اۆتونوميالى رايون كەدەيلەردى سۇيەمەلدەۋ، وركەندەتۋ باسشىلىق گرۋپپاسى ءماجىلىسىن اشتى

چىن چۋانگو اۆتونوميالى رايوندىق كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ ماجىلىسىندە بىلاي دەپ باسا دارىپتەدى

باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، نىسانالارمەن، ولشەمدەرمەن تىعىز بايلانىستىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە مىعىم قايراتپەن، جوعارى ساپامەن قول جەتكىزەيىك

شاۋكەت يمىن، نۇرلان ءابىلماجىن، لي پىڭشين قاتىناستى

　　شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 1 - ايدىڭ 23 - كۇنى ۇرىمجىدەن حابارلايدى. 1 - ايدىڭ 22 - كۇنى تۇستەن بۇرىن اۆتونوميالى رايون كەدەيلەردى سۇيەمەلدەۋ، وركەندەتۋ باسشىلىق گرۋپپاسى ءماجىلىسىن اشتى. اۆتونوميالى رايوندىق پارتكومنىڭ شۋجيى، اۆتونوميالى رايوندىق كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ باستىعى چىن چۋانگو ءماجىلىستى باسقاردى ءارى ءسوز سويلەدى.

　　اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن، لي پىڭشين، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين قاتارلىلار ماجىلىسكە قاتىناستى.

　　ءماجىلىس اۆتونوميالى رايوننىڭ 2020 - جىلعى كەدەيلىكتەن ارىلتۋدان قامال الۋ ”قىسقى شايقاسى“نىڭ ىلگەرىلەۋ جاعدايى جونىندەگى مالىمەتتى تىڭدادى، «اۆتونوميالى رايوننىڭ 2020 - جىلعى كەدەيلىكتەن ارىلتۋدان قامال الۋ قىزمەتىنىڭ ماڭىزدى ءتۇيىنى»، «وڭتۇستىك شينجياڭداعى 4 ايماق - وبلىستاعى اۋىر كەدەي وڭىرلەردىڭ 2020 - جىلعى كەدەيلىكتەن ارىلتۋدان قامال الۋ قىزمەت جوباسى»، «اۆتونوميالى رايوننىڭ كەدەيلىكتەن ارىلتۋدان قامال الۋدا ۆيۋەسكا ءىلىپ، شايقاستى باقىلاۋ، اتقارۋ جوباسى»، «اۆتونوميالى رايوننىڭ قايتا كەدەيلەسۋدەن ساقتانۋ بويىنشا باقىلاۋ - تەكسەرۋ، الدىن الا ساقتاندىرۋ جانە يكەمدى كومەكتەسۋ، سۇيەمەلدەۋ ءادىسى» قاتارلىلاردى اقىلداسىپ قارادى.

　　چىن چۋانگو بىلاي دەپ اتاپ كورسەتتى: پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋىن دايەكتىلەندىرىپ، تياناقتاندىرىپ، نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا، اسىرەسە، قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ”ەكىدەن تارىقتىرماۋ، ءۇشتى قامتاماسىز ەتۋ“ ولشەمىمەن تىعىز ۇشتاستىرىپ، مىعىم قايراتقا كەلىپ، ۇرىمتال كەزدە قيمىلداپ، شەشۋشى شايقاستىڭ شەشۋشى جەڭىسىنە جەتىپ، كەدەيلىكتەن ارىلتۋدان قامال الۋ شايقاسىندا ۋاعىندا جەڭىسكە جەتۋگە شىنايى كەپىلدىك ەتۋ كەرەك.

　　بىرىنشىدەن، جاۋاپكەرشىلىك سەزىمدى، كوكەي تەستىلىك سەزىمدى كۇشەيتۋگە تاباندى بولۋ كەرەك. باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋىن ىشكەرىلەي دايەكتىلەندىرىپ، ءار دارەجەلى باسشى كادرلاردى جانە كەدەيلەردى سۇيەمەلدەۋ كادرلارىن باۋلۋدى كۇشەيتىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، رۋحىن شىنايى جەتە ءتۇسىنىپ، ساياساتتى جەتە يگەرىپ، مىندەتتەردى ۇعىنىپ، ماڭىزدى تۇيىندەردى ايقىنداپ، قامالدىڭ قامالىنان، قيىننىڭ قيىنىنان كوز جازباي، ولشەمگە تاباندى بولىپ، نىسانادان جازباي، سايلاۋىت كۇشتەردى شايقاسقا اتتاندىرىپ، جاپپاي شايقاسقا ءوتىپ، كەدەيلىكتەن ارىلتۋدان قامال الۋدى اياقتاتۋ شايقاسىن تاباندىلىقپەن ويداعىداي جۇرگىزۋ سەنىمىن، بەكىمىن شىنايى كۇشەيتۋ كەرەك.

　　ەكىنشىدەن، نىسانالارعا، ولشەمدەرگە بۇلجىماستان تاباندى بولۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋ“ نەگىزگى ولشەمىن مىقتاپ يگەرىپ، ”التى دالمە - ءدال بولۋ ولشەمىن“ اناعۇرلىم تياناقتاندىرىپ، ”جەتى ءبىر توپ“، ”ءۇش سەرپىندى ارتتىرۋ“دى تىڭعىلىقتى ىلگەرىلەتىپ، ”ءۇشتى تياناقتاندىرۋ“دى، ”ۇشتە دالمە - ءدال بولۋ“دى، ”ءۇشتى قامتاماسىز ەتۋ“دى ارقاۋ ەتىپ، باقىلاۋ مەن شايقاسۋدى بايلانىستىرۋدى، ۋاقىت پەن ونىمدىلىكتى بىرلىككە كەلتىرۋدى، جوعارى مەن تومەننىڭ بىرلەسىپ قيمىلداۋىن ويداعىداي ىستەپ، پارتيا ورتالىق كوميتەتىنىڭ كەدەيلىكتەن ارىلتۋدان قامال الۋداعى ءتۇرلى شەشىمدەرىنىڭ، ورنالاستىرۋلارىنىڭ ناقتاپ تياناقتاندىرىلۋىنا شىنايى كەپىلدىك ەتۋ كەرەك.

　　ۇشىنشىدەن، ولقىلىقتاردى تولىقتاپ، ءالسىز تۇستاردى كۇشەيتۋگە تاباندى بولۋ كەرەك. قيىنشىلىعى ەڭ اۋىر قاۋىمنان باستاپ ىسكە كىرىسىپ، ەڭ كورنەكتى ماسەلەلەردى كوزدەپ، ەڭ ءالسىز بۋىنداردان باستاپ يگەرىپ، نە كەم بولسا سونى تولىقتاۋعا تاباندى بولۋ، نىسانداردى تياناقتاندىرۋ، قارجىنى پايدالانۋ، ادام كۇشىن سەپتەۋ، اتقارۋدى ىلگەرىلەتۋ قىزمەتتەرىن ءبىر تۇتاس جوسپارلاپ ويداعىداي ىستەپ، ولقىلىقتاردى، ءالسىز تۇستاردى تولىقتاپ، قالتارىس قالدىرماۋعا شىنايى كەپىلدىك ەتۋ كەرەك.

　　تورتىنشىدەن، ماسەلەلەردى رەتتەۋ - تۇزەتۋدى تەرەڭدەتۋگە تاباندى بولۋ كەرەك. ورتالىقتىڭ كەدەيلىكتەن ارىلتۋدان قامال الۋدى ارناۋلى شارلاۋ بويىنشا ”قايتا قاداعالاۋ“، 2019 - جىلعى كەدەيلىكتەن ارىلتۋدان قامال الۋ ونىمدىلىكتەرىن باعالاۋ، كەڭ كولەمدى تەكسەرۋ سياقتىلاردا اڭىس ەتىلگەن نەمەسە بايقالعان ماسەلەلەردى ارقاۋ ەتىپ، رەتتەۋ - تۇزەتۋدى، تياناقتاندىرۋدى ۇزدىكسىز ويداعىداي يگەرىپ، بارلىق رەتتەۋ - تۇزەتۋدىڭ تياناقتاندىرىلۋىنا، استە قايتالانباۋىنا شىنايى كەپىلدىك ەتۋ كەرەك.

　　بەسىنشىدەن، جەتىستىكتەردى بەكەمدەۋگە، جوعارىلاتۋعا تاباندى بولۋ كەرەك. كەدەيلىك قالپاعى الىنعانمەن جاۋاپكەرشىلىكتى توقتاتپاۋ، كەدەيلىك قالپاعى الىنعانمەن ساياساتتى توقتاتپاۋ، كەدەيلىك قالپاعى الىنعانمەن باقىلاۋ - باسقارۋدى توقتاتپاۋ، كەدەيلىك قالپاعى الىنعانمەن كومەكتەسۋ - سۇيەمەلدەۋدى توقتاتپاۋ، كەدەيلىكتەن ارىلتۋدى يگەرۋمەن قاتار، قايتا كەدەيلەسۋدەن ساقتانىپ، كەدەيلىكتەن ارىلىپ كەدەيلىك قالپاعى الىنعان اۋدانداردى جاپپاي تەكسەرۋ قىزمەتىن تىڭعىلىقتى تۇردە ويداعىداي ىستەپ، كەدەيلىكتەن ارىلعان ادامدارعا كومەكتەسۋ - سۇيەمەلدەۋ شارالارى مەن كەدەيلىكتەن ارىلتۋ ناتيجەسىنىڭ شىنايىلىعىن، دۇرىستىعىن تەكسەرۋ قىزمەتىن ءتۇيىندى تۇردە ويداعىداي يگەرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، ءتۇيىندى، قيىن ماسەلەلەردى شەشۋ كەرەك.

　　التىنشىدان، ۇيىمدىق باسشىلىقتى كۇشەيتۋگە تاباندى بولۋ كەرەك. اۆتونوميالى رايوننىڭ ”قوس گرۋپپا باستىعى“ ءتۇزىمىن تياناقتاندىرىپ، اۆتونوميالى رايون باس جاۋاپتى بولۋعا، قالا، اۋداندار تياناقتاندىرۋدى يگەرۋگە، بەس دارەجەلى شۋجيلەر بىرگە يگەرۋگە تاباندى بولىپ، دارەجە - دارەجە بويىنشا قىسىم ءتۇسىرىپ، ساتى - ساتى بويىنشا جاۋاپكەرشىلىكتى ناقتىلاندىرىپ، ءتۇرلى ساياساتتاردىڭ، شارالاردىڭ قىستاقتارعا، وتباسىلارىنا، ادامعا جەتكىزىلۋىن ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى شايقاسىنىڭ شەشۋشى جەڭىسىنە، كەدەيلىكتەن ارىلتۋدان قامال الۋ شەشۋشى شايقاسىنا جەتۋ كەرەك.

　　اۆتونوميالى رايوندىق كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ مۇشەلەرى جانە مۇشە ورىنداردىڭ جاۋاپتى جولداستارى ماجىلىسكە قاتىناستى.