ءتۇرلى ساقتانۋ - تىزگىندەۋ شارالارىن تياناقتاندىرۋدى تىڭعىلىقتى، ويداعىداي ىستەپ، حالىق بۇقاراسىنىڭ باس اماندىعىنا شىنايى كەپىلدىك ەتەيىك
شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 1 - ايدىڭ 23 - كۇنى ۇرىمجىدەن حابارلايدى. 1 - ايدىڭ 23 - كۇنى تۇستەن بۇرىن اۆتونوميالى رايون جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ جونىندە تەلەۆيزور − تەلەفون ءماجىلىسىن اشتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەت باسشىلىق گرۋپپاسىنىڭ ورىنباسار باستىعى لي پىڭشين ماجىلىسكە قاتىناستى ءارى مىنالاردى باسا دارىپتەدى: باس شۋجي شي جينپيڭنىڭ جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، لي كىچياڭ زۇڭليدىڭ بەكىتۋىنىڭ تالابى بويىنشا، اۆتونوميالى رايوندىق پارتكومنىڭ قىزمەت ورنالاستىرۋىن تياناقتاندىرىپ، قاراستى ورىنداردىڭ جاۋاپكەرشىلىگىن قاتايتىپ، عىلمي ساقتانىپ - تىزگىندەپ، زاڭ بويىنشا ساقتانىپ - تىزگىندەپ، بىرلەسىپ ساقتانىپ، بىرلەسىپ تىزگىندەپ، كوپ بولىپ ساقتانىپ، جۇمىلا تىزگىندەپ، ءتۇرلى ساقتانۋ - تىزگىندەۋ شارالارىنىڭ تياناقتانۋىن تىڭعىلىقتى، ويداعىداي ىستەپ، حالىق بۇقاراسىنىڭ باس اماندىعىنا شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: جەر - جەر، قاتىستى تاراۋلار ساياسي دەڭگەيدى جوعارىلاتىپ، ”ءتورت تانىم“دى كۇشەيىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ىندەتتەن ساقتانۋ - تىزگىندەۋدىڭ توتەنشە ماڭىزدىلىعىن جانە رەال كوكتەيتەستىلىگىن تەرەڭ تانىپ، حالىققا وسكەلەڭ جاۋاپتى بولۋ پوزيتسياسىمەن، بار كۇشپەن قۇلشىنىپ، ىندەتتەن ساقتانۋ - تىزگىندەۋدى عىلمي، ءونىمدى ۇستاۋ كەرەك. تومەنگى شەكتە ويلاۋدى كۇشەيتىپ، ستراتەگيالىق الدىن الا تۇجىرىمداۋ مەن حاۋىپ - قاتەردەن ساقتاندىرۋدى كۇشەيتىپ، شۇعىل جاعدايلارعا توتەپ بەرۋ جوباسىن جانە قىزمەت حوباسىن جاساپ، كەمەلدەندىرىپ، ”الدىن الۋعا، ەمدەۋگە، جەتەكشىلىك ەتۋگە، قورعاۋعا“ جوعارى تومەن كۇش سالىپ، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە دياگنوز قويۋ، ەرتە ەمدەۋ شارالارىن تياناقتاندىرىپ، ءوڭىر اتتاپ، شەكارا اتتاپ تارالۋدىڭ حاۋىپ - قاتەرىن تومەندەتۋ كەرەك. عىلمي پوزيتسيا ۇستانىپ، جۇقپالى اۋرۋدان ساقتانۋ - ەمدەۋ زاڭدىلىعىن يگەرىپ، ءتۇرلى ساقتانۋ - تىزگىندەۋ شارالارىن عىلمي جوسپارلاپ، جۇيەلى اتقارىپ، ىندەتتى جەڭۋ سەنىمى جانە ەركىن بەكەمدەپ، ساقتانۋ - تىزگىندەۋ قىزمەتىن پارمەندى، ءتارتىپتى ىلگەرىلەتۋ كەرەك.
ءماجىلىس مىنالاردى باسا دارىپتەدى: جەر - جەر، تاراۋلار جاۋاپكەرشىلىكتى كۇشەيتىپ، ءوز ەسىگىن جاقسى كۇزەتىپ، ءوز ادامىن جاقسى باسقارىپ، ءتۇرلى ساقتانۋ - تىزگىندەۋ شارالارىن زاڭ بويىنشا قاتاڭ تياناقتاندىرۋ كەرەك. قاينار كوزىنەن باستاپ باسقارۋ - تىزگىندەۋدى كۇشەيتىپ، بازاردى باقىلاۋ - باسقارۋ تەبىنىن ارتتىرىپ، ءۇي قۇستارىن، ءۇي جانۋارلارىن ىندەتتەن ساقتاۋدى، باقىلاۋدى ويداعىداي ىستەپ، جابايى حايۋاناتتارعا ساياتىن زاڭسىز قىلمىستىق ىستەرگە قاتاڭ سوققى بەرىپ، ”كىرەر ەسىك“تى شىنايى ويداعىداي يگەرۋ كەرەك. ىندەتتىڭ سىرتتان كىرۋىنەن قاتاڭ ساقتانىپ، ءتۇيىندى وڭىرلەر مەن ءتۇيىندى ورىندارداعى ناۋقاستارعا باقىلاۋ - تەكسەرۋ، ساراپتاۋ جۇرگىزۋدى كۇشەيتىپ، اۋەجاي، پويەز ستانسياسى، جولاۋشى تاسىمال بەكەتتەرى جانە ساياحات كورىنىس وڭىرلەرى سياقتى ادامدار ءجيى ورىنداردا اۆتوماتتى دەنە تەمپەراتۋراسىن ولشەۋ جابدىعىن سەپتەپ، وتانشىلدىق تازالىق قيمىلىن زور كۇشپەن ورىستەتۋ كەرەك. دەنە قىزۋىن تەكسەرۋ امبولاتورياسى ءتۇزىمىن تياناقتاندىرىپ، ناۋقاستاردى شوعىرلاندىرۋ، مامانداردى شوعىرلاندىرۋ، بايلىق قاينارىن شوعىرلاندىرۋ، شوعىرلى قۇتقارۋ - ەمدەۋ پرينسيبى بويىنشا، ىندەتتى باقىلاۋ - تەكسەرۋ، ەمدەۋ - قۇتقارۋ، ۇيلەسىمدى الىپ قالىپ باقىلاۋ سياقتى قىزمەتتەردى عىلمي ويداعىداي ىستەۋ كەرەك. ساقتانۋ - تىزگىندەۋ بويىنشا باۋلۋدى ويداعىداي ىستەپ، ءتۇرلى شيپاحانالاردىڭ ساقتانۋ - تىزگىندەۋ شارالارىن كۇشەيتىپ، شيپاحانادا جۇعىمدالۋدان قاتاڭ ساقتانۋ كەرەك. قوعامدىق پىكىرگە جەتەكشىلىك ەتۋ جانە ينفورماتسيا جاريالاۋ قىزمەتىن ويداعىداي ىستەپ، اشىق، جاريا ۇستاۋعا تاباندى بولىپ، قوعام ءجىتى قاداعالاعان ىستەرگە اڭىس قايتارۋ كەرەك.
ءماجىلىس مىنالاردى تالاپ ەتتى: ۇيىمدىق باسشىلىقتى كۇشەيتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن قاز - قالپىندا تياناقتاندىرۋ كەرەك. ءارقايسى ايماق، وبلىس، قالا، اۋدان، قالا، رايون ساقتانۋ - تىزگىندەۋ جوبا - جوسپارىن جاساپ، كەمەلدەندىرىپ، ساقتانۋ - تىزگىندەۋ قۇرال - جابدىق زاپاس دايىندىعىن كۇشەيتىپ، ساقاداي ساي تۇرۋ كەرەك. بيڭتۋان مەن جەرگىلىكتى ورىننىڭ بىرلىككە كەلگەن، وڭىرلەر ارا سەلبەسكەن ىندەتتەن ساقتانۋ - تىزگىندەۋ جۇيەسى مەن كوپ تاراۋ ات سالىسقان بىرلەسىپ ساقتانۋ، بىرلەسىپ تىزگىندەۋ قىزمەت مەحانيزمىن ورناتىپ، جاۋاپكەرشىلىگىن ءبىلۋدى، جاۋاپكەرشىلىگىن ادا ەتۋدى ورىنداپ، قىزمەت ءبولىسىپ سەلبەسىپ، ورتاق كۇش سالۋ كەرەك. جەتەكشىلىك ەتۋدى كۇشەيتىپ، كەزەكشىلىك ىستەۋ، كۇزەتۋدى كۇشەيتىپ، ينفورماتسيا اڭىستارىنىڭ دەر كەزىندە، دۇرىس بولۋىنا، ۇكىمەت بۇيرىعىنىڭ ىركىلىسسىز بولۋىنا شىنايى كەپىلدىك ەتۋ كەرەك.
اۆتونوميالى رايوننىڭ جانە بيڭتۋاننىڭ باسشىلارىنان مانەن زەينەل، ماڭلىك سەيت، ليۋ جيانشين، ءيىلھام سابىر، لۋ شۇيپيڭ ماجىلىسكە قاتىناستى.
