تيانشان تورى
تيانشان تورى   ›   ۇيرەنۋ   ›   شولۋ

كوكىرەك تولى قويۋ سۇيىسپەنشىلىكپەن گۇلدەنگەن زاماندى جىرلاپ، تۋراشىلدىقتان تايماي، جاڭالىق اشىپ جاڭا تاراۋ جازدى

− 2019 - جىلعى اۆتونوميالى رايوننىڭ ۇگىت، يدەيا، مادەنيەت قىزمەتىنە جالپى شولۋ

شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ

  2019 - جىل − شينجياڭنىڭ دامۋ تاريحىنداعى كەلەلى مانگە يە ءبىر جىل. 70 جىل ارىنداي العا تارتىپ، 70 جىل قاجىرلىلىقپەن ەڭبەكتەنىپ، بۇكىل ەلدەگى ءار ۇلت حالقىمەن بىرگە بولعان تيانشان پەرزەنتتەرى كوكىرەك تولى قويۋ سۇيىسپەنشىلىكپەن گۇلدەنگەن زاماندى جىرلاپ، جۇڭحۋانىڭ بايتاق دالاسىنداعى جويقىن وزگەرىستەردى شاتتانا تويلادى!

  وسى جىلى بۇكىل رايوننىڭ ۇگىت، يدەيا شەبى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ۇزدىكسىز ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، تۋ ۇستاۋ، جۇرت تىلەگىن توعىستىرۋ، جاڭا ادام تاربيەلەۋ، مادەنيەتتى وركەندەتۋ، وبرازدى ايگىلەۋ سىندى بورىش - مىندەتتى سانالىلىقپەن ارقالاپ، جاڭا جاعدايداعى ۇگىت، يدەيا قىزمەتىن شىنايى ويداعىداي ىستەپ، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋگە، جۇڭگوشا سوتسياليستىك شينجياڭ قۇرۋعا پارمەندى يدەيالىق كەپىل جانە قۋاتتى رۋحاني كۇش ازىرلەدى.

    تۋدى بيىك جەلبىرەتىپ، پارتيانىڭ جاسامپاز نازارياسىنىڭ تياناقتانىپ، تامىر تارتۋىن ىلگەرىلەتتى

  باعىتىڭدى بىلسەڭ باعدارىڭنان اداسپايسىڭ، ماقساتىڭ ايقىن بولسا قوزعاۋشى كۇشىڭ تاسقىندايدى.

  ءبىر جىلدان بەرى ۇگىت، يدەيا، مادەنيەت شەبى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، ۇگىتتەۋدى، دايەكتىلەندىرۋدى ماڭداي الدى ساياسي مىندەت ەتىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن ۇشتاستىرىپ، تاباندىلىقپەن پارتيانىڭ جاسامپاز نازارياسىمەن پارتيالى كادرلاردى قارۋلاندىرىپ، ءار ۇلت بۇقاراسىن تاربيەلەپ، پارتيا تۋىن تيانشاننىڭ تۇستىگى مەن تەرىستىگىندە بيىكتەن جەلبىرەتتى.

  نازاريا ۇيرەنۋ تۋىن بيىك ۇستاپ، بەتالىسقا جەتەكتەدى. ءار دارەجەلى پارتكومداردىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسىنىڭ ۇيرەنۋىنە جەتەكشىلىك ەتۋدى كۇشەيتىپ، تاجىريبە، ادىستەردى قورىتىندىلاپ، سۇرىپتاپ، ءبىر توپ ۇلگى ساباقتى العا تارتىپ، وزەكتى ۇيرەنۋ گرۋپپاسىنىڭ ۇيرەنۋىن تۇزىمدەندىرۋ، جۇيەلىلەندىرۋ قۇرىلىسىندا جاڭا ىلگەرىلەۋشىلىكتەرگە قول جەتكىزدى؛ «شي جينپيڭ ەل باسقارۋ جونىندە» (2 - تومى)، «شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ باعدارلاماسى» سياقتى كىتاپتار پارتيالى كادرلار الدىمەن ۇيرەنەتىن كلاسسيكالىق شىعارماعا اينالدى؛ ”ۇيرەنۋدە قۇدىرەتتى ەل“ كۇندەلىكتى ۇيرەنەتىن ساباققا اينالدى، 33 مىڭ 733 ۇيرەنۋ ۇيىمى، ءبىر ميلليوننان استام پارتيا مۇشەسى قول تەلەفون ارقىلى بىلىمدەرىن تولىقتىرا ءتۇستى. ۇيرەنۋدى ارداقتاۋ تيانشاننىڭ تۇستىگى مەن تەرىستىگىندە داعدىعا اينالىپ، ۇيرەنۋدەن جازباۋ ارەكەت سانالىلىعىنا اينالدى.

  نازاريالىق ۇگىت وي - ساناعا، جۇرەككە ۇيالادى، تاتىمدى ءتالىم بولدى. پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسى، «شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ باعدارلاماسى»، جاڭا جۇڭگو قۇرىلعان 70 جىلداعى دامۋ جەتىستىكتەرى سياقتى نەگىزگى تاقىرىپتى ارقاۋ ەتىپ، نەگىزگى ساتىعا ىشكەرىلەي بارىپ بەتپە - بەت ۇگىت - لەكسيا ورىستەتتى. اۆتونوميالى رايوندىق ۇلگى كورسەتۋ ۇگىت - لەكسيا ۇيىرمەسى پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇگىتتەۋ، لەكسيا جاساۋ بايانداما ءماجىلىسىن 55 رەت وتكىزدى، تارتىمدى، ءداپ باسىپ ايتىلعان ۇگىت - لەكسيا بايانداماسى بەينە ”ءدال ۋاعىندا جاۋعان جاڭبىرداي“ ونان ارى يدەيانى بىرلىككە كەلتىرىپ، جۇرت تىلەگىن توعىستىردى.

  نازاريالىق زەرتتەۋ ۇزدىكسىز تەرەڭدەتىلىپ، تابىسى قوماقتى بولدى. اۆتونوميالى رايوننىڭ قوعامدىق عىلىم، نازاريا سالاسى ”شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ، جاڭا جۇڭگو قۇرىلعان 70 جىلداعى شۇعىلالى جەتىستىكتەردى ىشكەرىلەي ۇگىتتەۋ“ سياقتى اڭگىمە ماجىلىستەردى وتكىزدى. «ىزدەنۋ»، «ساۋلە گازەتى»، «شينجياڭ گازەتى» سياقتى ورتالىقتىڭ جانە اۆتونوميالى رايوننىڭ نەگىزگى اقپارات قۇرالدارىندا ءبىر توپ ءتۇيىندى نازاريالىق ماقالالاردى جاريالاپ، قاراپايىم دا ۇعىنىقتى تىلمەن جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ شينجياڭداعى تابىستى امالياتىن بايانداپ جانە ءتۇسىندىرىپ، شىن مانىندە پارتيانىڭ جاسامپاز نازارياسىنىڭ ”جاي بۇقارا وتباسىنا كىرۋىنە“ وراي جاراتتى. بۇكىل رايونىمىزداعى فيلوسوفيا، قوعامدىق عىلىمدار قىزمەتكەرلەرى ءداۋىر اۋقىمىندا تۇرىپ، يدەيالىق العاباسار ءۇندى جەتكىزىپ، مەملەكەتتىك قوعامدىق عىلىمدار قورى نىسانىنىڭ جوسپارعا الىنعان 85 تۇرىنە، اۆتونوميالى رايوندىق قوعامدىق عىلىمدار قورى نىسانىنىڭ جوسپارعا الىنعان 140 تۇرىنە قول جەتكىزىپ، نازاريالىق زەرتتەۋ ارقىلى يدەياعا جەتەكشىلىك ەتىپ، رۋحاني جاقتان شابىتتاندىردى.

    تۋراشىلدىقتان تايماي، جاڭالىق اشىپ، باس نىسانانى جۇزەگە اسىرۋ ءۇشىن سارقىلماس رۋحاني قوزعاۋشى كۇش ازىرلەدى

  2019 - جىلى 9 - ايدىڭ 25 - كۇنى كەشتە ورتالىق تەلەۆيزياسى اقپارات ارناسىنىڭ «شىعىس كەڭىستىگى» ايدارى ءۇرىمجى قالاسىنىڭ ”وتانىمىز جاساسىن“ نەگىزگى تاقىرىبىنداعى شىراق سالتاناتىنىڭ ايبىندى كورىنىسىن تىكەلەي حابارلادى، ءبىر ۋاقىتتا، كوپشىلىك تۇس - تۇستان دوۋينعا شىعاردى، كوشىرىپ تاراتتى، جاپپاي القادى: ”ءۇرىمجى مەنىڭ وتباسىم، مەن ماقتانىش ەتەمىن!“، ”كورىكتى شينجياڭ، دەسە دەگەندەي!“.

  ۇلى وتاندى القاپ، قۋاتتى وڭ ەنەرگيا ۇيىستىردى − بۇكىل رايونىمىزداعى ءار دارەجەلى اقپارات قۇرالدارى ”ايبىندى 70 جىل. كۇرەسكە تولى جاڭا ءداۋىر“ سياقتى ارناۋلى ستون اشىپ، كوپ تۇرعىدان، كوپ تىلمەن جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىنىڭ ايبىندى كورىنىسىن ۇگىتتەپ حابارلادى، تيانشان پەرزەنتتەرى ۇلى مەرەيدى وتانمەن بىرگە ءبولىستى. ءار دارەجەلى اقپارات قۇرالدارى تۇيىندەردە تۇرىپ تەكسەرۋ - زەرتتەۋ، تىلشىلىك جاساۋ ورىستەتىپ، اۆتونوميالى رايوننىڭ نەگىزگى اقپارات سايتتارى مەن جاڭا اقپارات قۇرالدارى تۇعىرلارىندا كوپ ءتىلدى توعىسپالى مەديا ارناۋلى تاقىرىپتارىن اشىپ، شينجياڭنىڭ وتانمەن بىرگە ەكپىندەي ىلگەرىلەپ، بىرگە ەسەيۋدە قول جەتكىزگەن اسا زور تابىستارىمەن جۇرتتى جىگەرلەندىردى. نەگىزگى تاقىرىپتىق ءان - ءبي ساۋىق كەشى «وتاندى جىرلاۋ»، كينو «ءان قاناتى»، نەگىزگى تاقىرىپتىق قىسقا بەينەجازبا ”وتاننىڭ ياحشى بولۋىن تىلەيمىز“ شينجياڭداعى ءار ۇلت پەرزەنتتەرىنىڭ ۇلى وتانعا قويۋ سۇيىسپەنشىلىكپەن ايتقان تىلەگىن بەينەلەدى.

  دۇرىس قوعامدىق پىكىر بەتالىسىن يگەرىپ، شينجياڭنىڭ ورنىقتىلىعى، دامۋى ءۇشىن قايراتتانا اتتاندى − جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى، پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى، مەملەكەتتىك ەكى ءماجىلىس، 7 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى سياقتى كەلەلى نەگىزگى تاقىرىپتار، كەلەلى قيمىلدار، ماڭىزدى جيىنداردىڭ ۇگىت بوياۋى قانىق بولىپ، جاڭالىعى مەن تارتىمدىلىعىن اڭعارتتى. قالىڭ اقپارات قىزمەتكەرلەرى ”ءتورت قابىلەت“ تالابىن سانالىلىقپەن امالياتتا ايگىلەپ، ناعىز، شىنايى اقپارات تۋىندىلارى ارقىلى بۇكىل رايوننىڭ جوعارىدان تومەنگە دەيىن جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ جەتەكشىلىگىندە نازاردى باس نىساناعا شوعىرلاندىرىپ، ”كەشەندى شارانى“ ويداعىداي اتقارعان جاندى امالياتىن ايگىلەدى.

  يدەولوگيانى مىقتاپ يگەرىپ، يدەيالىق شەپتى بەكەمدەدى − يدەولوگيا سالاسىنداعى بولشەكتەۋشىلىككە قارسى تۇرۋ كۇرەسىن ىشكەرىلەي ورىستەتىپ، بۇقارانى تاربيەلەپ، جەتەكتەپ، جۇرت تىلەگىن ۇيىستىرۋعا كۇش سالدى؛ «شينجياڭعا قاتىستى ءبىرقانشا تاريحي ماسەلە»، «شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسى جانە ادامدىق ۇقىقتى قامتاماسىزداندىرۋ»، «شينجياڭنىڭ كاسىپتىك شەبەرلىككە تاربيەلەۋ - باۋلۋ قىزمەتى» سىندى 3 اق تىستى كىتاپتى ىشكەرىلەي ۇيرەنىپ، ۇگىتتەپ، شەتەل اقپارات قۇرالدارىنىڭ تىلشىلەرىنىڭ، اقىلشىلارىنىڭ، وقىمىستىلارىنىڭ جانە حالىقارالىق ۇيىمداردىڭ شينجياڭعا كەلىپ ەكسكۋرسيالاپ، ساپارلاۋىن كوپ رەت قابىلداپ، قۇرىشتاي بەرىك شىندىقپەن امەريكانىڭ، باتىس جاقتىڭ شينجياڭعا كۇيە جاعۋىنا، جالا جابۋىنا باتىل قايتارما سوققى بەردى.

  توعىسا دامۋدى جەدەلدەتىپ، شينجياڭ حيكايالارىن ويداعىداي باياندادى − بۇكىل شينجياڭداعى اۋدان دارەجەلى 85 توعىسپالى مەديا ورتالىقتارىنا ۋيۆەسكا اسىلدى، اۆتونوميالى رايوننىڭ انار بۇلتتىق توعىسپالى مەديا تۇعىرى جەلىگە شىعارىلدى، اۋدان دارەجەلى 50 توعىسپالى مەديا ورتالىعى انار بۇلتتىق تۇعىرىندا رەسمي ىسكە قوسىلدى، نەگىزگى اعىم قۇنىنىڭ ىقپال كولەمى اناعۇرلىم كەڭەيدى، وڭ ەنەرگيا الدەقايدا كۇشەيىپ، نەگىزگى اۋەن اناعۇرلىم اسقاقتادى. اقپار جاريالاۋ ءماجىلىسى ءتۇزىمى كۇننەن - كۇنگە اقاۋسىزداندىرىلىپ، كەمەلدەندىرىلىپ، 40 رەتكى داعدىلى اقپار جاريالاۋ ءماجىلىسى تولعاقتى ماسەلەلەرگە جاۋاپ قايتارىپ، شىنايى مويىنداۋدى، ءتۇسىنىسۋدى نىعايتىپ، شينجياڭنىڭ ءۇنىن الدەقايدا الىسقا جەتكىزىپ، ”دوستار شەڭبەرى“ بارعان سايىن كەڭەيدى...

    ادام تاربيەلەۋدى سالتقا اينالدىرىپ، بىرگە كۇرەس جۇرگىزۋدىڭ يدەيالىق نەگىزىن بەكەمدەدى

  مەملەكەت ىسىنەن ماڭىزدى ءىس جوق، دارىندى جونىنەن ءمورالدان ارتىق نارسە جوق. بۇكىل رايونىمىزدىڭ ۇگىت، يدەيا، مادەنيەت شەبى ءمورال ارقىلى ادام تاربيەلەۋگە، ادامداردى تاماشا سالتپەن سومداۋعا تاباندى بولىپ، سوتسياليستىك وزەكتى قۇن كوزقاراسىن زور كۇشپەن امالياتتا ايگىلەپ، بۇكىل رايونىمىزداعى ءار ۇلت حالقىنىڭ مۇرات - سەنىم، قۇن ۇستانىمى، ءمورال كوزقاراسى جاقتارىندا تىعىز ىنتىماقتاسىپ، باس نىسانانى جۇزەگە اسىرۋ ءۇشىن بىرگە كۇرەس جۇرگىزۋىن جەبەدى.

  وسى جىلى وركەنيەتتىڭ جاڭا سالتى تيانشاننىڭ تۇستىگى مەن تەرىستىگىندە تارادى −

  سىناق ءتۇيىنى بولعان 30 اۋدان، قالا، رايوننىڭ جاڭا داۋىردەگى وركەنيەت امالياتى ورتالىعى قۇرىلىسىن بار كۇشپەن ىلگەرىلەتتى؛ «جاڭا داۋىردەگى ازاماتتاردىڭ ءمورال قۇرىلىسىن اتقارۋ باعدارلاماسىن» ىشكەرىلەي دايەكتىلەندىردى؛ مەملەكەتتىك لەي فىڭنان ۇيرەنۋ قيمىلىنىڭ ونەگە كورسەتۋ ءتۇيىنىن جانە جۇمىس ورنىندا لەي فىڭنان ۇيرەنۋ ۇلگىسىن تاڭدادى، ورناتتى، ۇگىتتەدى؛ جاڭا كەزەكتى اۆتونوميالى رايوندىق وركەنيەتتى ورىن قۇرۋ، باعالاۋ قىزمەتىن ورىستەتىپ، ”ءۇش ۇلكەن قۇرۋدى“ ولشەمدەستىرۋ، عىلميلاستىرۋ دەڭگەيىن ۇزدىكسىز جوعارىلاتتى. مادەنيەت ارقىلى ادام تاربيەلەۋدىڭ ءونىمى كورنەكتى بولىپ، وركەنيەت شۇعىلاسى شينجياڭدى نۇرعا بولەپ، بۇكىل قوعام بويىنشا العا باسۋعا، ىزگىلىككە، كوركەمدىككە، مەيىرگە ۇزدىكسىز ۇمتىلدى.

  وسى جىلى قوعامدىق وڭ ەنەرگيا ۇزدىكسىز توپتالدى −

  ”ەڭ ارداقتى كۇرەسكەرلەر“، ”ەڭ ارداقتى شەكارا رايوندارعا كومەكتەسكەن قايراتكەرلەر“ سياقتى ۇزدىك تيپتەر ادامداردى شابىتتاندىردى، جىگەرلەندىردى؛ ”رەفورما اۆانگاردتارىنىڭ مەكتەپ اۋلاسىنا كەلۋى“، ”ەڭ ارداقتى شينجياڭدىقتى مەن كورسەتەمىن، مەن باعالايمىن“ ينتەرنەتتە باعالاۋ سياقتى قيمىلدار بۇرماحان مولدو، عايرات مامۇت، چىن ياۋپيڭ قاتارلى ءبىر توپ جارقىراعان ەسىمدەردى جۇرەكتەرگە تەرەڭ ۇيالاتىپ، جاقسىدان ونەگە الۋعا ۇمتىلاتىن تاماشا راي قالىپتاستىردى.

  وسى جىلى بۇكىل رايوننىڭ مادەنيەت ىستەرى اناعۇرلىم گۇلدەنىپ - كوركەيدى −

  اۆتونوميالى رايوننىڭ ادەبيەت - كوركەمونەر جاسامپازدىق قىزمەتى اڭگىمە ءماجىلىسىن اشتى، 6 - كەزەكتى ”تيانشان ادەبيەت - كوركەمونەر سيلىعىن“ باعالاۋ قىزمەتىن ورىستەتتى. كينو «كۇنلۇندەگى اعا - ىنىلەر»، تەلە فيلم «قۇربان اتاي جانە ونىڭ ۇرپاقتارى»، «ءبارىمىز ءبىر ءۇيلى جانبىز» دەگەن سياقتى ءبىر توپ نەگىزگى اعىم تۋىندىلارى ادامداردى شابىتتاندىرىپ، كەڭ كولەمدى جاقسى باعاعا يە بولدى. كينو «ءومىر اعىسىندا»، ءبي «گۇل ماڭگى وسىنداي قىپ - قىزىل» جەكە - جەكە ورتالىق ۇگىت ءبولىمىنىڭ ”بەس ءبىر ينجەنەريا سيلىعى“نا جانە ”شامگۇل سيلىعى“نا يە بولدى.

  بۇكىل رايونىمىزداعى 12 مىڭ 987 اۋىل، قالاشىققا (ءمالى)، قىستاققا (الەۋمەتتىك اۋماق) كوپ ءتۇرلى ءتىل - جازۋداعى 9 ميلليون 100 مىڭنان ارتىق گازەت، ماۋسىمدىق جۋرنال، كىتاپ، دىبىس - بەينە بۇيىمدارى سيعا بەرىلدى. ”ءبىزدىڭ جۇڭگو ارمانىمىز“ − مادەنيەتتى سان مىڭ وتباسىنا جەتكىزۋ، اۋىل - قىستاقتا الەۋمەتتىك يگىلىك كينولارىن نەگىزگى تاقىرىپتا قويۋ سياقتى مادەنيەت ارقىلى حالىققا تيىمدىلىك جەتكىزۋ قيمىلدارىن كەڭ كولەمدى ورىستەتىپ، تاڭداۋلى ادەبيەت - كوركەمونەر تۋىندىلارىن بۇقاراعا جەتكىزدى.

  ”13 - بەسجىلدىق“ ءتۇيىندى باسپا جوباسىن جاپپاي تياناقتاندىرىپ، اۆتونوميالى رايون دارەجەلى مەملەكەت مەنشىگىندەگى مادەنيەت كاسىپورىندارىنىڭ سەرىكتەستىك ءتۇزىمى رەفورماسىن جۇرگىزۋىن ىلگەرىلەتىپ، مادەنيەت ىستەرى كاسىبى قارىشتاپ، تەز، ورنىقتى دامىدى.

  اقشا بۇلتتار قالىقتاپ جاڭا ءبىر اسپان اشىلدى. 2020 - جىلدىڭ شىمىلدىعى اشىلدى، بۇكىل رايونىمىزدىڭ ۇگىت، يدەيا، مادەنيەت شەبى اۋەلگى ماقساتتى ۇمىتپاي، بورىشتى ەستە بەرىك ساقتاپ، ۋاقىتپەن جارىسىپ، ەسىل ساتتەردى زايا جىبەرمەي، ورنىقتىلىق بارىسىندا ىلگەرىلەۋگە، تۋراشىلدىقتان تايماي جاڭالىق اشۋعا، توعىستىرۋعا، ساباقتاستىرۋعا تاباندى بولىپ، ۇگىت، يدەيا قىزمەتىنىڭ ناقتىلانۋىن، كۇشەيۋىن ىلگەرىلەتىپ، شينجياڭ قىزمەتىنىڭ باس نىساناسىن جۇزەگە اسىرۋ ءۇشىن پارمەندى يدەيالىق كەپىل جانە رۋحاني قوزعاۋشى كۇش ازىرلەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.