تيانشان تورى   ›   جاڭالىقتار   ›   شينجياڭ حابارلارى

2019 - جىلى شينجياڭنىڭ فينانس اينالىمى ورنىقتىلىق بارىسىندا جاقساردى

11 - ايدىڭ سوڭىندا قوعامدىق قارجى قۇراۋ كولەمىنىڭ ارتۋ قارقىنى سول جىل ىشىندە جوعارى ورەگە جەتتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفي 1 - ايدىڭ 21 - كۇنى ۇرىمجىدەن حابارلايدى. 1 - ايدىڭ 21 - كۇنى اشىلعان 2019 - جىلعى شينجياڭنىڭ فينانس اينالىم جاعدايى جونىندەگى اقپار جاريالاۋ ماجىلىسىنەن ۇعىسۋىمىزشا، 2019 - جىلى شينجياڭنىڭ فينانس اينالىمىندا ورنىقتىلىق بارىسىندا جاقسارۋداي بەتالىس جارىققا شىعىپ، قوعامدىق قارجى قۇراۋ كولەمى لايىقتى ارتۋدى ساقتاعان. 11 - ايدىڭ سوڭىندا شينجياڭنىڭ قوعامدىق قارجى قۇراۋ كولەمىنىڭ ىركىندى سوماسى 2 تريلليون 700 ميلليارد يۋان بولىپ، %9.7 ارتىپ، وتكەن جىلعى سايكەس مەزگىلدەگىدەن 7.1 پايىز جوعارى بولىپ، قوعامدىق قارجى قۇراۋ كولەمىنىڭ ارتۋ قارقىنى سول جىل ىشىندە جوعارى ورەگە جەتكەن.

  بىلتىر 1 - ايدان 11 - ايعا دەيىن شينجياڭنىڭ قوعامدىق قارجى قۇراۋ كولەمىنىڭ وسىمشەسى 233 ميلليارد 900 ميلليون يۋانعا جەتىپ، وتكەن جىلداعى ۇقساس مەزگىلدەگىنىڭ 3 ەسەسىندەي بولدى. مۇندا بانكە امانات قارىزى، ۇكىمەتتەردىڭ ارناۋلى زايومىنىڭ وسىمشەسى جەكە - جەكە 138 ميلليارد 750 ميلليون يۋان جانە 48 ميلليارد 870 ميلليون يۋان بولىپ، وسىمشە سالىستىرماسى جەكە - جەكە %59.3 جانە %20.9 بولىپ، ەكەۋىنىڭ وسىمشە جيىنتىق سالىستىرماسى %80تەن اسىپ، قوعامدىق قارجى قۇراۋ كولەمى ارتۋىنىڭ نەگىزگى تىرەگى بولعان؛ كاسىپورىنداردىڭ زايومى جانە جارناسى سياقتى تىكە قارجى قۇراۋىنىڭ وسىمشەسى 25 ميلليارد 960 ميلليون يۋان بولىپ، وسىمشە سالىستىرماسى %11.1 بولعان.

  قوعامدىق قارجى قۇراۋ كولەمىنىڭ ارتۋىنداعى ”نەگىزگى كۇش“ رەتىندە 2019 - جىلدىڭ سوڭىندا شينجياڭداعى مەملەكەت اقشاسىنىڭ جانە شەتەل اقشاسىنىڭ ءتۇرلى قارىز اقشا قالدىق مولشەرى 2 تريلليون 100 ميلليارد يۋان بولىپ، جىل باسىنداعىدان 163 ميلليارد 510 ميلليون يۋان مولايىپ، سايكەس مەزگىلدەگىدەن %9.3 ارتىپ، بىلتىرعى ۇقساس مەزگىلدەگىدەن 1.9 پايىز جوعارى بولعان. مۇندا حالىق اقشاسىنىڭ ءتۇرلى قارىز اقشا قالدىق مولشەرى ءبىر تريلليون 996 ميلليارد 10 ميلليون يۋان بولىپ، جىل باسىنداعىدان 164 ميلليارد 90 ميلليون يۋان مولايىپ، سايكەس مەزگىلدەگىدەن %9.7 ارتقان. ورتا، ۇزاق مەرزىمدىك قارىز اقشا قالدىق مولشەرى ءبىر تريلليون 214 ميلليارد 50 ميلليون يۋان بولىپ، جىل باسىنداعىدان 104 ميلليارد 810 ميلليون يۋان مولايىپ، سايكەس مەزگىلدەگىدەن %9.8 ارتىپ، جەكە - جەكە بىلتىرعى سايكەس مەزگىلدەگىدەن، جالپى قارىز اقشا الۋ ارتۋ قارقىنىنان ءبىر پايىز جانە 0.5 پايىز جوعارى بولعان. ”قارجى قوسۋدى ارتتىرۋدىڭ جەتەگىندە كاسىپورىنداردىڭ ورتا، ۇزاق مەرزىمدىك قارىز اقشاسى قارىز اقشا تىرەگىنىڭ باستى سەبەبىنە اينالدى“، - دەدى جۇڭگو حالىق بانكەسى ءۇرىمجى ورتالىق تارماق بانكەسىنىڭ ورىنباسار باستىعى يۋە يۇڭشىڭ.

  وڭىرلەرگە ءبولىپ قاراساق، وڭتۇستىك شينجياڭنىڭ 4 ايماق - وبلىسىنىڭ قارىز اقشا الۋ ارتۋ قارقىنى بىلتىرعى ۇقساس مەزگىلدەگىدەن زور مولشەردە ارتقان. 2019 - جىلدىڭ سوڭىندا وڭتۇستىك شينجياڭنىڭ قارىز اقشا قالدىق مولشەرى 328 ميلليارد 170 ميلليون يۋان بولىپ، جىل باسىنداعىدان 23 ميلليارد 350 ميلليون يۋان ارتقان. مۇندا وڭتۇستىك شينجياڭنىڭ 4 ايماق - وبلىسىنىڭ قارىز اقشا قالدىق مولشەرى 244 ميلليارد 460 ميلليون يۋان بولىپ، جىل باسىنداعىدان 22 ميلليارد 160 ميلليون يۋان مولايىپ، سايكەس مەزگىلدەگىدەن %10.8 ارتىپ، جەكە - جەكە بىلتىرعى ۇقساس مەزگىلدەگىدەن، جالپى قارىز اقشا الۋ ارتۋ قارقىنىنان 8.3 پايىز جانە 1.5 پايىز جوعارى بولعان.

  ”بىلتىر حالىق اقشاسىنىڭ قارىز اقشا ءوسىمى سايكەس مەزگىلدەگىدەن تومەندەپ، كاسىپورىنداردىڭ قارجى قۇراۋ وزىندىك قۇنى انتەك ازايدى“، - دەدى يۋە يۇڭشىڭ. بىلتىر 12 - ايدا حالىق اقشاسى قارىز اقشاسىنىڭ ۇستەمەلەنگەن ورتاشا ءوسىم مولشەرى %5.72 بولىپ، ۇقساس مەزگىلدەگىدەن 0.23 پايىز تومەندەپ، سايكەس مەزگىلدەگىدەن 0.50 پايىز تومەندەگەن. كاسىپورىنداردىڭ قارىز اقشاسىنىڭ ۇستەمەلەنگەن ورتاشا ءوسىم مولشەرى %5.01 بولىپ، ۇقساس مەزگىلدەگىدەن 0.12 پايىز تومەندەپ، سايكەس مەزگىلدەگىدەن 0.34 پايىز تومەندەگەن. مۇندا شاعىن، ۇساق كاسىپورىنداردىڭ قارىز اقشاسىنىڭ ۇستەمەلەنگەن ورتاشا ءوسىم مولشەرى %5.49بولىپ، ۇقساس مەزگىلدەگىدەن 0.14 پايىز تومەندەپ، سايكەس مەزگىلدەگىدەن 0.30 پايىز تومەندەگەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى