شي جينپيڭ كوكتەم مەرەكەسى قارساڭىندا يۇننانعا بارىپ، ءار ۇلت كادر - بۇقاراسىنا امانداستى، ولاردان حال سۇرادى

بۇكىل ەلدەگى ءار ۇلت حالقىنىڭ كوكتەم مەرەكەسىنە ىزگى تىلەك جولدادى

ءار ۇلت حالقى تۇرمىسىنىڭ بارعان سايىن جاقسارۋىن، وتاننىڭ گۇلدەنىپ - كوركەيۋىن تىلەدى

　　1 - ايدىڭ 19 - كۇنىنەن 21 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ يۇننانعا كەلىپ، ءار ۇلت كادر - بۇقاراسىنا امانداسىپ، ولاردان حال سۇراپ، بۇكىل ەل حالقىنا كوكتەم مەرەكەسى بايلانىسىمەن تىلەك جولدادى. سۋرەتتە: 1 - ايدىڭ 20 - كۇنى تۇستەن كەيىن شي جينپيڭ كۇنميڭ حالىقارالىق ءماجىلىس - كورمە ورتالىعى كورمە زالىنىڭ سىرتىنداعى الاڭدا يۇننان بۇقاراسىنا، بۇكىل ەلدەگى ءار ۇلت حالقىنا، شياڭگاڭدىق، اۋمىندىق، تايۋاندىق باۋىرلاستارعا جانە شەتەلدەردەگى چياۋمين باۋىرلاستارعا كوكتەم مەرەكەسى بايلانىسىمەن تىلەك جولدادى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

　　1 - ايدىڭ 19 - كۇنىنەن 21 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ يۇننانعا كەلىپ، ءار ۇلت كادر - بۇقاراسىنا امانداسىپ، ولاردان حال سۇراپ، بۇكىل ەل حالقىنا كوكتەم مەرەكەسى بايلانىسىمەن تىلەك جولدادى. سۋرەتتە: 1 - ايدىڭ 19 - كۇنى تۇستەن كەيىن شي جينپيڭ تىڭچۇڭ قالاسى چيڭشۇي اۋىلى سانجيا قىستاعى جۇڭجاي سىمولا ۋازۋ قىستاعىندا قىستاق تۇرعىنى لي فاشۇننىڭ ۇيىندە ولارمەن اڭگىمەلەسىپ، كەدەيلىكتەن ارىلۋ جاعدايىن تاپتەشتەي سۇرادى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

　　شينحۋا اگەنتتىگىنىڭ 1 - ايدىڭ 21 - كۇنى كۇنميڭنەن بەرگەن حابارى. جۇڭحۋا ۇلتىنىڭ ءداستۇرلى مەرەكەسى ەگىنشىلىك كالەندارى بويىنشا كوكتەم مەرەكەسى كەلۋ قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ يۇننانعا كەلىپ، ءار ۇلت كادر - بۇقاراسىنا امانداسىپ، ولاردان حال سۇراپ، بۇكىل ەل حالقىنىڭ كوكتەم مەرەكەسىنە تىلەك جولدادى.

　　يۇنناننىڭ بايتاق دالاسىندا كوك زەڭگىر اسپاندا اقشا بۇلتتار قالىقتاپ، ماساتىداي قۇلپىرعان، تىرشىلىك تىنىسى جالىنداعان كورىنىس مەن مۇندالايدى. 1 - ايدىڭ 19 - كۇنىنەن 21 - كۇنىنە دەيىن، شي جينپيڭ يۇننان ولكەلىك پارتكومنىڭ شۋجيى چىن حاۋدىڭ، ولكە باستىعى رۋان چىڭفانىڭ سەرىك بولۋىمەن، تىڭچۇڭ، كۇنميڭ قاتارلى جەرلەرگە كەلىپ، اۋىل - قىستاقتاردى، بايىرعى قالاشىقتاردى، ەكولوگيالىق سازدىقتاردى، مەرەكەلىك زات بازارلارىن، وتانشىلدىق تاربيە بازالارىن ارالاپ، قىزمەت تەكسەرىپ، تەكسەرۋ - زەرتتەۋ جۇرگىزىپ، ءار ۇلت كادر - بۇقاراسىنا پارتيا ورتالىق كوميتەتىنىڭ قامقورلىعىن جەتكىزدى جانە ولاردان حال سۇرادى.

　　باۋشان قالاسىنا قاراستى تىڭچۇڭ قالاسى چيڭشۇي اۋىلى سانجيا قىستاعى ىلگەرى ارحيۆ تۇرعىزىلىپ، كارتچكالاندىرىلعان كەدەي قىستاق بولاتىن، 2017 - جىلى تۇتاس قىستاق كەدەيلىكتەن ارىلدى. 1 - ايدىڭ 19 - كۇنى تۇستەن كەيىن، شي جينپيڭ سانجيا قىستاعىنا كەلىپ، كەدەيلىكتەن ارىلتۋدان قامال الۋ جاعدايىن ۇعىستى. جەرگىلىكتى ورىنداعى كادرلار باس شۋجيگە تاياۋ جىلداردان بەرى، سانجيا قىستاعىنىڭ اۋىل - قىستاق ساياحاتىن، ەگىمشىلىك - باعىمشىلىق كاسىبىن، ەڭبەك كۇش شىعارۋدى بەلسەنە دامىتىپ، نەگىزدىك قۇرىلعىلاردى كەمەلدەندىرىپ، قونىس ورتاسىن جاقسارتىپ، كەدەيلىكتىڭ تۋىلۋ سالىستىرماسىن 2014 - جىلداعى ％21تەن قازىرگى ％0.45كە تومەندەتكەندىگىن ايتتى. شي جينپيڭ مۇنى تۇراقتاندىراتىندىعىن ءبىلدىردى. ول بىلاي دەپ باسا دارىپتەدى: جاپپاي دوڭگەلەك داۋلەتتى قوعام ورناتۋدا بىردە - ءبىر ۇلتتى قاعىس قالدىرۋعا بولمايدى. از ۇلتتار مەن ۇلتتىق وڭىرلەردىڭ دامۋىن جەدەلدەتىپ، رەفورمانىڭ، دامۋدىڭ تابىستارىنان ءار ۇلت حالقىن اناعۇرلىم كوپ، اناعۇرلىم ءادىل يگىلىكتەندىرۋ كەرەك.

　　شي جينپيڭ سانجيا قىستاعى جۇڭجاي سىمولا ۋازۋ قىستاعىنا بارىپ، اۋىل - قىستاقتى گۇلدەندىرۋ جانە از ۇلتتار ەرەكشە قىستاعىن قۇرۋ جاعدايىن ۇعىستى. ”سىمولا“ ۋازۋ تىلىندە باقىتتى جەر دەگەن ماعىنادا. بۇل قىستاقتىڭ 500 نەشە جىلدىق تاريحى بار، جۇڭگونىڭ ءداستۇرلى قىستاعى، از ۇلتتار ەرەكشە قىستاعى، ۋازۋ، حانزۋ، بايزۋ، دايزۋ سياقتى كوپ ۇلت جاراسىمدى بىرگە ءومىر كەشىپ كەلەدى.

　　شي جينپيڭ قىستاق تۇرعىنى لي فاشۇننىڭ ۇيىنە كەلىپ، قوناق بولمە، جاتىن ءۇي، اسحانا، دارەتحانا، شوشقا قورا سياقتىلاردى ءبىر - بىرلەپ كورىپ، قونىس ورتاسىنىڭ جاعدايىن ۇعىستى. وسىدان كەيىن شي جينپيڭ اۋلادا لي فاشۇن وتباسىنداعىلارمەن بىرگە جەرگىلىكتى ورىننىڭ مەرەكەلىك ءداستۇرلى تاعامى كۇرىش بابا جاسادى ءارى اڭگىمە دۇكەن قۇرىپ، لي فاشۇن وتباسىنىڭ كەدەيلىكتەن ارىلۋ جاعدايىن تاپتەشتەي سۇراستىردى. لي فاشۇن باس شۋجيگە بۇرىندارى ەڭبەككۇش تاپشى، وعان قوسا 2 بالاسى مەكتەپتە وقيتىندىقتان تۇرمىسى ءبىر مەزەت ەرەكشە قيىنشىلىقتا قالعاندىعىن، وسى بىرنەشە جىلدا شوشقا باعۋ، كۇرىش اقتاۋ، سىرتقا شىعىپ جۇمىس ىستەۋ سياقتىلار ارقىلى كىرىسى ءبىرتالاي جوعارىلاپ، 2017 - جىلى كەدەيلىكتەن ارىلعاندىعىن، وتباسىنداعىلاردىڭ تۇگەلدەي اۋىل - قالاشىق تۇرعىندار نەگىزگى ەمدەۋ قامسىزداندىرۋىنا قاتىناسقاندىعىن، بالالارىنىڭ مەكتەپتە وقىپ جاتقاندىعىن، ۇيلەرىنىڭ تازا دا بەرىك ەكەندىگىن، تۇرمىستارىنىڭ بارعان سايىن جاقسارىپ كەلە جاتقاندىعىن ايتتى. شي جينپيڭ مۇنى ەستىپ قاباعات قۋاندى. ول بىلاي دەپ اتاپ كورسەتتى: اۋىلداستاردىڭ كەدەيلىكتەن ارىلۋى باقىتتى تۇرمىسقا بەت الۋىنىڭ العاشقى قادامى، جاڭا تۇرمىستىڭ، جاڭا ۇمتىلىستىڭ باستاماسى. جاپپاي دوڭگەلەك داۋلەتتى قوعام ورناتۋ نەگىزىندە اۋىل - قىستاقتى گۇلدەندىرۋدى كۇش سالا ىلگەرىلەتىپ، باقىتتى ۋازۋ قىستاعىن اناعۇرلىم باقىتتى ەتۋ كەرەك.

　　جادىراعان كۇن شۋاعى توگىلگەن الاڭدا قىستاق تۇرعىندارى دۋماندى ۋازۋ ۇلتى ءبيىن بيلەدى. جەرگىلىكتى عۇرىپ - ادەت بويىنشا شي جينپيڭ اعاش باراباندى 3 رەت قاعىپ، الداعى جىلدا مولشىلىق بولۋىن، ەل امان، جۇرت تىنىش بولۋىن تىلەدى. قىستاق تۇرعىندارى قىزۋ شاپالاق سوعىپ، باس شۋجيگە جابال امانداستى. شي جينپيڭ كوپشىلىكتىڭ مەرەكەلەرىنە قۇتتى بولسىن ايتىپ، اۋىلداستاردىڭ تۇرمىسىنىڭ بارعان سايىن باقىتتى بولۋىن تىلەدى. اۋىلداستار «اۋا حالقى جاڭا ءان شىرقايدى» ءانىن ايتىپ، باس شۋجيدى قاۋمالاي ءجۇرىپ قىستاقتىڭ شىعا بەرىسىنە دەيىن كەلدى، ءان اۋەنى مەن كۇلكى ءۇنى قىستاقتى ۇزاققا دەيىن جاڭعىرتتى.

　　وسىدان كەيىن شي جينپيڭ حىشۇن بايىرعى قالاشىعىنا كەلىپ، قىزمەت تەكسەردى، تەكسەرۋ - زەرتتەۋ جۇرگىزدى. حىشۇن ەرتە زامانعى سىچۋان، يۇننان، بيرما، ءۇندىستان وڭتۇستىك قۇرلىق ”جىبەك جولى“ ءسوزسىز باسىپ وتەتىن جەر، ءبىرشاما كەمەلدى ميڭ، چيڭ پاتشالىقتارىنىڭ ەجەلگى قۇرىلىس شوعىرى ساقتالعان. حىشۇندا ەجەلدەن مادەنيەتتى قادىرلەپ، وقۋ - اعارتۋدى ارداقتايتىن، وتباسى سالتى مەن وتباسى تاربيەسىنە ءمان بەرەتىن ءداستۇر بار، حىشۇن كىتاپحاناسى − اۋىل - قىستاق كىتاپحاناسى، كىتاپحانانىڭ سالىنعانىنا 90 نەشە جىل بولعان. شي جينپيڭ كىتاپحاناعا كىرىپ، بايىرعى قالاشىقتىڭ تاريحي مادەنيەتتى جالعاستىرۋ جانە مادەنيەتتى، وقۋ - اعارتۋدى گۇلدەندىرۋ جاعدايىن ۇعىستى. ول حىشۇننىڭ شاعىن كوشەلەرىن بويلاپ، بايىرعى قالاشىقتىڭ بەت - بەينەسىن كوردى، باتىس وڭتۇستىك جىبەك جولى بايىرعى جولىنىڭ قالىپتاسۋى، دامۋى، حىشۇن بايىرعى قالاشىعى تاريحي مادەنيەتىنىڭ جالعاسۋى سياقتى جاعدايلاردى ۇعىستى. جول - جونەكەي ساياحاتشىلار مەن قىستاق تۇرعىندارى باس شۋجيگە تۇس - تۇستان امانداستى، شي جينپيڭ ءالسىن - ءالى قول بۇلعاپ، قۇرمەت ءبىلدىرىپ، كوپشىلىكتىڭ مەرەكەسىنە قۇتتى بولسىن ايتتى.

　　حىشۇن ەلىمىزدىڭ ايگىلى فيلوسوفى اي سىچيدىڭ اتا مەكەنى. شي جينپيڭ بايىرعى قالاشىقتىڭ ىشكى جاعىنداعى اي سىچي ەسكەرتكىش سارايىنا كەلىپ، اي سىچيدىڭ ءومىر بويى ماركستىك فيلوسوفيانى زەرتتەۋگە جانە ۇگىتتەۋگە، ماركستىك فيلوسوفيانى بۇقاراعا بەيىمدەۋدى، جۇڭگوشالاندىرۋدى ىلگەرىلەتۋگە كۇش سالعان ىزگى ىستەرىن ۇعىستى. شي جينپيڭ بىلاي دەپ اتاپ كورسەتتى: اي سىچي جولداس پارتيانىڭ تاڭداۋلى نازارياشىسى جانە كورنەكتى نازاريا قىزمەتكەرى، ول دارىپتەگەن يدەيانى داۋىرمەن ۇشتاستىرۋ، نازاريانى امالياتپەن ۇشتاستىرۋ، فيلوسوفيانى حالىقپەن ۇشتاستىرۋ رۋحىن ۇزدىكسىز ساۋلەلەندىرۋ، اسقاقتاتۋ كەرەك. جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ ماركسيزمنىڭ جۇڭگوشالانۋىن ويداعىداي بايانداي الاتىن ءبىر توپ دارىندىلاردىڭ حالىق بۇقاراسى ەستىپ تۇسىنە الاتىن، تىڭداپ ساناعا ۇيالاتاتىن سوزدەرمەن پارتيانىڭ جاسامپاز نازارياسىن ”جاي بۇقاراعا جەتكىزۋ“دى قاجەت ەتەدى.

　　1 - ايدىڭ 20 - كۇنى شي جينپيڭ كۇنميڭگە بارىپ، قىزمەت تەكسەردى، تەكسەرۋ - زەرتتەۋ جۇرگىزدى. سول كۇنى تۇستەن كەيىن ول الدىمەن ديانچى شيڭحاي تۇبەگى ەكولوگيالىق سازدىعىنا كەلىپ، يۇننان ولكەسى مەن كۇنميڭ قالاسىنىڭ ەكولوگيالىق ورتانى قورعاۋ، شينان ەكولوگيالىق حاۋىپسىزدىك قالتقىسىن بەرىك ورناتۋ جالپى جاعدايى جونىندەگى مالىمەتتى تىڭدادى، ديانچى، فۋشيانحۋ، ىر - حاي سۋ ۇلگىسى جانە ديانچى ورگانيزمدەردىڭ الۋان تۇرلىلىگى كورمەسىن كوردى. ديانچىنىڭ ەكولوگيالىق ورتاسى ءبىر مەزەت ءبۇلىنىپ، ەلىمىزدەگى لاستانۋى ەڭ اۋىر كولدەردىڭ بىرىنە اينالعان، كوپ جىلدىق تىنباي جونگە سالۋدىڭ ارقاسىندا، ەكولوگيالىق ورتاسى بارىنشا جاقساردى. شي جينپيڭ ديانچىنى قورعاۋ، جونگە سالۋ جانە سۋ ساپاسىن جاقسارتۋ جاعدايىن تاپتەشتەي سۇرادى. ول بىلاي دەپ باسا دارىپتەدى: پارتيا 18 - قۇرىلتايىنان بەرى، ءبىزدىڭ ورتاعا قويعان ەكولوگيالىق وركەنيەت ۇستانىمىمىز جۇرت جۇرەگىنە تەرەڭ ۇيالادى. بۇل ۇستانىم ادامزات قوعامىنىڭ دامۋ زاڭدىلىعىنا ۇيلەسەدى، حالىق بۇقاراسىنىڭ تاماشا تۇرمىسقا بولعان تىلەگىنە باپ كەلەدى. ەكونوميكانىڭ جوعارى ساپالى دامۋىن ىلگەرىلەتۋدە الدىمەن لاستاپ، ونان كەيىن جونگە سالاتىن كونە سۇردەكپەن جۇرۋگە استە بولمايدى. تەك ەكولوگيانى الدىمەن ويلاسۋعا، جاسىل دامۋعا تاباندى بولىپ، سوڭىنا دەيىن قۇلشىنىپ، ۇزاق ۋاقىت ۇلەس قوساتىن بولساق، ءسوز جوق، تۇنىق سۋ، جاسىل تاۋ باعالى بايلىققا اينالادى. شي جينپيڭ بىلاي دەپ اتاپ كورسەتتى: يۇنناننىڭ ەكولوگيالىق ورنى ماڭىزدى، وزىندىك ابزالدىلىعى بار، شەشۋشى ءتۇيىن قورعاۋ قىزمەت جاۋاپكەرشىلىگىن ويداعىداي وتەۋدە. ديانچى كۇنميڭدى ارلەندىرىپ تۇرعان جاقۇت، العان بەتتەن قايتپايتىن ارىنمەن، تاۋ، سۋ، ورمان، اتىز، كول، جايلىم − تىرشىلىكتىڭ ورتاق تۇلعاسى دەگەن ۇستانىم بويىنشا جالپىلىق جونگە سالۋدى، جۇيەلى جونگە سالۋدى، قاينارىنان جونگە سالۋدى كۇشەيتىپ، كۇش ۇستىنە كۇش قوسىپ، ديانچىنى جونگە سالۋ قىزمەتىن اناعۇرلىم جاقسى ىستەۋ كەرەك.

　　كۇنميڭ حالىقارالىق ءماجىلىس - كورمە ورتالىعىندا 14 - كەزەكتى كۇنميڭ كوكتەم مەرەكەسى زات ساتىپ الۋ كورمەسى وتكىزىلىپ جاتتى. شي جينپيڭ وسى جەرگە كەلىپ، جاڭا جىلدىق بۇيىمدار كوشەسىن كوزدەن كەشىردى. زات سورەلەرىنە اۋىل شارۋاشىلىعى قوسىمشا ونىمدەرى سامسي ءتىزىلىپ، مەرەكە كەزىندەگى حالىقتىق عۇرىپ - ادەتكە پايدالانىلاتىن زاتتار ايرىقشا قويۋ مەرەكەلىك راي كورسەتىپ، از ۇلتتار مەن توڭىرەكتەگى ەلدەردىڭ ەرەكشە ونىمدەرى كوزدىڭ جاۋىن الادى... شي جينپيڭ جايما ورىندارىنىڭ الدىنا بارعاندا، ساۋداگەرلەر، الارماندار قورالاي كەلىپ باس شۋجيگە جابال امانداستى. شي جينپيڭ كوكتەم مەرەكەسى قارساڭىنداعى بازاردىڭ قامداۋ جاعدايىن ەگجەي - تەگجەيلى سۇراستىردى. ول بىلاي دەدى: بۇرىنعى زاتتىڭ تاپشىلىعىنان قازىرگى مولشىلىققا دەيىن مەملەكەتىمىزدە وراسان زور وزگەرىس تۋىلىپ، حالىقتىڭ تۇرمىسى جىلدان - جىلعا جاقسارىپ كەلەدى. ”كوجە - قاتىق“، ”استىق“، ”جەمىس - جيدەك“ دەگەندەردىڭ بارلىعى حالىق تۇرمىسىنا قاتىستى ءىرى ىستەر. قاتىستى تاراۋلار قىزمەتتى جاقسى ىستەپ، مەرەكە كەزىندەگى بازار قامداۋىنىڭ جەتكىلىكتى، ساپاسىنىڭ حاۋىپسىز، سەنىمدى بولۋىنا شىنايى كەپىلدىك ەتىپ، بۇقارانىڭ كوكتەم مەرەكەسىن تىنىش، مەرەيلى، بەرەكەلى وتكىزۋىنە مۇمكىندىك جاساۋ كەرەك.

　　كورمە زالىنىڭ سىرتىنداعى الاڭعا مەرەكەلىك بۇيىمدار ساتىپ الۋعا كەلگەن بۇقاراعا لىق تولعان. باس شۋجيدىڭ كەلگەنىن كورگەن كوپشىلىك قاۋمالاي كەلىپ، بىركەلكى داۋىسپەن ”ءتوراعا شي جينپيڭ، سالەمەتسىز“ دەپ الاقايلادى. شي جينپيڭ كوپشىلىكپەن ىقىلاستى تۇردە قول الىسىپ، يۇننان بۇقاراسىنىڭ، بۇكىل ەلدەگى ءار ۇلت حالقىنىڭ، شياڭگاڭدىق، اۋمىندىق، تايۋاندىق باۋىرلاستاردىڭ جانە شەتەلدەگى چياۋمين باۋىرلاستاردىڭ كوكتەم مەرەكەسىنە تىلەك ايتىپ، كوپشىلىكتىڭ جاڭا جىلدا دەنساۋلىقتارىنىڭ مىقتى، وتباسىلارىنىڭ باقىتتى، تاتۋ دا مەرەيلى بولۋىن، ىستەرىنىڭ العا باسۋىن تىلەدى، ءار ۇلت حالقىنىڭ الاڭسىز، كوڭىلدى، قۋانىشتى بولۋىن، تۇرمىستارىنىڭ بارعان سايىن جاقسارۋىن تىلەدى، ۇلى وتاننىڭ گۇلدەنىپ - كوركەيۋىن تىلەدى.

　　ءماجىلىس - كورمە ورتالىعىنان شىققان سوڭ، شي جينپيڭ اۆتوكولىكپەن يۇننان شىفان داشۋەسىنىڭ اۋلاسىنداعى مەملەكەتتىك باتىس وڭتۇستىك بىرلەسكەن داشۋەسىنىڭ بۇرىنعى ورنىنا بارىپ قىزمەت تەكسەرىپ، تەكسەرۋ - زەرتتەۋ جۇرگىزدى. 1937 - جىلى جاپون شاپقىنشىلارىنا قارسى سوعىس جاپپاي باستالعان سوڭ، بەيجيڭ داشۋەسى، چيڭحۋا داشۋەسى، نانكاي داشۋەسى سىندى 3 داشۋە ەرىكسىز وڭتۇستىككە كوشىپ، اينالىپ ءجۇرىپ كۇنميڭگە كەلىپ ورنىعادى. كۇنميڭدە تۇرعان 8 جىلدا باتىس وڭتۇستىك بىرلەسكەن داشۋەسىندەگى قالىڭ وقىتۋشى - وقۋشىلار قايسار، باتىل، ۇزدىك بولۋداي مەكتەپ ءتالىمىن ۇستانىپ، عىلىممەن وتاندى قۇتقارۋ ارمانىن ارقالاپ، قيىن - قىستاۋدا بىرگە بولىپ، جاۋعا تەگىس كەكتەندى، جاپون شاپقىنشىلارىنا قارسى سوعىستا كوپتەگەن وقۋشىلار قالامدارىن تاستاپ قارۋ ۇستاپ، شەكارا وڭىردە ءوزىن وتانعا ارنادى، جاپون شاپقىنشىلارىنا قارسى سوعىس جەڭىسكە جەتكەن سوڭ، باتىس وڭتۇستىك بىرلەسكەن داشۋەسىنىڭ وقىتۋشى - وقۋشىلارى ىشكى سوعىسقا قارسى دەموكراتيالىق قوزعالىسقا بەلسەنە ات سالىسىپ، جىرلاۋعا، ماداقتاۋعا تاتيتىن وتانشىلدىق داستان جازدى.

　　شي جينپيڭ جول بويى ”1 - جەلتوقسان“ قوزعالىسىن ەسكە الۋ الاڭى، باتىس وڭتۇستىك بىرلەسكەن داشۋەسىنىڭ بۇرىنعى ساباقحانالارى، توڭكەرىستىك قۇرباندار ەسكەرتكىشى، باتىس وڭتۇستىك بىرلەسكەن داشۋەسىنىڭ ەسكەرتكىشى سياقتى بەلگى قۇرىلىستاردى كوردى. ول باتىس وڭتۇستىك بىرلەسكەن داشۋەسىنىڭ مۇراجايىنا كىرىپ ەكسكۋرسيالاپ، باتىس وڭتۇستىك بىرلەسكەن داشۋەسىنىڭ جاپون شاپقىنشىلارىنا قارسى سوعىستىڭ ماشاقاتتى جاعدايىندا جۇڭحۋا ۇلتىنىڭ مادەنيەت تامىرىن جالعاپ، وتان ءۇشىن دارىندى تاربيەلەگەن تاريحىمەن ەگجەي - تەگجەيلى تانىستى. ول بىلاي دەپ باسا دارىپتەدى: وقۋ - اعارتۋ مەملەكەتتىڭ تاعدىرىمەن، بولاشاعىمەن تىعىز بايلانىستى. ءبىزدىڭ وقۋ - اعارتۋىمىزدىڭ ماقساتى − سوتسياليزمنىڭ قۇرىلىسشىلارى مەن ءىزباسارلارىن جەتىلدىرۋ. دۇرىس ءبىلىم بەرۋ بەتالىسىنا تاباندى بولىپ، پارتيانىڭ وقۋ - اعارتۋ باعىتىن تياناقتاندىرىپ، جوعارى ساپالى وقىتۋشىلار قوسىنى قۇرىلىسىن كۇشەيتىپ، تاريحي جاۋاپكەرشىلىك سەزىمگە يە، ۇلى مۇراتقا يە ءداۋىر جاڭا ادامدارىن جەتىلدىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا پارمەندى دارىندىلار تىرەگىن ۇسىنۋ كەرەك. مۇراجايدىڭ ەسىك الدىندا، شي جينپيڭ يۇننان شىفان داشۋەسىندەگى وقىتۋشى - قىزمەتكەرلەردىڭ، قىستىق دەمالىستا پراكتيكا ىستەۋ ءۇشىن مەكتەپتە قالعان ستۋدەنت ەرىكتىلەردىڭ ۋاكىلدەرىمەن، مۇراجاي قىزمەتكەرلەرىمەن ءبىر - بىرلەپ قول الىستى، سونداي - اق وقىتۋشى - وقۋشىلارعا، قىزمەتكەرلەرگە كوكتەم مەرەكەسى بايلانىسىمەن سالەم جولدادى.

　　1 - ايدىڭ 21 - كۇنى تۇستەن بۇرىن شي جينپيڭ يۇننان ولكەلىك پارتكوم مەن ولكەلىك ۇكىمەتتىڭ قىزمەتىنەن مالىمەتتى تىڭداپ، يۇنناننىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىردى. يۇنناننىڭ بۇكىل مەملەكەت دامۋىنىڭ كەلەلى جاعدايىنداعى ورنى مەن رولىن دۇرىس تانۋىن جانە يگەرۋىن، پارتيا ورتالىق كوميتەتىنىڭ ماڭىزدى شەشىمدەرىن، ورنالاستىرۋلارىن باتىل دايەكتىلەندىرۋىن، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتىن ءبىر تۇتاس جوسپارلاپ ىلگەرىلەتۋىن، ەلىمىزدىڭ ۇلتتار ىنتىماعى، العاباسارلىعىنداعى ۇلگىلى رايون، ەكولوگيالىق وركەنيەت قۇرىلىسىنداعى اتويشى، شىعىس وڭتۇستىك ازياعا باعىتتالعان ىقپال جاساۋ ورتالىعىن قۇرۋعا قۇلشىنۋدا ۇزدىكسىز تىڭ ىلگەرىلەۋشىلىككە قول جەتكىزىپ، جۇڭگو ارمانىنىڭ يۇننان تاراۋىن ويداعىداي جازۋىن ءۇمىت ەتتى.

　　شي جينپيڭ بىلاي دەپ اتاپ كورسەتتى: جاڭا داۋىردە دامۋدى مىقتى يگەرۋدە، ءسوز جوق، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى جاڭا دامۋ ۇستانىمىن بۇلجىتپاي دايەكتىلەندىرىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك. دۇرىس قىزمەت ناتيجەسى كوزقاراسىن ورناتىپ، ورنىقتىلىق پەن ىلگەرىلەۋدىڭ، ورناتۋ مەن قيراتۋدىڭ، جورىمالدىق پەن ناقتىلىقتىڭ، فورما مەن ءماننىڭ، جاقىن مەن الىستىڭ قاتىناسىن دۇرىس ءبىر جاقتى ەتىپ، تومەنگى شەكتە ويلاۋعا تاباندى بولىپ، حاۋىپ - قاتەر تانىمىن كۇشەيتىپ، جاڭا دامۋ ۇستانىمدارىن ەكونوميكالىق، قوعامدىق دامۋدىڭ جالپى بارىسىمەن سانالى تۇردە ساباقتاستىرۋ كەرەك. وسىزاماندانعان ەكونوميكا جۇيەسىن ورناتۋدى جەدەلدەتىپ، قامداۋ جاعىنداعى قۇرىلىمدىق رەفورما سىندى نەگىزگى جەلىنى مىقتاپ يگەرىپ، وزىق جاساۋ كاسىبىن دامىتۋدى، ناقتى ەكونوميكانى كوركەيتۋدى ىلگەرىلەتەتىن ءتۇزىلىس - مەحانيزمدەردى اقاۋسىزداندىرىپ، ءداستۇرلى جاساۋ كاسىبىن ساپالىلاندىرۋدى، دارەجەسىن كوتەرۋدى ىلگەرىلەتىپ، جاڭا وركەندەگەن كاسىپتەردى جەدەل دامىتىپ، نەگىزدىك قۇرىلعى قۇرىلىسىن ىلگەرىلەتىپ، اۋىل شارۋاشىلىعى ءوندىرىسىن ويداعىداي يگەرىپ، كەدەيلىكتەن ارىلتۋدان قامال الۋدىڭ جەتىستىكتەرىن كۇش سالا بەكەمدەپ، قونىس جاڭالاۋ قىزمەتىن ىشكەرىلەي، ويداعىداي ىستەپ، تۇلعالىق فۋنكتسياسى ايقىن، باسىمدىقتارىمەن ءبىرىن - ءبىرى تولىقتايتىن، جوعارى ساپالى داميتىن وڭىرلىك ەكونوميكالىق جۇلگە قالىپتاستىرۋدى ىلگەرىلەتۋ كەرەك. ساياحات بازارىنداعى بىلىقپالىقتاردى زاڭ بويىنشا رەتتەۋ - جونگە سالۋ ناتيجەسىن بەكەمدەپ، ساياحات كاسىبىنىڭ ۇزدىكسىز، اقاۋسىز دامۋىن ىلگەرىلەتۋ كەرەك. تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، اشىق اسپاندى، تۇنىق سۋدى، تازا توپىراقتى قورعاۋ سىندى ءۇش ۇلكەن قورعاۋ شايقاسىن تىنباي ويداعىداي جۇرگىزۋ كەرەك. مەملەكەتتىڭ كەلەلى دامۋ ستراتەگيالارىنا ىرىقتى تۇردە قىزمەت وتەپ جانە توعىسىپ، قاۋىرت ەسىك اشۋ مەن قاۋىرت دامۋدى جەبەپ، توڭىرەكتەگى ەلدەرمەن ۇلاسۋ - تۇتاسۋ حالىقارالىق ءىرى ارنا قۇرىلىسىنىڭ اياق الىسىن جەدەلدەتۋ كەرەك. توڭىرەكتەگى ەلدەرمەن مادەنيەت اۋىس - كۇيىسىن جاساۋ قىزمەتىن كۇشەيتىپ، حالىقتار تىلەگىنىڭ توعىسۋىن جەبەۋ كەرەك.

　　شي جينپيڭ بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، جۇڭگوشا سوتسياليزم تۇزىمىنە تىرەك بولاتىن ءتۇبىرلى ءتۇزىمنىڭ، نەگىزگى ءتۇزىمنىڭ، ماڭىزدى ءتۇزىمنىڭ يۇنناندا باتىل دايەكتىلەنۋىنە، تياناقتانۋىنا شىنايى كەپىلدىك ەتىپ، شەكارا وڭىردەگى ۇلتتىق رايوندى جونگە سالۋ قابىلەتىن ۇزدىكسىز كۇشەيتۋ كەرەك. پارتيانىڭ باسشىلىعىنا باستان - اياق تاباندى بولىپ، پارتيانىڭ باسشىلىق ءتۇزىمىن كەمەلدەندىرىپ، تىك باعىتتا تۇبىنە دەيىن، كولدەنەڭ باعىتتا شەتىنە دەيىن جەتكىزۋ كەرەك. ۇلت ماسەلەسىن شەشۋدىڭ جۇڭگوشا دۇرىس جولىمەن جۇرۋگە تاباندى بولىپ، ۇلتتار ىنتىماعى، العاباسارلىعىندا وزات ورىن قۇرۋدى جاپپاي، ىشكەرىلەي، ۇزاق ۋاقىت ورىستەتىپ، جۇڭحۋا ۇلتى ورتاق تۇلعاسىنىڭ يدەيالىق نەگىزىن بەرىك قالاۋ كەرەك. پارتيانىڭ ءدىن قىزمەتى نەگىزگى باعىتىن ىشكەرىلەي دايەكتىلەندىرىپ، ەلىمىزدە ءدىننىڭ جۇڭگوشالانۋ بەتالىسىنا تاباندى بولۋ كەرەك. ۇلتتىق وڭىرلەر مەن حالىق سانى ءبىرشاما از ۇلتتاردىڭ دامۋىن جەبەۋ، شەكارا ءوڭىردى كوركەيتىپ، حالىقتى بايىتۋ ارەكەتى سياقتى جوبالاردى ويداعىداي اتقارىپ، ءار ۇلت بۇقاراسىنىڭ تۇرمىس دەڭگەيىن ۇزدىكسىز جوعارىلاتۋ كەرەك. ”فىڭچياۋ تاجىريبەسى“نە تاباندى بولىپ جانە ونى دامىتىپ، قارا - سۇرقيا كۇشتەردى الاستاۋ ارەكەتىن ىشكەرىلەي ورىستەتىپ، ەسىرتكىگە ساياتىن قىلمىستار، لاڭكەستىككە ساياتىن قىلمىستار، اتكەزشىلىك، الدامكوستىك، شەكارادان ۇرلانىپ ءوتۋ، شەكارادان شىعىپ قۇمار ويناۋ سياقتى شەكارا اتتاعان زاڭعا قايشى قىلمىستارعا سوققى بەرۋ سەرپىنىن ارتتىرىپ، وسى قىلمىستاردىڭ دالداسىندا تۇرعان قارا كۇشتەردى جانە ولاردىڭ ”باسقالقالارىن“ باتىلدىقپەن جويۋ كەرەك. شەكارانى كۇشەيتىپ، قورعانىستى بەكەمدەۋ قىزمەت مەحانيزمىن اقاۋسىزداندىرىپ، شەكارا ءوڭىردىڭ ورنىقتىلىعى مەن بەكەمدىگىن شىنايى قورعاۋ كەرەك.

　　شي جينپيڭ بىلاي دەپ اتاپ كورسەتتى: حالىقتى وزەك ەتكەن دامۋ يدەياسىنا تاباندى بولىپ، پارتيا ورتالىق كوميتەتىنىڭ حالىققا ءتيىمدى ءتۇرلى ساياساتتارىن جاپپاي تياناقتاندىرىپ، حالىق بۇقاراسى ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن مىقتى ۇستاپ، جالپىعا بىردەي ءتيىمدى، نەگىزدىك، تومەنگى شەكتىك حالىق تۇرمىسى قۇرىلىسىن كۇش سالا ويداعىداي ىستەپ، ءار ۇلت بۇقاراسىن اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلدىرۋ كەرەك. كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزىپ، نازاردى اۋىر كەدەي وڭىرلەرگە شوعىرلاندىرىپ، نازاردى قىزمەتتىڭ قيىندىعى جوعارى اۋداندارعا، اۋىلدارعا، قىستاقتارعا شوعىرلاندىرىپ، ”بەس ءبىر توپ“ ءادىسى بويىنشا، تۇرلەر بويىنشا شارا قولدانۋدى، ايقىن جوسپارمەن شايقاستى قاداعالاۋدى كۇشەيتىپ، ەڭ سوڭعى قامالدى الۋعا كۇش سالىپ، ”ەكىدەن تارىقتىرماۋ، ءۇشتى قامتاماسىز ەتۋ“دىڭ نەگىزگى ولشەمىن مىقتاپ يگەرىپ، تەكسەرىپ وتكىزىپ الۋدى قاتاڭ جۇرگىزۋ كەرەك. كەيىنگى ساياساتتىق قولداۋلاردىڭ جەتىسپەۋشىلىگى سالدارىنان قايتا كەدەيلەسۋدەن نەمەسە اۋرۋ سەبەبىنەن، جاراقات سەبەبىنەن قايتا كەدەيلەسۋدەن ساقتانۋ كەرەك. ”وي - سانانى بايىتۋ“ مەن ”قالتانى قامپايتۋ“عا قاتار ءمان بەرۋگە تاباندى بولىپ، كەدەيلەردى سۇيەمەلدەۋدى ەرىك - جىگەر جاقتان سۇيەمەلدەۋمەن، اقىل - پاراسات جاقتان سۇيەمەلدەۋمەن بىرلەستىرۋدى كۇشەيتىپ، وركەندەتۋ ۇلگىسىندەگى كەدەيلەردى سۇيەمەلدەۋدى قامتاماسىز ەتۋ تۇرىندەگى كەدەيلەردى سۇيەمەلدەۋمەن ۇشتاستىرۋدى كۇشەيتۋ كەرەك.

　　شي جينپيڭ بىلاي دەپ باسا دارىپتەدى: نەگىزگى تاقىرىپتىق تاربيەنىڭ ۋاقىتى شەكتى بولعانىمەن، اۋەلگى ماقساتتى امالياتتا ايگىلەۋدىڭ ۋاقىت شەگى جوق. قالىڭ پارتيا مۇشەلەرىن، كادرلاردى ۇزدىكسىز قۇلشىنۋعا جۇمىلدىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“دى شىن مانىندە پارتيا قۇرىلىسىن كۇشەيتۋدىڭ ماڭگىلىك تاقىرىبىنا جانە بۇكىل پارتيا مۇشەلەرىنىڭ، كادرلاردىڭ ومىرلىك تاقىرىبىنا اينالدىرىپ، جاڭا داۋىردە قايراتتانا العا باساتىن كۇش قاۋلاتۋ كەرەك. پارتيا تاريحىن، جاڭا جۇڭگو تاريحىن ۇيرەنىپ، پارتيانىڭ اۋەلگى ماقساتى مەن بورىشىنىڭ قۇندىلىعىن ءبىلىپ، پارتيانىڭ اۋەلگى ماقساتى مەن بورىشىنان اينىماۋدىڭ ماڭىزدىلىعىن ءتۇسىنۋ كەرەك. يۇنناندا داڭقتى توڭكەرىستىك ءداستۇر بار، ادامدى شىن اسەرلەندىرەتىن كوپتەگەن تارتىمدى حيكايالار بار. وسى حيكايالاردى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ تاربيەسىنىڭ جاندى وقۋلىعى ەتىپ، قالىڭ پارتيا مۇشەلەرىن، كادرلاردى اۋەلگى ماقساتتى ۇزدىكسىز قاداعالاۋعا، اۋەلگى ماقساتتى نارلەندىرۋگە، ادال، كىرشىكسىز، جاۋاپكەرلىك ارقالايتىن ساياسي قاسيەتتى ۇزدىكسىز شىڭداۋعا جەتەكتەۋ كەرەك. يدەيانى ازات ەتىپ، داۋىرمەن بىرگە العا باسىپ، جاڭا دامۋ ۇستانىمدارىمەن كونە، قاساڭ كوزقاراستاردى تالقانداپ، جوعارى ساپالى دامۋ ارقىلى جاڭا جاعداي اشۋ كەرەك. پارتيانىڭ بەلسەندى، اقاۋسىز ىشكى ساياسي مادەنيەتىن جەتىلدىرىپ، ستيلى پاك، سالتى دۇرىس ساياسي ەكولوگيانى نارلەندىرۋ كەرەك. شىرىكتەسۋگە قارسى تۇرىپ، پاكتىكتى دارىپتەۋ ساقتىق تاربيەسىن ىشكەرىلەي ورىستەتىپ، بىرەۋى ارقىلى وزگەسىن پايىمداپ، قىلپى بىلىنگەن زامان تيىم سالۋ، ەسكى سۇردەكتى قايتا باسۋدان ساقتانۋ كەرەك. بيلىكتى تەجەۋدى، باقىلاۋدى كۇشەيتىپ، ءار جاقتىڭ باقىلاۋىن نىعايتۋ كەرەك. باسشى كادرلار ءوزىن تەجەۋدى كۇشەيتىپ، ەرەكشە بيلىك يدەياسىنا باتىل قارسى تۇرىپ، جۇبايلارىن جانە تۋىس - تۋعاندارىن جاقسى تاربيەلەۋ، باسقارۋ كەرەك. جاقسى كادر ولشەمىنە تاباندى بولىپ، ادام ىستەتۋدىڭ ايقىن بەتالىسىن ورناتۋ كەرەك.

　　ديڭ شۋەشياڭ، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە سەرىك بولدى.