شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 1 - ايدىڭ 23 - كۇنى ۇرىمجىدەن حابارلايدى. 1 - ايدىڭ 23 - كۇنى اۆتونوميالى رايوندىق دەنساۋلىق ساقتاۋ، سالاماتتىق كوميتەتى شينجياڭدا 2 ادامنىڭ جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ اۋرۋىنا شالدىققاندىعىن تۇڭعىش رەت تۇراقتاندىردى.
ناۋقاس لي xx، ەر، 47 جاستا، 1 - ايدىڭ 15 - كۇنى ۋحانعا ۇيرەنۋگە بارىپ، 1 - ايدىڭ 20 - كۇنى شينجياڭعا قايتىپ كەلگەننەن كەيىن دەنەسى قىزىپ، بۋىنى قۇرىپ، بۇلشىق ەتتەرى اشىپ اۋىرعاندىعى سەبەپتى، شيپاحاناعا جاتىپ، اۋاشالانىپ ەمدەلگەن. مەملەكەتتىك جانە اۆتونوميالى رايوندىق اۋرۋدان ساقتانۋ - تىزگىندەۋ ورتالىعىنىڭ ۆيرۋستىڭ نۋكلەين قىشقىلىن تەكسەرۋ ناتيجەسى بولىمدى بولعان. 1 - ايدىڭ 23 - كۇنى اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ ىندەتتەن ساقتانۋ - تىزگىندەۋ باسشىلىق گرۋپپاسىنىڭ دياگنوز قويۋ ماماندار گرۋپپاسى ساراپتاۋ ارقىلى بۇل ناۋقاستىڭ جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنە شالدىققان ناۋقاس ەكەندىگىن تۇراقتاندىردى. قازىر بۇل ناۋقاس بەلگىلەنگەن شيپاحانادا اۋاشالانىپ ەمدەلۋدە، اۋرۋ جاعدايى تۇراقتى.
ناۋقاس گۋ xx، ەر، 52 جاستا، ۇزاق ۋاقىت ۋحاندا قىزمەت ىستەگەن، 1 - ايدىڭ 19 - كۇنى شينجياڭعا قايتىپ كەلگەننەن كەيىن دەنەسى قىزىپ، بۋىنى قۇرىپ، بۇلشىق ەتتەرى اشىپ اۋىرعاندىعى سەبەپتى، شيپاحاناعا جاتىپ، اۋاشالانىپ ەمدەلگەن. مەملەكەتتىك جانە اۆتونوميالى رايوندىق ىندەتتەن ساقتانۋ - تىزگىندەۋ ورتالىعىنىڭ ۆيرۋستىڭ نۋكلەين قىشقىلىن تەكسەرۋ ناتيجەسى بولىمدى بولعان. 1 - ايدىڭ 23 - كۇنى اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ ىندەتتەن ساقتانۋ - تىزگىندەۋ باسشىلىق گرۋپپاسىنىڭ دياگنوز قويۋ ماماندار گرۋپپاسى ساراپتاۋ ارقىلى بۇل ناۋقاستىڭ جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنە شالدىققان ناۋقاس ەكەندىگىن تۇراقتاندىردى. قازىر بۇل ناۋقاس بەلگىلەنگەن شيپاحانادا اۋاشالانىپ ەمدەلۋدە، اۋرۋ جاعدايى تۇراقتى.
رايونىمىز 2 ناۋقاسپەن تىعىز جاناسقان 3 ادامدى اۋالاشاپ، مەديتسينالىق باقىلاۋعا الدى، قازىر دەنەسى قىزۋ سياقتى قالىپسىز جاعدايلار بايقالمادى.
