شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 1 - ايدىڭ 23 - كۇنى ۇرىمجىدەن حابارلايدى. 1 - ايدىڭ 23 - كۇنى اۆتونوميالى رايوندىق دەنساۋلىق ساقتاۋ، سالاماتتىق كوميتەتىنەن ۇعىسۋعا قاراعاندا، رايونىمىز سىرتتان كىرۋ سيپاتتى جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ اۋرۋىنا شالدىققانى انىقتالعان 2 ناۋقاستى تۇڭعىش رەت تۇراقتاندىرعان، قازىر اۆتونوميالى رايوندىق دەنساۋلىق ساقتاۋ، سالاماتتىق كوميتەتى مامانداردى ۇيىمداستىرىپ، ناۋقاستى شيپاحاناعا جاتىپ، وڭاشا ەمدەۋ قىزمەتىن ويداعىداي ىستەۋمەن قاتار، ءار دارەجەلى، ءار ءتۇرلى دياگنوز قويۋ ورگاندارىندا الدىن الا تەكسەرۋ، اۋاشالاپ دياگنوز قويۋ ەمدەۋ ورىندارىن اشىپ، دەنە قىزۋىن تەكسەرۋ امبولاتورياسىن قۇرىپ، 16 بەلگىلەنگەن قۇتقارۋ - ەمدەۋ شيپاحانالارىن اشىق جاريالاعان ءارى ناۋقاستى باقىلاۋ، تەكسەرۋ، سارالاپ تەكسەرۋ تەبىنىن ارتتىرىپ، بىرلەسىپ ساقتانۋ، بىرلەسىپ تىزگىندەۋدى كۇشەيتىپ، ىندەتتەن ساقتانۋ - تىزگىندەۋ قىزمەتىن عىلمي، ءتارتىپتى ويداعىداي ىستەۋگە شىنايى كەپىلدىك ەتكەن.
اۆتونوميالى رايوندىق دەنساۋلىق ساقتاۋ، سالاماتتىق كوميتەتى شيپاگەرلىك اكىمشىلىگى، شيپاگەرلىك باسقارۋ باسقارماسىنىڭ ورىنباسار باستىعى مو لياڭ بىلاي دەپ تانىستىردى: رايونىمىز الدىن الا ناۋقاستاردى باقىلاۋ، تەكسەرۋ، سارالاپ تەكسەرۋدى كۇشەيتىپ، ساقتانۋ - تىزگىندەۋدە حاۋىپسىزدىك وتكەلىن ءبىرىنشى ورىنعا قويۋدى ىلگەرىلەتىپ، ءتۇيىندى تۇردە ادامدار ءجيى ورىنداردىڭ اۋاسىن الماستىرۋ، زالالسىزداندىرۋ، دەنە تەمپەراتۋراسىن ولشەۋ سياقتى قاجەتتى شارالاردى اتقارىپ، تياناقتاندىردى. ءار دارەجەلى، ءار ءتۇرلى ەمدەۋ قۇرىلىمدارى الدىن الا تەكسەرۋ، اۋاشالاپ دياگنوز قويۋ ورىندارىن قۇردى، 212 ەكىنشى دارەجەلىدەن جوعارى ەمدەۋ قۇرىلىمدارى دەنە قىزۋىن تەكسەرۋ امبولاتورياسىن اشىپ، جۇيەلى باسقارۋدى كۇشەيتىپ، ”ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ“دى ويداعىداي ورىندادى. سونىمەن بىرگە، رايونىمىزداعى دەنساۋلىق ساقتاۋ، سالاماتتىق تاراۋلارى اۆتونوميالى رايوندىق مادەنيەت - ساياحات مەڭگەرمەسىمەن، جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىمەن، حالىقتىق اۆياتسيا شينجياڭ باسقارۋ مەكەمەسىمەن بەلسەندى ۇشتاسىپ، ءونىمدى شارالاردى اتقارىپ، بىرلەسىپ ساقتانۋ، بىرلەسىپ تىزگىندەۋدىڭ قىزمەت جاۋاپكەرشىلىگىن تياناقتاندىردى.
”رايونىمىز قۇتقارۋ - ەمدەۋ ماماندار ۇيىرمەسىن قۇرىپ، ’ناۋقاستاردى شوعىرلاندىرۋ، مامانداردى شوعىرلاندىرۋ، بايلىق قاينارىن شوعىرلاندىرۋ، شوعىرلى قۇتقارۋ - ەمدەۋ‘ پرينسيبىن قاتاڭ تياناقتاندىرىپ، كۇماندى ناۋقاستاردى شوعىرلى تۇردە بەلگىلەنگەن شيپاحانالاردا دياگنوز قويۋعا جانە ەمدەپ - قۇتقارۋعا شىنايى كەپىلدىك ەتىپ، ناۋقاستاردىڭ ءولىم - جىتىم سالىستىرماسى مەن سالماقتى ناۋقاس تۋىلۋ سالىستىرماسىن تومەندەتۋگە بارىنشا قۇلشىنىس جاسايدى“. مو لياڭ بىلاي دەدى: قازىر رايونىمىزداعى ءارقايسى ايماق، وبلىس، قالالار جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنەن قۇتقارۋ - ەمدەۋ شيپاحانالارىنان 16سىن قۇردى (بيڭتۋاننىڭ ءبىر بەلگىلەنگەن شيپاحاناسى قامتىلمايدى)، ماماندار جەتەكشىلىك ەتۋ گرۋپپاسى ءارقايسى ايماق، وبلىس، قالالارعا بارىپ، سەبەبى انىق ەمەس وكپە قابىنۋ دياگنوز قويۋ ەمدەۋ جانە دەنە قىزۋىن تەكسەرۋ امبولاتورياسىندا كاسىپتىك باۋلۋ ورىستەتىپ، تەحنيكالىق جاقتان كومەكتەستى جانە تەكسەرۋگە جەتەكشىلىك ەتتى. رايونىمىز قاراستى جەر بويىنشا باسقارۋ پرينسيبىنە ساي، جاقىن ارالاسقانداردى ىزدەۋ جانە تۇرگە ايىرىپ باقىلاۋ - تەكسەرۋ، باسقارۋ جانە تۇرمىسىن قامتاماسىز ەتۋدى ويداعىداي ىستەپ، كۇماندى ناۋقاستارعا جانە جاقىن ارالاسقاندارعا اۋاشالاپ مەديتسينالىق باقىلاۋ - جۇرگىزۋ اتقارادى. تەكسەرۋ سىناق ءدارىسى، ءدارى - دارمەك، قاجەتتى ماتەريال، ساقتانۋ جابدىقتارى سياقتى ءتۇرلى ەمدەۋ ماتەريالدارىمەن قامداۋعا، زاپاس ساقتاۋعا كەپىلدىك ەتىپ، تۇتاس رايونداعى نەگىزگى ەمدەۋ قۇرىلىمدارىندا بەلگىلى مولشەردە اۋاشا توسەك ورنىن الدىن الا دايىنداپ قويدى.
سونىمەن قاتار، رايونىمىز اۋىل شارۋاشىلىعى ونىمدەرى بازارىن قاتاڭ باسقارىپ، قاتاڭ مەڭگەرىپ، بىرلەسىپ زاڭ اتقارۋ ارناۋلى ارەكەتىن ۇزدىكسىز ورىستەتىپ، زاڭعا قايشى جابايى حايۋاناتتاردى ساۋدالاۋ ارەكەتىن قاتاڭ شەكتەيدى. قازىر تۇتاس رايوندا جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنە كۇن سايىن مالمدەۋ جانە نولدىك مالىمدەۋ ءتۇزىمىن ورناتتى، وڭىرلەر، ورىندار ءار كۇنى جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنە شالدىققان ناۋقاستاردى، كۇماندى ناۋقاستاردى جانە ناۋقاستارمەن جاقىن ارالاسقانداردىڭ سانىن تىزىمدەپ جوعارىعا مالىمدەپ وتىرادى.
