تيانشان تورىنىڭ حابارى (حابارىن جازىپ، سۋرەتىن تۇسىرگەن ءتىلشىمىز سو رۇڭجى، ەرىكتى ءتىلشى ياڭ حاۋ). جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنەن ساقتانۋ-تىزگىندەۋ قىزمەتى ءۇرىمجى قالاسىنداعى جولاۋشى تاسىمال بەكەتتەرىندە جاپپاي باستالدى، بۇل بەكەتكە كىرگەندە، بەكەتتەن شىققاندا دەنە تەمپراتۋراسىن ولشەۋ، الىپ قالىپ باقىلاۋ بولمەسىن قۇرۋ، بەكەتتەردى، اۆتوبۋزداردى زالالسىزداندىرۋ سياقتى كوپ ءتۇرلى ساقتانۋ-تىزگىندەۋ شارلارىن اتقارۋدى قامتيدى.
1-ايدىڭ 24-كۇنى، ءتىلشىنىڭ ءۇرىمجى بەيجياۋ جولاۋشى تاسىمال بەكەتىنەن ۇعىسۋىنشا، جولاۋشى تاسىمال بەكەتى وسى ىندەتكە ساي ”شۇعىل جاعدايلارعا توتەپ بەرۋ، ءبىر جايلى ەتۋ جوباسىن“ جاساپ، 70 تەن استام قىزمەتكەردى تۇگەلدەي قىزمەت ورنىنا جىبەرىپ، ىندەتتەن ساقتانۋ-تىزگىندەۋگە سايكەستى تاربيەلەۋ ورىستەتكەن.
”ءبىز ارناۋلى ادام ورنالاستىرىپ، بەكەتكە كىرگەن، بەكەتتەن شىققان بارلىق جولاۋشىنىڭ دەنە تەمپراتۋاسىن ولشەۋدى قاتاڭ جۇرگىزدىك“،-دەدى ءۇرىمجى بەيجياۋ جولاۋشى تاسىمال بەكەتىنىڭ باستىعى ۋاڭ فۋگو. ولار قىزمەت وتەۋ تەكشەسىنىڭ جانىنان 20 شارشى مەترلىك الىپ قالىپ باقىلاۋ بولمەسىن قۇرىپ، دەنە تەمپەراتۋراسى 37 سالتسي گردۋستان اسقان جولاۋشىلار بولسا، الىپ قالىپ باقىلاۋ بولمەسىنە اكەلىپ، ەكىنشى رەت ولشەۋ جۇرگىزەدى، ەكىنشى رەت ولشەگەننەن كەيىن، كۇماندى اۋرۋ بايقالسا جۇقپالى اۋرۋلاردان ساقتانۋ تاراۋلارىنىڭ اپارىپ قۇتقارۋ-ەمدەۋ جۇرگىزۋ حابارلاندىرادى ەكەن.
ۋاڭ فۋگو بىلاي دەدى: جولاۋشى تاسىمال بەكەتى ارناۋلى ادام ورنالاستىرىپ، ەكى ساعاتتا ءبىر رەت بەكەتتە اۋا الماستىرىپ، زالالسىزداندىرادى، سونداي-اق، ديزەنفەكسيالى پاۋتىڭپيانمەن جولاۋشىلار كوپ باراتىن اۋماقتاردى ءسۇرتىپ زالسىزداندىرادى. سونىمەن بىرگە، جولعا شىعار الدىندا ءاربىر اۆتوبۋزدى زالالسىزداندىرۋ قىزمەتىن تىڭعىلىقتى ىستەيدى.
”ءبىز ىندەتتەن ساقتانۋ-تىزگىندەۋدى ويداعىداي ىستەۋمەن بىرگە، قىزمەتكەرلەردىڭ ءوزىن قورعاۋ قىزمەتىن دە كۇشەيتتىك“. ۋاڭ فۋگو: ءاربىر قىزمەتكەردىڭ تالاپ بويىنشا ماسكا تاعۋىن، قولعاپ كيۋىن، ت.ب. قاتاڭ تالاپ ەتتىك،-دەدى.
سول كۇنى، ءتىلشى تاعى ءۇرىمجى جوعارى قارقىندى تەمىر جولى حالىقارالىق اۆتوموبيل جولاۋشى تاسىمال بەكەتىنەن، نانجياۋ جولاۋشى تاسىمال بەكەتىنەن، با-ي جۇنگۇڭ جولاۋشى تاسىمال بەكەتىنەن بارلىعىنىڭ بەكەتكە كىرگەن-شىققان ادامداردىڭ دەنە تەمپەراتۋراسىن ولشەۋ، اۋا الماستىرۋ، زالالسىزداندىرۋ سياقتىلاردى قىزمەتتەردى ىسكە قوسىپ، جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنەن ساقتانۋ-تىزگىندەۋ قىزمەتىن بەلسەندى ويداعىداي ورىستەتىپ جاتقاندىعىن ۇعىستى.
مۇنان سىرت، ءۇرىمجى قالاسىنداعى كىرە اۆتوكولىك، الەۋمەتتىك اۆتوبۋز، BRT دە جولعا شىعاردان بۇرىن، توقتاتىلعاننان كەيىن جاپپاي اۆتوموبيلدەردى زالالسىزداندىرۋ، اۋا الماستىرۋ سياقتى ساقتانۋ قىزمەتتەرىن باستاعان، اۆتوموبيل اترەتتەرى دە شوفەرلاردىڭ دەنە تەمپەراتۋراسىن ولشەۋ قىزمەتىن ورىستەتكەن ءارى شوفەرلاردان ساۋ دەنەلى قىزمەتكە شىققان كەزىندە، حاۋىپسىزدىك ساقتانۋ شارالارىن ويداعىداي ىستەۋدى تالاپ ەتكەن.
