شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ چۇنحۋا 1 - ايدىڭ 24 - كۇنى ۇرىمجىدەن حابارلايدى. جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتى بارعان سايىن كوپ ادامداردىڭ نازارىن اۋداردى، ماماندار مىنانى ەسكەرتەدى: ۇرەيلەنبەۋ، وسەك - اياڭعا سەنبەۋ، ەڭ ماڭىزدىسى، عىلمي تۇردە ساقتانۋ كەرەك.
اۆتونوميالى رايوندىق 6 - حالىق شيپاحاناسى سالماقتى اۋرۋلار مەديتسينا ءبولىمىنىڭ مەڭگەرۋشسى سۇن شيانلي بىلاي دەپ تانىستىردى: جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنەن ساقتانۋعا، ونى تىزگىندەۋگە بولادى، رايونىمىز دەر كەزىندە ساقتانۋ - تىزگىندەۋ شارالارىن ناقتاپ تياناقتاندىردى، جۇرتشىلىقتىڭ ۇرەيلەنۋىنىڭ قاجەتى جوق. الەۋمەتكە وسەك - اياڭعا سەنبەۋدى، وسەك - اياڭ تاراتپاۋدى، الايدا باق سىناۋ يدەياسىندا بولماۋدى، ءوزىن ساقتاندىرۋ - قورعاۋ تانىمىن كۇشەيتىپ، كوكتەم مەرەكەسىن سالاماتتى، امان - ەسەن وتكىزۋىن ەسكەرتەمىز.
”مۇمكىن بولسا ۇيدەن شىقپاي، باس قوسۋدى ازايتىپ، ساياحاتقا، ادام توپتالعان جەرگە بارماۋ كەرەك، بۇل ىندەتتىڭ تارالۋ، جۇعىمدالۋ جولدارىن ازايتۋدىڭ ەڭ ءونىمدى ءادىسى، ويتكەنى ىندەت جاعدايىندا جاسىرىن كەزەڭ بار“. سۇن شيانلي بىلاي دەدى: ”ۋحاننان شينجياڭعا قايتىپ كەلگەن ادامدار ەشقانداي ناۋقاس جاعدايى بايقالماسا دا، سانالى تۇردە ۇيىندە اۋاشالانىپ باقىلانۋى كەرەك؛ ەگەر دەنەسى قىزۋ، بۋىنى قۇرۋ سياقتى جايسىزدانۋ جاعدايى بولسا، دەر كەزىندە ەمدەلۋى كەرەك، قانشالىق ەرتە بايقاعان سايىن، ەمدەۋ ۋاقىتىن سونشالىق ۇتۋعا بولادى“.
سۇن شيانلي مىنانى ايرىقشا ەسكەرتتى: كوكتەم مەرەكەسى كەزىندە، الەۋمەت ەڭ جاقسىسى ەلەكتروندىق تاسىلمەن قۇتتى بولسىن ايتىپ تۋىس - تۋعان، دوس - جاراندارىنا تىلەكتەرىن جەتكىزىپ، ىندەتتىڭ تارالۋ مولشەرىن ازايتۋ كەرەك. جەكە باسىندىق قورعانۋ جاعىندا قولدى كوپ جۋىپ، كوپ جەل وتكىزىپ، ءۇي ءىشىنىڭ اۋا الماسىپ تۇرۋىن ساقتاۋ كەرەك.
ماسكانى قالاي عىلمي تاعۋ كەرەك؟ ”ءبىر رەتتىك ماسكانىڭ ءبىر جاعىنىڭ ورتاسىندا مەتال قىسقىش بار، ءسوزسىز، قىسۋ ارقىلى قىسقىشتى مۇرىنعا تۇگەلدەي جابىستىرىپ، اينالاسىنان جەل كىرگىزبەۋ، دەم شىعارماۋ كەرەك. ماسكا تاعىپ العان سوڭ، قوس قولدىڭ باسبارماعى، سۇق ساۋساقپەن شەڭبەلدەپ، اۋىز بەن مۇرىننىڭ ەكى جاعىن باسىپ سىناۋ كەرەك، جان جاعىنان دەم شىقپايتىنداي بولۋىن تەكسەرۋ كەرەك، وسىلاي ىستەگەندە عانا قورعانۋ رولى بولادى“. سۇن شيانلي ماسكانىڭ ءبىر رەتتىك پايدالانىلاتىن زات ەكەندىگىن، ونى قايتالاي پايدالانۋعا بولمايتىندىعىن ەرەكشە ەسكەرتتى.
