بۇكىل رايونىمىزداعى ءار ۇلت حالقىنا جانە بيڭتۋانداعى كادرلارعا، جۇمىسشى - قىزمەتكەرلەرگە كوكتەم مەرەكەسى بايلانىسىمەن تىلەك جولدادى
1 - ايدىڭ 21 - كۇنى اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋيى چىن چۋانگو ءۇرىمجى قالاسىنا كەلىپ، ءار ۇلت نەگىزگى ساتى كادرلارىنا، بۇقاراسىنا امانداسىپ، ولاردان حال سۇراپ، مەرەكە كەزىندەگى حالىق تۇرمىسىن قامتاماسىز ەتۋ سياقتى جاعدايلارعا تەكسەرۋ - زەرتتەۋ جۇرگىزىپ، اۆتونوميالى رايوندىق پارتكوم مەن ۇكىمەت اتىنان بۇكىل رايونىمىزداعى ءار ۇلت حالقىنا جانە بيڭتۋانداعى كادرلارعا، جۇمىسشى - قىزمەتكەرلەرگە كوكتەم مەرەكەسى بايلانىسىمەن ىزگى تىلەك جولدادى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن
گازەتىمىزدىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 1 - ايدىڭ 21 - كۇنى ۇرىمجىدەن حابارلايدى. جۇڭحۋا ۇلتىنىڭ ءداستۇرلى مەرەكەسى − كوكتەم مەرەكەسى قارساڭىندا، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋيى چىن چۋانگو 1 - ايدىڭ 21 - كۇنى ءۇرىمجى قالاسىنا كەلىپ، ءار ۇلت نەگىزگى ساتى كادرلارىنا، بۇقاراسىنا امانداسىپ، ولاردان حال سۇراپ، مەرەكە كەزىندەگى حالىق تۇرمىسىن قامتاماسىز ەتۋ سياقتى جاعدايلارعا تەكسەرۋ - زەرتتەۋ جۇرگىزىپ، اۆتونوميالى رايوندىق پارتكوم مەن ۇكىمەت اتىنان بۇكىل رايونىمىزداعى ءار ۇلت حالقىنا جانە بيڭتۋانداعى كادرلارعا، جۇمىسشى - قىزمەتكەرلەرگە كوكتەم مەرەكەسى بايلانىسىمەن ىزگى تىلەك جولدادى.
ءۇرىمجى مىڭ بوياۋلى تۇسكە ەنىپ، مەرەكەنىڭ مەرەيلى لەبى ەستى، نارت قىزىل بەس جۇلدىزدى قىزىل تۋ وتانشىلدىق سۇيىسپەنشىلىكتى جەتكىزىپ، قىپ - قىزىل قوراپتى شامدار ۇلكەندى - كىشىلى كوشەلەرگە ءسان قوستى.
چىن چۋانگو الدىمەن ءۇرىمجى جىلۋمەن قامداۋ (توبى) شەكتى سەرىكتەستىگىنە كەلىپ، مەرەكە كەزىندەگى جىلۋمەن قامداۋمەن قامتاماسىز ەتۋ شارالارىن جانە ءوندىرىس حاۋىپسىزدىگى احۋالىن ۇعىستى. چىن چۋانگو ءار ۇلت جۇمىسشى - قىزمەتكەرلەرىمەن ىقىلاستى تۇردە قول الىسىپ، كوكتەم مەرەكەسى بايلانىسىمەن ىزگى تىلەك تىلەدى. ول بىلاي دەدى: كوكتەم مەرەكەسى − سان مىڭداعان وتباسى باس قوساتىن شاق، قالىڭ جىلۋمەن قامداۋ جۇمىسشى - قىزمەتكەرلەرى قىزمەت ورىندارىنان تاپجىلماي، قاجىرلىلىقپەن قىزمەت ىستەپ، قالتقىسىز ۇلەس قوسىپ، جىلۋدى سان مىڭداعان وتباسىلارىنا جەتكىزدى، سىزدەر جاپا شەكتىڭىزدەر، مەن اۆتونوميالى رايوندىق پارتكوم مەن ۇكىمەت اتىنان سىزدەردىڭ جانە ءۇي ىشتەگىلەرىڭىزدىڭ كوكتەم مەرەكەسىن قۇتتىقتايمىن. چىن چۋانگو مىنالاردى تالاپ ەتتى: جابدىقتار مەن قۇبىر جەلىسىن قورعاۋدى، جوندەۋدى كۇشەيتىپ، قىزمەت ساقتىق جوباسىن كەمەلدەندىرىپ، عىلمي ىڭعايلاستىرىپ، قۇرىلعىلاردىڭ حاۋىپسىز، ورنىقتى جۇمىس جۇرگىزۋىنە شىنايى كەپىلدىك ەتىپ، ءار ۇلت بۇقاراسىنىڭ مەيىرگە تولى، بەرەكەلى مەرەكە وتكىزۋلەرىنە مۇمكىندىك جاساۋ كەرەك.
تيانشان رايونى يان - ان جولى اۋماعى فۋچۋان كوشەسى الەۋمەتتىك اۋماعىندا چىن چۋانگو الەۋمەتتىك اۋماقتىڭ نەگىزگى ساتى كادرلارىنا امانداسىپ، ولاردان حال سۇراپ، كوپشىلىككە مەرەكەلىك سالەم جولدادى. چىن چۋانگو الەۋمەتتىك اۋماقتى باسقارۋ، حالىققا قولايلى قىزمەت وتەۋ، ۇلتتار ىنتىماعى سياقتى قىزمەتتەردىڭ ورىستەتىلۋ جاعدايىن ەگجەي - تەگجەيلى سۇراپ ۇعىستى. الەۋمەتتىك اۋماقتىڭ ”التى جارىمداعى ساباقحاناسى“ندا قىستىق دەمالىسقا تاراعان ءار ۇلت بالالارى الەۋمەتتىك اۋماق قىزمەتكەرىنىڭ جەتەكشىلىگىندە سۋرەت سالىپ، قاعاز بۇكتەپ جاتىپتى. چىن چۋانگو بالالارمەن ىقىلاستى سالەمدەسىپ، ۇيرەنۋ احۋالدارىن ۇعىستى، تاعى بالالارعا ۇيرەنۋ بۇيىمدارى سياقتى جاڭا جىل تارتۋىن ۇسىندى. بالالار دا قۋانىشپەن وزدەرى بۇكتەگەن قاعازدى، بالالار سۋرەتىن جاڭا جىل تارتۋى رەتىندە چىن اتايعا سيلادى. چىن چۋانگو ءار ۇلت بالالارىنىڭ كوڭىلدى، اقاۋسىز ەرجەتىپ، قۇلشىنا ۇيرەنىپ جەتىلىپ، سوتسياليزمنىڭ قۇرىلىسشىلارى مەن ءىزباسارلارىنان بولۋىن تىلەدى. ول الەۋمەتتىك اۋماق قىزمەتكەرلەرىنە پارتيانىڭ ءتۇبىرلى باستى ماقساتىن ەستە بەرىك ساقتاپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ جەتىستىگىن ۇزدىكسىز بەكەمدەپ، تەرەڭدەتىپ، الەۋمەتتىك اۋماقتىڭ پارتيا ۇيىمى قۇرىلىسىن مىعىم جاۋىنگەرلىك قامال ەتىپ قۇرىپ، حالىقتىڭ ۇنىنە جاۋاپ قايتارۋدى شىن مانىندە ورىنداپ، بۇقارانىڭ ۇلكەندى - كىشىلى ىستەرىن كۇش سالا جاقسى ىستەپ، ءداۋىر مەن حالىقتىڭ كۇتكەن ءۇمىتىن اقتاۋدى تاپسىردى.
”جاڭا جىلىڭىز قۇتتى بولسىن، وتباسىڭىزداعىلاردىڭ كوكتەم مەرەكەسى مەرەيلى، وتباسىڭىز باقىتتى بولسىن!“ چىن چۋانگو ىلگەرىندى - كەيىندى حىڭچاڭ شاعىن رايونىنداعى تۇرعىن فاڭ حۋا جانە نيجات ءيۇنۇستىڭ وتباسىنا بارىپ، ولاردىڭ كوكتەم مەرەكەسىن قۇتتىقتادى ءارى كوپشىلىكپەن بىرگە قورالانا وتىرىپ، ىقىلاسپەن اڭگىمە ايتىپ، وتباسى كىرىسىن، بالالارىنىڭ ءبىلىم الۋى سياقتى جاعدايلارىن تاپتەشتەي سۇراپ ۇعىستى. فاڭ حۋا مەن نيجات ءيۇنۇس چىن چۋانگوعا بىلاي دەدى: قازىر قوعام اماندىعى بارعان سايىن جاقساردى، حالىققا تيىمدىلىك جاساۋ ساياساتتارى بارعان سايىن كوبەيدى، قالا قۇرىلىسى بارعان سايىن كورىكتەندى، ءار ۇلت ىنتىماقتاسا ءتۇستى، تۇرمىس تا باقىتتى بولا ءتۇستى. چىن چۋانگو بىلاي دەدى: باس شۋجي شي جينپيڭ شينجياڭداعى ءار ۇلت حالىق بۇقاراسىن قاي - قاشاندا ەسىندە ساقتاپ، پارتيا ورتالىق كوميتەتى شينجياڭعا ەرەكشە قامقورلىق، مەيىر كورسەتتى. ءبىزدىڭ شينجياڭداعى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اناردىڭ دانىندەي تىعىز ۇيىسىپ، ءبىر نيەتپەن قايراتتانا ىستەپ، بۇكىل ەل حالقىمەن بىرگە جاپپاي دوڭگەلەك داۋلەتتى قوعام ورناتۋى كەرەك.
چىن چۋانگو تاعى تيانشان رايونىنداعى ءداۋىر الاڭى زات ساتىپ الۋ ورتالىعىنىڭ جەر استى 1 - قاباتىنداعى ەرەن بازارىنا بارىپ، مەرەكە كەزىندەگى بازاردىڭ قامداۋ جانە قامتاماسىز ەتۋ جاعدايىن سول جەردىڭ وزىندە ۇعىستى. ەرەن بازاردا ەت، تەڭىز ونىمدەرى، كامپيت، كەپتىرىلگەن جەمىس، كوكونىس، جەمىس - جيدەك، كوكتەم بوساعالىعى، ”福“ ءارىبى سياقتى مەرەكەلىك زاتتار تولىپ تۇر، ءتۇرى دە مول ەكەن. چىن چۋانگو تاۋار قورى، ساتىلۋى جانە باعاسى سياقتى جاعدايلاردى تاپتەشتەي سۇرادى. ول بىلاي دەپ اتاپ كورسەتتى: بازار باقىلاۋىن كۇشەيتىپ، قامداۋمەن كۇش سالا قامتاماسىز ەتىپ، بازار قاجەتىن جاقسى قاناعاتتاندىرىپ، ءار ۇلت بۇقاراسىنىڭ الاڭسىز ساتىپ الۋىنا، الاڭسىز تۇتىنۋىنا، جاڭا جىلدى قۋانىشتى، ءماز - مايرام وتكىزۋىنە شىن مانىندە مۇمكىندىك جاساۋ كەرەك.
اۆتونوميالى رايوننىڭ باسشىلارىنان شۇي حايرۇڭ، ەركىن تۇنياز قاتارلىلار حال سۇراۋدا بىرگە بولدى.
