پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، اۋەلگى ماقساتتى، بورىشتى ەستە بەرىك ساقتاپ، ۋاقىتپەن جارىسا وتىرىپ، ءتۇرلى قىزمەتتەردى ويداعىداي ىستەيىك
چىن چۋانگو ءماجىلىستى باسقاردى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 1 - ايدىڭ 23 - كۇنى ۇرىمجىدەن حابارلايدى. 1 - ايدىڭ 22 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ كوكتەم مەرەكەسى قارساڭىندا يۇننانعا بارىپ، ءار ۇلت كادر - بۇقاراسىنا امانداسىپ، حال سۇراعان كەزدە سويلەگەن ماڭىزدى ءسوزىنىڭ رۋحى جانە ساياسي - زاڭ قىزمەتى جونىندە بەرگەن ماڭىزدى نۇسقاۋىنىڭ رۋحى سياقتىلاردى جەتكىزىپ، ۇيرەنىپ، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس مىنانى اتاپ كورسەتتى: كوكتەم مەرەكەسى قارساڭىندا، باس شۋجي شي جينپيڭ يۇننانعا بارىپ، قىزمەت تەكسەرىپ، تەكسەرۋ - زەرتتەۋ جۇرگىزىپ، ءار ۇلت كادر - بۇقاراسىنا امانداسىپ، حال سۇراپ، بۇكىل ەل حالقىنا كوكتەم مەرەكەسى بايلانىسىمەن تىلەك جولدادى، بۇل باس شۋجي شي جينپيڭنىڭ حالىقتىڭ كوسەمى حالىقتى سۇيەتىن شىنايى سۇيىسپەنشىلىگىن تولىق ايگىلەدى، پارتيا ورتالىق كوميتەتىنىڭ حالىقتى وزەك ەتكەن دامۋ يدەياسىن تولىق ايگىلەدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنىپ، دايەكتىلەندىرىپ، نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا، اسىرەسە، قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ورنىقتىلىقتىڭ، دامۋدىڭ ءتۇرلى قىزمەتتەرىن بار كۇشپەن ويداعىداي ىستەپ، جاپپاي دوڭگەلەك داۋلەتتى قوعام ورناتۋدىڭ شەشۋشى شايقاسىنىڭ شەشۋشى جەڭىسىنە قول جەتكىزىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ كەرەك. نەگىزگى تاقىرىپتىق تاربيەنىڭ تابىستارىن تەرەڭدەتۋ كەرەك. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“دى پارتيا قۇرىلىسىن كۇشەيتۋدىڭ ماڭگىلىك تاقىرىبى جانە بارلىق پارتيا مۇشەلەرىنىڭ، كادرلاردىڭ ومىرلىك تاقىرىبى ەتۋگە تاباندى بولىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋگە، تۇسىنۋگە، جەتە يگەرۋگە، شىنايى تياناقتاندىرۋعا كۇش سالىپ، پارتيانىڭ جاسامپاز نازارياسىمەن امالياتقا جەتەكشىلىك ەتۋ قابىلەتىن جوعارىلاتىپ، بۇكىل رايونداعى قالىڭ پارتيا مۇشەلەرى مەن كادرلاردىڭ جاڭا داۋىردە ەكپىندەي ىلگەرىلەيتىن جويقىن كۇشىن قاۋلاتۋ كەرەك. ەكونوميكانىڭ جوعارى ساپالى دامۋىن ىلگەرىلەتۋ كەرەك. ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن ەكونوميكالىق، قوعامدىق دامۋدىڭ جالپى بارىسىنا ءسىڭىرىپ، ءۇش ءىرى قامال الۋ شايقاسىن ويداعىداي جۇرگىزىپ، جىبەك جولى ەكونوميكالىق بەلدەۋى وزەكتى رايون قۇرىلىسىن، اۋىل - قىستاقتى كوركەيتۋدى، ساياحات كاسىبىن دامىتۋدى ويداعىداي مىقتى يگەرىپ، بازارلاندىرۋ رەفورماسىن تەرەڭدەتىپ، جوعارى دەڭگەيدە ەسىك اشۋدى كەڭەيتۋ كەرەك. حالىق تۇرمىسىن جاقسارتۋدى زور كۇشپەن قامتاماسىز ەتۋ كەرەك. حالىقتى وزەك ەتۋ قىزمەت بەتالىسىنا تاباندى بولىپ، ورنىقتىلىق، دامۋ، حالىق تۇرمىسى − وسى ۇشەۋىن ءبىر تۇلعالاندىرۋدان جازباي، جالپىعا ءتيىمدى، نەگىزدىك، تولىق قامتاماسىز ەتىلەتىن حالىق تۇرمىسى قۇرىلىسىن بار كۇشپەن ويداعىداي ىستەۋ كەرەك. كۇش ۇيىستىرىپ كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋ“ نەگىزگى ولشەمىن مىقتاپ يگەرىپ، ”جەتى ءبىر توپ“، ”ءۇش سەرپىندى ارتتىرۋ“دى تىڭعىلىقتى ىلگەرىلەتىپ، تۇرگە ايىرىپ شارا اتقارۋدى كۇشەيتىپ، ماڭدايشالىق اسىپ، شايقاستى قاداعالاپ، ولقىلىقتاردى تولىقتاۋعا كۇش سالىپ، ەڭ سوڭعى قامالدى الىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ كەرەك. ۇلتتار ىنتىماعىن، ءدىن جاراسىمدىلىعىن جەبەۋ كەرەك. پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ىنتىماعى، العاباسارلىعىندا ۇلگىلى ورىن قۇرۋدى ىشكەرىلەي، باياندى ورىستەتىپ، ”ۇلتتار ىنتىماعىنىڭ بەرەكەلى شاڭىراعى“ مەن ۇلتتار ىنتىماعى بىرلەسكەن دوستىق قيمىلىن تىڭعىلىقتى ورىستەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ كەرەك؛ پارتيانىڭ ءدىن قىزمەتى نەگىزگى باعىتىن ىشكەرىلەي دايەكتىلەندىرىپ، ەلىمىزدە ءدىننىڭ جۇڭگوشالانۋ بەتالىسىنا تاباندى بولىپ، ءدىننىڭ سوتسياليستىك قوعامعا ۇيلەسۋىن جەبەۋ كەرەك. ەكولوگيالىق ورتانى قورعاۋدى كۇشەيتۋ كەرەك. تۇنىق سۋ، جاسىل تاۋ − باعالى بايلىق، مۇزدى ءوڭىر، قارلى القاپ تا باعالى بايلىق ۇستانىمىن بەرىك ورناتىپ، جان - جاقتىلى جونگە سالۋعا، جۇيەلى جونگە سالۋعا، قاينارىنان باستاپ جونگە سالۋعا تاباندى بولىپ، اشىق اسپان، تۇنىق سۋ، تازا توپىراقتى قورعاۋ شايقاسىن تالىقپاي ويداعىداي جۇرگىزىپ، كورىكتى شينجياڭ قۇرۋعا قۇلشىنۋ كەرەك.
ءماجىلىس مىنانى باسا دارىپتەدى: باس شۋجي شي جينپيڭنىڭ ساياسي - زاڭ قىزمەتى جونىندە بەرگەن ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، پارتيانىڭ ساياسي - زاڭ قىزمەتىنە شارتسىز باسشىلىعىنا تاباندى بولىپ، نازاردى باس نىساناعا شوعىرلاندىرىپ، كەشەندى شارانى ويداعىداي اتقارىپ، مەملەكەتتىڭ ساياسي حاۋىپسىزدىگىن شىنايى قورعاپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ۇزدىكسىز ىلگەرىلەتىپ، ساياسي - زاڭ سالاسىندا رەفورمانى جاپپاي تەرەڭدەتۋدى ىلگەرىلەتىپ، پارتيا مەن حالىق سەنىم ارتاتىن، سۇيەنىش ەتەتىن، الاڭسىز بولاتىن ساياسي - زاڭ قوسىنىن قۇرىپ، اناعۇرلىم جوعارى دەڭگەيدەگى تىنىش شينجياڭ، زاڭمەن جونگە سالىناتىن شينجياڭ قۇرۋعا قۇلشىنۋ كەرەك.
ءماجىلىس تاعى باسقا دا ىستەردى اقىلداستى.
شاۋكەت يمىن، نۇرلان ءابىلماجىن، لي پىڭشين، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين، جاڭ چۇنلين ماجىلىسكە قاتىناستى.
