تيانشان تورىنىڭ حابارى (ءتىلشىمىز ۋاڭ جينجيىن) 1 - ايدىڭ 25 - كۇنى، قازىرگى ىندەتتەن ساقتانۋ - تىزگىندەۋ قىزمەتىنىڭ تالابىنا سايكەسۋ، ساياحاتشىلار مەن حالىق بۇقاراسىنىڭ دەنىساۋلىعى جانە ءومىرىنىڭ حاۋىپسىزدىگى ءۇشىن، شينجياڭداعى كوپتەگەن كورىنىس وڭىرلەرى تيجارات جۇرگىزۋدى ۋاقىتشا توقتاتاتىنى تۋرالى حابارلاندىرۋ شىعارىپ، ينتەرنەتتەن الدىن - الا بەلەت ساتىپ العان ساياحاتشىلارعا، اۋەلگى اقشا تولەگەن جەلى بويىنشا اقشانى تولىق قايتارىپ بەرەتىندىكتەرىن جاريالاعان.
ۇعىسۋعا قاراعاندا، ءۇرىمجى اۋدانىنداعى جىبەك جولى حالىقارالىق دەمالىس ءوڭىرى، ءۇرىمجى باي - يۇن حالىقارالىق قار شاڭعى الاڭى جانە التايداعى گەنەرال تاۋى قار شاڭعى الاڭى تۇگەل تيجارات جۇرگىزۋدى توقتاتقان، سونىمەن بىرگە، بەلەت ساتىپ العان ساياحاتشىلارعا بەلەتتى تەگىن قايتارىپ بەرۋگە ۋادە بەرگەن، جىبەك جولى حالىقارالىق دەمالىس ءوڭىرى قارلى ماۋسىم كارتچكاسىن، وقۋشىلار كارتچكاسىن جانە سەرۋەندەۋ كارتچكاسىن ساتىپ العان ساياحاتشىلاردىڭ جابىلعان ۋاقىتقا ساي پايدالانۋ ۋاقىتىن ۇزارتۋىنا بولاتىندىعى جونىندە ۋادە بەرگەن.
ءۇرىمجى تيانشان ۇلكەن اڭعارى كورىنىس ءوڭىرى، شينجياڭ قاناس، قوم، اققابا كورىنىس ءوڭىرى، جانبۇلاق كورىنىس ءوڭىرى، اراتۇرىك توراڭعى ورمانى ەكولوگيالىق كورىنىس ءوڭىرى، سايرام كولى كورىنىس ءوڭىرى، ۋجياچۇي قالاسى چيڭحۋشيەيۋان دەمالىس ورنى تۇگەلدەي 1 - ايدىڭ 24 - ،25 - كۇندەرى ۋاقىتشا جابىلعان، ءارى بارلىق مادەنيەت - ساياحات قيمىلدارىن توقتاتقان، قالىپنا كەلۋ، اشىلۋ ۋاقىتى ايىرىم حابارلاندىرىلادى، جەر - جەردەگى كورىنىس وڭىرلەرى تاعى دا بەلەتكە قىزمەت وتەۋ قىزۋ لەنيالارىن جاريالاپ، ساياحاتشىلاردىڭ بەلەت قايتارۋىنا قولايلىلىق تۋدىرعان. تيانشان بوعدا كولى كورىنىس ءوڭىرى، نارات كورىنىس ءوڭىرى دە ۋاقىتشا جابىلعان.
مۇنان سىرت، ءتىلشىنىڭ تۇرپان قالالىق مادەنيەت، دەنەتاربيە جانە ساياحات مەكەمەسىنەن ۇعىسۋىنا قاراعاندا، جەرگىلىكتى ورىن جوعارى ورىننىڭ ورنالاستىرۋىنا ساي، ۇقىترۋ شىعارىپ، وسى قالاعا قاراستى ءوڭىر ىشىندەگى بارلىق كورىنىس وڭىرلەرىن 1 - ايدىڭ 25 - كۇننەن بۇرىن ۋاقىتشا جاپقان، بەلەت ساتىپ العان جولاۋشىلاردىڭ اقشاسىن تولىق قايتارىپ الۋىنا بولادى.
