قىزىپ جوتەلگەندە قالاي ىستەۋ كەرەك؟ اۆتونوميالى رايوندىق دەنساۋلىق ساقتاۋ، سالاماتتىق كوميتەتى ەمدەلۋگە نۇسقاۋ كورسەتۋ جانە بۇكىل رايونداعى قىزۋ تەكسەرۋ امبالاتورياسى ەمدەۋ قۇرىلىمدارىنىڭ تىزىمدىگىن جاريالادى.
جاڭا تيپتەگى ايدارشا ۆيرۋسى قازىر نەگىزىنەن تىنىس جولى ارقىلى، ايتالىق: جوتەلۋ، تۇشكىرۋ سياقتى تۇشكىرىك شاشىراندىسى ارقىلى سونداي -اق جاقىنداسۋدان دا تارالادى. ەگەر قىزۋ، جوتەلۋ، تاماق اۋرۋ سياقتى اۋرۋ بەلگىلەرى بايقالسا ەڭ الدىمەن جوعارىداعى باسقىشتاردى پايدالانىپ، ونان كەيىن شيپاحاناعا بارۋ - بارماۋ كەرەكتىگىنە شەشىم جاساڭىز. ەگەر تومەندەگىدەي جاعدايلار بولسا ەڭ الدىمەن ۇيدە دەمالىپ، باقىلاۋ كورۋىڭىزدى ۇسىنامىز.
ءبىرىنشى: دەنە تەمپەراتۋر 38 سەلتسي گرادۋستان اسپاعان ءارى تىنىس تارىلۋ، دەم سىعىلۋ سياقتى اۋرۋ جاعدايى كورىنبەگەندەر.
ەكىنشى: جاس شاماسى 60 جاستان تومەن 5 جاستان جوعارىلار.
ءۇشىنشى: جۇكتى بولماعان، سوزىلمالى اۋرۋعا شالدىقپان ناۋقاستار جانە سەمىز ەمەستەر. ۇيدە كوپ سۋ ءىشۋ، اۋرۋ بەلگىلەرىن جەڭىلدەتەتىن كەي تۇماۋ دارىلەرىن ءىشۋ كەرەك، سونىمەن بىرگە، ماسكا تاعۋ، ءجيى قول جۋۋ، بولمەلەردىڭ اۋاسىن الماستىرۋ سياقتى شارالاردى قولدانۋ كەرەك. ەگەر مىنانداي جاعدايلار بايقالسا دەركەزىندە ەمدەلۋىڭىزدى ۇسىنامىز.
ءبىرىنشى: ۇيدە باقىلاۋعا الىنىپ دەمالعان ءبىر، ەكى كۇننەن كەيىن اۋرۋ جاعدايى ءالى جاقسارماعاندار.
ەكىنشى: جاقىن ارالىقتا قىزىپ جوتەلگەن ناۋقاستارمەن جاقىن جۇرگەندەر نەمەسە توپتالعان ورىندارعا بارعاندار، ايتالىق: اۋىل شارۋاشىلىق ساۋدا بازارىنا بارعاندار، جابايى جانۋارلارعا جاقىنداسقاندار.
ءۇشىنىشى: قارتتار، جۇكتى ايەلدەر، سەمىزدەر جانە سوزىلمالى وكپە اۋرۋى، جۇرەك قان تامىرى اۋرۋى، باۋىر، بۇيرەك سياقتى نەگىزدىك سيپاتتى اۋرۋعا شالدىققاندار نەمەسە يممۋنيتەتتىك قۋاتى تومەن ادامدار.
ءتورتىنشى: شيپاحاناعا باراتىن جولدا، ماسكا تاعۋ، جوتەلۋگە جانە تازالىققا كوڭىل ءبولۋ كەرەك، جوتەلگەندە، تۇشكىرگەندە قولمەن اۋىز- مۇرنىمىزدى باسپاۋىمىز، قاعاز نەمەسە شىنتاقپەن قالقالاۋىمىز كەرەك.
اۋدارعان: نارتاي ءابدىراۋىپ
