شينجياڭ گازەتىنىڭ جالپىلىق اقپارات قۇرالدارى تىلشىلەرى ليۋ ي، لۋ فىڭباۋ 1 - ايدىڭ 24 - كۇنى ۇرىمجىدەن حابارلايدى. 1 - ايدىڭ 24 - كۇنى ەگىنشىلىك كالەندارى بويىنشا كوكتەم مەرەكەسىنە قاراعان ءتۇن، ءۇرىمجى ديوپۋ حالىقارالىق اۋەجايى، تەمىر جول ءۇرىمجى ۆوكزالى سياقتى قاتىناس - تاسىمال تاراۋلارى قالىپتى اينالىم جاساپ، رەتتى تارتىپپەن جۇمىس جۇرگىزىپ، ۇيگە قايتۋ جولىنداعى جولاۋشىلارعا ەتەنە قىزمەت وتەدى. رايونىمىزدىڭ تاسىمال تاراۋلارى مەن كاسىپورىندارىنىڭ دەر كەزىندە ىسكە قوسىپ اتقارعان ىندەتتەن ساقتانۋ - تىزگىندەۋ شارالارى ءاربىر جولاۋشىنىڭ ساپارىنىڭ اناعۇرلىم حاۋىپسىز بولۋىنا مۇمكىندىك جاسادى.
ۇعىسۋىمىزشا، شينجياڭ اۋەجاي توبى جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ باسشىلىق گرۋپپاسىن قۇرىپ، ىندەتتەن ساقتانۋ - تىزگىندەۋ قىزمەتىن سايكەستىرگەن، تياناقتاندىرعان. ءۇرىمجى ديوپۋ حالىقارالىق اۋەجايى 1 - ايدىڭ 22 - كۇنىنەن باستاپ ۇشىپ كەلگەن جانە ۇشىپ كەتەتىن جولاۋشىلاردىڭ دەنە تەمپەراتۋراسىنا العاشقى تەكسەرۋلەر جۇرگىزگەن. سونىمەن قاتار، قىزمەتكەر ۇيىمداستىرىپ اۆياتسيا كەزەكشى ۇشاقتارىن اداقتاپ تەكسەرىپ، جولاۋشىلار بولمەسى، اۋەجاي كولىكتەرىنە جانە جۇك ساقتايتىن جەرلەرگە، ۇشاق كۇتۋ عيماراتىنىڭ تەرەزەلەرىن ءار كۇنى اشىپ اۋا الماستىرىپ جانە ۋاق - ۋاق زالالسىزداندىرىپ تۇرعان. اۋەجايدىڭ شۇعىل قۇتقارۋ ورتالىعى ءار كۇنى ناۋقاس كورۋگە قابىلداعان دەنەسى قىزعان، كۇدىكتى ناۋقاستاردى ساناققا الىپ، دەر كەزىندە اۆتونوميالى رايوندىق دەنساۋلىق ساقتاۋ، سالاماتتىق كوميتەتىنە اڭىس ەتىپ تۇرعان.
ءتىلشىنىڭ وڭتۇستىك اۆياتسيا شينجياڭ بولىمشە سەرىكتەستىگىنەن ۇعىسۋىنشا، قازىر وڭتۇستىك اۆياتسيا شينجياڭ بولىمشە سەرىكتەستىگىنەن ءار كۇنى 70تەي كەزەكشى ۇشاق ۇشادى ەكەن، اتالعان سەرىكتەستىك ىندەتتەن ساقتانۋ - تىزگىندەۋ جوباسىن ىسكە قوسىپ، ءار كۇنگى كەزەكشى ۇشاقتارعا ساقتىق سيپاتتى زالالسىزداندىرۋ جۇرگىزىپ، ءتۇرلى سەبەپپەن دەنەسى قىزعان جولاۋشىلار بايقالعان كەزەكشى ۇشاقتارعا سول مەزەتتە زالالسىزداندىرۋ شاراسىن قولدانىپ، ۇشاق كەزەگى اقىرلاسقان سوڭ تاعى ءبىر رەت تۇبەگەيلى زالالسىزداندىرۋ جۇرگىزگەن؛ دەنەسى قىزعان جولاۋشىلار بايقالسا، شۇعىل تۋىلعان الەۋمەتتىك دەنساۋلىق ساقتاۋ وقيعاسىن ءبىر جاقتى ەتۋ ءتارتىبى بويىنشا قاتاڭ جۇمىس جۇرگىزگەن. سونىمەن بىرگە، جولسەرىك توبىن تازالىق - ىندەتتەن ساقتانۋ دورباسىمەن جابدىقتاپ، دايىندالاتىن ماسكانىڭ سانىن كوبەيتكەن؛ ءبىرىنشى شەپتەگى قىزمەتكەرلەرگە ماسكا، قولعاپ، زالالسىزداندىرۋ قول جۋۋ سۇيىقتىعى سياقتى تازالىق بۇيىمدارىن تاراتقان؛ ءار كۇنى ۇشۋدان بۇرىن جولاۋشىلار بولمەسىندەگى بارلىق قىزمەتكەرلەردىڭ دەنە تەمپەراتۋراسىن ولشەپ تۇرعان.
شينجياڭداعى جولاۋشىلار لەگى مولشەرى ەڭ كوپ ۆوكزال رەتىندە، تەمىر جول ءۇرىمجى ۆوكزالىنىڭ كوكتەم مەرەكەسىنە قاراعان ءتۇنى جولاۋشىلار مولشەرى الدىڭعى نەشە كۇندەگى قاۋىرت مەزگىلدەگىدەن كورنەكتى ازايعان، الايدا ىندەتتەن ساقتانۋ - تىزگىندەۋگە باسا ءمان بەرۋ دەڭگەيى تيتتەي دە السىرەگەن جوق. ”ءبىز ۇرىمجىدەگى 2 ۆوكزالدا زالالسىزداندىرۋ، اۋا الماستىرۋ سياقتى قىزمەتتەردى كۇشەيتىپ، جولاۋشىلار مەن قىزمەتكەرلەردىڭ دەنساۋلىعىنا بار كۇشپەن كەپىلدىك ەتتىك“. ءۇرىمجى ۆوكزالىنىڭ ورىنباسار باستىعى ءانۋار بىلاي دەدى: تۇندە جولاۋشىلاردى جوندەلتۋ جۇمىسى اياقتاعاننان كەيىن، قىزمەتكەرلەر پويەز كۇتۋ زالى، بەلەت ساتۋ زالى سياقتى ادامدار ءجيى ورىندارعا تۇبەگەيلى زالالسىزداندىرۋ جۇرگىزەدى، كۇندىز دە توقتاۋسىز زالالسىزداندىرىپ تۇرادى. قاتىستى تاراۋلار ۆوكزال ىشىنە 40 ەمدەۋ قىزمەتكەرىن ۆوكزالدان شىققان جولاۋشىلاردىڭ دەنە تەمپەراتۋراسىن ولشەۋگە ورنالاستىردى، الدا - جالدا دەنەسى قىزۋ، بۋىنى قۇرۋ سياقتى جايسىزدانۋ اسەرى بولعان جولاۋشىلار بايقالسا، قالدىرىپ باقىلاۋ بولمەسىنە كىرگىزىلىپ باقىلانادى. سىرت جەرلەردەن ۆوكزالعا كەلگەن جولاۋشىلاردا الدا - جالدا دەنە تەمپەراتۋراسى قالىپسىز بولۋ جايتتەرى بايقالسا، ىندەتتى تىزگىندەۋ قىزمەتكەرلەرى ۆوكزال تەكشەسىنە شىعىپ، ءبىر جايلى ەتەدى.
شينجياڭ تەمىر جول تاراۋىنىڭ قاتىستى جاۋاپتىسى بىلاي دەپ تانىستىردى: شينجياڭعا كىرەتىن ادامدار ءجيى نەگىزگى ۆوكزالداردا قىزمەتكەرلەر ماسكا تاراتتى، ۋحان باعىتىنان كەلگەن جولاۋشىلارعا ارناۋلى وتكەل ورنالاستىرىلدى ءارى دەنە تەمپەراتۋراسىن ءبىر - بىرلەپ تەكسەرۋ ورىستەتىلەدى. تەمىر جول تاراۋلارى دەنساۋلىق ساقتاۋ تاراۋلارىمەن بەلسەندىلىكپەن سايكەستى بىرلەسىپ قيمىلداۋ مەحانيزمىن ورناتىپ، تەمىر جولدىڭ اينالىم جاعدايىن دەر كەزىندە مالىمدەپ، دەنە تەمپەراتۋراسى قالىپسىز جولاۋشىلاردى دەر كەزىندە اۋاشالايدى ءارى ىندەتتى تىزگىندەۋ تاراۋلارىنا وتكىزىپ بەرەدى. سونىمەن بىرگە پويەز ستانسياسىنىڭ، پويەزداردىڭ اۋا الماستىرۋ، زالالسىزداندىرۋ سياقتى قىزمەتتەرىن كۇشەيتىپ، تاماشا تازالىق ورتاسىن ساقتاپ، جاسىل وتكەل ورنالاستىرىپ، جەر - جەردىڭ شۇعىل جاعدايعا توتەپ بەرۋ، ساقتانۋ - تىزگىندەۋ جابدىقتارىن تاسىمالداۋىن الدىمەن ورنالاستىرىپ، پويەز ستانسياسى مەن پويەزدىڭ راديودا حابارلاۋى سياقتى قىزمەت وتەۋ، حابار جاريالاۋ قىزمەتتەرىن ويداعىداي ىستەپ، دەنساۋلىق ساقتاۋ، ىندەتتەن ساقتانۋ بىلىمدەرى بويىنشا عىلىم جالپىلاستىرۋ، ۇگىتتەۋ تەبىنىن ارتتىرادى.
