كوكتەم مەرەكەسى كەلۋ بايلانىسىمەن، مەرەكەلىك تۇسكە ەندى. تۇمشالامالى شىراق ساتىپ الۋ، تۇمشالامالى شىراق ءتىلۋ جاڭا جىلدىڭ سالتى، وسى قىپ-قىزىل تۇمشالامالى شام ون مىڭداعان وتباسىنا كوكتەم مەرەكەسىنە تىلەك بىلدىرۋمەن بىرگە حوتان ايماعى لوپ اۋدانى دول اۋىلى قوعاچى ارىق قىستاعىنىڭ تۇرعىندارىن جۇمىسقا ورنالاسىپ كىرىستەرىن ارتتىرۋدىڭ جاڭا ارناسىمەن قامدادى.
1-ايدىڭ 18-كۇنى، قوعاچى ارىق قىستاعىنا ورنالاسقان لوپ اۋداندىق جياڭمانيۋان گۇڭدىڭ شىراق زاۆودى جاڭا وندىرىلگەن شىراقتاردى قوراپتاپ جونەلتۋ الدىندا. ءوندىرىس سەحى ءتىپتى دۋماندى ەڭبەك كورىنىسىن كورۋگە بولادى: شۇپەرەك تىگۋ، قۇرىلىسىن ورنالاستىرۋ، زەر ءجىپ وراۋ...نەشە ونداعان جۇمىسشى ءوز مىندەتتەرىن ورىنداۋمەن قاربالاستىققا ءتۇستى.
تۇمشالامالى شىراققا زەر ءجىپ وراپ جاتقان جۇمىسكەر مۇكارام ازەز: ”ءبىز جاساعان تۇمشالامالى شىراقتاردىڭ بارلىق وتباسىلارىنا ىلىنەتىنىن ويلاعاندا تابىس سەزىمى كەرنەيدى“. مۇكارام ازەز قوعاچى ارىق قىستاعىنداعى قاراپايىم وتباسى ايەلى، گۇڭدىڭ شىراق زاۆودى قۇرىلعاننان كەيىن، ول بەلسەندىلىكپەن تىزىمدەلدى ءارى ءارقايسى قىزمەت ءتارتىبىن تەز يگەرىپ، سەحتىڭ گرۋپپا باستىعى بولدى.
قىزمەت رايونىنىڭ قاسىنداعى بوس جەرگە جاسالىپ بولعان تۇمشالامالى شىراقتار ءتىزىلدى؛ سەحتاعى بوس جەرگە دە ءار ءتۇرلى فورماداعى ماتەريالدار مەن تۇمشالامالى شىراقتار ءتىزىلدى. قازىر، قوعاچى ارىق قىستاعىندا 30 دان استام ارتىق ەڭبەككۇش وسى شىراق زاۆودىندا جۇمىسقا ورنالاستى، جان باسىنىڭ ايلىق كىرىسى ورتا ەسەپپەن 1500 يۋان.
ۇعىسۋعا قاراعاندا، لوپ اۋدانى جياڭمانيۋان گۇڭدىڭ شىراق زاۆودى لوپ اۋدانى مەردىگەر شاقىرىپ قارجى ەنگىزۋ ارقىلى كەدەيلەردى سۇيەمەلدەۋ سەحىنان پايدالانىپ قۇرعان ەڭبەك كاسىپورىنى. زاۆودقا قوسىلعان جالپى قارجى 700 مىڭ يۋان، 2019-جىلى 11-ايدان باستاپ پايدالانۋعا بەرىلگەن، باستىسى تۇمشالامالى شىراق جاساۋمەن شۇعىلدانادى. قازىرگە دەيىن، وسى زاۆود 90 مىڭنان استام مەرەكەلىك شىراق ءوندىرىپ، ىركەس-تىركەس ماڭىنداعى بازارلارعا ساتىلدى.
وسى زاۆودتىڭ جاۋاپتىسى ليۋ لين بىلاي دەدى: ”ءبىزدىڭ شيكىزاتىمىز شىراق مەكەنى حىبەي گاۋچىڭنان كەلەدى، ەڭ جاقسى ماتەريال جانە تەحنولوگيا ارقىلى جەرگىلىكتى ورىن مەن توڭىرەكتەگى بازاردى تولىقتىرىپ، دۋماندى مەرەكەلىك راي قالىپتاستىرۋمەن بىرگە قىستاق تۇرعىندارىنىڭ ءوز جەرىندە جاقىن ماڭنان كاسىپتەنۋىن جۇزەگە اسىرىپ، ارحيۆ تۇرعىزىپ كارتچكالانعان وتباسىلارىنىڭ كىرىستەرىن ارتتىرىپ، اۋقاتتانۋىنا كومەكتەسۋىن ءۇمىت ەتەمىن“.
