەلسەندىلىكپەن قولداۋ كورسەتەمىن، بيرما - جۇڭگو تاعدىرلاس ورتاق تۇلعاسىن قۇرۋدى بەلسەندىلىكپەن ىلگەرىلەتەمىن.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.
