كوكتەم بوساعالىق ۇسىنۋ، ”福“ ءارىبىن ۇسىنۋ، تۇمشالامالى شام ءبيى، ءان جارىسى، دەنە تاربيە جارىسى... 1 - ايدىڭ 16 - كۇنىنەن باستاپ، رايونىمىزدا جەر - جەر ”ءبىزدىڭ جۇڭگو ارمانىمىز − مادەنيەتتى بارشا وتباسىلارىنا جەتكىزۋ“، ”كوكتەم مەرەكەسىندە ’福‘ ءارىبىن ۇسىنۋ، كوكتەم بوساعالىق ۇسىنۋ“، ”جاڭا داۋىردەگى اۋىل - قىستاق كىتاپ وقۋ ماۋسىمى“ قاتارلى فورماسى الۋان، مازمۇنى باي مادەنيەت، دەنە تاربيە ارقىلى حالىققا تيىمدىلىك جەتكىزۋ قيمىلدارىن ىركەس - تىركەس ورىستەتىپ، تيانشاننىڭ وڭتۇستىگى مەن سولتۇستىگىندەگى ءار ۇلت بۇقاراسىنا شاتتىققا جانە جاڭا جىل لەبىنە تولى مادەنيەت ”ۇلكەن تارتۋ“ىن ۇسىندى.
حال سۇراۋ كونسەرتى، بەيزاتتىق مادەنيەت مۇرالارى كورمەسى، كوركەم جازۋ تارتۋ ەتۋ، كوكتەم بوساعالىق جازىپ، ”福“ ءارىبىن ۇسىنۋ... كوكتەم مەرەكەسىنىڭ جاقىنداۋىنا ىلەسە، التاي قالاسىنداعى ادەبيەت - كوركەمونەر شاعىن بولىمشە اترەتتەرى نەگىزگى ساتىعا بارىپ، ”مادەنيەت مەرەكەلىك بۇيىمدارىن“ ءار ۇلت بۇقاراسىنا جەتكىزىپ، شاتتىققا تولى، جاراسىمدى مەرەكە رايىن قالىپتاستىردى.
التاي قالاسى قىزىلتاس قالاشىعى كوكبۇلاق قىستاعى قىستاق تۇرعىندار كوميتەتىنىڭ ۇلكەن اۋلاسىندا دومبىرا شەرتىپ ءان ايتۋ، تاقپاق ايتۋ، ءبي بيلەۋ، اككورديون تارتۋ سياقتى نومىرلەر ارت - ارتىنان ساحناعا كوتەرىلىپ، اۋىل - قىستاقتىڭ كەرەمەت وزگەرىسىن بايانداپ، قىستاق تۇرعىندارىنىڭ باقىتتى، جاراسىمدى تۇرمىسىن جىرلادى؛ التاي قالالىق اسەمونەرشىلەر قوعامىنىڭ، التىن تاۋ كوركەم جازۋ - سۋرەت ورنىنىڭ 5 كوركەمونەرشىسى قاۋىرسىن قالامدارىن سىلتەپ، ادەمى دە تارتىمدى كوكتەم بوساعالىقتاردى، شاتتىققا تولى ىزگى ”福“ ءارىبىن ءار ۇلت بۇقاراسىنا ۇسىندى. ”بۇگىنگى كونسەرت ەرەكشە تارتىمدى بولدى، كوركەمونەرشىلەر وزدەرى جازعان كوكتەم بوساعالىقتاردى بىزگە ۇسىندى، ەرەكشە قۋانىشتامىن، بىزگە، شىنىمەن، قويۋ جاڭا جىل مەرەكەسىن سەزىندىردى!“، - دەدى قىستاق تۇرعىنى باعدار ناسىر قۋانىشپەن.
لەكسيا، باۋلۋ، مەيىر باعىشتاۋ، كىتاپ وقۋدان بىرگە ءلاززاتتانۋ، كىتاپ وقۋ كارتچكاسىن ۇسىنۋ... قىس كىرگەننەن بەرى، باي اۋداندىق كىتاپحانا ىلگەرىندى - كەيىندى ياعارىق قالاشىعى، قىزىل اۋىلى، ميچىع اۋىلى سياقتى جەرلەردە ”جاڭا ءداۋىر اۋىل - قىستاق كىتاپ وقۋ ماۋسىمى − مادەنيەتتى بارشا وتباسىلارىنا جەتكىزۋ“ قيمىلىن ورىستەتتى. ميچىع اۋىلى شىرىلتاي قىستاعىندا باي اۋداندىق كىتاپحانا بۇقاراعا جۇڭحۋانىڭ تاڭداۋلى ءداستۇرلى مادەنيەت سۋرەتتى كىتابىن، گازەت جانە ماقتالى كيىم - كەشەك جەتكىزىپ، قيىنشىلىعى بار بۇقاراعا زاتتىق جاقتان كومەكتەسىپ، سۇيىسپەنشىلىك جاعىنان مەيىر باعىشتاپ قالماستان، ونان دا ماڭىزدىسى، كوپشىلىككە ساپالى رۋحاني ازىق سيلادى.
1 - ايدىڭ 18 - كۇنى اقسۋ ايماقتىق كىتاپحانا ”ءبىزدىڭ جۇڭگو ارمانىمىز“− 2020 - جىلى مادەنيەتتى بارشا وتباسىلارىنا جەتكىزۋ ”سۋرەتتى كىتاپتاردى شاتتانا وقۋ“ قيمىلىن ورىستەتىپ، 30عا جۋىق وتباسى قاتىناستى. ”مۇعالىم اڭگىمەنىڭ جەلىسىنە نەگىزدەلە ويىن ورنالاستىرىپتى، ونىمەن بالالاردىڭ قيالىن جانە جاسامپازدىق قابىلەتىن مازداتۋعا بولادى ەكەن“. سەميا باستىعى ءزۇلپيا ساۋۇر: وسىنداي قيمىلدار ارقىلى بالالاردى كىتاپ وقۋعا باۋراپ، كىتاپ وقيتىن تاماشا ادەتتەرىن جەتىلدىرۋدى ءۇمىت ەتەمىن، - دەدى.
1 - ايدىڭ 18 - كۇنى حاتكەرلەر - سۋرەتشىلەر كەلەدى دەگەندى ەستىپ، ءۇرىمجى اۋدانى شۇيموگوۋ قالاشىعى شيانلاي شاعىن قالاشىعى كۋانجاي تار كوشەسى مادەنيەت - ساياحات جاياۋلار كوشەسىنە جەرگىلىكتى بۇقارا لىق تولدى، كوپشىلىك شينجياڭ حاتكەرلەر قوعامى مەن شينجياڭ اسەمونەرشىلەر قوعامىنىڭ 14 حاتكەر - سۋرەتشىسىنە كوكتەم بوساعالىق پەن ”福“ ءارىبىن تالاسا - تارماسا جازدىرىپ الدى.
ۇعىسۋعا قاراعاندا، شينجياڭ حاتكەرلەر قوعامى، شينجياڭ اسەمونەرشىلەر قوعامى 5 ميلليوننان استام كوكتەم بوساعالىق باسىپ شىعارىپ، وڭتۇستىك - سولتۇستىك شينجياڭداعى بۇقاراعا ۇسىنعان. ”كوكتەم مەرەكەسى قارساڭىندا، ءبىز ءار ۇلت بۇقاراسىنا ىزگى تىلەك جەتكىزدىك، ءتىپتى دە ماڭىزدىسى، ءتۇرلى مادەنيەت قيمىلدارى ارقىلى پارتيانىڭ ءۇنى مەن قامقورلىعىن بۇقارانىڭ كوڭىلىنە ۇيالاتامىز“، - دەدى جۇڭگو حاتكەرلەر قوعامىنىڭ القا مۇشەسى، شينجياڭ حاتكەرلەر قوعامىنىڭ ءتوراعاسى لي فاڭ.
(شينجياڭ گازەتىنىڭ جالپىلىق اقپارات قۇرالدارى ءتىلشىسى ءپاريزات ابدۇل، ەرىكتى تىلشىلەر تيان يانحۇڭ، ايشۋاق تۇرسىن، ياڭ مىڭياۋ جازعان)
