گى حانبيننىڭ سۋرەتى.شينحۋا اگەنتتىگى تاراتقان
شينحۋا اگەنتتىگىنىڭ 12 - ايدىڭ 27 - كۇنى جىڭجوۋدان بەرگەن حابارى (ءتىلشى حى جۋان). حىنان ولكەسى پيڭديڭشان قالالىق قوعام حاۋىپسىزدىگى مەكەمەسى قاتىناس باسقارۋ تارماق اترەتى قىزمەت عيماراتىنىڭ وڭتۇستىك جاعىندا قالا رايونىن كەسىپ اعىپ جاتقان وزەن ”جانحى“ دەپ اتالادى. 20 جىلدىڭ الدىندا نەبارى 38 جاستاعى گى حانبين وسى وزەندە سۋعا ءتۇسىپ كەتكەن بۇقارانى قۇتقارۋ جولىندا قىمباتتى ءومىرىن ارنادى.
گى حانبين حىنان ولكەسىنىڭ شاڭچىڭ اۋدانىنان، حانزۋ، ورتا مەكتەپ ماعلۇماتىنا يە. 1979 - جىلى 10 - ايدا قىزمەتكە قاتىناسقان، 1980 - جىلى 7 - ايدا قوعام حاۋىپسىزدىگى قىزمەتىنە قاتىناسقان، 1990 - جىلى 11 - ايدا جۇڭگو كوممۋنيستىك پارتياسىنا مۇشە بولعان، كەزىندە حىنان ولكەسى پيڭديڭشان قالالىق قوعام حاۋىپسىزدىگى مەكەمەسى قاتىناس ساقشى تارماق اترەتىنىڭ حالىق ساقشىسى، موتورلى كولىك ۇلكەن اترەتىنىڭ ورىنباسار ۇلكەن اترەت باستىعى، ۇلكەن اترەت باستىعى مىندەتىن وتەگەن، 3 - دارەجەلى باقىلاۋشى ساقشى.
1999 - جىلى 7 - ايدىڭ 15 - كۇنى ساعات 16 مولشەرىندە پيڭديڭشان قالاسىنداعى تيانشى توبىنىڭ قىزمەتكەرى چىن گومين قىزىن ەرتىپ قاتىناس ساقشى تارماق اترەتىنىڭ ماڭىنداعى وزەن جاعاسىندا ويناتىپ جۇرگەن كەزىندە، قىزىنىڭ ءبىر شاقايىن سۋدان ءسۇزىپ الامىن دەپ ءجۇرىپ ابايسىزدا سۋعا ءتۇسىپ كەتەدى. ءدال سول ءسات جانحى وزەنىندە تاسقىن مەزگىلى بولاتىن، سۋ دەڭگەيى كوتەرىلىپ، جوعارعى اعارداعى بايگۇيشان سۋ قويماسى توسپانى اشىپ سۋ جىبەرىپ جاتقان، اعىنى قاتتى وزەن چىن گوميندى لەزدە - اق شينحۋا جولى كوپىرىنىڭ شىعىس جاعىنداعى كاۋچۇك سۋ توسپاسىنا اعىزىپ اپارادى.
ساعات 16دان 10 مينۋت وتكەندە، سول كەزدە قاتىناس ساقشى تارماق اترەتى موتورلى كولىك ۇلكەن اترەتىنىڭ ۇلكەن اترەت باستىعى مىندەتىن وتەيتىن گى حانبين قالالىق قوعام حاۋىپسىزدىگى مەكەمەسى 110نىڭ قاتىناس ساقشى تارماق اترەتىنىڭ وڭتۇستىك جاعىنداعى كاۋچۇك سۋ توسپاسىنداعى بىرەۋدىڭ سۋعا اعىپ كەتكەندىگى جونىندەگى بۇيرىعىن قابىلدايدى. بۇيرىقتى قابىلداعان گى حانبين 1 - قاباتتاعى كەڭسەسىنەن اتىلىپ شىعادى، ول جۇگىرە كيىمدەرىن شەشىپ، جاعالاۋعا جەتە سالا سۋعا سەكىرىپ ءتۇسىپ، سۋعا ءتۇسىپ كەتكەن ادامعا قاراي مالتاي جونەلەدى.
كاۋچۇك توسپاسىنىڭ تۇبىندە گى حانبين اساۋ اعىنمەن جاعالاسىپ، قايراتىن جيىپ سۋعا اعىپ كەتكەن بۇقارانى ىزدەۋگە كۇش سالادى. الايدا ءيىرىم ونى ولاي دا بۇلاي ۇيىرەدى، بىرتىندەپ دەنە قۋاتىنان ايرىلىپ، اقىرىندا وزەننىڭ تۇبىنە باتىپ كەتەدى. اساۋ اعىستىڭ يىرىمىنە تاياپ بارۋعا كەلمەگەندىكتەن، سوڭىنان جەتىپ ۇلگىرگەن تارماق اترەتتىڭ حالىق ساقشىلارى جانە وزگە قۇتقارۋ كۇشتەرى وزەننىڭ ەكى جاعالاۋىنان ۇزىن ارقان تارتىپ، ارقاننان ۇستاپ سۋعا ءتۇسىپ ىزدەۋ سالىپ قۇتقارۋعا كىرىسەدى. گى حانبيندى سۋ بەتىنە الىپ شىققاندا، وندا الدەقاشان تىرشىلىك تىنىسى قالماعان ەدى.
گى حانبين كوزى تىرىسىندە تۇرعان موتورلى كولىك ۇلكەن اترەتى قالا رايونىنىڭ قاتىناسىن شارلاۋ، مىندەت وتەۋ، توسىن تۋىلعان وقيعالاردى ءبىر جاقتى ەتۋ جانە كولەمدى قيمىلداردا قاتىناسقا، كۇزەتكە جاۋاپتى بولۋ مىندەتتەرىن ۇستىنە العان ەدى. ءولىم مەن ءومىر ارپالىسىندا قاتەرلى ساتتەگى ءاربىر رەتكى سىناقتا گى حانبين جەكە باسىنىڭ ءولىم - ومىرىمەن، پايدا - زيانىمەن ەسەپتەسپەي، ماڭگى تالىقپاي حالىق ءۇشىن قىزمەت ەتتى.
1995 - جىلى 12 - ايدىڭ 2 - كۇنى تاڭ سارىدە جىڭجوۋدان نانياڭعا باراتىن ءبىر ۇلكەن جولاۋشى اۆتوبۋزى جولدىڭ شەتىندەگى 2 مەتر تەرەڭدىكتەگى كولشىككە ءتۇسىپ كەتەدى. گى حانبين مەن 8 اترەت مۇشەسى سۋعا ءتۇسىپ كەتكەن 49 جولاۋشىنى تاستاي سۋىق تەرەڭ سۋدان جاعاعا قۇتقارىپ شىعارادى. گى حانبين توڭعانىنان بۇكىل دەنەسى بوزارىپ، اياق - قولى يكەمگە كەلمەي، سويلەگەندە قالشىلداپ كەتەدى.
ونىڭ قىزمەتتەگى بەينەسى كورنەكتى بولعاندىقتان، قالالىق قوعام حاۋىپسىزدىگى مەكەمەسى وعان جەكە 3 - دارەجەلى ەڭبەك جازادى.
1996 - جىلى 1 - ايدىڭ 14 - كۇنى تاڭعا جۋىق ءبىر ۇزاق جولدى جولاۋشى اۆتوبۋزى بۇزىلىپ قالعان اۆتوكولىكتەن قورعانامىن دەپ ءجۇرىپ كولشىككە قۇلايدى، گى حانبين اترەت مۇشەلەرىن باستاپ نولدەن تومەن 5 سەلتسي گرادۋس سۋىق سۋ ىشىنەن قۇنى 100 مىڭ يۋانعا جۋىق زاتتى الىپ شىعادى. تارماق اترەت وعان ەڭبەك جازىپ سيلىق بەرۋدى جوسپارلاعاندا، ول تويتارىپ، ىرىقتىلىقپەن ورايدى وزگە مۇشەلەرگە ءوتىنىپ بەرەدى.
گى حانبين 1980 - جىلى قوعام حاۋىپسىزدىگى قىزمەتىنە قاتىناسقاننان بەرى، قاتىناس باسقارۋ، مىندەت وتەۋ، زاڭ اتقارۋدىڭ ءبىرىنشى شەبىندە كۇرەس جاساپ، قىزمەتتىڭ ۇددەسىنەن شىعىپ، قانداي ۋاقىتتا دا ءبىر قالىپتان اۋماي، زاڭدى قاتاڭ اتقارىپ، ساقشى ىستەرىندە پاك بولىپ، ايتا قالسىن ۇزدىك قىزمەت ناتيجەسىن جاراتىپ، تالاي رەت تاڭداۋلى كومپارتيا مۇشەسى، ”حىنان ولكەلىك تاڭداۋلى حالىق ساقشىسى“ بولىپ باعالانادى. 1999 - جىلى 8 - ايدىڭ 24 - كۇنى گى حانبينگە مەملەكەتتىك قوعام حاۋىپسىزدىگى جۇيەسى جاعىنان 1 - دارەجەلى قاھارمان ۇلگى اتاعى تولىقتاپ بەرىلدى.
گى حانبين قۇربان بولعان شاقتا، ونىڭ ۇلى گى چيلياڭ ارەڭ 10 جاستان ەندى عانا اسقان بولاتىن. گى چيلياڭ اكەسىنىڭ جولىن قۋىپ، 2008 - جىلى ساقشى مەكتەبىن بىتىرگەن سوڭ حالىق ساقشىسى بولدى. ”اكەم مەنىڭ ومىرىمە ىقپال جاسادى. مەكتەپ بىتىرگەن سوڭ مەن نەگىزگى ساتى ساقشى بولىمشەسىنە بارىپ قىزمەت ىستەۋدى تاڭدادىم، حالىقپەن بارىس - كەلىس جاساۋ بارىسىندا مەن ساقشىنىڭ بورىشى مەن جاۋاپكەرشىلىگىن ءتۇسىندىم ءارى اكەمنىڭ 20 جىلدىڭ الدىنداعى تالعامىن اناعۇرلىم تەرەڭ ءتۇسىندىم“، - دەدى ول.
