1
بىرەۋلەر: ”ءتىل دەگەنىمىز — كەرگىش، سۇيىسپەنشىلىكتى ۇزارتادى“،-دەگەن ەكەن. ءسىزدى تۇسىنەتىن اداممەن سويلەسسەڭىز، قاراپايىم ءبىر اۋىز بولسا دا ويىڭىزدى تۇسىنە الادى.
ەگدە جۇبايلاردىڭ وتاسقالى 60 جىلعا تاياپتى، اتاي ”سۋ“ دەسە بولعانى، اجەي ول ەڭ جاقسى كورەتىن الاقات پەن كۇرەڭكەي سالىپ شاي دەمدەپ بەرەدى ەكەن. اجەي ”اۋىردىم“ دەسە، اتاي ۋقالاۋ اسپابىن اجەيدىڭ وڭ يىعىنا قويىپ بەرەدى ەكەن.
ءوزىڭىزدى تۇسىنەتىن اداممەن بىرگە بولعاندا، قاتە سويلەپ الۋدان الاڭدامايسىز. ول ءسىزدىڭ اۋەسىڭىزدى تۇسىنەدى، ادەتىڭىزدى بىلەدى، ءسىز قاجەت ەتكەن تاسىلمەن ءسىزدى سۇيەدى. ول ءسىزدىڭ مۇڭىڭىزدى تىڭدايدى، كوڭىل-كۇيىڭىزدى سەزىنە الادى، سىزگە ەڭ قاجەت ەتكەندەي كوڭىل بولەدى جانە جۇباتادى.
تۇرمىستا، ءبىز كوپتەگەن ”تۇسىنبەيتىن“ ادامدارعا كەزدەسەمىز، سويلەۋگە دە شارشايسىز، ولار دا تىڭداۋدان جالىعادى. ”مەن سەنى جاقسى كورەمىن“ دەسەڭىز، ولار ءسىزدى كولگىرسىدى دەپ ويلايدى؛ ءسىز ”شارشادىم“ دەسەڭىز دە ولار كرەسلودا جاتىپ قول تەلەفون وينايدى؛ ءسىز ”مەنىڭ ناتيجە شىعارعىم كەلەدى“ دەسەڭىز“ ول: ”ونداي قابىلەتىڭ جوق“،-دەيدى.
ءسىزدى تۇسىنبەيتىن ادام ءسىزدىڭ جاعدايىڭىزدى تۇسىنبەيدى، كوڭىل-كۇيىڭىزدى سەزىنە المايدى، ءسىزدىڭ ازابىڭىزدى دا بىلمەيدى. ءسىزدىڭ قۋانىشىڭىز، تابىسىڭىز ونىڭ نازارىندا ماقتانۋ عانا بولماق.
كەيبىر سوزدەردى دۇرىس ادامعا جولىقپاساڭىز، ايتپاساڭىز دا بولادى. ءومىر ءالى الدا، بارلىعىمىزدىڭ سىرلاس بولۋىمىزعا بولادى.
2
بىرەر ىسكە ۋادە بەرىپ الىپ، ورىندامايتىن، كەزدەسەتىن ۋاقىتتى بەلگىلەپ بولىپ، ۋاقىتتى شەگەرەتىندەر؛ سەلبەستىككەن ماسەلە شىقسا باسقالاردى جازعىرىپ، سەبەبىن وزىنەن ىزدەمەيتىندەر ءسىزدى جالىقتىراما؟
ۋاقىت ۇزارا كەلە، مۇنداي يتەرمەلەۋ مەن ەسەپتەسۋلەر ”اقىلدان اداسقاندىق“ بولىپ، سەنىمىن جوعالىپ، جۇرت كوڭىلىنەن ايىرىلادى.
بىرەۋلەر: ”جۇمىس ىستەگەندە سەنىمدى اداممەن سەلبەسۋ كەرەك، زەرەك ادەممەن تەك اڭگىمەلەسۋگە بولادى“،-دەيدى. بۇل دۇنيەدە، زەرەك ادامدار از ەمەس، ال سەلبەسۋگە بولاتىن سەنىمدى ادامدار سيرەك كەزدەسەدى.
الدىڭعى جولى ءبىر حاباردان، ءبىر باس جورانىڭ ماجىلىسكە قاتىناسىپ، ءسوز سويلەگەنىن كوردىم، قويىلعان PPT دا كوپتەگەن قاتەلىكتەر بولارىن ەشكىم دە ويلاماعان ەدى. وسى تۇردەگى مەڭگەرۋ قىزمەتكەرلەرى مەن باسقارۋشىلاردىڭ ابايسىزدىعىنان تۋىلاتىن تومەن دارەجەلى قاتەلىكتەر سەرىكتەستىكتىڭ وبرازىنا اۋىر ىقپال جەتكىزەدى. بۇنىڭ استارىندا سەنىمسىزدىك بەينەلەنىپ جاتىر.
سەنىمسىز اداممەن سەلبەسكەندە، تابىس پەن وقىستىڭ قايسىسى الدىمەن كەلەرىن بىلمەيسىز. ال سەنىمدى اداممەن سەلبەسسەڭىز، كوڭىلىڭىز ورنىقتى بولىپ، ءوزارا سەنىمدىلىك پەن قولداۋ تابىسقا جەتەلەيدى.
ادامدار اراسىنداعى تاتۋلىق ادالدىقتان، سەلبەستىك سەنىمدىلىكتەن كەلەدى. بۇكپەسىز، تياناقتى بولعاندا عانا اناعۇرلىم كوپ سەلبەسۋ ورايى بولادى.
3
ادامنىڭ ەڭ قورقاتىنى نە؟ بۇكپەسىز بولسادا سالقىن مامىلەگە يە بولۋ.
بارلىق ادام باسقالاردىڭ ايالاۋىن، شىن مامىلەدە بولۋىن قالايدى، ءبىراق كەيبىر ادامدار سۇيىسپەنشىلىكتى پايدالانىپ، كولگىرسىپ الداپ سوعادى.
جاقىن دوسىمنان مىناداي ءبىر اڭگىمە ەستىدىم: قىزبالا ماحابباتتاسقانىنا 3 جىل بولعان جىگىتىمەن ۇيلەنۋ دايىندىعىن جاسايدى، ال جىگىت تويدان ءبىر اپتا بۇرىن حابارسىز كەتەدى. قىزبالا جىگىتتىڭ وزىمەن ۇيلەنۋ نيەتى جوق ەكەنىن، ونىمەن بىرگە بولۋ تەك وزىنە قارايلاساتىن بىرەۋدىڭ بار بولعانى، اقشا جۇمساۋ ءۇشىن قانا ەكەنىن كەيىن ءبىراق بىلەدى. جىگىت تويعا دايىنداعان 300 مىڭ يۋاندى الىپ قۇمارعا تىگىپ، جاسىرىنىپ قالىپ، كەزدەسۋگە باتىلدىق ەتە المايدى.
ەگەر ءبىر ادام ۇنەمى پايدا-زياندى سۇيىسپەنشىلىكتەن دە ماڭىزدى ورىنعا قويىپ، ءوزىنىڭ بەرگەن بوداۋىن باسقالاردان ارتىق كورەتىن بولسا، ۋاقىت ۇزارا كەلە ماحاببات قابىلەتىنەن ايىرىلىپ، باقىتتان دا الىستاي تۇسەدى.
سۇيىسپەنشىلىك ايالاۋ مەن قاستەرلەۋگە مۇحتاج، بار ىنتا-پەيىلىن ارناۋعا تاتيتىن ادامعا جولىققاندا ورىنسىز بوداۋ بەرمەيتىن بولاسىز. ءومىر جولى ۇزاق، ءسىزدى تۇسىنەتىن، قارايلاساتىن، ءسىزدى سۇيەتىن ادامعا جولىعۋ ءبىر ءتۇرلى تالەي.
بارلىقتارىڭىزدىڭ وزدەرىڭىزدى تۇسىنەتىن، سەنىمدى ادامدارعا جولىعۋلارىڭىزعا تىلەكتەسپىز.
