چىن چۋانگو ءسوز سويلەدى، سونداي - اق بۇكىل رايونىمىزداعى ءار ۇلت زيالىلارىنا كوكتەم مەرەكەسى بايلانىسىمەن باقىت تىلەدى
شوكىرات زاكىر، شاۋكەت يمىن، نۇرلان ءابىلماجىن، لي پىڭشين قاتىناستى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 1 - ايدىڭ 20 - كۇنى ۇرىمجىدەن حابارلايدى. 1 - ايدىڭ 20 - كۇنى تۇستەن بۇرىن اۆتونوميالى رايون زيالىلار اڭگىمە ءماجىلىسىن اشىپ، جاڭا داۋىردەگى زيالىلار قىزمەتىن ويداعىداي ىستەۋ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ جونىندە اۆتونوميالى رايوننىڭ جانە بيڭتۋاننىڭ ۇگىت، وقۋ - اعارتۋ، مادەنيەت قاتارلى ءارقايسى سالاسىنداعى زيالىلار ۋاكىلدەرىنىڭ، مامانداردىڭ، وقىمىستىلاردىڭ پىكىر - ۇسىنىستارىن تىڭدادى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى ءارى ءسوز سويلەدى.
اۆتونوميالى رايوننىڭ باسشىلارىنان شوكىرات زاكىر، شاۋكەت يمىن، نۇرلان ءابىلماجىن، لي پىڭشين، ەركىن تۇنياز، ۋاڭ جۇنجىڭ، تيان ۋىن، سارقىت اقان، جاڭ چۇنلين اڭگىمە ماجىلىسكە قاتىناستى.
اڭگىمە ءماجىلىس باستالۋدان بۇرىن، چىن چۋانگو، شوكىرات زاكىر ءار ۇلت زيالىلار ۋاكىلدەرىمەن ءبىر - بىرلەپ قول الىستى، كوكتەم مەرەكەسى بايلانىسىمەن ءوزارا ەسەندىك سۇرادى.
اڭگىمە ءماجىلىس كوڭىلدى دە دۋماندى ءوتتى، ءار ۇلت زيالىلار ۋاكىلدەرى اعىنان اقتارىلا سويلەدى. ماحمۇت ابدۇۋالي، ليۋ بين، نۇسىرات ۋاجيدەن، سۇڭ شياۋليڭ، ەركەش قۇرمانبەك، ۋ چيۇڭ، الىمجان قاسىم، ۋ شياڭۋي، ءجۇرات سەيىت جەكە - جەكە وزدەرىنىڭ قىزمەت، ۇيرەنۋ، تۇرمىس ءىس جۇزىندىگىمەن بايلانىستىرا وتىرىپ، پىكىر اۋىستىرىپ ءسوز سويلەدى. كوپشىلىك ءبىر اۋىزدان مىنالاردى ءبىلدىردى: اۆتونوميالى رايوندىق پارتكوم مەن ۇكىمەت زيالىلار قىزمەتىنە ايرىقشا ءمان بەرىپ، پارتيانىڭ زيالىلار ساياساتىن مۇقيات دايەكتىلەندىرىپ، ءار ۇلت زيالىلارىنىڭ ارمان - مۇراتىن جۇزەگە اسىرۋى ءۇشىن تاماشا ورتا ازىرلەدى، كەڭ مىنبە ورناتتى، قالىڭ زيالىلاردىڭ ۇيىمدىق جاقتا سۇيەنىشى بار بولىپ، قىزمەتكە اناعۇرلىم دەن قويدى، تۇرمىستا اناعۇرلىم الاڭسىز بولدى، ءبىر اۋىزدان ارتىقشىلىقتارى مەن رولدارىن ونان ارى ساۋلەلەندىرىپ، شينجياڭنىڭ ورنىقتىلىق، دامۋ امالياتىنا بەلسەنە ات سالىسىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازۋ ءۇشىن جاڭا ۇلەس قوساتىندىقتارىن ءبىلدىردى.
چىن چۋانگو تىڭداي وتىرىپ، ەستەلىك الدى، اۋىق - اۋىق كوپشىلىكپەن پىكىر اۋىستىرىپ، تالقى ورىستەتتى.
سوزدەردى دەن قويا تىڭداعاننان كەيىن، چىن چۋانگو بىلاي دەپ اتاپ كورسەتتى: وتكەن ءبىر جىلدا، بۇكىل رايونىمىزداعى قالىڭ زيالىلار نازاردى قوعام ورنىقتىلىعى مەن باياندى تىنىشتىق باس نىساناسىنا سانالى شوعىرلاندىرىپ، شينجياڭنىڭ ورنىقتىلىعىنىڭ، دامۋىنىڭ جالىندى امالياتىنا بەلسەنە ات سالىسىپ، نەگىزگى اۋەندى اسقاقتاتىپ، وڭ ەنەرگيا تاراتىپ، رۋحتى سەرپىلتىپ، جاڭا داۋىردەگى زيالىلاردىڭ جاۋاپكەرشىلىگىن، بورىشىن جانە جانۇيا - وتان سۇيىسپەنشىلىگىن ايگىلەدى. چىن چۋانگو اۆتونوميالى رايوندىق پارتكوم مەن ۇكىمەت اتىنان بۇكىل رايونىمىزداعى قالىڭ زيالىلارعا شىن جۇرەكتەن العىس ايتتى، شىنايى قۇرمەت ءبىلدىردى ءارى كوكتەم مەرەكەسى بايلانىسىمەن ىزگى تىلەك تىلەدى.
چىن چۋانگو بىلاي دەپ اتاپ كورسەتتى: قالىڭ زيالىلار قوعامداعى ەگەي ساڭلاقتار، مەملەكەتتىڭ تىرەگى، حالىقتىڭ ماقتانىشى، سونداي - اق مەملەكەتتىڭ قىمباتتى بايلىعى. باس شۋجي شي جينپيڭنىڭ زيالىلار جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، پارتيانىڭ زيالىلار ساياساتىن ىشكەرىلەي ويداعىداي تياناقتاندىرىپ، ەڭبەككە قۇرمەت ەتۋ، بىلىمگە قۇرمەت ەتۋ، دارىندىلارعا قۇرمەت ەتۋ، جاسامپازدىققا قۇرمەت ەتۋ باعىتىن جاپپاي دايەكتىلەندىرىپ، قالىڭ زيالىلاردىڭ اقىل - پاراساتىن جانە كۇش - قۋاتىن ۇيىستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا ويداعىداي جازۋ كەرەك. زيالىلارعا ايرىقشا ءمان بەرىپ، ساياسيدا تولىق سەنىم ارتىپ، يدەيادا ىرىقتىلىقپەن جەتەكتەپ، قىزمەتتە شارت - جاعداي جاراتىپ، تۇرمىستا قامقورلىق جاساپ، كوڭىل ءبولىپ، قالىڭ زيالىلاردىڭ جايدارلى كوڭىل كۇيمەن، كوتەرىڭكى رۋحپەن قىزمەت ورىستەتۋىنە مۇمكىندىك جاساۋ كەرەك. زيالىلاردى ۇيىستىرىپ، جەتەكتەپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ىنتىماقتاستىرا جەتەكتەۋگە تاباندى بولىپ، ساياسي جاقتان جەتەكتەۋدى جانە ساياسي جاقتان باۋراۋدى كۇشەيتىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، زيالىلاردى مۇمكىندىكتىڭ بارىنشا پارتيانىڭ توڭىرەگىنە ىنتىماقتاستىرۋ، ۇيىستىرۋ كەرەك. زيالىلارمەن كەڭ كولەمدى ىنتىماقتاسىپ، پارتيانىڭ دارىندىلاردى باسقارۋ پرينسيبىنە تاباندى بولىپ، شار تاراپتاعى دارىندىلاردى جيناپ پايدالانۋعا تاباندى بولىپ، دارىندىلاردى تاني بىلەتىن كورەگەندىكپەن، ايالاي بىلەتىن ىزگى نيەتپەن، پايدالانا بىلەتىن باتىلدىقپەن، قورمال بولاتىن دارقاندىقپەن، ۇيىستىرا الاتىن تاماشا ادىسپەن، ءارقايسى جاقتاعى تاڭداۋلى دارىندىلاردى كۇش سالا باۋراۋ ۇيىستىرۋ كەرەك. زيالىلارمەن تىعىز بايلانىس جاساپ، زيالىلارمەن بايلانىس جاساۋ مەحانيزمىن اناعۇرلىم اقاۋسىزداندىرىپ، كەمەلدەندىرىپ، باسشى كادرلاردىڭ ماماندارمەن باستاماشىلدىقپەن بايلانىس جاساۋىنا، باستاماشىلدىقپەن زيالىلاردىڭ ناعىز دوسى، سىرلاسى بولۋىنا تاباندى بولىپ، يدەيالىق بايلانىس پەن سۇيىسپەنشىلىك اۋىس - كۇيىسىن كۇشەيتىپ، قالىڭ زيالىلاردىڭ عىلمي زەرتتەۋ، وقىتۋ، جاسامپازدىق قيمىلدارىمەن شۇعىلدانۋىنا قۇلشىنا شارت - جاعداي ازىرلەۋ كەرەك. زيالىلارعا شىنايى قامقورلىق جاساپ، زيالىلاردىڭ قىزمەت ەرەكشەلىگى مەن زاڭدىلىعىنا بويسۇنىپ، جاسامپازدىق سيپاتتى ەڭبەككە شابىتتاندىرىپ، قالىڭ زيالىلاردىڭ جەتىلۋىنە وراي، جۇمىس ىستەۋىنە ساحنا، دامۋىنا كەڭىستىك ازىرلەۋ كەرەك. زيالىلاردى تولىق شابىتتاندىرىپ، بۇكىل قوعامدا دارىندىلاردى تاني بىلەتىن، دارىندىلاردى ايالايتىن، دارىندىلاردى قۇرمەتتەيتىن، دارىندىلاردان پايدالانا بىلەتىن سالتتى جالپىلاستىرىپ، زيالىلاردىڭ ءىس تىندىرىپ، شارۋاشىلىق قۇرۋىنا ءتيىمدى ءتۇزىلىس پەن مەحانيزمدى جەدەل قالىپتاستىرىپ، ولاردىڭ جاڭالىق اشۋ، جاسامپازدىق، شىعارماشىلدىق قىزۋ ىنتاسىن قاۋلاتۋ، دەم بەرۋ، قالىڭ زيالىلاردىڭ قابىلەتى مەن كۇش - قۋاتىن تولىق ىسكە قوسۋىنا ىرىق بەرۋ كەرەك.
چىن چۋانگو قالىڭ زيالىلاردىڭ داۋىرگە ءجىتى ىلەسىپ، اۋەلگى ماقساتتى ماڭگى ساقتاپ، بورىش ارقالاپ، جىگەرلەنە العا باسىپ، مەملەكەتتى بارىنەن جوعارى قويۋعا، ۇلتتى بارىنەن جوعارى قويۋعا، حالىقتى بارىنەن جوعارى قويۋعا تاباندى بولىپ، جانۇيا - وتان سۇيىسپەنشىلىگىن اسقاقتاتىپ، جاۋاپكەرشىلىك ارقالاۋدى كۇشەيتىپ، قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ جاندى امالياتىنا بەلسەنە ات سالىسىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، جۇڭگوشا سوتسياليستىك شينجياڭ قۇرۋ ءۇشىن جاڭا ۇلەس قوسۋلارىن ءۇمىت ەتتى.
اۆتونوميالى رايوننىڭ جانە بيڭتۋاننىڭ باسشىلارىنان رىن حۋا، ليۋ جيانشين، كۇڭ شيڭلۇڭ، ياڭ يۇڭ قاتارلىلار اڭگىمە ماجىلىسكە قاتىناستى.
