گازەتىمىزدىڭ جيناق حابارى. كوكتەم مەرەكەسى قارساڭىندا اۆتونوميالى رايوندىق پارتكومنىڭ قىزمەت ورنالاستىرۋىنا ساي، 1 - ايدىڭ 20 - كۇنىنەن 21 - كۇنىنە دەيىن اۆتونوميالى رايوندىق ساياسي كەڭەستىڭ ورىنباسار ءتوراعاسى، اۆتونوميالى رايوندىق پارتكوم ۇيىمداستىرۋ ءبولىمىنىڭ ورىنباسار باستىعى ياڭ يۇڭ جانە ونىڭ سەرىكتەرى ىلگەرىندى - كەيىندى ءۇرىمجى قالاسىنا، ۇلۇقشات اۋدانىنىڭ جىعىن اۋىلىنا بارىپ، ”حالىق قاھارمانى“ مەملەكەت داڭق اتاعىنىڭ يەگەرى عايرات مامۇتتىڭ ءۇي ىشىندەگىلەرگە، ”حالىق ۇلگىسى“ مەملەكەت داڭق اتاعىنىڭ يەگەرى بۇرماحان مولدوعا امانداسا بارىپ، ولاردان حال سۇراپ، كوكتەم مەرەكەسى بايلانىسىمەن باقىت تىلەپ، ىزگى تىلەك جولدادى، قاھارمان ۇلگىلەردىڭ بەرىك نانىممەن، ۇستانىممەن، سەنىممەن اناعۇرلىم كوپ ادامعا ىقپال جاساپ، جۇڭگوشا سوتسياليستىك شينجياڭ قۇرۋعا تاعى دا تىڭ ۇلەس قوسۋلارىن ءۇمىت ەتتى.
بۇرماحان مولدو جانە عايرات مامۇمتتىڭ ايەلى باس شۋجي شي جينپيڭنىڭ تاپسىرماسىن ەستە بەرىك ساقتاپ، داڭقتى قاستەرلەپ، تاعى دا قايراتتانا ءتۇسىپ، ءوز قىزمەتىن تىڭعىلىقتى ىستەپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا تيەسىلى ۇلەس قوساتىندىقتارىن ءبىلدىردى.
(شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ يانفاڭ، قىزىلسۋ وبلىسىنداعى تىلشىلەر پۋنكتىنەن ءزۇلپيا حابارلايدى)
