جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس كوكتەم مەرەكەسىن توپتىق قۇتتىقتاۋ جينالىسىن وتكىزدى

شي جينپيڭ ءسوز سويلەدى

پارتيا ورتالىق كوميتەتى، مەملەكەتتىك كەڭەس اتىنان بۇكىل ەلدەگى ءار ۇلت حالقىنىڭ، شياڭگاڭ ەرەكشە اكىمشىلىك رايونىنداعى باۋىرلاستاردىڭ، اۋمىن ەرەكشە اكىمشىلىك رايونىنداعى باۋىرلاستاردىڭ، تايۋاندىق باۋىرلاستاردىڭ جانە شەتەلدەگى چياۋمين باۋىرلاستاردىڭ مەرەكەسىن قۇتتىقتادى

لي كىچياڭ باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى

　　1 - ايدىڭ 23 - كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس بەيجيڭ حالىق سارايىندا 2020 - جىلعى كوكتەم مەرەكەسىن توپتىق قۇتتىقتاۋ جينالىسىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

　　1 - ايدىڭ 23 - كۇنى جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس بەيجيڭ حالىق سارايىندا 2020 - جىلعى كوكتەم مەرەكەسىن توپتىق قۇتتىقتاۋ جينالىسىن وتكىزدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار استاناداعى ءار سالا قايراتكەرلەرىمەن ءبىر اراعا شاتتىقپەن باس قوسىپ، كوكتەم مەرەكەسىن بىرگە قارسى الدى. سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن

　　شينحۋا اگەنتتىگىنىڭ 1 - ايدىڭ 23 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس 1 - ايدىڭ 23 - كۇنى تۇستەن بۇرىن حالىق سارايىندا 2020 - جىلعى كوكتەم مەرەكەسىن توپتىق قۇتتىقتاۋ جينالىسىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءسوز سويلەپ، پارتيا ورتالىق كوميتەتى، مەملەكەتتىك كەڭەس اتىنان بۇكىل ەلدەگى ءار ۇلت حالقىنىڭ، شياڭگاڭ ەرەكشە اكىمشىلىك رايونىنداعى باۋىرلاستاردىڭ، اۋمىن ەرەكشە اكىمشىلىك رايونىنداعى باۋىرلاستاردىڭ، تايۋاندىق باۋىرلاستاردىڭ جانە شەتەلدەگى چياۋمين باۋىرلاستاردىڭ مەرەكەسىن قۇتتىقتادى.

　　شي جينپيڭ بىلاي دەپ باسا دارىپتەدى: ۋاقىت ادامدى كۇتىپ تۇرمايدى! تاريح ادامدى كۇتىپ تۇرمايدى! ۋاقىت قايراتتانا العا ۇمتىلۋشىلارعا ءتان! تاريح قايراتتانا العا ۇمتىلۋشىلارعا ءتان! جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ءبىز، ءسوز جوق، ۋاقىتپەن جارىسىپ، تاريحپەن قاتار العا باسۋىمىز كەرەك. بۇكىل پارتيا، بۇكىل ارميا، بۇكىل ەلدەگى ءار ۇلت حالقى جۇڭگو كوممۋنيستىك پارتياسىنىڭ پارمەندى باسشىلىعىندا، اۋەلگى ماقساتتى ۇمىتپاي، بورىشتى ەستە بەرىك ساقتاپ، داۋىلدى تولقىننان تايسالماي، سىن - سايىستارمەن بەتپە - بەت كەلىپ، ۋاقىت ءبىزدى كۇتىپ تۇرمايدى دەيتىن قايراتتانا ۇمتىلۋ بەينەسىمەن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شۇعىلالى نىساناسىنا قاراي ۇزدىكسىز شەرۋ تارتىپ، ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتۋدىڭ كوركەم كەلەشەگىنە قاراي ۇزدىكسىز شەرۋ تارتىپ، ادامزاتتىڭ ۇلى ۋاقىت تاريحى بارىسىندا جۇڭحۋا ۇلتىنىڭ ۇلى تاريحي ۋاقىتىن ۇزدىكسىز جاساۋ كەرەك!

　　پارتيا مەن مەملەكەتتىڭ باسشىلارىنان لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار توپتىق قۇتتىقتاۋ جينالىسىنا قاتىناستى، لي كىچياڭ باسقاردى.

　　حالىق سارايىنىڭ قوناعاسى زالىندا گۇل - بايشەشەك قۇلپىرىپ، قوراپتى شامدار، لەنتالار كوز تارتتى، ءار سالا قايراتكەرىنەن 2000نان استام ادام ءبىر اراعا شاتتىقپەن باس قوسىپ، ەسكى جىلدى ۇزاتىپ، جاڭا جىلدى قارسى الدى، شاتتىق ءۇن، شادىمان كۇلكى شارق ۇرىپ، مەرەكەگە مەرەي قوستى.

　　تۇستەن بۇرىن ساعات 10دا شات مەرەيلى مۋزيكا اۋەنىندە شي جينپيڭ قاتارلى پارتيا مەن مەملەكەت باسشىلارى زالعا كىردى، بۇكىل زالدان قىزۋ شاپالاق ءۇنى كوتەرىلدى.

　　شي جينپيڭ سوزىندە بىلاي دەپ اتاپ كورسەتتى: ەڭبەگى قاتتىنىڭ تاتقانى ءتاتتى بولادى. وتكەن ءبىر جىلدا ءبىز بوران - شاشىندى ەلەڭ قۇرلى كورمەي قاجىرلىلىقپەن ىستەپ، تيتتەي دە بوساڭسىماي قۇلشىنىپ، جاڭا ءداۋىر جۇڭگوشا سوتسياليزم داڭعىل جولىمەن بۇلجىماي ارشىندى قاداممەن العا تارتتىق. ءبىز ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، رەفورما جاساۋدى، ەسىك اشۋدى ىشكەرىلەي جەبەپ، جوعارى ساپالى دامۋدى كۇش سالا ىلگەرىلەتتىك، ەكونوميكالىق اينالىم ۇيلەسىمدى ارالىقتى ساقتادى، ءۇشءىرى قامال الۋ شايقاسى شەشۋشى ىلگەرىلەۋشىلىككە قول جەتكىزدى، عىلىم - تەحنيكالىق جاڭالىق اشۋدان ءجيى - ءجيى قۋانىشتى حابارلار تارالدى، كەدەيلىكتەن ارىلتۋدان قامال الۋدىڭ ناتيجەسى كورنەكتى بولدى، حالىق تۇرمىسى ىستەرى جەدەل دامىدى، مەملەكەت قورعانىسى مەن ارميا رەفورماسى تىڭعىلىقتى ىلگەرىلەدى، شار تاراپتىق ديپلوماتيا مول جەمىس بەردى، جاپپاي دوڭگەلەك داۋلەتتى قوعام ورناتۋ تىڭ دا ماڭىزدى ىلگەرىلەۋشىلىككە قول جەتكىزدى. ءبىز پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسىن اشىپ، جۇڭگوشا سوتسياليزم تۇزىمىنە تاباندى بولۋ جانە ونى دامىتۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندە جان - جاقتى ورنالاستىرۋ جاسادىق. ءبىز اۋمىن وتان قۇشاعىنا ورالعاندىعىنىڭ 20 جىلدىعىن سالتاناتپەن قۇتتىقتاپ، شياڭگاڭنىڭ، اۋمىننىڭ گۇلدەنۋىن، ورنىقتىلىعىن باتىل قورعادىق. اسىرەسە، ءبىز جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن سالتاناتپەن قۇتتىقتاپ، ايبىنى اسقاق، قىزۋ مەرەيلى قۇتتىقتاۋ قيمىلدارىن جانە سالتاناتتى اسكەري پارات وتكىزدىك، ءبىر ميلليارد 400 ميلليون تۋ قورعاۋشى جاڭا جۇڭگوعا ماداق ايتۋدىڭ، جاڭا داۋىردە كۇرەس جۇرگىزۋدىڭ اسقاق اۋەنىن شىرقاپ، ۇلتتىق رۋحتى بارىنشا سەرپىلتىپ، ىنتىماقتاسىپ قايراتتانا العا باسۋدىڭ مىعىم كۇشىن قاۋلاتتى. ءبىز بۇكىل پارتيادا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيە ورىستەتىپ، 90 ميلليوننان استام كوممۋنيستىك پارتيا مۇشەلەرىن قاشاندا بۇقارانىڭ جۇرەك قالاۋىن ءوز قالاۋى ەتۋدى، قاشاندا بۇقارامەن تىنىستاس، تاعدىرلاس، جۇرەكتەس بولۋدى ءار دايىم ەستە بەرىك ساقتاۋعا قۋزادىق.

　　شي جينپيڭ بىلاي دەپ اتاپ كورسەتتى: تاريح كۇرەسپەن جاسالادى، ناقتى ىسكەرلىك بولاشاققا جول اشادى. جاڭا ءبىر جىلدا، ءبىز جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزىپ، ءبىرىنشى 100 جىلدىق كۇرەس نىساناسىن جۇزەگە اسىرامىز، جۇڭحۋا ۇلتىنىڭ مىڭداعان جىلداردان بەرگى ”جاپا شەككەن حالىق دوڭگەلەك داۋلەتكە جەتۋدى اڭساعان“ ارمانى شىندىققا اينالادى. بۇل جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تاريحي ۇدەرىسىندە بەلەستىك مانگە يە. ءبىز جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جاپپاي دوڭگەلەك داۋلەتتى قوعام ورناتۋدىڭ نىسانا - مىندەتتەرىمەن تىعىز بايلانىستىرىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ ۇستانىمىن جاپپاي دايەكتىلەندىرىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتىن جاپپاي ويداعىداي ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جوعارى ساپامەن قول جەتكىزىپ، جاپپاي دوڭگەلەك داۋلەتتى قوعام ورناتۋدىڭ تولىق تابىسپەن اياقتالۋىنا شىنايى كەپىلدىك ەتىپ، حالىقتىڭ قۇپتاۋىنا يە بولۋىمىز، تاريحتىڭ سىنىنان ءوتۋىمىز كەرەك.

　　شي جينپيڭ بىلاي دەپ باسا دارىپتەدى: مەن بيىل جاڭا جىلدى قۇتتىقتاۋ سوزىمدە ۋاقىتپەن جارىسىپ، ەسىل ساتتەردى زايا كەتىرمەۋ كەرەك دەگەن ەدىم. بۇنى ەڭ الدىمەن جۇڭحۋا ۇلتىنىڭ ۇلى تاريحى تۇرعىسىنان ءتۇسىنۋ كەرەك. جۇڭحۋا ۇلتىنىڭ 5000 جىلدان استام وركەنيەت تاريحى بار، بىرنەشە مىڭ جىلدىق تاريح ۇدەرىسىندە ادامزات وركەنيەتىنىڭ العا باسۋى ءۇشىن وشپەس ۇلەس قوستى. ءبىراق تاياۋ زاماننان كەيىن، جۇڭحۋا ۇلتى ءتۇرلى ىشكى - سىرتقى زوبالاڭنىڭ كەسىرىنەن كوپ ۋاقىتىن زايا كەتىردى، سوندىقتان جۇڭگو حالقىندا باستان - اياق ايرىقشا وزگەشە كوكەي تەستىلىك سەزىم، ءداۋىر سەزىمى بولدى. تاريحقا قايىرىلا قاراساق، اپيىن سوعىسىنان كەيىن، جۇڭحۋا ۇلتى 110 جىل ۋاقىت جۇمساپ ۇلتتىڭ تاۋەلسىزدىگى مەن حالىقتىڭ ازاتتىعىن جۇزەگە اسىرعاندىعىن، 70 جىل ۋاقىت جۇمساپ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى العاندىعىن، 40 نەشە جىل ۋاقىت جۇمساپ جالپىلىق مەملەكەت قۋاتىنىڭ، حالىقتىڭ تۇرمىس دەڭگەيىنىڭ جانە حالىقارالىق ىقپال كۇشىنىڭ بارىنشا جوعارىلاۋىن جۇزەگە اسىرعاندىعىن اڭعارامىز.

　　شي جينپيڭ بىلاي دەپ اتاپ كورسەتتى: ءبىز قازىردەن باستاپ وسى عاسىردىڭ ورتا شەنىنە دەيىنگى ستراتەگيالىق جوبانى دا جاسادىق، قادامعا ءبولىپ جاپپاي دوڭگەلەك داۋلەتتى قوعام ورناتۋدى جۇزەگە اسىرىپ، سوتسياليستىك وسىزامانداندىرۋدى نەگىزىنەن جۇزەگە اسىرىپ، ەڭ سوڭىندا باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت قۇرىپ شىعامىز. بۇل جۇڭگو حالقى مەن جۇڭحۋا ۇلتى قايراتتانا العا باساتىن جاڭا ءداۋىر، جۇڭحۋا وركەنيەتىنىڭ تىڭ شۇعىلالى تاراۋىن جازاتىن ۇلى ءداۋىر بولماق! جۇڭگو حالقىنىڭ ءار مۇشەسىنىڭ، جۇڭحۋا ۇلتىنىڭ ءار مۇشەسىنىڭ بارلىعى ءدال وسىنداي ۇلى داۋىردە تۇرعاندىعىن داڭق سەزىنۋى، ماقتانىش سەزىنۋى ءتيىس! ءبىز ستراتەگيالىق باعداردان جازباي، ستراتەگيالىق تاباندىلىقتى ساقتاپ، ءبىر نيەتپەن ىنتىماقتاسىپ، قاجىرلىلىقپەن كۇرەس جۇرگىزىپ، ءارقانداي بوران - شاشىندى ەلەڭ قۇرلى كورمەي ۇزدىكسىز العا باسۋىمىز كەرەك!

　　توپتىق قۇتتىقتاۋ جينالىسىندا شي جينپيڭ قاتارلى پارتيا مەن مەملەكەت باسشىلارى كوپشىلىكپەن ىقىلاستى قول الىسىپ، ءوزارا امانداسىپ، كوكتەم مەرەكەلەرىن قۇتتىقتادى. ادەبيەت - كوركەمونەر قىزمەتكەرلەرى تارتىمدى ويىن نومىرلەرىن كورسەتتى.

　　جۇڭگو كوممۋنيستىك پارتياسى ورتالىق كوميتەتىندەگى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، ەڭ جوعارى حالىق سوتىنداعى، ەڭ جوعارى حالىق پروكۋراتۋراسىنداعى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى باسشى جولداستار جانە ساقا جولداستار توپتىق قۇتتىقتاۋ جينالىسىنا قاتىناستى.

　　توپتىق قۇتتىقتاۋ جينالىسىنا ورتالىقتاعى پارتيا، ۇكىمەت، ارميا تاراۋلارىنداعى، بۇقارالىق تاراۋلارداعى جانە بەيجيڭ قالاسىنداعى جاۋاپتى جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، دەمالىسقا، زەينەتكە شىققان ساقا جولداستاردىڭ ۋاكىلدەرى، ايگىلى مامانداردىڭ، وقىمىستىلاردىڭ جانە استانانىڭ ءار سالاسىنداعى قايراتكەرلەردىڭ ۋاكىلدەرى دە قاتىناستى.