تيانشان تورىنىڭ حابارى (حابارىن جازىپ، سۋرەتىن تۇسىرگەن ءتىلشىمىز يۇ جياڭيان) كوكتەم مەركەسى كەزىندە، ءۇرىمجى قالاسى ميدۇڭ رايونىنداعى ءبىر «با-سى» زارارسىزداندىرۋ سۇيىقتىعىن وندىرەتىن كاسىپورىننىڭ قىزمەتكەرلەرى قىزمەت ورنىنا قايتىپ كەلىپ، قازىر بار كۇشپەن ءوندىرىس جۇرگىزۋدى، كاسىپورىننىڭ بارلىق قىزمەتكەرى قىزمەتكە شىعىپ، بازاردىڭ قاجەتىن قامتاماسىزداندىردى.
1 - ايدىڭ 25 - كۇنى، ءتىلشى شينجياڭ جيانىڭ «با-سى» زارارسىزداندىرۋ ونىمدەرى شەكتى سەرىكتەستىگىنەن ءوندىرىس سەحنداعى كىلەڭ قاربالاستىققا تۇسكەن كۇبىگە قۇيۋ، قوراپتاۋ، تاسىمالداۋ، ءنومىرلەۋ سياقتى كورىنىستەردى كوردى... شاعىن قوراپتى زارارسىزداندىرۋ سۇيىقتىعىن ءوندىرۋ سەحندا 5-6 ايەل جۇمىسشى ۇلاسپالى جەلىدە قاربالاستاپ جاتىپتى، ”جاڭا جىلعا قاراعان تۇننەن باستاپ ۇستەمە قىزمەت ىستەۋدى باستاعامىز، تۇسكە اس پەن كەشكى استى قىزمەت ورنىندا ىشتىك، بۇگىن دە ءبىز ەرتە كەلىپ ءوندىرىس باستاعانىنان قازىرگە دەيىن قاربالاستاپ جاتىرمىز“،-دەدى ءوندىرس سەحنداعى جۇمىسشى ما سۇنمەي.
ما سۇنمەي قوراپتىڭ قاقپاعىن جابۋعا جاۋاپتى ەكەن، ءبىر ساندىقتا 30 قۇمىرا زارارسىزداندىرۋ سۇيىقتىعى بار، سالماعى شامامەن 15 كيلوگرام، قاقپاعىن جاپقاننان كەيىن ما سۇنمەي زارارسىزداندىرۋ سۇيىقتىعىن كوتەرىپ، بوتىناسقا اپارىپ قويدى.
كاسىپورىندا 7 جىل قىزمەت ىستەگەن ءوندىرىس سەحنداعى جۇمىسشى ۋاڭ شياۋحۇڭ بىلاي دەدى: ىندەتتەن ساقتانۋ - تىزگىندەۋ ءۇشىن ۇستەمە قىزمەت ىستەۋ ابدەن قاجەت، بۇل مەن ىستەي الاتىن تيتتەي عانا ۇلەسىم بولماق“.
شينجياڭ جيانىڭ «با-سى» زارارسىزداندىرۋ بۇيىمدارى شەكتى سەرىكتەستىگىندە ەكى ءوندىرىس جەلىسى بار، ءبىر ءوندىرىس جەلىسى شاعىن قوراپتى زارارسىزداندىرۋ سۇيىقتىعىن وندىرەدى، ەندى ءبىر ءوندىرىس جەلىسى كۇبىلى زارارسىزداندىرۋ سۇيىقتىعىن وندىرەدى. جاقىنعى بىرنەشە كۇندە ىندەتتەن ساقتانۋ - تىزگىندەۋ قىزمەتىنىڭ قاجەتىنە ساي زارارسىزداندىرۋ سۇيىقتىعىنا بولعان قاجەت قاۋىرت ارتتى، كاسىپورىننىڭ ۇلكەن قوراپتى ءوندىرىس جەلىسى دە قازىر بار كۇشپەن ءوندىرىس جۇرگىزۋدە.
ءتىلشى ءوندىرىس سەحىنىڭ ەسىگىندە تۇرعان 3 - 4 اۆتوموبيلگە زات تيەلىپ جاتقانىن بايقادى. ”ءبىز 2 توننان زارارسىزداندىرۋ سۇيىقتىعىن ساتىپ الدىق، ءبارى دە كۇبىگە قۇيىلعان، ەرتەڭ ءارقايسى كوكونىس تىكە ساتۋ دۇكەندەرىن زارارسىزداندىرىپ، ىندەتتەن ساقتانۋ - تىزگىندەۋدى تىڭعىلىقتى ىستەيمىز“، - دەدى ءۇرىمجى جياحى-ۋان سى-شيڭ ساۋدا شەكتى سەرىكتەستىگىنىڭ ساتىپ الۋ ديرەكتورى سۇن جيان.
شينجياڭ جيانىڭ «با-سى» زارارسىزداندىرۋ بۇيىمدارى شەكتە سەرىكتەستىگىندە 30 دان استام قىزمەتكەر بار، بازار قاجەتىنە كەپىلدىك ەتۋ ءۇشىن، كاسىپورىن 1 - ايدىڭ 25 - كۇننەن باستاپ 24 ساعات ءوندىرىس جۇرگىزدى، قىزمەتكەرلەر كەزەكتەسىپ قىزمەت ىستەدى.
ۋاڭ ليپيڭنىڭ تانىستىرۋىنا قاراعاندا، قاريدارلاردىڭ قاجەتىنە ساي، 1 - ايدىڭ 23 - كۇننەن باستاپ بىرتىندەپ كوبەيتىپ، 1 - ايدىڭ 24 - كۇنى جانە 25 - كۇنى كاسپورىن ءار كۇنى 800 شاعىن قوراپتى زارارسىزداندىرۋ سۇيىقتىعىن ، 80 - 100 توننا كۇبىلى زارارسىزداندىرۋ سۇيىقتىعىن وندىرگەن.
ءتىلشىنىڭ ءۇرىمجى قالالىق بازاردى باقىلاۋ - باسقارۋ مەكەمەسىنەن ۇعىسۋىنا قاراعاندا، قازىر ۇرىمجىدەگى زارارسىزداندىرۋعا پايدالانىلاتىن بۇيىمداردى ءوندىرۋ كاسىپورىندارى ءوندىرىستى جاپپاي قالىپتا كەلتىرگەن، بازاردىڭ قاجەتىن قاناعاتتاندىرا الادى ەكەن.
